ਦੋਸਤੀ ਦਾ ਅਲਟੀਮੇਟ ਟੈਸਟ: ਕੀ ਤੁਹਾਡਾ ਬੈਸਟ ਫ੍ਰੈਂਡ ਤੁਹਾਨੂੰ ਸੱਚਮੁੱਚ ਜਾਣਦਾ ਹੈ? ਪੁੱਛੋ ਇਹ 10 ਮਜ਼ੇਦਾਰ ਸਵਾਲ

ਲਾਇਫਸਟਾਈਲ ਡੈਸਕ, ਨਵੀਂ ਦਿੱਲੀ: ਦੋਸਤੀ ਸਾਡੀ ਜ਼ਿੰਦਗੀ ਦੇ ਸਭ ਤੋਂ ਖ਼ੂਬਸੂਰਤ ਰਿਸ਼ਤਿਆਂ 'ਚੋਂ ਇਕ ਹੁੰਦੀ ਹੈ। ਸਾਡੇ ਸਾਰਿਆਂ ਦੀ ਜ਼ਿੰਦਗੀ ਵਿਚ ਇੱਕ ਦੋਸਤ ਤਾਂ ਹੁੰਦਾ ਹੀ ਹੈ, ਜਿਸ ਨੂੰ ਸਾਡੀ ਜ਼ਿੰਦਗੀ ਨਾਲ ਜੁੜੀ ਹਰ ਛੋਟੀ-ਵੱਡੀ ਗੱਲ ਪਤਾ ਹੁੰਦੀ ਹੈ, ਜਿਸ ਨਾਲ ਅਸੀਂ ਆਪਣੀਆਂ ਪਰੇਸ਼ਾਨੀਆਂ ਵੰਡਦੇ ਹਾਂ ਜਾਂ ਸਿਰਫ਼ ਸਕੂਨ ਨਾਲ ਬੈਠ ਕੇ ਇੱਕ-ਦੂਜੇ ਦੀ ਕੰਪਨੀ ਇੰਜੋਏ ਕਰਦੇ ਹਾਂ।

ਪਰ ਕੀ ਤੁਸੀਂ ਕਦੇ ਇਹ ਸੋਚਿਆ ਹੈ ਕਿ ਤੁਹਾਡਾ ਇਹ ਬੈਸਟ ਫ੍ਰੈਂਡ ਤੁਹਾਨੂੰ ਅਸਲ ਵਿਚ ਕਿੰਨੀ ਚੰਗੀ ਤਰ੍ਹਾਂ ਜਾਣਦਾ ਹੈ? ਇਸ ਬਾਰੇ ਜਾਣਨ ਲਈ ਤੁਸੀਂ ਇਸ ਫ੍ਰੈਂਡਸ਼ਿਪ ਡੇਅ 'ਤੇ ਆਪਣੇ ਬੈਸਟ ਫ੍ਰੈਂਡ ਨਾਲ ਇਕ ਮਜ਼ੇਦਾਰ ਕੁਇਜ਼ ਖੇਡ ਸਕਦੇ ਹੋ। ਇਸ ਕੁਇਜ਼ ਵਿਚ ਤੁਸੀਂ ਉਨ੍ਹਾਂ ਤੋਂ ਕੁਝ ਅਜਿਹੇ ਸਵਾਲ ਪੁੱਛ ਸਕਦੇ ਹੋ, ਜੋ ਮਜ਼ੇਦਾਰ ਵੀ ਹਨ ਅਤੇ ਤੁਹਾਡੀ ਦੋਸਤੀ ਨੂੰ ਹੋਰ ਵੀ ਮਜ਼ਬੂਤ ਕਰਨਗੇ।

ਕਿਵੇਂ ਖੇਡੀਏ ਇਹ ਮਜ਼ੇਦਾਰ ਗੇਮ?

