- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸਾਵਧਾਨ! ਜਿਸ ਨੂੰ ਤੁਸੀਂ ਕੰਮ ਦਾ ਤਣਾਅ ਤੇ ਥਕਾਵਟ ਸਮਝ ਰਹੇ ਹੋ, ਕਿਤੇ ਉਹ 'ਆਇਰਨ ਦੀ ਕਮੀ' ਤਾਂ ਨਹੀਂ?
ਦਿਨਭਰ ਦੀ ਭੱਜ-ਦੌੜ ਤੋਂ ਬਾਅਦ ਸ਼ਾਮ ਨੂੰ ਥਕਾਵਟ ਹੋਣਾ ਜਾਂ ਕੰਮ ਦੇ ਦਬਾਅ ਹੇਠ ਤਣਾਅ ਮਹਿਸੂਸ ਕਰਨਾ ਬੇਹੰਦ ਆਮ ਗੱਲ ਹੈ। ਜਦੋਂ ਵੀ ਸਾਨੂੰ ਬਿਨਾਂ ਕਿਸੇ ਵਜ੍ਹਾ ਦੇ ਕਮਜ਼ੋਰੀ ਮਹਿਸੂਸ ਹੁੰਦੀ ਹੈ ਜਾਂ ਮੂਡ ਖ਼ਰਾਬ ਹੁੰਦਾ ਹੈ, ਤਾਂ ਅਸੀਂ ਅਕਸਰ ਖੁਦ ਹੀ ਇਹ ਮੰਨ ਲੈਂਦੇ ਹਾਂ ਕਿ ਸ਼ਾਇਦ ਕੰਮ ਦਾ ਪ੍ਰੈਸ਼ਰ ਜ਼ਿਆਦਾ ਹੈ ਜਾਂ ਅੱਜ-ਕੱਲ੍ਹ ਨੀਂਦ ਠੀਕ ਤਰ੍ਹਾਂ ਪੂਰੀ ਨਹੀਂ ਹੋ ਰਹੀ।
Posted By Anuradha Bains
Publish Date: Mon, 15 Jun 2026 12:34 PM (IST)
Updated Date: Mon, 15 Jun 2026 12:36 PM (IST)
ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ। ਦਿਨਭਰ ਦੀ ਭੱਜ-ਦੌੜ ਤੋਂ ਬਾਅਦ ਸ਼ਾਮ ਨੂੰ ਥਕਾਵਟ ਹੋਣਾ ਜਾਂ ਕੰਮ ਦੇ ਦਬਾਅ ਹੇਠ ਤਣਾਅ ਮਹਿਸੂਸ ਕਰਨਾ ਬੇਹੰਦ ਆਮ ਗੱਲ ਹੈ। ਜਦੋਂ ਵੀ ਸਾਨੂੰ ਬਿਨਾਂ ਕਿਸੇ ਵਜ੍ਹਾ ਦੇ ਕਮਜ਼ੋਰੀ ਮਹਿਸੂਸ ਹੁੰਦੀ ਹੈ ਜਾਂ ਮੂਡ ਖ਼ਰਾਬ ਹੁੰਦਾ ਹੈ, ਤਾਂ ਅਸੀਂ ਅਕਸਰ ਖੁਦ ਹੀ ਇਹ ਮੰਨ ਲੈਂਦੇ ਹਾਂ ਕਿ ਸ਼ਾਇਦ ਕੰਮ ਦਾ ਪ੍ਰੈਸ਼ਰ ਜ਼ਿਆਦਾ ਹੈ ਜਾਂ ਅੱਜ-ਕੱਲ੍ਹ ਨੀਂਦ ਠੀਕ ਤਰ੍ਹਾਂ ਪੂਰੀ ਨਹੀਂ ਹੋ ਰਹੀ।
ਹਾਲਾਂਕਿ, ਕਈ ਵਾਰ ਇਹ ਮਾਮੂਲੀ ਥਕਾਵਟ ਤੋਂ ਵੱਧ ਗੰਭੀਰ ਸਮੱਸਿਆ ਹੋ ਸਕਦੀ ਹੈ, ਜਿਸ ਨੂੰ ਅਸੀਂ ਨਜ਼ਰਅੰਦਾਜ਼ ਕਰ ਰਹੇ ਹੁੰਦੇ ਹਾਂ। ਇਹ ਲੱਛਣ ਆਇਰਨ ਦੀ ਕਮੀ ਦਾ ਸੰਕੇਤ ਵੀ ਹੋ ਸਕਦੇ ਹਨ। ਇਸ ਲਈ ਇਨ੍ਹਾਂ ਨੂੰ ਅਣਦੇਖਾ ਕਰਨਾ ਅੱਗੇ ਚੱਲ ਕੇ ਵੱਡੀ ਪਰੇਸ਼ਾਨੀ ਬਣ ਸਕਦਾ ਹੈ। ਆਓ ਜਾਣੀਏ ਇਸ ਬਾਰੇ।
ਕਿਹੋ ਜਿਹੇ ਹੁੰਦੇ ਹਨ ਆਇਰਨ ਦੀ ਕਮੀ ਦੇ ਸੰਕੇਤ?
