ਲੈਫਟੀਨੈਂਟ ਜਨਰਲ ਧੀਰਜ ਸੇਠ ਹੋਣਗੇ ਨਵੇਂ ਫੌਜ ਮੁਖੀ, ਜਨਰਲ ਉਪੇਂਦਰ ਦਿਵੇਦੀ ਦੀ ਲੈਣਗੇ ਥਾਂ

ਡਿਜੀਟਲ ਡੈਸਕ, ਨਵੀਂ ਦਿੱਲੀ: ਭਾਰਤ ਸਰਕਾਰ ਨੇ ਲੈਫਟੀਨੈਂਟ ਜਨਰਲ ਧੀਰਜ ਸੇਠ ਨੂੰ ਅਗਲੇ ਫੌਜ ਮੁਖੀ ਨਿਯੁਕਤ ਕੀਤਾ ਹੈ। ਸੇਠ ਅਜੇ ਉਪ ਫੌਜ ਪ੍ਰਮੁੱਖ ਦੇ ਅਹੁਦੇ 'ਤੇ ਤਾਇਨਾਤ ਹਨ। ਉਹ ਆਰਮੀ ਚੀਫ ਜਨਰਲ ਉਪੇਂਦਰ ਦਿਵੇਦੀ ਦੀ ਜਗ੍ਹਾ ਲੈਣਗੇ।

ਉਪ ਫੌਜ ਪ੍ਰਮੁੱਖ ਧੀਰਜ ਸੇਠ ਕੋਲ ਕਰੀਬ 40 ਸਾਲ ਦਾ ਸੈਨਿਕ ਅਨੁਭਵ ਹੈ। ਉਨ੍ਹਾਂ ਨੇ ਰੇਗਿਸਤਾਨ, ਜੰਮੂ-ਕਸ਼ਮੀਰ ਅਤੇ ਪੱਛਮੀ ਫਰੰਟ (ਮੋਰਚੇ) ਸਮੇਤ ਕਈ ਸੰਵੇਦਨਸ਼ੀਲ ਥਾਵਾਂ 'ਤੇ ਕਮਾਨ ਸੰਭਾਲੀ ਹੈ।

31 ਅਗਸਤ 2028 ਤੱਕ ਰਹੇਗਾ ਕਾਰਜਕਾਲ

ਜਨਰਲ ਦੇ ਸਥਾਈ ਰੈਂਕ ਦੇ ਨਾਲ ਲੈਫਟੀਨੈਂਟ ਜਨਰਲ ਧੀਰਜ ਸੇਠ 30 ਜੂਨ ਨੂੰ ਅਹੁਦਾ ਸੰਭਾਲਣਗੇ। ਉਨ੍ਹਾਂ ਦਾ ਕਾਰਜਕਾਲ 31 ਅਗਸਤ 2028 ਤੱਕ ਰਹੇਗਾ।

40 ਸਾਲ ਦਾ ਫੌਜ ਅਨੁਭਵ

ਧੀਰਜ ਸੇਠ ਦੱਖਣੀ-ਪੱਛਮੀ ਕਮਾਨ ਅਤੇ ਦੱਖਣੀ ਕਮਾਨ ਦੇ ਜੀਓਸੀ-ਇਨ-ਸੀ ਵੀ ਰਹਿ ਚੁੱਕੇ ਹਨ। ਉਹ ਪੱਛਮੀ ਫਰੰਟ (ਮੋਰਚੇ) 'ਤੇ ਦੋ ਆਪ੍ਰੇਸ਼ਨਲ ਕਮਾਨਾਂ ਦੀ ਅਗਵਾਈ ਕਰਨ ਵਾਲੇ ਚੋਣਵੇਂ ਅਧਿਕਾਰੀਆਂ ਵਿੱਚ ਸ਼ਾਮਲ ਹਨ। ਉਨ੍ਹਾਂ ਨੇ ਸੰਯੁਕਤ ਰਾਸ਼ਟਰ ਮਿਸ਼ਨ (ਅੰਗੋਲਾ), ਫੌਜ ਮੁੱਖ ਦਫ਼ਤਰ (ਆਰਮੀ ਹੈੱਡਕੁਆਰਟਰ) ਅਤੇ ਸਮਰੱਥਾ ਵਿਕਾਸ (ਕੈਪੇਸਿਟੀ ਡਿਵੈਲਪਮੈਂਟ) ਨਾਲ ਜੁੜੇ ਕਈ ਅਹਿਮ ਅਹੁਦਿਆਂ 'ਤੇ ਵੀ ਕੰਮ ਕੀਤਾ ਹੈ।