ਹਰ ਸਹੀ ਜਵਾਬ ਲਈ ਆਪਣੇ ਦੋਸਤ ਨੂੰ 1 ਪੁਆਇੰਟ ਦਿਓ।

ਜੇਕਰ ਜਵਾਬ ਅੱਧਾ ਸਹੀ ਹੈ, ਤਾਂ ਤੁਸੀਂ 0.5 ਪੁਆਇੰਟ ਦੇ ਸਕਦੇ ਹੋ।

ਗੇਮ ਦੇ ਅੰਤ 'ਚ ਦੇਖੋ ਕਿ ਤੁਹਾਡੇ ਦੋਸਤ ਦਾ ਸਕੋਰ 10 'ਚੋਂ ਕਿੰਨਾ ਆਉਂਦਾ ਹੈ।

ਦੋਸਤੀ ਦੇ ਟੈਸਟ ਲਈ ਦਿਲਚਸਪ ਸਵਾਲ

ਸਵਾਲ-1: ਮੈਨੂੰ ਸਭ ਤੋਂ ਜ਼ਿਆਦਾ ਡਰ ਕਿਸ ਚੀਜ਼ ਤੋਂ ਲੱਗਦਾ ਹੈ?

(ਹਰ ਕਿਸੇ ਨੂੰ ਕਿਸੇ ਨਾ ਕਿਸੇ ਚੀਜ਼ ਤੋਂ ਡਰ ਲੱਗਦਾ ਹੀ ਹੈ, ਚਾਹੇ ਕਿਰਲੀ ਹੋਵੇ, ਪਾਣੀ, ਉੱਚਾਈ, ਪੰਛੀ ਜਾਂ ਕੋਈ ਹੋਰ ਚੀਜ਼। ਇਸ ਸਵਾਲ ਨਾਲ ਤੁਸੀਂ ਜਾਣ ਸਕਦੇ ਹੋ ਕਿ ਤੁਹਾਡਾ ਦੋਸਤ ਤੁਹਾਡੇ ਸਭ ਤੋਂ ਵੱਡੇ ਡਰ ਬਾਰੇ ਜਾਣਦਾ ਹੈ ਜਾਂ ਨਹੀਂ।)

ਸਵਾਲ-2: ਜੇਕਰ ਮੈਨੂੰ ਪੂਰੀ ਜ਼ਿੰਦਗੀ ਵਿਚ ਸਿਰਫ਼ ਇੱਕੋ ਡਿਸ਼ ਖਾਣੀ ਹੋਵੇ, ਤਾਂ ਉਹ ਕੀ ਹੋਵੇਗੀ?

(ਜੇਕਰ ਤੁਸੀਂ ਖਾਣ ਦੇ ਸ਼ੌਕੀਨ ਹੋ, ਤਾਂ ਇਹ ਕਾਫ਼ੀ ਜ਼ਰੂਰੀ ਸਵਾਲ ਹੈ। ਕੀ ਤੁਹਾਡੇ ਦੋਸਤ ਨੂੰ ਤੁਹਾਡੀ ਫੇਵਰੇਟ ਡਿਸ਼ ਯਾਦ ਹੈ, ਜਿਸ ਤੋਂ ਬਿਨਾਂ ਤੁਸੀਂ ਰਹਿ ਨਹੀਂ ਸਕਦੇ।)

ਸਵਾਲ-3: ਮੇਰਾ ਕੰਫਰਟ ਵਾਚ (ਕੰਫਰਟ ਫਿਲਮ/ਸ਼ੋਅ) ਕੌਣ-ਜਿਹਾ ਹੈ?

(ਜਦੋਂ ਤੁਸੀਂ ਉਦਾਸ ਹੁੰਦੇ ਹੋ ਜਾਂ ਬੱਸ ਬੋਰ ਹੋ ਰਹੇ ਹੁੰਦੇ ਹੋ ਤਾਂ ਤੁਸੀਂ ਕਿਹੜੀ ਫਿਲਮ ਜਾਂ ਵੈੱਬ ਸੀਰੀਜ਼ ਦੇਖਣਾ ਪਸੰਦ ਕਰਦੇ ਹੋ। ਹੋ ਸਕਦਾ ਹੈ ਤੁਸੀਂ ਆਪਣੇ ਬੈਸਟ ਫ੍ਰੈਂਡ ਨਾਲ ਮਿਲ ਕੇ ਇਸ ਨੂੰ ਕਈ ਵਾਰ ਦੇਖਿਆ ਵੀ ਹੋਵੇਗਾ।)

ਸਵਾਲ-4: ਮੇਰੀ ਜ਼ਿੰਦਗੀ ਦਾ ਸਭ ਤੋਂ ਸ਼ਰਮਨਾਕ ਪਲ ਕਿਹੜਾ ਸੀ?