ਲਗਾਤਾਰ ਕਮਜ਼ੋਰੀ ਅਤੇ ਸੁਸਤੀ: ਆਇਰਨ ਦੀ ਕਮੀ ਦਾ ਇਹ ਸਭ ਤੋਂ ਵੱਡਾ ਸੰਕੇਤ ਹੈ। ਅਸਲ ਵਿੱਚ, ਹੀਮੋਗਲੋਬਿਨ ਘੱਟ ਹੋਣ ਕਾਰਨ ਸਰੀਰ ਦੇ ਸਾਰੇ ਅੰਗਾਂ ਤੱਕ ਸਹੀ ਮਾਤਰਾ ਵਿੱਚ ਆਕਸੀਜਨ ਨਹੀਂ ਪਹੁੰਚ ਪਾਉਂਦੀ। ਇਸ ਦੇ ਕਾਰਨ ਤੁਸੀਂ ਹਰ ਵੇਲੇ ਥੱਕਿਆ ਹੋਇਆ ਅਤੇ ਕਮਜ਼ੋਰ ਮਹਿਸੂਸ ਕਰਦੇ ਹੋ।
ਚਿੜਚਿੜਾਪਨ ਅਤੇ ਮੂਡ ਸਵਿੰਗਜ਼: ਹੀਮੋਗਲੋਬਿਨ ਦੀ ਕਮੀ ਕਾਰਨ ਦਿਮਾਗ ਨੂੰ ਵੀ ਸਹੀ ਮਾਤਰਾ ਵਿੱਚ ਆਕਸੀਜਨ ਨਹੀਂ ਮਿਲਦੀ। ਇਸ ਵਜ੍ਹਾ ਕਰਕੇ ਕੰਮ 'ਤੇ ਫੋਕਸ ਕਰਨ ਵਿੱਚ ਪਰੇਸ਼ਾਨੀ, ਸਿਰਦਰਦ ਜਾਂ ਬਿਨਾਂ ਵਜ੍ਹਾ ਚਿੜਚਿੜਾਪਨ ਦੀ ਸਮੱਸਿਆ ਹੋ ਸਕਦੀ ਹੈ।
ਸਾਹ ਫੁੱਲਣਾ: ਥੋੜ੍ਹਾ ਜਿਹਾ ਚੱਲਣ ਜਾਂ ਪੌੜੀਆਂ ਚੜ੍ਹਨ 'ਤੇ ਸਾਹ ਫੁੱਲਣਾ ਅਤੇ ਘਬਰਾਹਟ ਹੋਣਾ ਆਇਰਨ ਦੀ ਕਮੀ ਦਾ ਸੰਕੇਤ ਹੈ। ਸਰੀਰ ਵਿੱਚ ਆਕਸੀਜਨ ਦੀ ਕਮੀ ਨੂੰ ਪੂਰਾ ਕਰਨ ਲਈ ਦਿਲ ਨੂੰ ਜ਼ਿਆਦਾ ਮਿਹਨਤ ਕਰਨੀ ਪੈਂਦੀ ਹੈ, ਜਿਸ ਕਾਰਨ ਧੜਕਣ ਤੇਜ਼ ਹੋ ਜਾਂਦੀ ਹੈ, ਜਿਸ ਨੂੰ ਅਸੀਂ ਕਈ ਵਾਰ ਐਂਗਜ਼ਾਇਟੀ ਸਮਝ ਲੈਂਦੇ ਹਾਂ।
