ਬਾਹਰੋਂ ਕਰਿਸਪੀ, ਅੰਦਰੋਂ ਨਰਮ! ਘਰ ’ਚ ਇਸ ਆਸਾਨ ਰੈਸਿਪੀ ਨਾਲ ਬਣਾਓ ਕੈਫੇ ਸਟਾਈਲ ‘ਪਨੀਰ ਚੀਜ਼ ਬਾਲਜ਼’

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ। ਸ਼ਾਮ ਦੀ ਚਾਹ ਨਾਲ ਸਨੈਕ ਹੋਵੇ, ਪਾਰਟੀ ਲਈ ਸਟਾਰਟਰ ਹੋਵੇ ਜਾਂ ਬੱਚਿਆਂ ਲਈ ਸੁਆਦਿਸ਼ਟ ਨਾਸ਼ਤਾ—ਪਨੀਰ ਚੀਜ਼ ਬਾਲਜ਼ ਹਰ ਮੌਕੇ ਲਈ ਪਰਫੈਕਟ ਹਨ। ਬਾਹਰੋਂ ਕਰਿਸਪੀ ਅਤੇ ਅੰਦਰੋਂ ਪਿਘਲੀ ਹੋਈ ਚੀਜ਼ ਤੇ ਨਰਮ ਪਨੀਰ ਦਾ ਸੁਆਦ ਇਸ ਸਨੈਕ ਨੂੰ ਬੇਹੱਦ ਲਾਜਵਾਬ ਬਣਾ ਦਿੰਦਾ ਹੈ। ਆਓ ਜਾਣਦੇ ਹਾਂ ਸਨੈਕ ਲਈ ਪਨੀਰ ਚੀਜ਼ ਬਾਲਜ਼ ਬਣਾਉਣ ਦੀ ਰੈਸਿਪੀ।

ਪਨੀਰ ਚੀਜ਼ ਬਾਲਜ਼ ਬਣਾਉਣ ਲਈ ਸਮੱਗਰੀ:

ਉਬਲੇ ਹੋਏ ਆਲੂ – 2

ਪਨੀਰ – 1 ਕੱਪ

ਮੋਜ਼ਰੇਲਾ ਚੀਜ਼ – 1/2 ਕੱਪ

ਹਰੀ ਮਿਰਚ – 1-2

ਸ਼ਿਮਲਾ ਮਿਰਚ – 2 ਚਮਚ

ਕਾਲੀ ਮਿਰਚ ਪਾਊਡਰ – 1/2 ਛੋਟਾ ਚਮਚ

ਓਰਿਗੈਨੋ ਅਤੇ ਚਿਲੀ ਫਲੇਕਸ – 1 ਛੋਟਾ ਚਮਚ

ਨਮਕ – ਸੁਆਦ ਅਨੁਸਾਰ

ਕੌਰਨਫਲੋਰ – 3 ਚਮਚ

ਮੈਦਾ – 2 ਚਮਚ

ਬ੍ਰੈਡ ਕਰੰਬਸ – 1 ਕੱਪ

ਹਰਾ ਧਨੀਆ – 2 ਚਮਚ

ਤੇਲ – ਤਲਣ ਲਈ

ਪਨੀਰ ਚੀਜ਼ ਬਾਲਜ਼ ਬਣਾਉਣ ਦੀ ਵਿਧੀ:

1. ਸਭ ਤੋਂ ਪਹਿਲਾਂ ਇੱਕ ਮਿਕਸਿੰਗ ਬਾਊਲ ਵਿੱਚ ਮੈਸ਼ ਕੀਤੇ ਹੋਏ ਆਲੂ, ਕੱਦੂਕਸ ਕੀਤਾ ਹੋਇਆ ਪਨੀਰ, ਬਰੀਕ ਕੱਟੀ ਸ਼ਿਮਲਾ ਮਿਰਚ ਅਤੇ ਹਰਾ ਧਨੀਆ ਪਾ ਕੇ ਚੰਗੀ ਤਰ੍ਹਾਂ ਮਿਲਾਓ।

2. ਹੁਣ ਇਸ ਵਿੱਚ ਕਾਲੀ ਮਿਰਚ ਪਾਊਡਰ, ਓਰਿਗੈਨੋ, ਚਿਲੀ ਫਲੇਕਸ ਅਤੇ ਸੁਆਦ ਅਨੁਸਾਰ ਨਮਕ ਮਿਲਾਓ। ਇਸ ਦੇ ਨਾਲ ਬਾਈਂਡਿੰਗ ਲਈ ਇੱਕ ਚਮਚ ਕੌਰਨਫਲੋਰ ਵੀ ਪਾਓ।

