ਨਹੁੰ ਚਬਾਉਣ ਦੀ ਆਦਤ ਸਿਹਤ 'ਤੇ ਪੈ ਸਕਦੀ ਹੈ ਭਾਰੀ? ਇਨ੍ਹਾਂ 3 ਆਸਾਨ ਤਰੀਕਿਆਂ ਨਾਲ ਜਲਦੀ ਪਾਓ ਛੁਟਕਾਰਾ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਨਹੁੰ ਚਬਾਉਣਾ ਇਕ ਅਜਿਹੀ ਆਦਤ ਹੈ ਜੋ ਅਕਸਰ ਬਚਪਨ ਵਿਚ ਸ਼ੁਰੂ ਹੁੰਦੀ ਹੈ ਅਤੇ ਕਈ ਵਾਰ ਵੱਡੇ ਹੋਣ ਤੋਂ ਬਾਅਦ ਵੀ ਬਣੀ ਰਹਿੰਦੀ ਹੈ। ਅਸੀਂ ਅਕਸਰ ਇਸ ਆਦਤ ਨੂੰ ਮਾਮੂਲੀ ਸਮਝ ਕੇ ਨਜ਼ਰਅੰਦਾਜ਼ ਕਰ ਦਿੰਦੇ ਹਾਂ ਪਰ ਲਗਾਤਾਰ ਨਹੁੰ ਚਬਾਉਣ ਨਾਲ ਨਾ ਸਿਰਫ਼ ਤੁਹਾਡੇ ਹੱਥਾਂ ਅਤੇ ਨਹੁੰਆਂ ਦੀ ਖੂਬਸੂਰਤੀ 'ਤੇ ਅਸਰ ਪੈਂਦਾ ਹੈ, ਸਗੋਂ ਇਹ ਤੁਹਾਡੀ ਸਿਹਤ ਨੂੰ ਵੀ ਨੁਕਸਾਨ ਪਹੁੰਚਾ ਸਕਦਾ ਹੈ।

ਕਿਨ੍ਹਾਂ ਲੋਕਾਂ ਵਿੱਚ ਹੁੰਦੀ ਹੈ ਇਹ ਆਦਤ?

ਕੀ ਤੁਸੀਂ ਜਾਣਦੇ ਹੋ ਕਿ ਲਗਾਤਾਰ ਨਹੁੰ ਚਬਾਉਣਾ ਸਿਰਫ਼ ਇਕ ਆਦਤ ਨਹੀਂ, ਸਗੋਂ ਕਈ ਮਾਨਸਿਕ ਵਿਕਾਰਾਂ (Disorders) ਦਾ ਸੰਕੇਤ ਵੀ ਹੋ ਸਕਦਾ ਹੈ? ਟੋਰੇਟ ਸਿੰਡਰੋਮ, ADHD (Attention Deficit Hyperactivity Disorder), ਅਪੋਜ਼ੀਸ਼ਨਲ ਡੀਫੀਐਂਟ ਡਿਸਆਰਡਰ ਅਤੇ ਸੈਪਰੇਸ਼ਨ ਐਂਜ਼ਾਇਟੀ ਡਿਸਆਰਡਰ ਵਰਗੀਆਂ ਸਮੱਸਿਆਵਾਂ ਵਿੱਚ ਵੀ ਨਹੁੰ ਚਬਾਉਣ ਦੇ ਲੱਛਣ ਪਾਏ ਜਾਂਦੇ ਹਨ। ਅਜਿਹੀਆਂ ਸਥਿਤੀਆਂ ਵਿੱਚ ਡਾਕਟਰੀ ਸਲਾਹ ਲੈਣੀ ਬਹੁਤ ਜ਼ਰੂਰੀ ਹੁੰਦੀ ਹੈ।

ਇਸ ਆਦਤ ਕਾਰਨ ਸਰੀਰ ਵਿਚ ਹਾਨੀਕਾਰਕ ਬੈਕਟੀਰੀਆ ਅਤੇ ਵਾਇਰਸ ਫੈਲ ਸਕਦੇ ਹਨ ਜਿਸ ਨਾਲ ਇਨਫੈਕਸ਼ਨ ਦਾ ਖਤਰਾ ਵਧ ਜਾਂਦਾ ਹੈ। ਜੇਕਰ ਤੁਸੀਂ ਵੀ ਇਸ ਆਦਤ ਤੋਂ ਛੁਟਕਾਰਾ ਪਾਉਣਾ ਚਾਹੁੰਦੇ ਹੋ ਤਾਂ ਆਓ ਜਾਣਦੇ ਹਾਂ ਕੁਝ ਉਪਾਅ:

ਛੁਟਕਾਰਾ ਪਾਉਣ ਦੇ 3 ਆਸਾਨ ਤਰੀਕੇ

ਨੇਲ ਪਾਲਿਸ਼ ਦੀ ਵਰਤੋਂ ਕਰੋ

ਅੱਜਕਲ ਬਾਜ਼ਾਰ 'ਚ ਨਹੁੰ ਚਬਾਉਣ ਦੀ ਆਦਤ ਨੂੰ ਰੋਕਣ ਲਈ ਕਈ ਕੌੜੇ ਨੇਲ ਪੇਂਟਸ ਮਿਲਦੇ ਹਨ। ਇਨ੍ਹਾਂ ਦਾ ਸੁਆਦ ਇੰਨਾ ਕੌੜਾ ਹੁੰਦਾ ਹੈ ਕਿ ਜਦੋਂ ਵੀ ਤੁਸੀਂ ਨਹੁੰ ਮੂੰਹ 'ਚ ਪਾਓਗੇ ਤਾਂ ਤੁਹਾਡਾ ਮਨ ਖਰਾਬ ਹੋ ਜਾਵੇਗਾ। ਇਹ ਤਰੀਕਾ ਇਸ ਆਦਤ ਨੂੰ ਘਟਾਉਣ 'ਚ ਕਾਫ਼ੀ ਮਦਦਗਾਰ ਸਾਬਿਤ ਹੋਇਆ ਹੈ।

ਦੋਸਤਾਂ ਜਾਂ ਪਰਿਵਾਰ ਦਾ ਸਹਾਰਾ ਲਓ

ਇਸ ਆਦਤ ਨੂੰ ਛੱਡਣ ਲਈ 'ਸੋਸ਼ਲ ਸਪੋਰਟ' ਜ਼ਰੂਰੀ ਹੈ। ਜਦੋਂ ਵੀ ਤੁਹਾਨੂੰ ਤਣਾਅ ਮਹਿਸੂਸ ਹੋਵੇ ਜਾਂ ਨਹੁੰ ਚਬਾਉਣ ਦਾ ਮਨ ਕਰੇ ਤਾਂ ਆਪਣਾ ਧਿਆਨ ਭਟਕਾਉਣ ਲਈ ਕਿਸੇ ਦੋਸਤ ਜਾਂ ਪਰਿਵਾਰਕ ਮੈਂਬਰ ਨਾਲ ਗੱਲ ਕਰੋ। ਅਜਿਹਾ ਕਰਨ ਨਾਲ ਤੁਹਾਡਾ ਸਟ੍ਰੈੱਸ ਘੱਟ ਹੋਵੇਗਾ ਅਤੇ ਤੁਸੀਂ ਇਸ ਆਦਤ ਤੋਂ ਬਚ ਸਕੋਗੇ।

ਖੁਦ ਦਾ ਖਿਆਲ ਰੱਖੋ (Healthy Lifestyle)

ਇੱਕ ਚੰਗੀ ਜੀਵਨਸ਼ੈਲੀ ਅਪਣਾਓ। ਜੇਕਰ ਤੁਸੀਂ ਪੌਸ਼ਟਿਕ ਖੁਰਾਕ ਲੈਂਦੇ ਹੋ, ਕਸਰਤ ਕਰਦੇ ਹੋ ਅਤੇ ਪੂਰੀ ਨੀਂਦ ਲੈਂਦੇ ਹੋ ਤਾਂ ਤੁਹਾਡਾ ਮਨ ਸ਼ਾਂਤ ਅਤੇ ਆਤਮ-ਵਿਸ਼ਵਾਸ ਨਾਲ ਭਰਿਆ ਰਹਿੰਦਾ ਹੈ। ਮਨ ਸ਼ਾਂਤ ਰਹਿਣ ਨਾਲ ਤਣਾਅ ਘੱਟ ਹੁੰਦਾ ਹੈ ਜੋ ਕਿ ਨਹੁੰ ਚਬਾਉਣ ਦਾ ਮੁੱਖ ਕਾਰਨ ਹੈ।

Disclaimer : ਲੇਖ 'ਚ ਜ਼ਿਕਰਯੋਗ ਸਲਾਹ ਤੇ ਸੁਝਾਅ ਸਿਰਫ਼ ਆਮ ਜਾਣਕਾਰੀ ਦੇ ਉਦੇਸ਼ ਨਾਲ ਹਨ ਤੇ ਇਨ੍ਹਾਂ ਨੂੰ ਪੇਸ਼ੇਵਰ ਡਾਕਟਰੀ ਸਲਾਹ ਦੇ ਰੂਪ 'ਚ ਨਹੀਂ ਲਿਆ ਜਾਣਾ ਚਾਹੀਦਾ। ਕੋਈ ਵੀ ਸਵਾਲ ਜਾਂ ਪਰੇਸ਼ਾਨੀ ਹੋਵੇ ਤਾਂ ਹਮੇਸ਼ਾ ਆਪਣਾ ਡਾਕਟਰ ਤੋਂ ਸਲਾਹ ਲਓ।