- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਵਾਲਾਂ ਦੀ ਹਰ ਸਮੱਸਿਆ ਹੋਵੇਗੀ ਦੂਰ! ਮਹਿੰਗੇ ਪ੍ਰੋਡਕਟਸ ਛੱਡੋ ਅਤੇ ਅਪਣਾਓ ਵਾਲ ਧੋਣ ਦਾ ਇਹ 'ਜਾਪਾਨੀ ਫਾਰਮੂਲਾ', ਰਾਤੋ-ਰਾਤ ਬਦਲੇਗੀ ਲੁੱਕ
ਜਾਪਾਨ ਦੀਆਂ ਔਰਤਾਂ ਆਪਣੇ ਕੁਦਰਤੀ ਤੌਰ 'ਤੇ ਸਿਲਕੀ, ਸਮੂਥ ਅਤੇ ਸ਼ਾਈਨੀ ਵਾਲਾਂ ਲਈ ਪੂਰੀ ਦੁਨੀਆ 'ਚ ਜਾਣੀਆਂ ਜਾਂਦੀਆਂ ਹਨ। ਉਨ੍ਹਾਂ ਦੀ ਖ਼ੂਬਸੂਰਤੀ ਦਾ ਰਾਜ਼ ਸਿਰਫ਼ ਮਹਿੰਗੇ ਪ੍ਰੋਡਕਟਸ ਨਹੀਂ, ਬਲਕਿ ਵਾਲਾਂ ਦੀ ਸਹੀ ਸਫ਼ਾਈ, ਸਕੈਲਪ ਦੀ ਦੇਖਭਾਲ ਅਤੇ ਸਹੀ ਰੂਟੀਨ ਹੈ। ਇਸ ਤਕਨੀਕ 'ਚ ਵਾਲਾਂ ਨੂੰ ਸਿਰਫ਼ ਧੋਤਾ ਨਹੀਂ ਜਾਂਦਾ, ਬਲਕਿ ਉਨ੍ਹਾਂ ਨੂੰ ਅੰਦਰੋਂ ਹੈਲਦੀ ਬਣਾਇਆ ਜਾਂਦਾ ਹੈ।
Posted By Sunita
Publish Date: Sun, 12 Jul 2026 08:09 AM (IST)
Updated Date: Sun, 12 Jul 2026 08:10 AM (IST)
ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ - ਜਾਪਾਨ ਦੀਆਂ ਔਰਤਾਂ ਆਪਣੇ ਕੁਦਰਤੀ ਤੌਰ 'ਤੇ ਸਿਲਕੀ, ਸਮੂਥ ਅਤੇ ਸ਼ਾਈਨੀ ਵਾਲਾਂ ਲਈ ਪੂਰੀ ਦੁਨੀਆ 'ਚ ਜਾਣੀਆਂ ਜਾਂਦੀਆਂ ਹਨ। ਉਨ੍ਹਾਂ ਦੀ ਖ਼ੂਬਸੂਰਤੀ ਦਾ ਰਾਜ਼ ਸਿਰਫ਼ ਮਹਿੰਗੇ ਪ੍ਰੋਡਕਟਸ ਨਹੀਂ, ਬਲਕਿ ਵਾਲਾਂ ਦੀ ਸਹੀ ਸਫ਼ਾਈ, ਸਕੈਲਪ ਦੀ ਦੇਖਭਾਲ ਅਤੇ ਸਹੀ ਰੂਟੀਨ ਹੈ। ਇਸ ਤਕਨੀਕ 'ਚ ਵਾਲਾਂ ਨੂੰ ਸਿਰਫ਼ ਧੋਤਾ ਨਹੀਂ ਜਾਂਦਾ, ਬਲਕਿ ਉਨ੍ਹਾਂ ਨੂੰ ਅੰਦਰੋਂ ਹੈਲਦੀ ਬਣਾਇਆ ਜਾਂਦਾ ਹੈ।
ਜੇਕਰ ਤੁਹਾਡੇ ਵਾਲ ਰੁੱਖੇ, ਬੇਜਾਨ, ਫ੍ਰਿਜ਼ੀ (ਘੁੰਗਰਾਲੇ/ਉਲਝੇ ਹੋਏ) ਜਾਂ ਕਮਜ਼ੋਰ ਹੋ ਚੁੱਕੇ ਹਨ, ਤਾਂ ਇਹ ਤਰੀਕਾ ਤੁਹਾਡੇ ਵਾਲਾਂ ਨੂੰ ਸਿਹਤਮੰਦ ਬਣਾਉਣ 'ਚ ਕਾਫ਼ੀ ਮਦਦਗਾਰ ਹੋ ਸਕਦਾ ਹੈ। ਆਓ ਜਾਣਦੇ ਹਾਂ ਇਸ ਜਾਪਾਨੀ ਹੇਅਰ ਵਾਸ਼ਿੰਗ ਤਕਨੀਕ ਬਾਰੇ।
ਕੀ ਹੈ ਵਾਲ ਧੋਣ ਦਾ ਜਾਪਾਨੀ ਤਰੀਕਾ?
