- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਯਾਦ ਹੈ Bonne ਦੀ ਬੋਤਲ, ਜਿਸ 'ਚ ਤੁਸੀਂ ਵੀ ਪੀਤਾ ਹੋਵੇਗਾ ਦੁੱਧ! 63 ਸਾਲ ਪਹਿਲਾਂ ਦਿੱਲੀ ਤੋਂ ਹੋਈ ਸੀ ਸ਼ੁਰੂਆਤ, ਅੱਜ ਅਫ਼ਰੀਕਾ ਤੋਂ ਯੂਰਪ ਤੱਕ ਸਪਲਾਈ
Bonne ਨੇ ਸਮੇਂ ਦੇ ਨਾਲ ਆਪਣੇ ਕਾਰੋਬਾਰ ਦਾ ਵਿਸਥਾਰ ਕੀਤਾ। 1991 ਅਤੇ 1994 ਦੌਰਾਨ ਕਾਰਪੋਰੇਟ ਪੱਧਰ 'ਤੇ Bonny ਅਤੇ Bonny Baby Care Private Limited ਨੂੰ ਰਜਿਸਟਰ ਕਰਵਾ ਕੇ ਨੋਇਡਾ (ਉੱਤਰ ਪ੍ਰਦੇਸ਼) 'ਚ ਅਤਿ-ਆਧੁਨਿਕ ਨਿਰਮਾਣ ਇਕਾਈਆਂ ਸਥਾਪਤ ਕੀਤੀਆਂ ਗਈਆਂ।
Posted By Seema Anand
Publish Date: Tue, 27 Oct 2026 04:09 PM (IST)
Updated Date: Tue, 27 Oct 2026 04:12 PM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : ਤੁਸੀਂ ਭਾਰਤੀ ਘਰਾਂ 'ਚ ਇੱਕ ਖ਼ਾਸ ਤਰ੍ਹਾਂ ਦੀ ਬੋਤਲ ਜ਼ਰੂਰ ਦੇਖੀ ਹੋਵੇਗੀ। ਇਹ ਉਹੀ ਬੋਤਲ ਹੈ, ਜਿਸ ਨਾਲ ਛੋਟੇ ਬੱਚਿਆਂ ਨੂੰ ਦੁੱਧ ਪਿਲਾਇਆ ਜਾਂਦਾ ਹੈ। ਇਸ ਬੋਤਲ 'ਤੇ ਤੁਸੀਂ ਹਮੇਸ਼ਾ ਇੱਕ ਹੀ ਨਾਂ ਦੇਖਿਆ ਹੋਵੇਗਾ—Bonne। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਆਖ਼ਰ ਇਹ ਬੋਤਲ ਬਣਾਉਣ ਦੀ ਸ਼ੁਰੂਆਤ ਕਿਸ ਕੰਪਨੀ ਨੇ ਕੀਤੀ ਸੀ? ਆਓ, ਤੁਹਾਨੂੰ ਦੱਸਦੇ ਹਾਂ।
1963 'ਚ ਹੋਈ ਸੀ ਸ਼ੁਰੂਆਤ
ਭਾਰਤ 'ਚ ‘Bonne’ ਨਾਂ ਹੇਠ ਬੱਚਿਆਂ ਨੂੰ ਦੁੱਧ ਪਿਲਾਉਣ ਵਾਲੀਆਂ ਬੋਤਲਾਂ (Baby Feeding Bottle) ਅਤੇ ਬੇਬੀ ਕੇਅਰ ਉਤਪਾਦ ਬਣਾਉਣ ਵਾਲੀ ਕੰਪਨੀ ਦਾ ਸਬੰਧ Bonne International ਨਾਲ ਹੈ। ਬੋਨ ਇੰਟਰਨੈਸ਼ਨਲ ਦੀ ਸਥਾਪਨਾ 1963 'ਚ ਇੱਕ ਸਧਾਰਨ ਮਕਸਦ ਨਾਲ ਕੀਤੀ ਗਈ ਸੀ—ਅਜਿਹੇ ਸ਼ਿਸ਼ੂ ਉਤਪਾਦ ਬਣਾਉਣਾ, ਜਿਨ੍ਹਾਂ 'ਚ ਸੁਰੱਖਿਆ, ਵਰਤੋਂ ਦੀ ਸਹੂਲਤ ਅਤੇ ਸੁੰਦਰ ਡਿਜ਼ਾਈਨ ਦਾ ਸੁਮੇਲ ਹੋਵੇ।
ਇੱਕ ਛੋਟੇ ਜਿਹੇ ਕਾਰੋਬਾਰ ਵਜੋਂ ਸ਼ੁਰੂ ਹੋਇਆ ਇਹ ਸਫ਼ਰ ਹੁਣ ਇੱਕ ਗਲੋਬਲ ਨਿਰਮਾਤਾ ਕੰਪਨੀ ਤੱਕ ਪਹੁੰਚ ਗਿਆ ਹੈ, ਜਿਸ ਦੇ ਉਤਪਾਦ 30 ਤੋਂ ਵੱਧ ਦੇਸ਼ਾਂ 'ਚ ਵੰਡੇ ਜਾਂਦੇ ਹਨ।
ਕੌਣ ਹਨ ਕੰਪਨੀ ਦੇ ਸੰਸਥਾਪਕ?
