ਸਬਰੀਮਾਲਾ ’ਚ ਔਰਤਾਂ ਦੇ ਦਾਖ਼ਲੇ ਦਾ ਮੁੱਦਾ ਮੁੜ ਚਰਚਾ ’ਚ: ਸਾਬਕਾ ਟੀਡੀਬੀ ਪ੍ਰਧਾਨ ਦੇ ਦਾਅਵਿਆਂ ’ਤੇ ਮਚਿਆ ਵਿਵਾਦ

ਤਿਰੁਵਨੰਤਪੁਰਮ (ਪੀਟੀਆਈ) : ਕੇਰਲਮ ਵਿਚ ਸਿਆਸੀ ਤੌਰ ’ਤੇ ਸੰਵੇਦਨਸ਼ੀਲ ਸਬਰੀਮਾਲਾ ’ਚ ਔਰਤਾਂ ਦੇ ਦਾਖ਼ਲੇ ਦਾ ਮੁੱਦਾ ਐਤਵਾਰ ਨੂੰ ਮੁੜ ਚਰਚਾ ਵਿਚ ਆ ਗਿਆ, ਜਦੋਂ ਮੀਡੀਆ ਵਿਚ ਸਾਬਕਾ ਟੀਡੀਬੀ ਪ੍ਰਧਾਨ ਏ. ਪਦਮਕੁਮਾਰ ਵੱਲੋਂ 2019 ਵਿਚ ਮਾਸਿਕ ਧਰਮ ਦੀ ਉਮਰ ਦੀਆਂ ਔਰਤਾਂ ਦੇ ਮੰਦਰ ਵਿਚ ਦਾਖ਼ਲੇ ਨਾਲ ਸੰਬੰਧਿਤ ਘਟਨਾਵਾਂ ਬਾਰੇ ਕਥਿਤ ਜਾਣਕਾਰੀਆਂ ਦੀ ਰਿਪੋਰਟ ਆਈ। ਮੀਡੀਆ ਰਿਪੋਰਟਾਂ ਵਿਚ ਦਾਅਵਾ ਕੀਤਾ ਗਿਆ ਹੈ ਕਿ ਟ੍ਰਾਵਣਕੋਰ ਦੇਵਸਵਮ ਬੋਰਡ (ਟੀਡੀਬੀ) ਦੇ ਉਸ ਸਮੇਂ ਦੇ ਪ੍ਰਧਾਨ ਪਦਮਕੁਮਾਰ ਨੇ ਆਪਣੇ ਕਰੀਬੀ ਸਹਿਯੋਗੀਆਂ ਨੂੰ ਕਿਹਾ ਕਿ ਉਨ੍ਹਾਂ ਨੂੰ ਅਤੇ ਸੀਨੀਅਰ ਪੁਲਿਸ ਅਧਿਕਾਰੀ ਐੱਸ ਸ਼੍ਰੀਜੀਤ ਨੂੰ ਜਾਣਬੁੱਝ ਕੇ ਉਸ ਦਿਨ ਸੰਨੀਧਾਨਮ ਤੋਂ ਦੂਰ ਰੱਖਿਆ ਗਿਆ, ਜਦੋਂ ਦੋ ਔਰਤਾਂ ਸੁਪਰੀਮ ਕੋਰਟ ਦੇ ਫ਼ੈਸਲੇ ਮਗਰੋਂ ਸਬਰੀਮਾਲਾ ਮੰਦਰ ਵਿਚ ਦਾਖ਼ਲ ਹੋਈਆਂ।

ਹਾਲਾਂਕਿ ਸੀਪੀਐੱਮ ਇਸ ਰਿਪੋਰਟ ’ਤੇ ਪ੍ਰਤੀਕਿਰਿਆ ਦੇਣ ’ਚ ਟਾਲਾ ਵੱਟ ਰਹੀ ਹੈ। ਕੇਰਲ ਸੂਬੇ ਦੇ ਸਕੱਤਰ ਐੱਮਵੀ ਗੋਵਿੰਦਨ ਨੇ ਕਿਹਾ ਕਿ ਕਿਸੇ ਵੀ ਸਪੱਸ਼ਟੀਕਰਨ ਦਾ ਆਉਣਾ ਪਦਮਕੁਮਾਰ ਤੋਂ ਹੀ ਹੋਣਾ ਚਾਹੀਦਾ ਹੈ। ਹਾਲਾਂਕਿ ਸੀਪੀਐੱਮ ਦੇ ਸਾਬਕਾ ਵਿਧਾਇਕ ਅਤੇ ਸਬਰੀਮਾਲਾ ਸੋਨਾ ਚੋਰੀ ਦੇ ਮਾਮਲੇ ਵਿਚ ਮੁਲਜ਼ਮ ਪਦਮਕੁਮਾਰ ਨੇ ਦੋਸ਼ ਲਗਾਇਆ ਕਿ ਇਹ ਕਦਮ ਇੱਕ ਬੇਹੱਦ ਰਸੂਖਦਾਰ ਵਿਅਕਤੀ ਵੱਲੋਂ ਰਚਿਆ ਗਿਆ ਸੀ ਜਿਸ ਦਾ ਪਾਰਟੀ ਤੇ ਉਸ ਸਮੇਂ ਦੀ ਖੱਬੇਪੱਖੀ ਸਰਕਾਰ ਵਿਚ ਕਾਫ਼ੀ ਦਬਦਬਾ ਸੀ। ਉਨ੍ਹਾਂ ਕਿਹਾ ਕਿ ਉਨ੍ਹਾਂ ਨੂੰ ਉਸ ਦਿਨ ਸਬਰੀਮਾਲਾ ਯਾਤਰਾ ਤੋਂ ਬਚਣ ਲਈ ਕਿਹਾ ਗਿਆ ਸੀ ਅਤੇ ਇਸ ਦੀ ਬਜਾਏ ਤਿਰੁਵਨੰਤਪੁਰਮ ਜਾਣ ਲਈ ਕਿਹਾ ਗਿਆ ਸੀ।

