- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਬਦਕਿਸਮਤ ਸੀ ਸਿਨੇਮਾ ਦਾ ਇਹ ਬਾਕਮਾਲ ਸਿਤਾਰਾ, 100 ਫ਼ਿਲਮਾਂ ਕਰਨ ਤੋਂ ਬਾਅਦ ਵੀ ਕਦੇ ਨਹੀਂ ਬਣ ਸਕਿਆ ਸੁਪਰਸਟਾਰ
ਫ਼ਿਲਮ ਇੰਡਸਟਰੀ ਨਾਲ ਜੁੜੀਆਂ ਕਈ ਅਜਿਹੀਆਂ ਕਹਾਣੀਆਂ ਅਤੇ ਕਿੱਸੇ ਹਨ, ਜਿਨ੍ਹਾਂ ਬਾਰੇ ਜਾਣਨ ਲਈ ਸਿਨੇਮਾ ਪ੍ਰੇਮੀ ਹਮੇਸ਼ਾ ਉਤਸੁਕ ਰਹਿੰਦੇ ਹਨ। ਅੱਜ ਅਸੀਂ ਤੁਹਾਨੂੰ ਸਿਨੇਮਾ ਦੇ ਉਸ ਬਦਕਿਸਮਤ ਫ਼ਿਲਮੀ ਸਿਤਾਰੇ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਨੇ ਬਤੌਰ ਐਕਟਰ ਬਾਲੀਵੁੱਡ ਵਿੱਚ 4 ਦਹਾਕਿਆਂ ਤੱਕ ਕੰਮ ਕੀਤਾ।
Posted By Anuradha Bains
Publish Date: Mon, 15 Jun 2026 01:22 PM (IST)
Updated Date: Mon, 15 Jun 2026 01:26 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਫ਼ਿਲਮ ਇੰਡਸਟਰੀ ਨਾਲ ਜੁੜੀਆਂ ਕਈ ਅਜਿਹੀਆਂ ਕਹਾਣੀਆਂ ਅਤੇ ਕਿੱਸੇ ਹਨ, ਜਿਨ੍ਹਾਂ ਬਾਰੇ ਜਾਣਨ ਲਈ ਸਿਨੇਮਾ ਪ੍ਰੇਮੀ ਹਮੇਸ਼ਾ ਉਤਸੁਕ ਰਹਿੰਦੇ ਹਨ। ਅੱਜ ਅਸੀਂ ਤੁਹਾਨੂੰ ਸਿਨੇਮਾ ਦੇ ਉਸ ਬਦਕਿਸਮਤ ਫ਼ਿਲਮੀ ਸਿਤਾਰੇ ਬਾਰੇ ਦੱਸਣ ਜਾ ਰਹੇ ਹਾਂ, ਜਿਸ ਨੇ ਬਤੌਰ ਐਕਟਰ ਬਾਲੀਵੁੱਡ ਵਿੱਚ 4 ਦਹਾਕਿਆਂ ਤੱਕ ਕੰਮ ਕੀਤਾ।
ਪਰ ਫਿਰ ਵੀ ਉਹ ਕਦੇ ਸੁਪਰਸਟਾਰ ਨਹੀਂ ਅਖਵਾ ਸਕਿਆ। 100 ਤੋਂ ਵੱਧ ਫ਼ਿਲਮਾਂ ਕਰਨ ਤੋਂ ਬਾਅਦ ਵੀ ਉਸ ਅਦਾਕਾਰ ਨੂੰ ਮਨਚਾਹਾ ਮੁਕਾਮ ਹਾਸਲ ਨਹੀਂ ਹੋ ਸਕਿਆ। ਆਓ ਜਾਣਦੇ ਹਾਂ ਕਿ ਉਹ ਫ਼ਿਲਮ ਸਟਾਰ ਕੌਣ ਸੀ।
ਬਦਕਿਸਮਤ ਸੀ ਇਹ ਫ਼ਿਲਮ ਕਲਾਕਾਰ