ਪ੍ਰੀ-ਕੌਂਬਿੰਗ (ਪਹਿਲਾਂ ਕੰਘੀ ਕਰਨਾ) ਨਾਲ ਕਰੋ ਤਿਆਰੀ: ਵਾਲ ਧੋਣ ਤੋਂ ਪਹਿਲਾਂ ਸੁੱਕੇ ਵਾਲਾਂ ਨੂੰ ਚੰਗੀ ਤਰ੍ਹਾਂ ਕੰਘੀ ਕਰਨਾ ਬਹੁਤ ਜ਼ਰੂਰੀ ਹੁੰਦਾ ਹੈ। ਇਸ ਨਾਲ ਵਾਲਾਂ ਦੀਆਂ ਗੰਢਾਂ ਖੁੱਲ੍ਹ ਜਾਂਦੀਆਂ ਹਨ, ਧੂੜ ਅਤੇ ਪ੍ਰਦੂਸ਼ਣ ਨਿਕਲ ਜਾਂਦਾ ਹੈ ਅਤੇ ਸਕੈਲਪ 'ਚ ਖ਼ੂਨ ਦਾ ਦੌਰਾ (Blood Circulation) ਬਿਹਤਰ ਹੁੰਦਾ ਹੈ। ਇਸ ਨਾਲ ਸ਼ੈਂਪੂ ਸਕੈਲਪ ਤੱਕ ਸਹੀ ਤਰੀਕੇ ਨਾਲ ਪਹੁੰਚਦਾ ਹੈ ਅਤੇ ਸਫ਼ਾਈ ਜ਼ਿਆਦਾ ਅਸਰਦਾਰ ਹੁੰਦੀ ਹੈ।
ਗੁਣਗੁਣੇ ਪਾਣੀ ਨਾਲ ਚੰਗੀ ਤਰ੍ਹਾਂ ਗਿੱਲਾ ਕਰਨਾ : ਜਾਪਾਨੀ ਤਰੀਕੇ 'ਚ ਵਾਲਾਂ ਨੂੰ ਪਹਿਲਾਂ 1-2 ਮਿੰਟ ਤੱਕ ਗੁਣਗੁਣੇ ਪਾਣੀ ਨਾਲ ਚੰਗੀ ਤਰ੍ਹਾਂ ਭਿਓਂਇਆ ਜਾਂਦਾ ਹੈ। ਇਸ ਨਾਲ ਸਕੈਲਪ ਦੇ ਰੋਮ (Pores) ਖੁੱਲ੍ਹਦੇ ਹਨ, ਤੇਲ ਅਤੇ ਗੰਦਗੀ ਢਿੱਲੀ ਪੈ ਜਾਂਦੀ ਹੈ ਅਤੇ ਸ਼ੈਂਪੂ ਦੀ ਲੋੜ ਵੀ ਘੱਟ ਪੈਂਦੀ ਹੈ। ਇਸ ਦੇ ਲਈ ਹਲਕਾ ਗੁਣਗੁਣਾ ਪਾਣੀ ਹੀ ਬਿਹਤਰ ਰਹਿੰਦਾ ਹੈ।
