ਰੋਜ਼ ਦੀਆਂ ਸਬਜ਼ੀਆਂ ਤੋਂ ਹੋ ਗਏ ਹੋ ਬੋਰ? ਘਰ 'ਚ ਹੀ ਬਣਾਓ ਗੁਜਰਾਤੀ ਸਪੈਸ਼ਲ ਭਰਵਾਂ ਟਮਾਟਰ, ਰੈਸਟੋਰੈਂਟ ਦਾ ਖਾਣਾ ਵੀ ਭੁੱਲ ਜਾਓਗੇ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ: ਗੁਜਰਾਤ ਦੇ ਖਾਣੇ ਦਾ ਜ਼ਿਕਰ ਹੋਵੇ ਤਾਂ ਸਾਨੂੰ ਖੱਟਾ-ਮਿੱਠਾ ਅਤੇ ਚਟਪਟਾ ਸੁਆਦ ਯਾਦ ਆਉਂਦਾ ਹੈ ਕਿਉਂਕਿ ਇਹੋ ਇਸ ਰਾਜ ਦੇ ਪਕਵਾਨਾਂ ਦੀ ਖਾਸ ਪਛਾਣ ਹੈ। ਜੇਕਰ ਤੁਸੀਂ ਹਰ ਰੋਜ਼ ਇੱਕੋ ਜਿਹੀ ਸਬਜ਼ੀ ਅਤੇ ਦਾਲ ਖਾ ਕੇ ਬੋਰ ਹੋ ਗਏ ਹੋ, ਤਾਂ ਗੁਜਰਾਤ ਦੀ ਸਪੈਸ਼ਲ ਭਰਵਾਂ ਟਮਾਟਰ (Bharwa Tamatar) ਦੀ ਰੈਸਿਪੀ ਟਰਾਈ ਕਰ ਸਕਦੇ ਹੋ।

ਗੁਜਰਾਤ ਦੀ ਸਪੈਸ਼ਲ ਭਰਵਾਂ ਟਮਾਟਰ ਰੈਸਿਪੀ

ਹਲਕੀ ਜਿਹੀ ਮਿਠਾਸ ਵਾਲੀ ਇੱਕਦਮ ਮਸਾਲੇਦਾਰ ਗ੍ਰੇਵੀ ਵਾਲੀ ਟਮਾਟਰ ਦੀ ਇਹ ਸਬਜ਼ੀ ਇੱਕ ਵਾਰ ਖਾਓਗੇ ਤਾਂ ਵਾਰ-ਵਾਰ ਬਣਾਉਣ ਦਾ ਮਨ ਕਰੇਗਾ। ਆਓ ਜਾਣਦੇ ਹਾਂ ਰੈਸਿਪੀ:

ਸਮੱਗਰੀ (Ingredients)

5-6 ਦਰਮਿਆਨੇ ਆਕਾਰ ਦੇ ਟਮਾਟਰ

2-3 ਦਰਮਿਆਨੇ ਆਕਾਰ ਦੇ ਉਬਲੇ ਆਲੂ

1 ਸ਼ਿਮਲਾ ਮਿਰਚ (ਬਾਰੀਕ ਕੱਟੀ ਹੋਈ)

1/2 ਕੱਪ ਪਨੀਰ

2 ਵੱਡੇ ਚਮਚ ਕੱਟੇ ਹੋਏ ਕਾਜੂ

1 ਚਮਚ ਕੱਟਿਆ ਲਸਣ (ਮਰਜ਼ੀ ਮੁਤਾਬਕ)

1 ਚੁਟਕੀ ਹਿੰਗ

1/2 ਚਮਚ ਹਲਦੀ

1/2 ਚਮਚ ਧਨੀਆ ਪਾਊਡਰ

1 ਚਮਚ ਲਾਲ ਮਿਰਚ

1 ਛੋਟਾ ਚਮਚ ਜੀਰਾ ਪਾਊਡਰ

1/2 ਚਮਚ ਗਰਮ ਮਸਾਲਾ

2 ਵੱਡੇ ਚਮਚ ਬਾਰੀਕ ਕੱਟਿਆ ਹਰਾ ਧਨੀਆ

1/2 ਚਮਚ ਚੀਨੀ

2 ਵੱਡੇ ਚਮਚ ਤੇਲ

ਸਵਾਦ ਅਨੁਸਾਰ ਲੂਣ

ਗ੍ਰੇਵੀ ਲਈ ਸਮੱਗਰੀ (Ingredients for Gravy)

1 ਵੱਡਾ ਬਾਰੀਕ ਕੱਟਿਆ ਪਿਆਜ਼

8-10 ਕਾਜੂ

2-3 ਲਸਣ ਦੀਆਂ ਕਲੀਆਂ

1/2 ਚਮਚ ਜੀਰਾ

1/2 ਚਮਚ ਕਸੂਰੀ ਮੇਥੀ

ਲੋੜ ਅਨੁਸਾਰ ਪਾਣੀ

ਸਵਾਦ ਅਨੁਸਾਰ ਲੂਣ

ਬਣਾਉਣ ਦੀ ਵਿਧੀ (Method)