3. ਸਾਰੀਆਂ ਸਮੱਗਰੀਆਂ ਨੂੰ ਆਟੇ ਵਾਂਗ ਚੰਗੀ ਤਰ੍ਹਾਂ ਮਿਲਾ ਕੇ ਇੱਕਠਾ ਕਰ ਲਓ।

4. ਹੁਣ ਹੱਥਾਂ ’ਤੇ ਥੋੜ੍ਹਾ ਜਿਹਾ ਤੇਲ ਲਗਾਓ ਅਤੇ ਤਿਆਰ ਕੀਤੇ ਮਿਸ਼ਰਣ ਤੋਂ ਛੋਟੇ-ਛੋਟੇ ਬਾਲਜ਼ ਬਣਾਓ। ਇਨ੍ਹਾਂ ਦੇ ਵਿਚਕਾਰ ਉਂਗਲੀ ਨਾਲ ਥੋੜ੍ਹਾ ਜਿਹਾ ਗੱਡਾ ਬਣਾਓ। ਇਸ ਵਿੱਚ ਚੀਜ਼ ਰੱਖ ਕੇ ਚਾਰੇ ਪਾਸਿਆਂ ਤੋਂ ਚੰਗੀ ਤਰ੍ਹਾਂ ਸੀਲ ਕਰ ਦਿਓ ਅਤੇ ਮੁੜ ਬਾਲ ਦਾ ਆਕਾਰ ਦੇ ਦਿਓ।

5. ਹੁਣ ਇੱਕ ਹੋਰ ਬਾਊਲ ਵਿੱਚ ਮੈਦਾ, ਦੋ ਚਮਚ ਕੌਰਨਫਲੋਰ ਅਤੇ ਥੋੜ੍ਹਾ ਜਿਹਾ ਪਾਣੀ ਮਿਲਾ ਕੇ ਪਤਲਾ ਘੋਲ ਤਿਆਰ ਕਰੋ। ਹਰ ਪਨੀਰ ਚੀਜ਼ ਬਾਲ ਨੂੰ ਪਹਿਲਾਂ ਇਸ ਘੋਲ ਵਿੱਚ ਡੁਬੋਵੋ ਅਤੇ ਫਿਰ ਬ੍ਰੈਡ ਕਰੰਬਸ ਵਾਲੀ ਪਲੇਟ ਵਿੱਚ ਰੱਖ ਕੇ ਚਾਰੇ ਪਾਸਿਆਂ ਤੋਂ ਚੰਗੀ ਤਰ੍ਹਾਂ ਕੋਟ ਕਰ ਲਓ।

6. ਇਸ ਤੋਂ ਬਾਅਦ ਇੱਕ ਕੜਾਹੀ ਵਿੱਚ ਮੱਧਮ ਅੱਗ ’ਤੇ ਤੇਲ ਗਰਮ ਕਰੋ ਅਤੇ ਇੱਕ-ਇੱਕ ਕਰਕੇ ਚੀਜ਼ ਬਾਲਜ਼ ਇਸ ਵਿੱਚ ਪਾਓ। ਅੱਗ ਨੂੰ ਮੱਧਮ ਹੀ ਰੱਖੋ ਅਤੇ ਬਾਲਜ਼ ਨੂੰ ਪਲਟ-ਪਲਟ ਕੇ ਸੁਨਹਿਰੇ ਭੂਰੇ ਹੋਣ ਤੱਕ ਤਲੋ।

7. ਜਦੋਂ ਚੀਜ਼ ਬਾਲਜ਼ ਚੰਗੀ ਤਰ੍ਹਾਂ ਤਲ ਜਾਣ ਤਾਂ ਇਨ੍ਹਾਂ ਨੂੰ ਕੱਢ ਕੇ ਟਿਸ਼ੂ ਪੇਪਰ ’ਤੇ ਰੱਖੋ, ਤਾਂ ਜੋ ਵਾਧੂ ਤੇਲ ਨਿਕਲ ਜਾਵੇ।

8. ਗਰਮਾ-ਗਰਮ ਪਨੀਰ ਚੀਜ਼ ਬਾਲਜ਼ ਨੂੰ ਟਮਾਟਰ ਕੇਚਪ ਨਾਲ ਸਰਵ ਕਰੋ।