- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਸੰਨੀ ਦਿਓਲ ਦੀ ਇਸ ਹਰਕਤ 'ਤੇ ਬੁਰੀ ਤਰ੍ਹਾਂ ਭੜਕੀ ਸੀ ਇਹ ਦਿੱਗਜ ਅਦਾਕਾਰਾ, ਸ਼ਰੇਆਮ ਕਿਹਾ ਸੀ- 'ਤੁਸੀਂ ਕੰਮ ਕਰਨ ਦੇ ਲਾਇਕ ਨਹੀਂ'
ਸੰਨੀ ਦਿਓਲ ਨੇ ਆਪਣੇ ਕਰੀਅਰ 'ਚ ਇੱਕ ਤੋਂ ਵੱਧ ਕੇ ਇੱਕ ਹਿੱਟ ਫ਼ਿਲਮਾਂ ਦਿੱਤੀਆਂ ਹਨ। ਅਮਿਤਾਭ ਬੱਚਨ ਤੋਂ ਇਲਾਵਾ ਜੇਕਰ ਕੋਈ ਦੂਜਾ ਐਕਟਰ ਵੱਡੇ ਪਰਦੇ 'ਤੇ 'ਐਂਗਰੀ ਯੰਗ ਮੈਨ' ਬਣ ਕੇ ਉੱਭਰਿਆ, ਤਾਂ ਉਹ ਸੰਨੀ ਦਿਓਲ ਹੀ ਸਨ। ਸੰਨੀ ਦਿਓਲ ਦਾ ਗੁੱਸਾ ਤਾਂ ਅਸੀਂ ਸਕ੍ਰੀਨ ਅਤੇ ਆਫ਼-ਸਕ੍ਰੀਨ ਦੋਵਾਂ ਜਗ੍ਹਾ ਦੇਖਿਆ ਹੈ, ਪਰ ਉਨ੍ਹਾਂ 'ਤੇ ਕੋਈ ਭੜਕ ਜਾਵੇ, ਇਹ ਸੋਚਣਾ ਥੋੜ੍ਹਾ ਮੁਸ਼ਕਿਲ ਲੱਗਦਾ ਹੈ।
Posted By Sunita
Publish Date: Wed, 24 Jun 2026 11:27 AM (IST)
Updated Date: Wed, 24 Jun 2026 11:28 AM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਸੰਨੀ ਦਿਓਲ ਨੇ ਆਪਣੇ ਕਰੀਅਰ 'ਚ ਇੱਕ ਤੋਂ ਵੱਧ ਕੇ ਇੱਕ ਹਿੱਟ ਫ਼ਿਲਮਾਂ ਦਿੱਤੀਆਂ ਹਨ। ਅਮਿਤਾਭ ਬੱਚਨ ਤੋਂ ਇਲਾਵਾ ਜੇਕਰ ਕੋਈ ਦੂਜਾ ਐਕਟਰ ਵੱਡੇ ਪਰਦੇ 'ਤੇ 'ਐਂਗਰੀ ਯੰਗ ਮੈਨ' ਬਣ ਕੇ ਉੱਭਰਿਆ, ਤਾਂ ਉਹ ਸੰਨੀ ਦਿਓਲ ਹੀ ਸਨ। ਸੰਨੀ ਦਿਓਲ ਦਾ ਗੁੱਸਾ ਤਾਂ ਅਸੀਂ ਸਕ੍ਰੀਨ ਅਤੇ ਆਫ਼-ਸਕ੍ਰੀਨ ਦੋਵਾਂ ਜਗ੍ਹਾ ਦੇਖਿਆ ਹੈ, ਪਰ ਉਨ੍ਹਾਂ 'ਤੇ ਕੋਈ ਭੜਕ ਜਾਵੇ, ਇਹ ਸੋਚਣਾ ਥੋੜ੍ਹਾ ਮੁਸ਼ਕਿਲ ਲੱਗਦਾ ਹੈ।
