ਨਾ ਥਕਾਵਟ ਰਹੇਗੀ ਨਾ ਵਿਗੜਨਗੇ ਹਾਰਮੋਨ! ਥਾਇਰਾਇਡ ਦੇ ਮਰੀਜ਼ਾਂ ਲਈ ਰਾਮਬਾਣ ਹਨ ਇਹ 3 ਆਸਾਨ ਯੋਗ ਆਸਣ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ: ਮਾਡਰਨ ਲਾਈਫਸਟਾਈਲ ਦੇ ਚਲਦਿਆਂ ਵਿਗੜਦੇ ਖਾਣ-ਪੀਣ, ਖਰਾਬ ਰਹਿਣ-ਸਹਿਣ ਤੇ ਤਣਾਅ ਨੇ ਥਾਇਰਾਇਡ 'ਤੇ ਸਭ ਤੋਂ ਬੁਰਾ ਪ੍ਰਭਾਵ ਪਾਇਆ ਹੈ। ਤਿਤਲੀ ਦੇ ਆਕਾਰ ਦਾ ਇਹ ਛੋਟਾ ਜਿਹਾ ਗਲੈਂਡ ਹਾਰਮੋਨ ਨੂੰ ਕੁਝ ਇਸ ਤਰ੍ਹਾਂ ਕੰਟਰੋਲ ਕਰਦਾ ਹੈ ਕਿ ਜ਼ਰਾ ਵੀ ਗੜਬੜ ਹੋਣ 'ਤੇ ਸਰੀਰ ਦਾ ਵਜ਼ਨ ਇੱਕਦਮ ਵਧਣ ਅਤੇ ਘਟਣ ਲੱਗਦਾ ਹੈ। ਉੱਥੇ ਹੀ, ਥਕਾਵਟ, ਮੂਡ ਸਵਿੰਗਜ਼ ਅਤੇ ਹੇਅਰ ਫਾਲ ਵਰਗੀਆਂ ਬਹੁਤ ਸਾਰੀਆਂ ਸਮੱਸਿਆਵਾਂ ਵੀ ਸਰੀਰ ਨੂੰ ਘੇਰ ਲੈਂਦੀਆਂ ਹਨ।

ਜੇਕਰ ਤੁਹਾਡਾ ਵੀ ਥਾਇਰਾਇਡ ਸੰਤੁਲਿਤ ਨਹੀਂ ਰਹਿੰਦਾ ਤਾਂ ਇਹੋ ਜਿਹੇ ਕਈ ਯੋਗਾਸਨ ਹਨ ਜਿਨ੍ਹਾਂ ਦੀ ਮਦਦ ਨਾਲ ਇਸ ਨੂੰ ਫਿਰ ਤੋਂ ਠੀਕ ਕੀਤਾ ਜਾ ਸਕਦਾ ਹੈ। ਆਓ ਇਨ੍ਹਾਂ 'ਤੇ ਇੱਕ ਨਜ਼ਰ ਮਾਰੀਏ:

ਹਲਾਸਣ

ਇਸ ਨੂੰ ਹਲਾਸਣ ਇਸ ਲਈ ਕਿਹਾ ਜਾਂਦਾ ਹੈ ਕਿਉਂਕਿ ਇਸ ਨੂੰ ਕਰਦੇ ਸਮੇਂ ਸਰੀਰ ਦੀ ਸ਼ੇਪ ਬਿਲਕੁਲ ਹੱਲ ਦੀ ਤਰ੍ਹਾਂ ਲੱਗਦੀ ਹੈ। ਇਹ ਆਸਨ ਗਲੇ ਦੇ ਏਰੀਆ 'ਤੇ ਪ੍ਰੈਸ਼ਰ ਪਾ ਕੇ ਥਾਇਰਾਇਡ ਗਲੈਂਡ ਨੂੰ ਐਕਟਿਵ ਕਰਨ ਵਿੱਚ ਮਦਦ ਕਰਦਾ ਹੈ।

ਕਿਵੇਂ ਕਰੀਏ?

• ਸਭ ਤੋਂ ਪਹਿਲਾਂ ਇਕ ਮੈਟ ਵਿਛਾ ਕੇ ਪਿੱਠ ਦੇ ਭਾਰ ਲੇਟ ਜਾਓ।
• ਇਸ ਦੌਰਾਨ ਦੋਵੇਂ ਹੱਥ ਸਰੀਰ ਦੇ ਨਾਲ ਜ਼ਮੀਨ 'ਤੇ ਹੋਣੇ ਚਾਹੀਦੇ ਹਨ।
• ਸਾਹ ਲੈਂਦੇ ਹੋਏ ਪੈਰਾਂ ਨੂੰ ਉੱਪਰ ਚੁੱਕਣਾ ਹੈ ਫਿਰ ਪੈਰਾਂ ਨੂੰ ਸਿਰ ਦੇ ਪਿੱਛੇ ਲੈ ਜਾਓ।
• ਕੋਸ਼ਿਸ਼ ਕਰੋ ਕਿ ਪੰਜੇ ਪਿੱਛੇ ਦੀ ਤਰਫ਼ ਜ਼ਮੀਨ 'ਤੇ ਲੱਗਣ।
• ਇਸ ਸਥਿਤੀ 'ਚ ਆਪਣੀ ਸਰੀਰਕ ਸਮਰੱਥਾ ਦੇ ਹਿਸਾਬ ਨਾਲ ਰੁਕਦੇ ਹੋਏ ਫਿਰ ਤੋਂ ਪੁਰਾਣੀ ਪੋਜ਼ੀਸ਼ਨ 'ਚ ਆਓ।

ਮਤਸਯਾਸਣ

ਮਤਸਯਾਸਣ ਨੂੰ ਫਿਸ਼ ਪੋਜ਼ ਵੀ ਕਹਿੰਦੇ ਹਨ, ਜਿਸ ਨੂੰ ਥਾਇਰਾਇਡ ਲਈ ਬਹੁਤ ਹੀ ਅਸਰਦਾਰ ਆਸਨ ਮੰਨਿਆ ਜਾਂਦਾ ਹੈ। ਇਸ ਵਿਚ ਗਰਦਨ ਤੇ ਗਲੇ ਦੀਆਂ ਮਾਸਪੇਸ਼ੀਆਂ 'ਚ ਖਿੱਚਾਅ ਹੁੰਦਾ ਹੈ ਜਿਸ ਨਾਲ ਬਲੱਡ ਸਪਲਾਈ ਵਧਦੀ ਹੈ।

ਕਿਵੇਂ ਕਰੀਏ?

• ਪਿੱਠ ਦੇ ਭਾਰ ਲੇਟ ਕੇ ਪਦਮਾਸਨ ਦੀ ਮੁਦਰਾ 'ਚ ਆ ਜਾਓ।
• ਹੁਣ ਹੱਥਾਂ ਨੂੰ ਚੂਲੇ 'ਤੇ ਰੱਖਦੇ ਹੋਏ ਕੂਹਣੀ ਫਰਸ਼ 'ਤੇ ਟਿਕਾ ਲਓ।

ਭੁਜੰਗਾਸਣ

ਭੁਜੰਗਾਸਣ ਜਿਸ ਨੂੰ ਕੋਬਰਾ ਪੋਜ਼ ਕਹਿੰਦੇ ਹਨ, ਥਾਇਰਾਇਡ ਗ੍ਰੰਥੀ 'ਚ ਬਲੱਡ ਸਪਲਾਈ ਵਧਾਉਣ 'ਚ ਮਦਦ ਕਰਦਾ ਹੈ। ਇਸ ਨੂੰ ਨਿਯਮਿਤ ਰੂਪ ਨਾਲ ਕਰਨ ਨਾਲ ਹਾਰਮੋਨਸ ਸੰਤੁਲਿਤ ਰਹਿੰਦੇ ਹਨ ਤੇ ਸਰੀਰ 'ਚ ਲਚਕੀਲਾਪਨ ਬਣਿਆ ਰਹਿੰਦਾ ਹੈ।

ਕਿਵੇਂ ਕਰੀਏ?

• ਪੇਟ ਦੇ ਭਾਰ ਲੇਟ ਕੇ ਦੋਵਾਂ ਮੋਢਿਆਂ ਦੇ ਕੋਲ ਆਪਣੀਆਂ ਹਥੇਲੀਆਂ ਜ਼ਮੀਨ 'ਤੇ ਰੱਖੋ।
• ਹੁਣ ਲੰਬੀ ਸਾਹ ਲੈਂਦੇ ਹੋਏ ਆਪਣੀ ਚੈਸਟ ਨੂੰ ਉੱਪਰ ਦੀ ਤਰਫ਼ ਚੁੱਕਣਾ ਹੈ।
• ਇਸ ਦੌਰਾਨ ਗਰਦਨ ਪਿੱਛੇ ਦੀ ਤਰਫ਼ ਝੁਕੀ ਹੋਣੀ ਚਾਹੀਦੀ ਹੈ।
• ਕੁਝ ਸੈਕਿੰਡ ਇਸ ਪੋਜ਼ੀਸ਼ਨ 'ਚ ਰੁਕਣਾ ਹੈ।
• ਇਸ ਤੋਂ ਬਾਅਦ ਸਾਹ ਛੱਡਦੇ ਹੋਏ ਫਿਰ ਤੋਂ ਉਸੇ ਪੋਜ਼ੀਸ਼ਨ 'ਚ ਵਾਪਸ ਆਉਣਾ ਹੈ।