ਡਾਈਟਿੰਗ 'ਚ ਵੀ ਨਹੀਂ ਮਾਰਨਾ ਪਵੇਗਾ ਮਨ! ਬੇਝਿਜਕ ਖਾਓ ਇਹ 8 ਹੈਲਦੀ ਸਟ੍ਰੀਟ ਫੂਡਜ਼, ਬਿਲਕੁਲ ਨਹੀਂ ਵਧੇਗਾ ਵਜ਼ਨ

ਲਾਈਫ਼ਸਟਾਈਲ ਡੈਸਕ, ਨਵੀਂ ਦਿੱਲੀ: ਅੱਜ-ਕੱਲ੍ਹ ਫਿੱਟ ਰਹਿਣ ਲਈ ਲੋਕ ਡਾਈਟਿੰਗ ਦਾ ਸਹਾਰਾ ਲੈਂਦੇ ਹਨ, ਪਰ ਇਸ ਦੌਰਾਨ ਅਕਸਰ ਸਟ੍ਰੀਟ ਫੂਡ ਬਾਰੇ ਸੋਚ ਕੇ ਮਨ ਲਲਚਾਉਣ ਲੱਗਦਾ ਹੈ।

ਜੇਕਰ ਤੁਹਾਡੇ ਨਾਲ ਵੀ ਅਜਿਹਾ ਹੁੰਦਾ ਹੈ, ਤਾਂ ਤੁਹਾਨੂੰ ਦੱਸ ਦੇਈਏ ਕਿ ਕੁਝ ਸਟ੍ਰੀਟ ਫੂਡਜ਼ ਅਜਿਹੇ ਹੁੰਦੇ ਹਨ, ਜਿਨ੍ਹਾਂ ਨੂੰ ਤੁਸੀਂ ਡਾਈਟਿੰਗ ਦੌਰਾਨ ਵੀ ਖਾ ਸਕਦੇ ਹੋ। ਥੋੜ੍ਹੀ ਸਮਝਦਾਰੀ ਅਤੇ ਮਾਤਰਾ ਦੇ ਧਿਆਨ ਨਾਲ ਤੁਸੀਂ ਡਾਈਟਿੰਗ 'ਤੇ ਰਹਿੰਦਿਆਂ ਵੀ ਕੁਝ ਸਟ੍ਰੀਟ ਫੂਡਜ਼ ਦਾ ਮਜ਼ਾ ਲੈ ਸਕਦੇ ਹੋ। ਆਓ ਜਾਣਦੇ ਹਾਂ ਇਹਨਾਂ ਸਟ੍ਰੀਟ ਫੂਡਜ਼ ਬਾਰੇ:

ਡਾਈਟਿੰਗ ਦੌਰਾਨ ਵੀ ਖਾ ਸਕਦੇ ਹੋ ਇਹ ਸਟ੍ਰੀਟ ਫੂਡਜ਼:

ਭੇਲ ਪੁਰੀ: ਘੱਟ ਤੇਲ ਅਤੇ ਬਹੁਤ ਸਾਰੀਆਂ ਸਬਜ਼ੀਆਂ ਨਾਲ ਬਣੀ ਬੇਲ ਪੁਰੀ ਇੱਕ ਹਲਕਾ ਅਤੇ ਲੋ-ਕੈਲੋਰੀ ਆਪਸ਼ਨ ਹੈ। ਇਸ ਵਿੱਚ ਫ਼ਾਈਬਰ ਵੀ ਚੰਗੀ ਮਾਤਰਾ ਵਿੱਚ ਹੁੰਦਾ ਹੈ, ਜਿਸ ਨਾਲ ਪੇਟ ਜਲਦੀ ਭਰ ਜਾਂਦਾ ਹੈ।

ਪਾਣੀ ਪੁਰੀ: ਜੇਕਰ ਸੀਮਤ ਮਾਤਰਾ ਵਿੱਚ ਖਾਧੀ ਜਾਵੇ ਅਤੇ ਆਲੂ ਘੱਟ ਤੇ ਛੋਲੇ ਜ਼ਿਆਦਾ ਰੱਖੇ ਜਾਣ ਤਾਂ ਇਹ ਇੱਕ ਬਿਹਤਰ ਸਨੈਕ ਆਪਸ਼ਨ ਬਣ ਸਕਦੀ ਹੈ। ਤੁਸੀਂ ਇਸ ਨੂੰ ਘਰ ਵਿੱਚ ਵੀ ਬਣਾ ਸਕਦੇ ਹੋ ਅਤੇ ਇਸ ਦਾ ਇਮਲੀ ਦਾ ਖੱਟਾ ਪਾਣੀ ਪਾਚਨ ਲਈ ਵੀ ਵਧੀਆ ਹੁੰਦਾ ਹੈ।

ਇਡਲੀ: ਭਾਫ਼ 'ਤੇ ਪੱਕੀ ਹੋਣ ਕਰਕੇ ਇਡਲੀ ਲੋ-ਕੈਲੋਰੀ ਅਤੇ ਆਸਾਨੀ ਨਾਲ ਪਚਣ ਵਾਲੀ ਹੁੰਦੀ ਹੈ। ਸਾਂਭਰ ਨਾਲ ਲੈਣ 'ਤੇ ਪ੍ਰੋਟੀਨ ਅਤੇ ਨਿਊਟ੍ਰੀਸ਼ਨ ਵੀ ਮਿਲਦਾ ਹੈ।