(ਬੈਸਟ ਫ੍ਰੈਂਡਜ਼ ਅਕਸਰ ਤੁਹਾਡੇ ਸਭ ਤੋਂ ਸ਼ਰਮਨਾਕ ਪਲਾਂ ਦੇ ਗਵਾਹ ਹੁੰਦੇ ਹਨ ਤੇ ਬਾਅਦ 'ਚ ਤੁਹਾਨੂੰ ਉਸੇ ਗੱਲ ਤੋਂ ਚਿੜ੍ਹਾਉਂਦੇ ਵੀ ਹਨ। ਇਸ ਸਵਾਲ ਨਾਲ ਉਨ੍ਹਾਂ ਪਲਾਂ ਦੀ ਲਿਸਟ ਮਿਲ ਜਾਵੇਗੀ, ਜਦੋਂ ਤੁਹਾਡੇ ਬੈਸਟ ਫ੍ਰੈਂਡ ਨੇ ਤੁਹਾਨੂੰ ਸ਼ਰਮਿੰਦਾ ਹੁੰਦੇ ਹੋਏ ਦੇਖਿਆ।)

ਸਵਾਲ-5: ਮੈਨੂੰ ਸਭ ਤੋਂ ਜ਼ਿਆਦਾ ਕਿਸ ਗੱਲ ਤੋਂ ਚਿੜ੍ਹ ਹੁੰਦੀ ਹੈ?

(ਅਕਸਰ ਬੈਸਟ ਫ੍ਰੈਂਡਜ਼ ਨੂੰ ਤੁਹਾਡੇ 'ਪੈਟ ਪੀਵਜ਼' (Pet Peeves) ਬਾਰੇ ਪਤਾ ਹੁੰਦਾ ਹੈ। ਚਬਾਉਂਦੇ ਸਮੇਂ ਜ਼ੋਰ-ਜ਼ੋਰ ਨਾਲ ਆਵਾਜ਼ ਕਰਨਾ, ਝੂਠ ਬੋਲਣਾ ਜਾਂ ਕੁਝ ਵੀ ਜਿਸ ਨਾਲ ਤੁਹਾਨੂੰ ਚਿੜ ਹੁੰਦੀ ਹੈ ਜਾਂ ਗੁੱਸਾ ਆਉਂਦਾ ਹੈ।)

ਸਵਾਲ-6: ਮੇਰਾ ਡ੍ਰੀਮ ਹੌਲੀਡੇ ਡੈਸਟੀਨੇਸ਼ਨ ਕੀ ਹੈ?

(ਕੋਈ ਹਿੱਲ ਸਟੇਸ਼ਨ, ਕੋਈ ਵਿਦੇਸ਼ੀ ਦੇਸ਼ ਜਾਂ ਕੋਈ ਵੀ ਜਗ੍ਹਾ ਜਿੱਥੇ ਤੁਸੀਂ ਵੇਕੇਸ਼ਨ ਲਈ ਜਾਣਾ ਚਾਹੁੰਦੇ ਹੋ। ਅਕਸਰ ਅਸੀਂ ਆਪਣੇ ਡ੍ਰੀਮ ਹੌਲੀਡੇ ਦੀ ਪਲੈਨਿੰਗ ਆਪਣੇ ਦੋਸਤਾਂ ਨਾਲ ਕਰਦੇ ਹਾਂ, ਤਾਂ ਹੋ ਸਕਦਾ ਹੈ ਕਿ ਤੁਹਾਡੇ ਬੈਸਟ ਫ੍ਰੈਂਡ ਨੂੰ ਇਹ ਜਗ੍ਹਾ ਯਾਦ ਹੋਵੇ।)

ਸਵਾਲ-7: ਮੇਰੀ ਇੱਕ ਅਜੀਬ ਆਦਤ, ਜੋ ਘੱਟ ਲੋਕਾਂ ਨੂੰ ਹੀ ਪਤਾ ਹੈ?

