ਕੈਮੀਕਲ ਵਾਲੀ ਡਾਈ ਦੀ ਛੁੱਟੀ! ਰਸੋਈ ਦੀਆਂ ਇਨ੍ਹਾਂ ਚੀਜ਼ਾਂ ਨਾਲ ਵਾਲ ਹੋਣਗੇ ਨੈਚੁਰਲ ਡਾਰਕ, ਅੱਜ ਹੀ ਨੋਟ ਕਰੋ ਬਣਾਉਣ ਦਾ ਸਹੀ ਤਰੀਕਾ

ਲਾਈਫ਼ਸਟਾਈਲ ਡੈਸਕ, ਨਵੀਂ ਦਿੱਲੀ: ਕੁਝ ਲੋਕਾਂ ਦੇ ਉਮਰ ਦੇ ਨਾਲ ਵਾਲ ਚਿੱਟੇ ਹੁੰਦੇ ਹਨ ਤਾਂ ਕੁਝ ਦੇ ਉਮਰ ਤੋਂ ਪਹਿਲਾਂ ਹੀ ਤਣਾਅ ਜਾਂ ਵਿਗੜਦੇ ਲਾਇਫ਼ਸਟਾਈਲ ਕਰਕੇ ਵਾਲ ਪੱਕ ਜਾਂਦੇ ਹਨ। ਅਜਿਹੇ ਵਿੱਚ ਜੇਕਰ ਤੁਸੀਂ ਬਾਜ਼ਾਰ ਦੀ ਕੈਮੀਕਲ ਵਾਲੀ ਹੇਅਰ ਡਾਈ ਦੀ ਜਗ੍ਹਾ ਕੁਝ ਨੈਚੁਰਲ ਲੱਭ ਰਹੇ ਹੋ, ਤਾਂ ਅੱਜ ਦੀ ਇਹ ਜਾਣਕਾਰੀ ਤੁਹਾਡੇ ਕੰਮ ਆ ਸਕਦੀ ਹੈ। ਅਸਲ ਵਿੱਚ, ਘਰ ਵਿੱਚ ਹੀ ਰੱਖੀਆਂ ਚੀਜ਼ਾਂ ਨੂੰ ਮਿਲਾ ਕੇ ਅਸੀਂ ਨੈਚੁਰਲ ਹੇਅਰ ਡਾਈ ਤਿਆਰ ਕਰ ਸਕਦੇ ਹਾਂ।

ਚਿੱਟੇ ਵਾਲਾਂ ਲਈ ਹੋਮ ਮੇਡ ਹੇਅਰ ਡਾਈ

ਵਾਲ ਚਾਹੇ ਉਮਰ ਤੋਂ ਪਹਿਲਾਂ ਚਿੱਟੇ ਹੋ ਜਾਣ ਜਾਂ ਉਮਰ ਵਧਣ ਦੇ ਨਾਲ, ਇਸ ਨਾਲ ਇਨਸਾਨ ਦੇ ਆਤਮ-ਵਿਸ਼ਵਾਸ 'ਤੇ ਕਾਫ਼ੀ ਅਸਰ ਪੈਂਦਾ ਹੈ। ਆਓ ਜਾਣਦੇ ਹਾਂ ਕਿ ਘਰੇਲੂ ਚੀਜ਼ਾਂ ਨਾਲ ਹੇਅਰ ਡਾਈ ਕਿਵੇਂ ਬਣਾਈ ਜਾ ਸਕਦੀ ਹੈ:

1. ਮਹਿੰਦੀ ਅਤੇ ਆਂਵਲਾ ਹੇਅਰ ਡਾਈ

ਸਮੱਗਰੀ:

1 ਚਮਚ ਕੌਫ਼ੀ ਪਾਊਡਰ

4 ਵੱਡੇ ਚਮਚ ਮਹਿੰਦੀ ਪਾਊਡਰ

2 ਚਮਚ ਆਂਵਲਾ ਪਾਊਡਰ

8-10 ਲੌਂਗ

ਲੋੜ ਅਨੁਸਾਰ ਪਾਣੀ

ਲੋਹੇ ਦੀ ਕੜਾਹੀ

ਬਣਾਉਣ ਦਾ ਤਰੀਕਾ:

ਹੋਮ ਮੇਡ ਹੇਅਰ ਡਾਈ ਬਣਾਉਣ ਲਈ 4 ਵੱਡੇ ਚਮਚ ਮਹਿੰਦੀ ਪਾਊਡਰ ਲੋਹੇ ਦੀ ਕੜਾਹੀ ਵਿੱਚ ਪਾਓ।

ਉਸ ਵਿੱਚ 2 ਚਮਚ ਆਂਵਲਾ ਪਾਊਡਰ ਅਤੇ 1 ਚਮਚ ਕੌਫ਼ੀ ਪਾਊਡਰ ਵੀ ਮਿਲਾਓ।

ਇਸ ਦੇ ਅੰਦਰ ਇੰਨਾ ਪਾਣੀ ਪਾਉਣਾ ਹੈ ਕਿ ਮਿਸ਼ਰਣ ਤੋਂ ਇੱਕ ਗਾੜ੍ਹਾ ਜਿਹਾ ਪੇਸਟ ਬਣ ਜਾਵੇ।

ਹੁਣ ਇਸ ਪੇਸਟ ਨੂੰ ਰਾਤ ਭਰ ਢੱਕ ਕੇ ਛੱਡ ਦੇਣਾ ਹੈ, ਅਗਲੇ ਦਿਨ ਤੁਹਾਡੀ ਹੋਮ ਮੇਡ ਹੇਅਰ ਡਾਈ ਤਿਆਰ ਹੋ ਜਾਵੇਗੀ।

ਕਿਵੇਂ ਲਗਾਈਏ?

ਇਸ ਨੂੰ ਲਗਾਉਣ ਲਈ ਸਭ ਤੋਂ ਪਹਿਲਾਂ ਹੱਥਾਂ ਨੂੰ ਪਲਾਸਟਿਕ ਗਲਵਜ਼ ਨਾਲ ਢੱਕੋ।

ਫ਼ਿਰ ਇਸ ਪੇਸਟ ਨੂੰ ਥੋੜ੍ਹੀ-ਥੋੜ੍ਹੀ ਮਾਤਰਾ ਵਿੱਚ ਹੱਥਾਂ ਵਿੱਚ ਲੈ ਕੇ ਵਾਲਾਂ ਦੀਆਂ ਜੜ੍ਹਾਂ ਵਿੱਚ ਲਗਾਓ।

ਇਸ ਨੂੰ ਵਾਲਾਂ ਵਿੱਚ ਘੱਟੋ-ਘੱਟ 3-4 ਘੰਟੇ ਤੱਕ ਲੱਗਿਆ ਰਹਿਣ ਦੇਣਾ ਹੈ।

ਜਦੋਂ ਵਾਲਾਂ ਵਿੱਚ ਚੰਗੀ ਤਰ੍ਹਾਂ ਸੁੱਕ ਜਾਵੇ ਤਾਂ ਪਹਿਲਾਂ ਸਾਦੇ ਪਾਣੀ ਨਾਲ ਵਾਲ ਧੋਵੋ।

ਇਸ ਤੋਂ ਬਾਅਦ ਮਾਈਲਡ ਸ਼ੈਂਪੂ ਨਾਲ ਵਾਲ ਧੋ ਲਵੋ।

2. ਚਾਹਪੱਤੀ ਅਤੇ ਕਲੌਂਜੀ ਦੀ ਹੇਅਰ ਡਾਈ

ਸਮੱਗਰੀ:

2 ਵੱਡੇ ਚਮਚ ਚਾਹਪੱਤੀ

1 ਵੱਡਾ ਚਮਚ ਕਲੌਂਜੀ

8-10 ਲੌਂਗ

ਲੋੜ ਅਨੁਸਾਰ ਪਾਣੀ

ਲੋਹੇ ਦੀ ਕੜਾਹੀ

ਬਣਾਉਣ ਦਾ ਤਰੀਕਾ:

ਲੋਹੇ ਦੀ ਕੜਾਹੀ ਵਿੱਚ 2 ਵੱਡੇ ਚਮਚ ਚਾਹਪੱਤੀ, 1 ਵੱਡਾ ਚਮਚ ਕਲੌਂਜੀ ਅਤੇ 8-10 ਲੌਂਗ ਦੇ ਨਾਲ 1 ਗਲਾਸ ਪਾਣੀ ਪਾਓ।

ਇਸ ਕੜਾਹੀ ਨੂੰ ਗੈਸ 'ਤੇ ਰੱਖੋ ਅਤੇ ਹੌਲੀ ਅੱਗ 'ਤੇ ਉਬਾਲੋ।

ਧਿਆਨ ਰਹੇ ਕਿ ਪਾਣੀ ਅੱਧਾ ਰਹਿ ਜਾਣ ਤੱਕ ਇਸ ਨੂੰ ਉਬਾਲਦੇ ਰਹਿਣਾ ਹੈ।

ਜਦੋਂ ਮਿਸ਼ਰਣ ਤਿਆਰ ਹੋ ਜਾਵੇ ਤਾਂ ਉਸ ਨੂੰ ਠੰਢਾ ਹੋਣ ਲਈ ਰੱਖ ਦਿਓ।

ਇਸ ਤੋਂ ਬਾਅਦ ਸਪ੍ਰੇਅ ਬੋਤਲ ਵਿੱਚ ਚਾਹਪੱਤੀ ਦੇ ਮਿਸ਼ਰਣ ਨੂੰ ਭਰ ਕੇ ਰੱਖ ਲਵੋ।

ਕਿਵੇਂ ਲਗਾਈਏ?

ਮਿਸ਼ਰਣ ਨੂੰ ਸਪ੍ਰੇਅ ਬੋਤਲ ਰਾਹੀਂ ਵਾਲਾਂ ਦੀਆਂ ਜੜ੍ਹਾਂ ਵਿੱਚ ਚੰਗੀ ਤਰ੍ਹਾਂ ਅਪਲਾਈ ਕਰੋ।

ਫ਼ਿਰ ਹੇਠਾਂ ਤੱਕ ਵਾਲਾਂ ਵਿੱਚ ਸਪ੍ਰੇਅ ਕਰਨ ਤੋਂ ਬਾਅਦ ਘੱਟੋ-ਘੱਟ 1-2 ਘੰਟੇ ਲਈ ਵਾਲ ਢੱਕ ਲਵੋ।

ਥੋੜ੍ਹੀ ਦੇਰ ਬਾਅਦ ਵਾਲਾਂ ਨੂੰ ਸਾਦੇ ਪਾਣੀ ਨਾਲ ਧੋ ਲਵੋ।

Disclaimer: ਲੇਖ ਵਿੱਚ ਦੱਸੀਆਂ ਗਈਆਂ ਸਲਾਹਾਂ ਅਤੇ ਸੁਝਾਅ ਸਿਰਫ਼ ਆਮ ਜਾਣਕਾਰੀ ਦੇ ਮਕਸਦ ਲਈ ਹਨ ਅਤੇ ਇਨ੍ਹਾਂ ਨੂੰ ਪੇਸ਼ੇਵਰ ਡਾਕਟਰੀ ਸਲਾਹ ਵਜੋਂ ਨਹੀਂ ਲਿਆ ਜਾਣਾ ਚਾਹੀਦਾ। ਕੋਈ ਵੀ ਸਵਾਲ ਜਾਂ ਪਰੇਸ਼ਾਨੀ ਹੋਵੇ, ਤਾਂ ਹਮੇਸ਼ਾ ਆਪਣੇ ਡਾਕਟਰ ਨਾਲ ਸਲਾਹ ਕਰੋ।