- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸੁਆਦ ਵਿਗਾੜ ਨਾ ਦੇਵੇ ਪੂਰੀ ਸਿਹਤ! ਮੌਨਸੂਨ ’ਚ ਚਾਟ-ਪਕੌੜਿਆਂ ਸਮੇਤ ਇਨ੍ਹਾਂ 5 ਚੀਜ਼ਾਂ ਤੋਂ ਕਰਨਾ ਚਾਹੀਦਾ ਹੈ ਸਖ਼ਤ ਪਰਹੇਜ਼
ਇੱਕ ਪਾਸੇ ਜਿੱਥੇ ਬਰਸਾਤ ਦਾ ਮਹੀਨਾ ਭਿਆਨਕ ਗਰਮੀ ਤੋਂ ਰਾਹਤ ਦਿੰਦਾ ਹੈ, ਉੱਥੇ ਹੀ ਇਸ ਮਹੀਨੇ ਵਿੱਚ ਸਾਡਾ ਜੰਕ ਫੂਡ ਖਾਣ ਦਾ ਬਹੁਤ ਮਨ ਕਰਦਾ ਹੈ। ਜਦਕਿ ਇਹੋ ਜਿਹਾ ਮੌਸਮ ਹੈ ਜਦੋਂ ਸਾਨੂੰ ਖਾਣ-ਪੀਣ ਦੇ ਮਾਮਲੇ ਵਿੱਚ ਸਭ ਤੋਂ ਵੱਧ ਜਾਗਰੂਕ ਹੋਣ ਦੀ ਲੋੜ ਹੁੰਦੀ ਹੈ, ਕਿਉਂਕਿ ਇਸ ਮੌਸਮ ਵਿੱਚ ਪੇਟ ਨਾਲ ਜੁੜੀਆਂ ਸਮੱਸਿਆਵਾਂ ਵਧ ਜਾਂਦੀਆਂ ਹਨ। ਫਿਰ ਚਾਹੇ ਉਹ ਫੂਡ ਪੋਇਜ਼ਨਿੰਗ ਹੋਵੇ, ਪੇਟ ਦੀ ਇਨਫੈਕਸ਼ਨ ਹੋਵੇ ਜਾਂ ਡਾਇਰੀਆ।
Posted By Anuradha Bains
Publish Date: Sat, 13 Jun 2026 05:14 PM (IST)
Updated Date: Sat, 13 Jun 2026 05:17 PM (IST)
ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ। ਇੱਕ ਪਾਸੇ ਜਿੱਥੇ ਬਰਸਾਤ ਦਾ ਮਹੀਨਾ ਭਿਆਨਕ ਗਰਮੀ ਤੋਂ ਰਾਹਤ ਦਿੰਦਾ ਹੈ, ਉੱਥੇ ਹੀ ਇਸ ਮਹੀਨੇ ਵਿੱਚ ਸਾਡਾ ਜੰਕ ਫੂਡ ਖਾਣ ਦਾ ਬਹੁਤ ਮਨ ਕਰਦਾ ਹੈ। ਜਦਕਿ ਇਹੋ ਜਿਹਾ ਮੌਸਮ ਹੈ ਜਦੋਂ ਸਾਨੂੰ ਖਾਣ-ਪੀਣ ਦੇ ਮਾਮਲੇ ਵਿੱਚ ਸਭ ਤੋਂ ਵੱਧ ਜਾਗਰੂਕ ਹੋਣ ਦੀ ਲੋੜ ਹੁੰਦੀ ਹੈ, ਕਿਉਂਕਿ ਇਸ ਮੌਸਮ ਵਿੱਚ ਪੇਟ ਨਾਲ ਜੁੜੀਆਂ ਸਮੱਸਿਆਵਾਂ ਵਧ ਜਾਂਦੀਆਂ ਹਨ। ਫਿਰ ਚਾਹੇ ਉਹ ਫੂਡ ਪੋਇਜ਼ਨਿੰਗ ਹੋਵੇ, ਪੇਟ ਦੀ ਇਨਫੈਕਸ਼ਨ ਹੋਵੇ ਜਾਂ ਡਾਇਰੀਆ। ਅਜਿਹੇ ਵਿੱਚ ਇਹ ਜਾਣਨਾ ਬਹੁਤ ਜ਼ਰੂਰੀ ਹੈ ਕਿ ਬਰਸਾਤ ਦੇ ਮੌਸਮ ਵਿੱਚ ਖਾਣ-ਪੀਣ ਦੀਆਂ ਕਿਹੜੀਆਂ ਚੀਜ਼ਾਂ ਤੋਂ ਸਖ਼ਤ ਪਰਹੇਜ਼ ਕੀਤਾ ਜਾਵੇ, ਆਓ ਇਸ ਬਾਰੇ ਗੱਲ ਕਰਦੇ ਹਾਂ।
ਹਰੀਆਂ ਪੱਤੇਦਾਰ ਸਬਜ਼ੀਆਂ
ਹਰੀਆਂ ਪੱਤੇਦਾਰ ਸਬਜ਼ੀਆਂ ਜਿਵੇਂ—ਪਾਲਕ, ਗੋਭੀ, ਪੱਤਾ ਗੋਭੀ ਵਿੱਚ ਨਮੀ ਕਾਰਨ ਪੈਦਾ ਹੋਣ ਵਾਲੇ ਕੀੜੇ ਅਤੇ ਬੈਕਟੀਰੀਆ ਹੋਣ ਦੀ ਸੰਭਾਵਨਾ ਬਹੁਤ ਜ਼ਿਆਦਾ ਰਹਿੰਦੀ ਹੈ। ਇਸੇ ਕਰਕੇ ਡਾਕਟਰ ਇਸ ਮੌਸਮ ਵਿੱਚ ਇਹ ਸਬਜ਼ੀਆਂ ਨਾ ਖਾਣ ਦੀ ਸਲਾਹ ਦਿੰਦੇ ਹਨ।
ਸਟ੍ਰੀਟ ਫੂਡ
ਬਰਸਾਤ ਦੇ ਮੌਸਮ ਵਿੱਚ ਸਟ੍ਰੀਟ ਫੂਡ ਤੋਂ ਸਖ਼ਤ ਪਰਹੇਜ਼ ਕਰਨ ਦੀ ਸਲਾਹ ਦਿੱਤੀ ਜਾਂਦੀ ਹੈ ਕਿਉਂਕਿ ਬਾਜ਼ਾਰ ਵਿੱਚ ਮਿਲਣ ਵਾਲੇ ਖਾਣੇ ਦੀ ਗੁਣਵੱਤਾ 'ਤੇ ਇੰਨਾ ਭਰੋਸਾ ਨਹੀਂ ਕੀਤਾ ਜਾ ਸਕਦਾ। ਹਾਂ, ਇਹ ਚਾਟ-ਪਕੌੜੇ, ਸਮੋਸੇ ਖਾਣ ਵਿੱਚ ਸੁਆਦੀ ਹੋ ਸਕਦੇ ਹਨ ਪਰ ਇਨ੍ਹਾਂ ਨੂੰ ਬਣਾਉਂਦੇ ਸਮੇਂ ਸਾਫ਼-ਸਫ਼ਾਈ ਦਾ ਧਿਆਨ ਰੱਖਿਆ ਗਿਆ ਹੈ ਜਾਂ ਨਹੀਂ, ਇਸ ਬਾਰੇ ਪਤਾ ਨਹੀਂ ਹੁੰਦਾ। ਅਕਸਰ ਇਹ ਦੂਸ਼ਿਤ ਪਾਣੀ ਜਾਂ ਬਾਸੀ ਤੇਲ ਨਾਲ ਬਣਾਏ ਜਾਂਦੇ ਹਨ। ਅਜਿਹੇ ਵਿੱਚ ਪਰਹੇਜ਼ ਕਰਨਾ ਹੀ ਸਭ ਤੋਂ ਵਧੀਆ ਆਪਸ਼ਨਹੈ।