ਹਾਲਾਂਕਿ, 36 ਸਾਲ ਪਹਿਲਾਂ ਅਜਿਹਾ ਹੋਇਆ ਸੀ, ਜਦੋਂ ਫ਼ਿਲਮ 'ਘਾਇਲ' ਦੇ ਸੈੱਟ 'ਤੇ ਸੰਨੀ ਦਿਓਲ ਦੀ ਆਨ-ਸਕ੍ਰੀਨ ਭਾਬੀ ਦਾ ਕਿਰਦਾਰ ਨਿਭਾਉਣ ਵਾਲੀ ਇੱਕ ਅਦਾਕਾਰਾ ਨੇ ਗੁੱਸੇ 'ਚ ਇਹ ਤੱਕ ਕਹਿ ਦਿੱਤਾ ਸੀ ਕਿ ਤੁਸੀਂ ਕੰਮ ਕਰਨ ਦੇ ਲਾਇਕ ਨਹੀਂ ਹੋ। ਕੌਣ ਸੀ ਉਹ ਅਦਾਕਾਰਾ ਜਿਸ ਨੇ ਸੰਨੀ ਦਿਓਲ ਨੂੰ ਸਿੱਧਾ ਕੀਤਾ ਸੀ, ਹੇਠਾਂ ਪੜ੍ਹੋ ਇਹ ਦਿਲਚਸਪ ਕਿੱਸਾ।
ਸੰਨੀ ਦਿਓਲ ਨੇ ਇਸ ਦਿੱਗਜ ਅਦਾਕਾਰਾ ਨੂੰ ਕੀਤਾ ਸੀ ਨਾਰਾਜ਼
ਸੰਨੀ ਦਿਓਲ ਨੇ ਜਿਸ ਦਿੱਗਜ ਅਦਾਕਾਰਾ ਨੂੰ ਨਾਰਾਜ਼ ਕੀਤਾ ਸੀ, ਉਹ ਕੋਈ ਹੋਰ ਨਹੀਂ ਬਲਕਿ ਮੌਸ਼ਮੀ ਚੈਟਰਜੀ ਹਨ। ਧਰਮਿੰਦਰ ਅਤੇ ਮੌਸ਼ਮੀ ਚੈਟਰਜੀ ਨੇ 70 ਅਤੇ 80 ਦੇ ਦਹਾਕੇ 'ਚ ਕਈ ਵੱਡੀਆਂ ਫ਼ਿਲਮਾਂ 'ਚ ਇਕੱਠੇ ਕੰਮ ਕੀਤਾ ਸੀ, ਜਿਸ ਕਰਕੇ ਉਨ੍ਹਾਂ ਦੇ ਸਬੰਧ ਦਿਓਲ ਪਰਿਵਾਰ ਨਾਲ ਬਹੁਤ ਚੰਗੇ ਸਨ। ਸਾਲ 1990 'ਚ ਰਿਲੀਜ਼ ਹੋਈ ਸੰਨੀ ਦਿਓਲ ਦੀ ਹਿੱਟ ਫ਼ਿਲਮ 'ਘਾਇਲ' 'ਚ ਮੌਸ਼ਮੀ ਚੈਟਰਜੀ ਨੇ ਉਨ੍ਹਾਂ ਦੀ ਆਨ-ਸਕ੍ਰੀਨ ਭਾਬੀ ਦਾ ਕਿਰਦਾਰ ਨਿਭਾਇਆ ਸੀ।
'ਕਿੱਸਾ ਟੀਵੀ' ਫੇਸਬੁੱਕ ਪੇਜ ਮੁਤਾਬਕ, ਜਦੋਂ ਵੀ ਸੰਨੀ ਦਿਓਲ ਅਤੇ ਮੌਸ਼ਮੀ ਚੈਟਰਜੀ ਦੇ ਸੀਨ ਇਕੱਠੇ ਸ਼ੂਟ ਹੁੰਦੇ ਸਨ, ਤਾਂ ਅਕਸਰ 'ਗਦਰ' ਫੇਮ ਐਕਟਰ ਸੈੱਟ 'ਤੇ ਲੇਟ ਆਉਂਦੇ ਸਨ। ਇੱਕ ਵਾਰ ਤਾਂ ਅਜਿਹਾ ਹੋਇਆ ਕਿ ਮੌਸ਼ਮੀ ਸੈੱਟ 'ਤੇ ਬੈਠੀ ਰਹੀ ਅਤੇ ਕਾਫ਼ੀ ਦੇਰ ਬਾਅਦ ਵੀ ਸੰਨੀ ਦਿਓਲ ਨਹੀਂ ਆਏ। ਗੁੱਸੇ 'ਚ ਮੌਸ਼ਮੀ ਚੈਟਰਜੀ ਉਨ੍ਹਾਂ ਦੇ ਘਰ ਹੀ ਪਹੁੰਚ ਗਈ ਅਤੇ ਉਨ੍ਹਾਂ ਨੇ ਅਦਾਕਾਰ ਨੂੰ ਖੂਬ ਝਾੜ ਪਾਈ ਅਤੇ ਕਿਹਾ, "ਤੁਸੀਂ ਕੰਮ ਕਰਨ ਦੇ ਲਾਇਕ ਨਹੀਂ ਹੋ, ਧਰਮ ਜੀ ਦਾ ਨਾਮ ਖ਼ਰਾਬ ਕਰ ਰਹੇ ਹੋ।"
ਸੰਨੀ ਦਿਓਲ ਨੂੰ ਹੋਇਆ ਗ਼ਲਤੀ ਦਾ ਅਹਿਸਾਸ, ਮੰਗੀ ਮਾਫ਼ੀ
ਮੌਸ਼ਮੀ ਚੈਟਰਜੀ ਤੋਂ ਮਿਲੀ ਫਟਕਾਰ ਤੋਂ ਬਾਅਦ ਸੰਨੀ ਦਿਓਲ ਨੂੰ ਆਪਣੀ ਗ਼ਲਤੀ ਦਾ ਅਹਿਸਾਸ ਹੋਇਆ ਅਤੇ ਉਨ੍ਹਾਂ ਨੇ ਦਿੱਗਜ ਅਦਾਕਾਰਾ ਤੋਂ ਮਾਫ਼ੀ ਮੰਗੀ। ਉਸ ਦਿਨ ਤੋਂ ਬਾਅਦ 'ਘਾਇਲ' ਦੀ ਸ਼ੂਟਿੰਗ ਦੌਰਾਨ ਸੰਨੀ ਇੱਕ ਵੀ ਦਿਨ ਲੇਟ ਨਹੀਂ ਹੋਏ। ਹਾਲਾਂਕਿ, ਬਾਅਦ 'ਚ ਦਿਓਲ ਪਰਿਵਾਰ ਨਾਲ ਉਨ੍ਹਾਂ ਦੇ ਕੁਝ ਵਿਵਾਦ ਹੋ ਗਏ ਸਨ, ਜਿਸ ਕਾਰਨ ਉਹ ਸਾਲ 1990 'ਚ 'ਘਾਇਲ' ਦੀ ਸਫ਼ਲਤਾ ਦੀ ਪਾਰਟੀ 'ਚ ਵੀ ਸ਼ਾਮਲ ਨਹੀਂ ਹੋਈ ਸੀ।
ਮੌਸ਼ਮੀ ਚੈਟਰਜੀ ਨੇ ਇੱਕ ਪੁਰਾਣੇ ਇੰਟਰਵਿਊ 'ਚ ਇਸ ਗੱਲ ਨੂੰ ਲੈ ਕੇ ਨਾਰਾਜ਼ਗੀ ਵੀ ਜ਼ਾਹਰ ਕੀਤੀ ਸੀ ਕਿ ਉਨ੍ਹਾਂ ਨੇ ਧਰਮਿੰਦਰ ਦੇ ਕਹਿਣ 'ਤੇ ਇਹ ਫ਼ਿਲਮ ਕੀਤੀ ਸੀ, ਪਰ ਜਦੋਂ ਫ਼ਿਲਮ ਸੁਪਰਹਿੱਟ ਹੋਈ ਤਾਂ ਉਨ੍ਹਾਂ ਨੂੰ ਪਾਰਟੀ 'ਚ ਇਨਵਾਈਟ (ਸੱਦਾ) ਤੱਕ ਨਹੀਂ ਕੀਤਾ ਗਿਆ। ਤੁਹਾਨੂੰ ਦੱਸ ਦੇਈਏ ਕਿ 'ਘਾਇਲ' ਫ਼ਿਲਮ ਬਾਕਸ ਆਫ਼ਿਸ 'ਤੇ ਆਮਿਰ ਖ਼ਾਨ ਦੀ ਫ਼ਿਲਮ 'ਦਿਲ' ਨਾਲ ਟਕਰਾਈ ਸੀ। ਢਾਈ ਕਰੋੜ ਦੇ ਬਜਟ 'ਚ ਬਣੀ ਇਸ ਫ਼ਿਲਮ ਨੇ ਉਸ ਸਮੇਂ ਤਕਰੀਬਨ 8 ਕਰੋੜ ਰੁਪਏ ਦਾ ਕਾਰੋਬਾਰ ਕੀਤਾ ਸੀ।