ਕਬਜ਼ ਤੇ ਬਲੋਟਿੰਗ ਵਰਗੀਆਂ ਪੇਟ ਦੀਆਂ ਸਮੱਸਿਆਵਾਂ ਦਾ 'ਕਾਲ' ਹਨ ਇਹ ਆਯੁਰਵੈਦਿਕ ਡ੍ਰਿੰਕਸ, ਅੱਜ ਤੋਂ ਹੀ ਸ਼ੁਰੂ ਕਰ ਦਿਓ ਪੀਣਾ

ਲਾਈਫਸਟਾਈਲ ਡੈਸਕ, ਨਵੀਂ ਦਿੱਲੀ : ਅੱਜਕੱਲ੍ਹ ਦੀ ਆਲਸ ਭਰੀ ਜੀਵਨਸ਼ੈਲੀ ਵਿਚ ਸਭ ਤੋਂ ਜ਼ਿਆਦਾ ਨੁਕਸਾਨ ਸਾਡੀ ਗਟ ਹੈਲਥ ਨੂੰ ਹੁੰਦਾ ਹੈ, ਜਦਕਿ ਅਸੀਂ ਸਾਰੇ ਜਾਣਦੇ ਹਾਂ ਕਿ ਸਰੀਰ ਦੀਆਂ ਜ਼ਿਆਦਾਤਰ ਬਿਮਾਰੀਆਂ ਵਿਅਕਤੀ ਦੇ ਪੇਟ ਨਾਲ ਜੁੜੀਆਂ ਹੁੰਦੀਆਂ ਹਨ। ਅਜਿਹੇ ਵਿਚ ਸਰੀਰ ਨੂੰ ਸਿਹਤਮੰਦ ਰੱਖਣ ਦੀ ਪਹਿਲੀ ਸ਼ਰਤ ਹੈ ਕਿ ਪੇਟ ਨੂੰ ਸਿਹਤਮੰਦ ਰੱਖਿਆ ਜਾ ਸਕੇ। ਇਸ ਲਈ ਆਪਣੀ ਡਾਈਟ ਵਿਚ ਆਯੁਰਵੈਦਿਕ ਡ੍ਰਿੰਕਸ ਨੂੰ ਸ਼ਾਮਲ ਕੀਤਾ ਜਾ ਸਕਦਾ ਹੈ।

ਗਟ ਹੈਲਥ ਲਈ ਆਯੁਰਵੈਦਿਕ ਡ੍ਰਿੰਕਸ

ਗਟ ਹੈਲਥ ਵਿਚ ਸੁਧਾਰ ਲਿਆਉਣ ਲਈ ਹਮੇਸ਼ਾ ਬਾਹਰ ਦੇ ਮਹਿੰਗੇ ਸਪਲੀਮੈਂਟਸ ਜਾਂ ਪ੍ਰੋਡਕਟਸ ਦਾ ਸੇਵਨ ਕਰਨਾ ਜ਼ਰੂਰੀ ਨਹੀਂ ਹੈ। ਘਰ ਵਿਚ ਬਣਨ ਵਾਲੇ ਆਯੁਰਵੈਦਿਕ ਡ੍ਰਿੰਕਸ ਵੀ ਓਨੇ ਹੀ ਪ੍ਰਭਾਵਸ਼ਾਲੀ ਹੋ ਸਕਦੇ ਹਨ।

ਜੀਰਾ ਪਾਣੀ

ਜੀਰੇ ਦਾ ਪਾਣੀ ਗੈਸ, ਬਦਹਜ਼ਮੀ ਅਤੇ ਬਲੋਟਿੰਗ ਨਾਲ ਜੁੜੀਆਂ ਸਮੱਸਿਆਵਾਂ ਨੂੰ ਘੱਟ ਕਰਨ ਵਿਚ ਮਦਦਗਾਰ ਹੈ। ਇਸ ਨਾਲ ਮੈਟਾਬੋਲਿਜ਼ਮ ਠੀਕ ਰਹਿੰਦਾ ਹੈ ਅਤੇ ਨਾਲ ਹੀ ਇਸ ਦੀ ਮਦਦ ਨਾਲ ਭਾਰ ਵੀ ਕੰਟਰੋਲ ਵਿਚ ਰਹਿੰਦਾ ਹੈ।

ਕਿਵੇਂ ਬਣਾਈਏ?

ਜੀਰਾ ਪਾਣੀ ਬਣਾਉਣ ਲਈ 1 ਛੋਟਾ ਚਮਚ ਜੀਰਾ ਅਤੇ 1 ਗਿਲਾਸ ਪਾਣੀ ਦੀ ਲੋੜ ਹੈ। ਇਕ ਬਰਤਨ ਵਿਚ ਇਕ ਗਿਲਾਸ ਪਾਣੀ ਪਾ ਕੇ ਉਸ ਵਿਚ 1 ਛੋਟਾ ਚਮਚ ਜੀਰਾ ਵੀ ਪਾਓ। ਇਸ ਪਾਣੀ ਨੂੰ ਉਦੋਂ ਤੱਕ ਉਬਾਲਣਾ ਹੈ ਜਦੋਂ ਤੱਕ ਇਹ ਅੱਧਾ ਨਾ ਰਹਿ ਜਾਵੇ। ਇਸ ਤੋਂ ਬਾਅਦ ਪਾਣੀ ਨੂੰ ਹਲਕਾ ਗੁਣਗੁਣਾ ਹੋਣ ਲਈ ਰੱਖੋ ਅਤੇ ਫਿਰ ਇਸ ਨੂੰ ਛਾਣ ਕੇ ਸਵੇਰੇ ਸੇਵਨ ਕਰੋ।