ਕੱਟੇ ਹੋਏ ਫਲ ਅਤੇ ਖੁੱਲ੍ਹਾ ਜੂਸ
ਬਾਜ਼ਾਰ ਵਿੱਚ ਮਿਲਣ ਵਾਲੇ ਕੱਟੇ ਹੋਏ ਫਲ ਜਾਂ ਖੁੱਲ੍ਹਾ ਜੂਸ ਵੀ ਖਾਣ-ਪੀਣ ਦੇ ਲਿਹਾਜ਼ ਨਾਲ ਸੁਰੱਖਿਅਤ ਨਹੀਂ ਹੁੰਦਾ। ਤੁਸੀਂ ਬਾਜ਼ਾਰ ਵਿੱਚ ਅਕਸਰ ਇਨ੍ਹਾਂ 'ਤੇ ਮੱਖੀਆਂ ਭਿਣਭਿਣਾਉਂਦੀਆਂ ਜਾਂ ਬਰਸਾਤੀ ਕੀੜੇ ਚੱਲਦੇ ਆਸਾਨੀ ਨਾਲ ਦੇਖ ਸਕਦੇ ਹੋ। ਇਸ ਦੇ ਨਾਲ ਹੀ, ਫਲਾਂ ਨੂੰ ਹਵਾ ਲੱਗਣ ਕਾਰਨ ਇਨ੍ਹਾਂ ਵਿੱਚ ਬੈਕਟੀਰੀਆ ਪੈਦਾ ਹੋਣ ਦਾ ਖ਼ਤਰਾ ਵੀ ਜ਼ਿਆਦਾ ਰਹਿੰਦੀ ਹੈ।
ਡੀਪ ਫਰਾਈਡ ਸਨੈਕਸ
ਬਰਸਾਤ ਦੇ ਮੌਸਮ ਵਿੱਚ ਤਲਿਆ-ਭੁੰਨਿਆ ਖਾਣ ਦਾ ਭਾਵੇਂ ਕਿੰਨਾ ਵੀ ਮਨ ਕਰੇ ਪਰ ਇਸ ਨੂੰ ਖਾਣ ਨਾਲ ਪੇਟ ਨਾਲ ਜੁੜੀਆਂ ਸਮੱਸਿਆਵਾਂ ਦੇਖਣ ਨੂੰ ਮਿਲ ਸਕਦੀਆਂ ਹਨ। ਇਨ੍ਹਾਂ ਵਿੱਚ ਐਸਿਡਿਟੀ, ਬਲੋਟਿੰਗ, ਉਲਟੀ-ਦਸਤ ਅਤੇ ਇੱਥੋਂ ਤੱਕ ਕਿ ਫੂਡ ਪੋਇਜ਼ਨਿੰਗ ਹੋਣ ਦਾ ਖ਼ਤਰਾ ਵੀ ਸ਼ਾਮਲ ਹੈ।
ਬਚਿਆ ਹੋਇਆ ਖਾਣਾ
ਕੀ ਤੁਸੀਂ ਉਨ੍ਹਾਂ ਵਿੱਚੋਂ ਹੋ ਜਿਨ੍ਹਾਂ ਨੂੰ ਰਾਤ ਦਾ ਬਚਿਆ ਹੋਇਆ ਖਾਣਾ ਖਾਣ ਦੀ ਆਦਤ ਹੈ? ਜੇਕਰ ਹਾਂ, ਤਾਂ ਇਸ ਮੌਸਮ ਵਿੱਚ ਇਸ ਆਦਤ ਨੂੰ ਬਾਏ-ਬਾਏ ਕਹਿ ਦਿਓ। ਹੁੰਮਸ ਵਾਲੇ ਮੌਸਮ ਵਿੱਚ ਖਾਣਾ ਸਭ ਤੋਂ ਜਲਦੀ ਖ਼ਰਾਬ ਹੁੰਦਾ ਹੈ। ਬਾਹਰ ਰੱਖਿਆ ਹੋਇਆ ਖਾਣਾ ਖਾਣ ਦੀ ਬਜਾਏ, ਖਾਣੇ ਨੂੰ ਫਰਿੱਜ ਵਿੱਚ ਰੱਖਣਾ ਜਾਂ ਉਸ ਖਾਣੇ ਨੂੰ ਚੰਗੀ ਤਰ੍ਹਾਂ ਗਰਮ ਕਰਕੇ ਖਾਣਾ ਬਿਹਤਰ ਵਿਕਲਪ ਹੈ।