ਸ਼ੈਂਪੂ ਦੀ ਝੱਗ (Foam) ਬਣਾ ਕੇ ਲਗਾਓ: ਸਿੱਧਾ ਸਕੈਲਪ 'ਤੇ ਸ਼ੈਂਪੂ ਪਾਉਣ ਦੀ ਬਜਾਏ ਹਥੇਲੀਆਂ 'ਚ ਥੋੜ੍ਹਾ ਜਿਹਾ ਸ਼ੈਂਪੂ ਲੈ ਕੇ ਪਾਣੀ ਨਾਲ ਝੱਗ ਬਣਾਓ। ਇਸ ਝੱਗ ਨੂੰ ਹੌਲੀ-ਹੌਲੀ ਸਕੈਲਪ 'ਤੇ ਲਗਾਓ। ਇਸ ਨਾਲ ਕੈਮੀਕਲ ਦਾ ਸਿੱਧਾ ਅਸਰ ਘੱਟ ਹੁੰਦਾ ਹੈ ਅਤੇ ਵਾਲਾਂ ਨੂੰ ਨੁਕਸਾਨ ਨਹੀਂ ਪਹੁੰਚਦਾ।
ਸਕੈਲਪ ਮਸਾਜ: ਉਂਗਲਾਂ ਦੇ ਪੋਰਿਆਂ ਨਾਲ ਹਲਕੇ ਹੱਥਾਂ ਨਾਲ ਗੋਲਾਕਾਰ (Circular Motion) 'ਚ 2-3 ਮਿੰਟ ਮਸਾਜ ਕਰੋ। ਨਹੁੰਆਂ ਦੀ ਵਰਤੋਂ ਬਿਲਕੁਲ ਨਾ ਕਰੋ। ਇਹ ਮਸਾਜ ਖ਼ੂਨ ਦੇ ਦੌਰੇ ਨੂੰ ਵਧਾਉਂਦੀ ਹੈ, ਵਾਲਾਂ ਦਾ ਝੜਨਾ ਘੱਟ ਕਰਦੀ ਹੈ, ਡੈਂਡਰਫ (ਸਿਕਰੀ) ਨੂੰ ਕੰਟਰੋਲ ਕਰਦੀ ਹੈ ਅਤੇ ਵਾਲਾਂ ਦੇ ਵਾਧੇ (Growth) 'ਚ ਮਦਦ ਕਰਦੀ ਹੈ।
ਚੰਗੀ ਤਰ੍ਹਾਂ ਧੋਣਾ ਕਰਨਾ ਜ਼ਰੂਰੀ: ਸ਼ੈਂਪੂ ਨੂੰ ਪੂਰੀ ਤਰ੍ਹਾਂ ਧੋਣਾ ਬਹੁਤ ਜ਼ਰੂਰੀ ਹੈ। ਜੇਕਰ ਥੋੜ੍ਹੀ ਜਿਹੀ ਵੀ ਪਰਤ ਰਹਿ ਜਾਂਦੀ ਹੈ ਤਾਂ ਸਕੈਲਪ 'ਚ ਖ਼ਾਰਸ਼, ਚਿਪਚਿਪਾਹਟ ਅਤੇ ਵਾਲ ਝੜਨ ਦੀ ਸਮੱਸਿਆ ਹੋ ਸਕਦੀ ਹੈ। ਆਖ਼ਰੀ ਵਾਰ ਵਾਲਾਂ ਨੂੰ ਠੰਢੇ ਜਾਂ ਨਾਰਮਲ ਪਾਣੀ ਨਾਲ ਧੋਵੋ, ਇਸ ਨਾਲ ਵਾਲਾਂ 'ਚ ਕੁਦਰਤੀ ਚਮਕ ਆਉਂਦੀ ਹੈ।