ਇਸ ਕੰਪਨੀ ਦੀ ਨੀਂਹ ਅਨੇਜਾ ਪਰਿਵਾਰ (ਸੁਭਾਸ਼ ਅਨੇਜਾ ਅਤੇ ਪੀ. ਅਨੇਜਾ) ਨੇ ਰੱਖੀ ਸੀ। ਮੌਜੂਦਾ ਸਮੇਂ 'ਚ ਗੌਰਵ ਅਨੇਜਾ ਅਤੇ ਹਿਮਾਂਸ਼ੂ ਅਨੇਜਾ ਇਸ ਦੀ ਅਗਵਾਈ ਕਰ ਰਹੇ ਹਨ। ਇਸ ਬ੍ਰਾਂਡ ਦੀ ਸ਼ੁਰੂਆਤ ਸਾਲ 1963 'ਚ ਨਵੀਂ ਦਿੱਲੀ ਤੋਂ ਹੋਈ ਸੀ।
ਇਤਿਹਾਸ ਤੇ ਵਿਕਾਸ ਦਾ ਸਫ਼ਰ
ਕੰਪਨੀ ਨੇ ਬਹੁਤ ਛੋਟੇ ਪੱਧਰ 'ਤੇ ਲੈਟੇਕਸ ਨਿੱਪਲਾਂ (Latex Nipples) ਅਤੇ ਦੁੱਧ ਪਿਲਾਉਣ ਵਾਲੀਆਂ ਕੱਚ ਦੀਆਂ ਬੋਤਲਾਂ ਬਣਾਉਣੀਆਂ ਸ਼ੁਰੂ ਕੀਤੀਆਂ ਸਨ। ਸ਼ੁਰੂਆਤ 'ਚ ਕੰਪਨੀ ਦਾ ਮੁੱਖ ਧਿਆਨ ਬਰਾਮਦ (Export) ਬਾਜ਼ਾਰ 'ਤੇ ਸੀ। ਬਾਅਦ 'ਚ ਇਹ ਭਾਰਤ 'ਚ ਬੱਚਿਆਂ ਦੀ ਦੇਖਭਾਲ ਅਤੇ ਫੀਡਿੰਗ ਬੋਤਲਾਂ ਬਣਾਉਣ ਵਾਲੀਆਂ ਸ਼ੁਰੂਆਤੀ ਘਰੇਲੂ ਕੰਪਨੀਆਂ 'ਚੋਂ ਇੱਕ ਬਣ ਗਈ।
ਵਿਸਥਾਰ ਤੇ ਆਧੁਨਿਕੀਕਰਨ (1991-1994)
Bonne ਨੇ ਸਮੇਂ ਦੇ ਨਾਲ ਆਪਣੇ ਕਾਰੋਬਾਰ ਦਾ ਵਿਸਥਾਰ ਕੀਤਾ। 1991 ਅਤੇ 1994 ਦੌਰਾਨ ਕਾਰਪੋਰੇਟ ਪੱਧਰ 'ਤੇ Bonny ਅਤੇ Bonny Baby Care Private Limited ਨੂੰ ਰਜਿਸਟਰ ਕਰਵਾ ਕੇ ਨੋਇਡਾ (ਉੱਤਰ ਪ੍ਰਦੇਸ਼) 'ਚ ਅਤਿ-ਆਧੁਨਿਕ ਨਿਰਮਾਣ ਇਕਾਈਆਂ ਸਥਾਪਤ ਕੀਤੀਆਂ ਗਈਆਂ।