ਅਦਰਕ ਦੀ ਚਾਹ

ਅਦਰਕ ਇਕ ਕੁਦਰਤੀ ਪੇਨਕਿਲਰ ਹੈ। ਇਸ ਵਿਚ ਜਿੰਜਰੋਲ ਵਰਗਾ ਪਾਚਨ ਨਾਲ ਜੁੜਿਆ ਐਕਟਿਵ ਬਾਇਓਐਕਟਿਵ ਫੀਨੋਲਿਕ ਯੌਗਿਕ ਪਾਇਆ ਜਾਂਦਾ ਹੈ। ਇਸ ਨਾਲ ਪੇਟ ਨਾਲ ਜੁੜੀਆਂ ਕਈ ਸਮੱਸਿਆਵਾਂ ਤੋਂ ਰਾਹਤ ਮਿਲ ਸਕਦੀ ਹੈ।

ਕਿਵੇਂ ਬਣਾਈਏ?

ਅਦਰਕ ਦੀ ਚਾਹ ਬਣਾਉਣ ਲਈ 1 ਇੰਚ ਕੁੱਟੀ ਹੋਈ ਜਾਂ ਕੱਦੂਕਸ ਕੀਤੀ ਅਦਰਕ ਦੇ ਨਾਲ 2 ਕੱਪ ਪਾਣੀ ਚਾਹੀਦਾ ਹੈ। ਤੁਸੀਂ ਚਾਹੋ ਤਾਂ 2 ਚੁਟਕੀ ਚਾਹ ਪੱਤੀ ਵੀ ਮਿਲਾ ਸਕਦੇ ਹੋ। ਬਰਤਨ ਵਿਚ 2 ਕੱਪ ਪਾਣੀ ਦੇ ਨਾਲ ਅਦਰਕ ਅਤੇ ਵਿਕਲਪਿਕ ਚਾਹ ਪੱਤੀ ਪਾ ਕੇ 6-7 ਮਿੰਟ ਉਬਲਣ ਦਿਓ। ਫਿਰ ਇਸ ਪਾਣੀ ਨੂੰ ਛਾਣ ਕੇ ਸੇਵਨ ਕਰੋ।

ਸੌਂਫ ਦੀ ਚਾਹ

ਸੌਂਫ ਵਿਚ ਪਾਏ ਜਾਣ ਵਾਲੇ ਐਂਟੀਆਕਸੀਡੈਂਟਸ ਅਤੇ ਫਾਈਬਰ ਗਟ ਨੂੰ ਸਿਹਤਮੰਦ ਰੱਖਣ ਵਿਚ ਭੂਮਿਕਾ ਨਿਭਾਉਂਦੇ ਹਨ। ਇਸ ਨਾਲ ਪਾਚਨ ਬਿਹਤਰ ਰਹਿੰਦਾ ਹੈ ਅਤੇ ਕਬਜ਼ ਵਰਗੀਆਂ ਸਮੱਸਿਆਵਾਂ ਤੋਂ ਰਾਹਤ ਮਿਲ ਸਕਦੀ ਹੈ।

ਕਿਵੇਂ ਬਣਾਈਏ?

ਸੌਂਫ ਦੀ ਚਾਹ ਬਣਾਉਣ ਲਈ 1 ਛੋਟਾ ਚਮਚ ਸੌਂਫ ਅਤੇ 1 ਗਿਲਾਸ ਪਾਣੀ ਲਓ। ਇਸ ਦੇ ਨਾਲ 1/2 ਚਮਚ ਸ਼ਹਿਦ (ਵਿਕਲਪਿਕ) ਵੀ ਮਿਲਾਇਆ ਜਾ ਸਕਦਾ ਹੈ। ਇਕ ਬਰਤਨ ਵਿਚ ਸੌਂਫ ਅਤੇ ਪਾਣੀ ਪਾ ਕੇ ਉਬਾਲਣ ਲਈ ਰੱਖ ਦਿਓ। ਧਿਆਨ ਰਹੇ ਕਿ ਪਾਣੀ ਨੂੰ 5-6 ਮਿੰਟ ਤੱਕ ਉਬਾਲਣਾ ਹੈ। ਇਸ ਤੋਂ ਬਾਅਦ ਪਾਣੀ ਛਾਣੋ ਅਤੇ ਸ਼ਹਿਦ ਮਿਲਾ ਕੇ ਸੇਵਨ ਕਰੋ।

ਡਿਸਕਲੇਮਰ: ਲੇਖ ਵਿਚ ਦੱਸੀਆਂ ਸਲਾਹਾਂ ਤੇ ਸੁਝਾਅ ਸਿਰਫ਼ ਆਮ ਜਾਣਕਾਰੀ ਦੇ ਉਦੇਸ਼ ਲਈ ਹਨ ਤੇ ਇਨ੍ਹਾਂ ਨੂੰ ਪੇਸ਼ੇਵਰ ਡਾਕਟਰੀ ਸਲਾਹ ਵਜੋਂ ਨਹੀਂ ਲਿਆ ਜਾਣਾ ਚਾਹੀਦਾ। ਕੋਈ ਵੀ ਸਵਾਲ ਜਾਂ ਸਮੱਸਿਆ ਹੋਵੇ ਤਾਂ ਹਮੇਸ਼ਾ ਆਪਣੇ ਡਾਕਟਰ ਨਾਲ ਸਲਾਹ ਕਰੋ।