ਪਦਮਕੁਮਾਰ ਸਬਰੀਮਾਲਾ ਮੰਦਰ ਵਿਚ ਸੋਨਾ ਚੋਰੀ ਦੇ ਮਾਮਲੇ ਵਿਚ ਮੁਲਜ਼ਮ ਬਣਾਏ ਜਾਣ ਤੋਂ ਬਾਅਦ ਪਾਰਟੀ ਤੋਂ ਦੂਰ ਹੋ ਗਏ ਹਨ ਅਤੇ ਜੇਲ੍ਹ ਜਾਣ ਪਿੱਛੋਂ ਜ਼ਮਾਨਤ ’ਤੇ ਰਿਹਾਈ ਵੇਲੇ ਤੋਂ ਮੀਡੀਆ ਨਾਲ ਗੱਲ ਨਹੀਂ ਕੀਤੀ। ਇਹ ਜਾਣਕਾਰੀਆਂ ਉਸ ਸਮੇਂ ਸਾਹਮਣੇ ਆਈਆਂ ਹਨ ਜਦੋਂ ਸੀਪੀਐੱਮ ਨੇ ਸੰਕੇਤ ਦਿੱਤਾ ਕਿ ਸਬਰੀਮਾਲਾ ਸੋਨਾ ਚੋਰੀ ਦੇ ਮਾਮਲੇ ਵਿਚ ਪਦਮਕੁਮਾਰ ਖ਼ਿਲਾਫ਼ ਸੰਗਠਨਾਤਮਕ ਕਾਰਵਾਈ ਕੀਤੀ ਜਾ ਸਕਦੀ ਹੈ। ਜਦੋਂ ਮੀਡੀਆ ਨੇ ਪਾਰਟੀ ਦੀ ਪ੍ਰਤੀਕਿਰਿਆ ਮੰਗੀ ਤਾਂ ਗੋਵਿੰਦਨ ਨੇ ਕਿਹਾ ਕਿ ਮਾਮਲੇ ਬਾਰੇ ਪਦਮਕੁਮਾਰ ਨੂੰ ਖ਼ੁਦ ਸਪੱਸ਼ਟ ਕਰਨਾ ਚਾਹੀਦਾ ਹੈ।

ਗੋਵਿੰਦਨ ਨੇ ਕਿਹਾ, ‘ਜਦੋਂ ਉਹ ਸਬਰੀਮਾਲਾ ਸੋਨਾ ਚੋਰੀ ਦੇ ਮਾਮਲੇ ਵਿਚ ਜੇਲ੍ਹ ਤੋਂ ਬਾਹਰ ਆਏ, ਤਾਂ ਉਨ੍ਹਾਂ ਨੂੰ ਪਾਰਟੀ ਦੀਆਂ ਸਾਰੀਆਂ ਜ਼ਿੰਮੇਵਾਰੀਆਂ ਤੋਂ ਹਟਾ ਦਿੱਤਾ ਗਿਆ।’ ਉਨ੍ਹਾਂ ਕਿਹਾ ਕਿ ਪਦਮਕੁਮਾਰ ਖ਼ਿਲਾਫ਼ ਕਿਸੇ ਵੀ ਸੰਗਠਨਾਤਮਕ ਕਾਰਵਾਈ ਦਾ ਫ਼ੈਸਲਾ ਸੀਪੀਐੱਮ ਦੇ ਪਠਾਨਮਥਿੱਟਾ ਜ਼ਿਲ੍ਹਾ ਸੰਮਤੀ ਵੱਲੋਂ ਲਿਆ ਜਾਵੇਗਾ। ਜ਼ਿਲ੍ਹਾ ਸੰਮਤੀ ਸੰਗਠਨਾਤਮਕ ਕਾਰਵਾਈ ਕਰਨ ਲਈ ਸਮਰੱਥ ਅਥਾਰਟੀ ਹੈ। ਸਬਰੀਮਾਲਾ ਵਿਚ ਔਰਤਾਂ ਦੇ ਦਾਖ਼ਲੇ ਦਾ ਮੁੱਦਾ ਪਿਛਲੇ ਕੁਝ ਸਾਲਾਂ ਵਿਚ ਕੇਰਲਮ ਵਿਚ ਸਭ ਤੋਂ ਵਿਵਾਦਮਈ ਸਿਆਸੀ ਤੇ ਸਮਾਜਿਕ ਵਿਵਾਦਾਂ ਵਿਚੋਂ ਇਕ ਬਣਿਆ ਹੋਇਆ ਹੈ।