(ਸਾਡੀਆਂ ਕੁਝ ਅਜਿਹੀਆਂ ਆਦਤਾਂ ਹੁੰਦੀਆਂ ਹਨ, ਜੋ ਅਸੀਂ ਬਾਕੀ ਦੁਨੀਆ ਤੋਂ ਛੁਪਾ ਕੇ ਰੱਖਣਾ ਚਾਹੁੰਦੇ ਹਾਂ, ਪਰ ਸਾਡੇ ਬੈਸਟ ਫ੍ਰੈਂਡ ਨੂੰ ਉਨ੍ਹਾਂ ਬਾਰੇ ਪਤਾ ਹੁੰਦਾ ਹੈ।)

ਸਵਾਲ-8: ਜੇਕਰ ਮੈਂ ਕਿਸੇ ਮੁਸੀਬਤ 'ਚ ਹੋਵਾਂ ਤਾਂ ਸਭ ਤੋਂ ਪਹਿਲਾਂ ਕਿਸ ਨੂੰ ਕਾਲ ਕਰਾਂਗਾ?

(ਹੋ ਸਕਦਾ ਹੈ ਇਸ ਦੇ ਜਵਾਬ ਵਿੱਚ ਉਹ ਆਪਣਾ ਨਾਮ ਲਵੇ ਜਾਂ ਕਿਸੇ ਅਜਿਹੇ ਵਿਅਕਤੀ ਦਾ ਜਿਸ ਨਾਲ ਤੁਹਾਡੀ ਬਹੁਤ ਚੰਗੀ ਬਾਂਡਿੰਗ ਹੈ।)

ਸਵਾਲ-9: ਮੈਂ ਬਚਪਨ 'ਚ ਵੱਡੇ ਹੋ ਕੇ ਕੀ ਬਣਨਾ ਚਾਹੁੰਦਾ ਸੀ?

(ਵੱਡੇ ਹੋ ਕੇ ਡਾਕਟਰ ਬਣਨਾ, ਐਸਟ੍ਰੋਨਾਟ, ਗੋਲ-ਗੱਪਿਆਂ ਦੀ ਦੁਕਾਨ ਲਗਾਉਣਾ ਜਾਂ ਕੁਝ ਹੋਰ। ਬਚਪਨ ਦੀਆਂ ਅਜਿਹੀਆਂ ਖ਼ਵਾਹਿਸ਼ਾਂ ਅਸੀਂ ਅਕਸਰ ਆਪਣੇ ਦੋਸਤ ਨਾਲ ਸ਼ੇਅਰ ਕਰਦੇ ਹਾਂ।)

ਸਵਾਲ-10: ਮੇਰੀ ਸਭ ਤੋਂ ਬੈਸਟ ਮੈਮੋਰੀ ਕਿਹੜੀ ਹੈ?

(ਅਕਸਰ ਅਸੀਂ ਆਪਣੇ ਸਭ ਤੋਂ ਖ਼ੂਬਸੂਰਤ ਪਲਾਂ ਨੂੰ ਆਪਣੇ ਬੈਸਟ ਫ੍ਰੈਂਡ ਨਾਲ ਸ਼ੇਅਰ ਕਰਦੇ ਹਾਂ। ਇਸ ਨਾਲ ਤੁਹਾਨੂੰ ਉਹ ਖ਼ੂਬਸੂਰਤ ਪਲ ਯਾਦ ਆਉਣਗੇ, ਜੋ ਤੁਸੀਂ ਆਪਣੇ ਦੋਸਤ ਨਾਲ ਬਿਤਾਏ ਹਨ।)