ਸਟ੍ਰੈੱਸ ਅਤੇ ਆਇਰਨ ਦੀ ਕਮੀ ਵਿੱਚ ਅੰਤਰ
ਆਇਰਨ ਦੀ ਕਮੀ ਕਾਰਨ ਦਿਖਾਈ ਦੇਣ ਵਾਲੇ ਲੱਛਣ, ਜਿਵੇਂ ਕਿ ਥਕਾਵਟ, ਚਿੜਚਿੜਾਪਨ ਆਦਿ ਸਟ੍ਰੈੱਸ ਦੇ ਲੱਛਣਾਂ ਵਰਗੇ ਮਹਿਸੂਸ ਹੋ ਸਕਦੇ ਹਨ, ਪਰ ਕੁਝ ਹੋਰ ਸੰਕੇਤਾਂ ਨਾਲ ਇਨ੍ਹਾਂ ਵਿੱਚ ਫ਼ਰਕ ਕੀਤਾ ਜਾ ਸਕਦਾ ਹੈ:
ਚਮੜੀ ਦਾ ਪੀਲਾਪਨ: ਜੇਕਰ ਤੁਹਾਡੀ ਚਮੜੀ ਪੀਲੀ ਦਿਖਣ ਲੱਗ ਪਈ ਹੈ, ਤਾਂ ਇਹ ਸਰੀਰ ਵਿੱਚ ਹੀਮੋਗਲੋਬਿਨ ਦੀ ਕਮੀ ਦਾ ਸੰਕੇਤ ਹੋ ਸਕਦਾ ਹੈ।
ਹੱਥ-ਪੈਰ ਠੰਢੇ ਰਹਿਣਾ: ਜੇਕਰ ਤੁਹਾਡੇ ਹੱਥ-ਪੈਰ ਹਮੇਸ਼ਾ ਠੰਢੇ ਰਹਿੰਦੇ ਹਨ, ਤਾਂ ਇਹ ਖ਼ਰਾਬ ਬਲੱਡ ਸਰਕੂਲੇਸ਼ਨ ਅਤੇ ਆਇਰਨ ਦੀ ਕਮੀ ਦਾ ਸੰਕੇਤ ਹੈ।
ਅਣਕਿਆਸੀਆਂ ਚੀਜ਼ਾਂ ਖਾਣ ਦੀ ਇੱਛਾ: ਆਇਰਨ ਦੀ ਗੰਭੀਰ ਕਮੀ ਹੋਣ 'ਤੇ ਮਿੱਟੀ, ਚਾਕ ਜਾਂ ਕੱਚੇ ਚੌਲ ਖਾਣ ਦੀ ਇੱਛਾ ਹੋਣ ਲੱਗਦੀ ਹੈ।
ਇਸ ਲਈ ਜੇਕਰ ਲਗਾਤਾਰ ਥਕਾਵਟ ਅਤੇ ਕਮਜ਼ੋਰੀ ਵਰਗੇ ਲੱਛਣ ਦਿਖਾਈ ਦੇਣ, ਤਾਂ ਆਪਣੇ ਡਾਕਟਰ ਨੂੰ ਮਿਲ ਕੇ ਆਇਰਨ ਦੀ ਕਮੀ ਦੀ ਜਾਂਚ ਲਈ ਟੈਸਟ ਜ਼ਰੂਰ ਕਰਵਾਓ।