ਢੋਕਲਾ: ਇਹ ਵੀ ਭਾਫ਼ ਵਿੱਚ ਪਕਾਇਆ ਜਾਣ ਵਾਲਾ ਭੋਜਨ ਹੈ, ਜੋ ਹਲਕਾ ਅਤੇ ਹੈਲਦੀ ਹੁੰਦਾ ਹੈ। ਇਸ ਵਿੱਚ ਘੱਟ ਤੇਲ ਹੁੰਦਾ ਹੈ ਅਤੇ ਇਹ ਪੇਟ ਲਈ ਵਧੀਆ ਮੰਨਿਆ ਜਾਂਦਾ ਹੈ।

ਕੌਰਨ ਚਾਟ: ਉਬਲੇ ਹੋਏ ਛੱਲੀ ਵਿੱਚ ਨੀਂਬੂ, ਲੂਣ ਅਤੇ ਮਸਾਲੇ ਪਾ ਕੇ ਬਣਾਈ ਗਈ ਕੌਰਨ ਚਾਟ ਫ਼ਾਈਬਰ ਨਾਲ ਭਰਪੂਰ ਹੁੰਦੀ ਹੈ ਅਤੇ ਵਜ਼ਨ ਕੰਟਰੋਲ ਕਰਨ 'ਚ ਮਦਦ ਕਰਦੀ ਹੈ।

ਵੇਜ ਸੈਂਡਵਿਚ: ਜੇਕਰ ਤੁਸੀਂ ਮੱਖਣ ਅਤੇ ਜ਼ਿਆਦਾ ਚੀਜ਼ ਤੋਂ ਬਚਦੇ ਹੋ, ਤਾਂ ਵੇਜ ਸੈਂਡਵਿਚ ਇੱਕ ਚੰਗਾ ਆਪਸ਼ਨ ਹੈ। ਇਸ ਵਿੱਚ ਸਬਜ਼ੀਆਂ ਹੋਣ ਕਰਕੇ ਪੋਸ਼ਣ ਵੀ ਮਿਲਦਾ ਹੈ।

ਮੂੰਗੀ ਦਾਲ ਚੀਲਾ: ਇਹ ਪ੍ਰੋਟੀਨ ਨਾਲ ਭਰਪੂਰ ਹੁੰਦਾ ਹੈ ਅਤੇ ਜ਼ਿਆਦਾ ਦੇਰ ਤੱਕ ਭੁੱਖ ਨਹੀਂ ਲੱਗਣ ਦਿੰਦਾ। ਘੱਟ ਤੇਲ ਵਿੱਚ ਬਣਾਇਆ ਜਾਵੇ ਤਾਂ ਇਹ ਹੋਰ ਵੀ ਹੈਲਦੀ ਬਣ ਜਾਂਦਾ ਹੈ।

ਭੁੰਨੇ ਜਾਂ ਉਬਲੇ ਛੋਲੇ: ਇਹ ਪ੍ਰੋਟੀਨ ਅਤੇ ਫ਼ਾਈਬਰ ਦਾ ਚੰਗਾ ਸਰੋਤ ਹਨ। ਹਲਕੇ ਮਸਾਲਿਆਂ ਨਾਲ ਖਾਣ ਨਾਲ ਸਵਾਦ ਵੀ ਮਿਲਦਾ ਹੈ ਅਤੇ ਕੈਲੋਰੀ ਵੀ ਕੰਟਰੋਲ ਰਹਿੰਦੀ ਹੈ।

ਇਹਨਾਂ ਗੱਲਾਂ ਦਾ ਜ਼ਰੂਰ ਰੱਖੋ ਧਿਆਨ:

• ਹਮੇਸ਼ਾ ਮਾਤਰਾ ਦਾ ਧਿਆਨ ਰੱਖੋ।
• ਡੀਪ ਫ੍ਰਾਈਡ (ਜ਼ਿਆਦਾ ਤਲੀਆਂ) ਚੀਜ਼ਾਂ ਤੋਂ ਬਚੋ।
• ਜ਼ਿਆਦਾ ਸੌਸ ਅਤੇ ਮੱਖਣ ਤੋਂ ਦੂਰੀ ਬਣਾਓ।
• ਸਾਫ਼-ਸਫ਼ਾਈ ਦਾ ਪੂਰਾ ਧਿਆਨ ਰੱਖੋ।
• ਇਸ ਤਰ੍ਹਾਂ, ਥੋੜ੍ਹੀ ਜਿਹੀ ਸਮਝਦਾਰੀ ਅਤੇ ਸਹੀ ਚੋਣ ਨਾਲ ਤੁਸੀਂ ਆਪਣੇ ਮਨਪਸੰਦ ਸਟ੍ਰੀਟ ਫੂਡਜ਼ ਦਾ ਆਨੰਦ ਲੈ ਸਕਦੇ ਹੋ ਅਤੇ ਫਿਰ ਵੀ ਆਪਣੇ ਵਜ਼ਨ ਨੂੰ ਕੰਟਰੋਲ ਵਿੱਚ ਰੱਖ ਸਕਦੇ ਹੋ।