10 ਮਹੀਨਿਆਂ ਦੇ ਮਾਸੂਮ ਨੇ ਬਣਾਇਆ ਵਰਲਡ ਰਿਕਾਰਡ, ਸਿਰਫ਼ 36 ਸੈਕੰਡਾਂ 'ਚ ਚੜ੍ਹ ਗਿਆ 21 ਪੌੜੀਆਂ

ਡਿਜੀਟਲ ਡੈਸਕ, ਬੈਂਗਲੁਰੂ। 10 ਮਹੀਨਿਆਂ ਦੀ ਉਮਰ ਵਿੱਚ ਜ਼ਿਆਦਾਤਰ ਬੱਚੇ ਗੋਡਿਆਂ ਦੇ ਭਾਰ ਚੱਲਣਾ ਜਾਂ ਫਿਰ ਆਪਣਾ ਪਹਿਲਾ ਕਦਮ ਪੁੱਟਣਾ ਸ਼ੁਰੂ ਕਰਦੇ ਹਨ। ਪਰ ਕਰਨਾਟਕ ਦੇ ਵਿਜੈਪੁਰਾ ਵਿੱਚ ਇੱਕ 10 ਮਹੀਨਿਆਂ ਦੇ ਬੱਚੇ ਨੇ ਆਪਣੇ ਨਾਮ ਵਰਲਡ ਰਿਕਾਰਡ ਦਰਜ ਕੀਤਾ ਹੈ।

10 ਮਹੀਨਿਆਂ ਦੇ ਰਿਆਂਸ ਪੱਟਨਸ਼ੈੱਟੀ ਨੇ 36 ਸੈਕੰਡਾਂ ਵਿੱਚ 21 ਪੌੜੀਆਂ ਚੜ੍ਹ ਕੇ ਆਪਣਾ ਨਾਮ 'ਨੋਬਲ ਬੁੱਕ ਆਫ਼ ਵਰਲਡ ਰਿਕਾਰਡਸ' ਵਿੱਚ ਦਰਜ ਕਰਵਾਇਆ ਹੈ। ਰਿਆਂਸ ਦੀ ਇਸ ਸ਼ਾਨਦਾਰ ਪ੍ਰਾਪਤੀ ਦੀ ਬਹੁਤ ਸ਼ਲਾਘਾ ਹੋ ਰਹੀ ਹੈ। ਸੋਸ਼ਲ ਮੀਡੀਆ 'ਤੇ ਲੋਕ ਬੱਚੇ ਦੇ ਇਸ ਕਾਰਨਾਮੇ ਦੀ ਖ਼ੂਬ ਤਾਰੀਫ਼ ਕਰ ਰਹੇ ਹਨ।

ਰਿਆਂਸ ਦੇ ਮਾਤਾ-ਪਿਤਾ ਨੂੰ ਆਪਣੇ ਬੇਟੇ ਦੇ ਇਸ ਅਨੋਖੇ ਹੁਨਰ ਬਾਰੇ ਉਦੋਂ ਪਤਾ ਲੱਗਿਆ ਜਦੋਂ ਉਸਨੇ ਘਰ ਦੀਆਂ ਪੌੜੀਆਂ ਬੜੀ ਆਸਾਨੀ ਨਾਲ ਚੜ੍ਹ ਲਈਆਂ। ਮਾਂ ਤੋਂ ਮਿਲੇ ਉਤਸ਼ਾਹ ਤੋਂ ਬਾਅਦ ਰਿਆਂਸ ਨੇ ਜਲਦ ਹੀ ਇੱਕ ਫੁੱਟ ਉੱਚੀ ਪੌੜੀ ਨੂੰ ਤੇਜ਼ ਰਫ਼ਤਾਰ ਅਤੇ ਵਧੀਆ ਤਾਲਮੇਲ ਨਾਲ ਚੜ੍ਹਨਾ ਸਿੱਖ ਲਿਆ।

ਬੇਟੇ ਦੀ ਇਸ ਅਸਾਧਾਰਨ ਕਾਬਲੀਅਤ ਨੂੰ ਦੇਖਦੇ ਹੋਏ ਮਾਤਾ-ਪਿਤਾ ਨੇ ਉਸ ਦੇ ਇਸ ਕਾਰਨਾਮੇ ਨੂੰ ਰਿਕਾਰਡ ਕੀਤਾ ਅਤੇ ਵੀਡੀਓ ਤੇ ਜ਼ਰੂਰੀ ਦਸਤਾਵੇਜ਼ ਰਿਕਾਰਡ ਅਧਿਕਾਰੀਆਂ ਨੂੰ ਸੌਂਪ ਦਿੱਤੇ। ਜਾਂਚ ਤੋਂ ਬਾਅਦ, ਅਧਿਕਾਰੀਆਂ ਨੇ ਰਿਆਂਸ ਦੀ ਇਸ ਪ੍ਰਾਪਤੀ ਨੂੰ ਮਾਨਤਾ ਦਿੱਤੀ ਅਤੇ ਉਸ ਨੂੰ ਵਰਲਡ ਰਿਕਾਰਡ ਦਾ ਸਰਟੀਫਿਕੇਟ ਦਿੱਤਾ।

ਮਾਸੂਮ ਰਿਆਂਸ ਦੀ ਇਸ ਸ਼ਾਨਦਾਰ ਅਤੇ ਅਸਾਧਾਰਨ ਪ੍ਰਾਪਤੀ ਤੋਂ ਪਰਿਵਾਰ ਬੇਹਢ ਖ਼ੁਸ਼ ਹੈ। ਉੱਥੇ ਹੀ ਕਰਨਾਟਕ ਦੇ ਮੁੱਖ ਮੰਤਰੀ ਡੀ.ਕੇ. ਸ਼ਿਵਕੁਮਾਰ ਨੇ ਰਿਆਂਸ ਨੂੰ ਇਸ ਮਾਣਮੱਤੀ ਪ੍ਰਾਪਤੀ ਲਈ ਵਧਾਈ ਦਿੱਤੀ ਹੈ।