ਸਿਰਫ਼ 2-3 ਚੀਜ਼ਾਂ ਨਾਲ ਬਣਾਓ ਇਹ ਕ੍ਰੀਮੀ ਡਿਪ! ਸਨੈਕਸ ਦਾ ਸਵਾਦ ਵਧਾਉਣ ਦੇ ਨਾਲ ਸਿਹਤ ਦਾ ਵੀ ਰੱਖੇਗੀ ਖਿਆਲ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ। ਘਰ ਵਿੱਚ ਪਈਆਂ ਕੁਝ ਸਧਾਰਨ ਚੀਜ਼ਾਂ ਨਾਲ ਤੁਸੀਂ ਇੱਕ ਸੁਆਦੀ ਡਿਪ ਤਿਆਰ ਕਰ ਸਕਦੇ ਹੋ। ਇਸ ਦਾ ਨਾਮ ਜਿੰਨਾ ਫੈਂਸੀ ਹੈ, ਇਸ ਨੂੰ ਬਣਾਉਣਾ ਉੱਨਾ ਹੀ ਆਸਾਨ ਹੈ। ਤੁਸੀਂ ਇਸ ਨੂੰ ਸਨੈਕਸ ਨਾਲ ਡਿਪ ਵਜੋਂ ਜਾਂ ਹਲਕੀ-ਫੁਲਕੀ ਭੁੱਖ ਲੱਗਣ ’ਤੇ ਵੀ ਖਾ ਸਕਦੇ ਹੋ। ਆਓ ਬਣਾਉਂਦੇ ਹਾਂ ਖੀਰੇ ਅਤੇ ਦਹੀਂ ਦੀ ਡਿਪ।

ਸਮੱਗਰੀ ਕੀ ਚਾਹੀਦੀ ਹੈ?

• ਅੱਧਾ ਕੱਪ ਕੱਦੂਕਸ ਕੀਤਾ ਹੋਇਆ ਖੀਰਾ
• ਲਗਭਗ 1 ਕੱਪ ਹੰਗ ਕਰਡ
• ਥੋੜ੍ਹੇ ਜਿਹੇ ਬਰੀਕ ਕੱਟੇ ਹੋਏ ਪੁਦੀਨੇ ਦੇ ਪੱਤੇ
• 1-2 ਟੇਬਲਸਪੂਨ ਬਰੀਕ ਕੱਟਿਆ ਹੋਇਆ ਧਨੀਆ
• ਇੱਕ ਚੁਟਕੀ ਜੀਰਾ ਪਾਊਡਰ
• ਅੱਧਾ ਟੀਸਪੂਨ ਲਸਣ ਦਾ ਪੇਸਟ
• 1 ਕੱਟੀ ਹੋਈ ਹਰੀ ਮਿਰਚ
• ਸੁਆਦ ਅਨੁਸਾਰ ਨਮਕ

ਇਸ ਤਰ੍ਹਾਂ ਬਣਾਓ

• ਇੱਕ ਵੱਡੇ ਬਾਊਲ ਵਿੱਚ ਸਾਰੀਆਂ ਸਮੱਗਰੀਆਂ ਨੂੰ ਚੰਗੀ ਤਰ੍ਹਾਂ ਮਿਲਾ ਲਓ।
• ਇਸ ਨੂੰ 1 ਤੋਂ ਡੇਢ ਘੰਟੇ ਲਈ ਫਰਿੱਜ ਵਿੱਚ ਠੰਢਾ ਹੋਣ ਵਾਸਤੇ ਰੱਖ ਦਿਓ।
• ਤਿਆਰ ਡਿਪ ਨੂੰ ਤੁਸੀਂ ਸਬਜ਼ੀਆਂ ਦੀਆਂ ਪਤਲੀਆਂ ਸਲਾਈਸਾਂ ਜਾਂ ਕ੍ਰੈਕਰਜ਼ ਨਾਲ ਖਾ ਸਕਦੇ ਹੋ।

ਇਸ ਤਰ੍ਹਾਂ ਬਣਾਓ ਹੰਗ ਕਰਡ

• ਇੱਕ ਡੂੰਘਾ ਅਤੇ ਵੱਡਾ ਬਾਊਲ ਲਓ ਅਤੇ ਉਸ ਦੇ ਉੱਪਰ ਇੱਕ ਵੱਡੀ ਛਾਣਨੀ ਰੱਖ ਦਿਓ। ਛਾਣਨੀ ਦੇ ਉੱਪਰ ਮਸਲਿਨ ਕਲੌਥ ਜਾਂ ਮਲਮਲ ਦਾ ਕੱਪੜਾ ਵਿਛਾ ਦਿਓ।

ਇਹ ਦੋਵੇਂ ਤਰੀਕੇ ਹਨ ਸਹੀ

• ਜੇਕਰ ਤੁਹਾਨੂੰ ਡਿਪ ਵਿੱਚ ਸਮੂਦਨੈੱਸ ਚਾਹੀਦੀ ਹੈ ਤਾਂ ਖੀਰੇ ਨੂੰ ਕੱਦੂਕਸ ਕਰਕੇ ਮਿਲਾਓ। ਉੱਥੇ ਹੀ ਜੇਕਰ ਤੁਸੀਂ ਡਿਪ ਵਿੱਚ ਕ੍ਰੰਚ ਚਾਹੁੰਦੇ ਹੋ ਤਾਂ ਖੀਰੇ ਨੂੰ ਬਰੀਕ ਕੱਟ ਕੇ ਇਸਤੇਮਾਲ ਕਰ ਸਕਦੇ ਹੋ।
• ਇਸ ਰੈਸਿਪੀ ਲਈ ਖੀਰੇ ਦੀ ਇੰਗਲਿਸ਼ ਵੈਰਾਇਟੀ ਜ਼ਿਆਦਾ ਬਿਹਤਰ ਮੰਨੀ ਜਾਂਦੀ ਹੈ। ਹਾਲਾਂਕਿ, ਤੁਸੀਂ ਦੇਸੀ ਖੀਰਾ ਵੀ ਇਸਤੇਮਾਲ ਕਰ ਸਕਦੇ ਹੋ।
• ਖੀਰੇ ਦਾ ਵਾਧੂ ਪਾਣੀ ਕੱਢਣ ਲਈ ਉਸ ਨੂੰ ਕੱਟਣ ਜਾਂ ਕੱਦੂਕਸ ਕਰਨ ਤੋਂ ਬਾਅਦ ਚੰਗੀ ਤਰ੍ਹਾਂ ਨਿਚੋੜ ਲਓ। ਇਸ ਲਈ ਤੁਸੀਂ ਪੇਪਰ ਟੌਵਲ ਦੀ ਵੀ ਵਰਤੋਂ ਕਰ ਸਕਦੇ ਹੋ।

ਰਿਚਨੈੱਸ ਲਈ ਓਲਿਵ ਆਇਲ

ਡਿਪ ਨੂੰ ਥੋੜ੍ਹਾ ਹੋਰ ਰਿਚ ਅਤੇ ਕ੍ਰੀਮੀ ਬਣਾਉਣ ਲਈ ਇਸ ਦੇ ਉੱਪਰ ਐਕਸਟਰਾ ਵਰਜਿਨ ਓਲਿਵ ਆਇਲ ਦੀਆਂ ਕੁਝ ਬੂੰਦਾਂ ਪਾ ਸਕਦੇ ਹੋ।