ਇਸ ਤੋਂ ਬਾਅਦ ਕੰਪਨੀ ਨੇ ਜਰਮਨ ਮਸ਼ੀਨਾਂ ਦੀ ਮਦਦ ਨਾਲ ਹੱਥਾਂ ਦੇ ਸਿੱਧੇ ਸੰਪਰਕ ਤੋਂ ਬਿਨਾਂ (Untouched by Hands) 100 ਫ਼ੀਸਦੀ ਸੁਰੱਖਿਅਤ ਅਤੇ BPA-ਮੁਕਤ ਪਲਾਸਟਿਕ (PP ਅਤੇ ਕੋ-ਪੌਲੀਐਸਟਰ) ਦੀਆਂ ਬੋਤਲਾਂ ਅਤੇ ਤਰਲ ਸਿਲੀਕੋਨ ਨਿੱਪਲ ਬਣਾਉਣੇ ਸ਼ੁਰੂ ਕੀਤੇ।
ਅੱਜ ਕਿੰਨਾ ਫੈਲਿਆ ਹੋਇਆ ਹੈ ਕਾਰੋਬਾਰ?
ਅੱਜ 60 ਸਾਲਾਂ ਤੋਂ ਵੱਧ ਦੇ ਤਜਰਬੇ ਨਾਲ ਇਹ ਕੰਪਨੀ ‘Bonne’ ਬ੍ਰਾਂਡ ਹੇਠ ਫੀਡਿੰਗ ਬੋਤਲਾਂ, ਸਿੱਪਰ, ਪੈਸੀਫਾਇਰ, ਟੀਥਰ ਅਤੇ ਬੱਚਿਆਂ ਦੀ ਦੇਖਭਾਲ ਨਾਲ ਜੁੜੇ ਹੋਰ ਉਤਪਾਦ ਵੇਚਦੀ ਹੈ। ਘਰੇਲੂ ਬਾਜ਼ਾਰ ਤੋਂ ਇਲਾਵਾ ਇਸ ਦੇ ਉਤਪਾਦ ਅਮਰੀਕਾ, ਯੂਕੇ, ਮੱਧ ਪੂਰਬ ਅਤੇ ਅਫ਼ਰੀਕਾ ਸਮੇਤ ਕਈ ਦੇਸ਼ਾਂ 'ਚ ਬਰਾਮਦ ਕੀਤੇ ਜਾਂਦੇ ਹਨ।
ਬੋਨ ਨੇ ਸਾਲ 2017 'ਚ ‘BabyMe’ ਬ੍ਰਾਂਡ ਨੂੰ ਪ੍ਰੀਮੀਅਮ ਉਤਪਾਦਾਂ ਦੀ ਲੜੀ ਵਜੋਂ ਲਾਂਚ ਕੀਤਾ ਸੀ। ਇਸ 'ਚ ਵਾਤਾਵਰਨ-ਅਨੁਕੂਲ ਸਮੱਗਰੀ, ਸੋਚ-ਸਮਝ ਕੇ ਤਿਆਰ ਕੀਤੇ ਡਿਜ਼ਾਈਨ ਅਤੇ ਸਖ਼ਤ ਸੁਰੱਖਿਆ ਮਾਪਦੰਡਾਂ 'ਤੇ ਖ਼ਾਸ ਧਿਆਨ ਦਿੱਤਾ ਗਿਆ ਹੈ। ਅੱਜ ‘BabyMe’ ਆਪਣੀ ਗੁਣਵੱਤਾ ਅਤੇ ਨਵੀਨਤਾ ਲਈ ਦੁਨੀਆ ਭਰ 'ਚ ਖ਼ਾਸ ਪਛਾਣ ਰੱਖਦਾ ਹੈ।