ਭਰਵਾਂ ਟਮਾਟਰ ਬਣਾਉਣ ਲਈ ਸਭ ਤੋਂ ਪਹਿਲਾਂ ਟਮਾਟਰਾਂ ਨੂੰ ਉੱਪਰੋਂ ਥੋੜ੍ਹਾ ਜਿਹਾ ਕੱਟੋ ਅਤੇ ਸਟਫਿੰਗ ਲਈ ਅੰਦਰਲਾ ਹਿੱਸਾ (ਗੁੱਦਾ) ਬਾਹਰ ਕੱਢ ਲਵੋ।

ਇੱਕ ਪੈਨ ਵਿੱਚ ਤੇਲ ਗਰਮ ਕਰਕੇ ਹਿੰਗ, ਲਸਣ, ਸ਼ਿਮਲਾ ਮਿਰਚ, ਕਾਜੂ ਪਾਓ ਅਤੇ ਉਨ੍ਹਾਂ ਨੂੰ ਭੁੰਨ ਲਵੋ।

ਹੁਣ ਟਮਾਟਰਾਂ ਵਿੱਚੋਂ ਨਿਕਲੇ ਗੁੱਦੇ ਨੂੰ ਵੀ ਇਸ ਵਿੱਚ ਮਿਲਾਓ।

ਇਸ ਤੋਂ ਬਾਅਦ ਉੱਪਰ ਹਲਦੀ, ਲਾਲ ਮਿਰਚ, ਧਨੀਆ, ਜੀਰਾ, ਗਰਮ ਮਸਾਲਾ ਅਤੇ ਸਵਾਦ ਅਨੁਸਾਰ ਲੂਣ ਪਾਓ।

ਥੋੜ੍ਹਾ ਜਿਹਾ ਪਾਣੀ ਪਾ ਕੇ ਮਸਾਲੇ ਨੂੰ ਥੋੜ੍ਹੀ ਦੇਰ ਪੱਕਣ ਦਿਓ।

ਆਖਰ ਵਿੱਚ ਉਬਲੇ ਹੋਏ ਆਲੂ ਮੈਸ਼ ਕਰਕੇ ਪਾਓ ਅਤੇ ਚੰਗੀ ਤਰ੍ਹਾਂ ਮਿਲਾਓ।

ਮਸਾਲਾ ਤਿਆਰ ਹੋਣ ਤੋਂ ਬਾਅਦ ਪਨੀਰ, ਚੀਨੀ, ਹਰਾ ਧਨੀਆ ਪਾ ਕੇ ਚੰਗੀ ਤਰ੍ਹਾਂ ਮਿਕਸ ਕਰ ਲਵੋ।

ਤੁਹਾਡੀ ਸਟਫਿੰਗ ਤਿਆਰ ਹੈ, ਇਸ ਨੂੰ ਬਰਤਨ ਵਿੱਚ ਕੱਢ ਕੇ ਠੰਢਾ ਹੋਣ ਲਈ ਰੱਖ ਦਿਓ।

ਜਦੋਂ ਸਟਫਿੰਗ ਠੰਢੀ ਹੋ ਜਾਵੇ ਤਾਂ ਉਸ ਨੂੰ ਟਮਾਟਰਾਂ ਦੇ ਅੰਦਰ ਭਰੋ।

ਹੁਣ ਇੱਕ ਪੈਨ ਵਿੱਚ ਤੇਲ ਪਾ ਕੇ ਉਸ ਵਿੱਚ ਟਮਾਟਰਾਂ ਨੂੰ ਘੱਟੋ-ਘੱਟ 4-5 ਮਿੰਟ ਤੱਕ ਪਕਾਓ।

ਗ੍ਰੇਵੀ ਤਿਆਰ ਕਰਨ ਦੀ ਵਿਧੀ

ਟਮਾਟਰ ਕੱਢ ਕੇ ਉਸੇ ਪੈਨ ਵਿੱਚ ਦੁਬਾਰਾ ਇੱਕ ਚਮਚ ਤੇਲ ਪਾਓ।

ਫਿਰ ਜੀਰਾ, ਹਿੰਗ ਅਤੇ ਲਸਣ ਵੀ ਪਾਓ।

ਇਸ ਤੋਂ ਬਾਅਦ ਪਿਆਜ਼ ਅਤੇ ਕਾਜੂ ਦਾ ਪੇਸਟ ਪਾ ਕੇ ਉਸ ਨੂੰ ਭੁੰਨ ਲਵੋ।

ਜੇਕਰ ਸਟਫਿੰਗ ਬਚ ਗਈ ਹੈ, ਤਾਂ ਉਸ ਨੂੰ ਵੀ ਗ੍ਰੇਵੀ ਵਿੱਚ ਮਿਲਾ ਦਿਓ।

ਹਲਦੀ, ਲਾਲ ਮਿਰਚ, ਲੂਣ ਦੇ ਨਾਲ ਲੋੜ ਅਨੁਸਾਰ ਪਾਣੀ ਪਾਓ ਅਤੇ ਮਿਸ਼ਰਣ ਨੂੰ ਪੱਕਣ ਦਿਓ।

ਇਸ ਆਖਰੀ ਸਟੈੱਪ ਵਿੱਚ ਉੱਪਰੋਂ ਕਸੂਰੀ ਮੇਥੀ ਅਤੇ ਧਨੀਆ ਪਾ ਕੇ ਸਰਵ ਕਰੋ।

ਤੁਹਾਡੇ ਗੁਜਰਾਤੀ ਸਪੈਸ਼ਲ ਭਰਵਾਂ ਟਮਾਟਰ ਤਿਆਰ ਹਨ।