ਕੰਡੀਸ਼ਨਰ ਦੀ ਸਮਾਰਟ ਵਰਤੋਂ: ਕੰਡੀਸ਼ਨਰ ਹਮੇਸ਼ਾ ਵਾਲਾਂ ਦੀ ਅੱਧੀ ਲੰਬਾਈ (Mid-length) ਅਤੇ ਸਿਰਿਆਂ (Ends) 'ਤੇ ਲਗਾਓ, ਸਕੈਲਪ 'ਤੇ ਨਹੀਂ। 2-3 ਮਿੰਟ ਛੱਡਣ ਤੋਂ ਬਾਅਦ ਧੋ ਲਓ। ਇਸ ਨਾਲ ਵਾਲ ਸਾਫ਼ਟ, ਸਮੂਥ ਅਤੇ ਫ੍ਰਿਜ਼-ਫ੍ਰੀ ਬਣਦੇ ਹਨ।
ਸਹੀ ਤਰੀਕੇ ਨਾਲ ਸੁਕਾਓ: ਵਾਲਾਂ ਨੂੰ ਜ਼ੋਰ ਦੀ ਰਗੜਨ ਦੀ ਬਜਾਏ ਤੌਲੀਏ ਨਾਲ ਹਲਕੇ ਹੱਥਾਂ ਨਾਲ ਪ੍ਰੈਸ (ਦਬਾਓ) ਕਰੋ। ਮਾਈਕ੍ਰੋ-ਫਾਈਬਰ ਤੌਲੀਆ ਸਭ ਤੋਂ ਵਧੀਆ ਰਹਿੰਦਾ ਹੈ। ਗਿੱਲੇ ਵਾਲਾਂ 'ਤੇ ਜ਼ੋਰ ਪਾਉਣਾ ਵਾਲ ਟੁੱਟਣ ਦਾ ਕਾਰਨ ਬਣ ਸਕਦਾ ਹੈ।
ਏਅਰ ਡ੍ਰਾਈ ਅਤੇ ਪੋਸ਼ਣ: ਜਾਪਾਨੀ ਹੇਅਰ ਕੇਅਰ 'ਚ ਹੀਟ ਟੂਲਸ (ਜਿਵੇਂ ਡਰਾਇਰ) ਦੀ ਵਰਤੋਂ ਘੱਟ ਕੀਤੀ ਜਾਂਦੀ ਹੈ। ਵਾਲਾਂ ਨੂੰ ਕੁਦਰਤੀ ਤੌਰ 'ਤੇ ਸੁੱਕਣ ਦਿਓ ਅਤੇ ਆਖ਼ਰ 'ਚ ਥੋੜ੍ਹਾ ਜਿਹਾ ਆਰਗਨ ਆਇਲ ਜਾਂ ਹੇਅਰ ਸੀਰਮ ਲਗਾਓ ਤਾਂ ਜੋ ਨਮੀ ਬਣੀ ਰਹੇ।
ਜੇਕਰ ਤੁਸੀਂ ਵਾਲ ਧੋਣ ਦੇ ਇਸ ਜਾਪਾਨੀ ਤਰੀਕੇ ਨੂੰ ਨਿਯਮਿਤ ਰੂਪ 'ਚ ਅਪਣਾਉਂਦੇ ਹੋ, ਤਾਂ ਕੁਝ ਹੀ ਹਫ਼ਤਿਆਂ 'ਚ ਤੁਹਾਡੇ ਵਾਲ ਜ਼ਿਆਦਾ ਮਜ਼ਬੂਤ, ਸਿਲਕੀ, ਸਮੂਥ ਅਤੇ ਸ਼ਾਈਨੀ ਨਜ਼ਰ ਆਉਣ ਲੱਗਣਗੇ।