ਹਿੰਦੀ ਸਿਨੇਮਾ ਜਗਤ ਵਿੱਚ ਕਈ ਅਜਿਹੇ ਸਿਤਾਰੇ ਰਹੇ ਹਨ, ਜਿਨ੍ਹਾਂ ਦਾ ਨਾਮ ਕਾਫ਼ੀ ਚਰਚਾ ਵਿੱਚ ਰਿਹਾ ਪਰ ਇੱਕ ਸੁਪਰਸਟਾਰ ਵਜੋਂ ਨਹੀਂ ਸਗੋਂ ਹੋਰਨਾਂ ਕਾਰਨਾਂ ਕਰਕੇ। ਅਜਿਹਾ ਮੰਨਿਆ ਜਾਂਦਾ ਹੈ ਕਿ ਜਿਹੜਾ ਐਕਟਰ 40 ਸਾਲਾਂ ਤੱਕ ਫ਼ਿਲਮ ਲਾਈਨ ਵਿੱਚ ਐਕਟਿਵ ਰਿਹਾ ਹੋਵੇ ਅਤੇ 100 ਤੋਂ ਵੱਧ ਫ਼ਿਲਮਾਂ ਵਿੱਚ ਨਜ਼ਰ ਆਇਆ ਹੋਵੇ, ਤਾਂ ਯਕੀਨੀ ਤੌਰ 'ਤੇ ਉਸ ਨੂੰ ਸੁਪਰਸਟਾਰ ਮੰਨਿਆ ਜਾਂਦਾ ਹੈ। ਪਰ ਦਿੱਗਜ ਅਦਾਕਾਰ ਰਹੇ ਵਿਨੋਦ ਮਹਿਰਾ (Vinod Mehra) ਦੇ ਮਾਮਲੇ ਵਿੱਚ ਅਜਿਹਾ ਦੇਖਣ ਨੂੰ ਨਹੀਂ ਮਿਲਿਆ। ![naidunia_image]()
ਜੀ ਹਾਂ, ਵਿਨੋਦ ਮਹਿਰਾ ਹੀ ਉਹ ਫ਼ਿਲਮ ਕਲਾਕਾਰ ਸਨ, ਜਿਨ੍ਹਾਂ ਨੂੰ ਬਦਕਿਸਮਤ ਮੰਨਿਆ ਗਿਆ। 1950 ਵਿੱਚ ਬਤੌਰ ਚਾਈਲਡ ਆਰਟਿਸਟ ਆਪਣੇ ਐਕਟਿੰਗ ਕਰੀਅਰ ਦੀ ਸ਼ੁਰੂਆਤ ਕਰਨ ਵਾਲੇ ਵਿਨੋਦ ਨੇ ਆਪਣੇ ਸ਼ਾਨਦਾਰ ਫ਼ਿਲਮੀ ਸਫ਼ਰ ਵਿੱਚ 100 ਤੋਂ ਵੱਧ ਫ਼ਿਲਮਾਂ ਵਿੱਚ ਅਹਿਮ ਕਿਰਦਾਰ ਨਿਭਾਏ। ਕਈ ਹਿੱਟ ਫ਼ਿਲਮਾਂ ਦੇਣ ਦੇ ਬਾਵਜੂਦ ਵੀ ਉਨ੍ਹਾਂ ਨੂੰ ਕਦੇ ਇੱਕ ਸੁਪਰਸਟਾਰ ਦੀ ਹੈਸੀਅਤ ਨਾਲ ਨਹੀਂ ਦੇਖਿਆ ਗਿਆ।
ਉਹ ਜਿਊਂਦੇ ਜੀਅ ਸਾਰੀ ਉਮਰ ਸੁਪਰਸਟਾਰ ਅਖਵਾਉਣ ਲਈ ਤਰਸਦੇ ਰਹੇ। 1950 ਤੋਂ ਲੈ ਕੇ 1990 ਦੇ ਦਰਮਿਆਨ ਉਹ ਇੱਕ ਐਕਟਰ ਵਜੋਂ ਲਗਾਤਾਰ ਫ਼ਿਲਮਾਂ ਕਰਦੇ ਰਹੇ, ਪਰ ਫਿਰ ਵੀ ਉਨ੍ਹਾਂ ਨੂੰ ਬਤੌਰ ਅਦਾਕਾਰ ਫ਼ਿਲਮ ਇੰਡਸਟਰੀ ਵਿੱਚ ਬਹੁਤੀ ਤਰਜੀਹ ਨਹੀਂ ਮਿਲ ਸਕੀ।
ਇਸ ਦਾ ਇੱਕ ਵੱਡਾ ਕਾਰਨ ਇਹ ਵੀ ਸੀ ਕਿ ਵਿਨੋਦ ਮਹਿਰਾ ਅਕਸਰ ਆਪਣੀ ਨਿੱਜੀ ਜ਼ਿੰਦਗੀ ਨੂੰ ਲੈ ਕੇ ਚਰਚਾ ਵਿੱਚ ਰਹਿੰਦੇ ਸਨ, ਜਿਸ ਦੀ ਸਭ ਤੋਂ ਵੱਡੀ ਵਜ੍ਹਾ ਉਨ੍ਹਾਂ ਦੇ ਤਿੰਨ-ਤਿੰਨ ਵਿਆਹ ਅਤੇ ਅਭਿਨੇਤਰੀਆਂ ਨਾਲ ਅਫੇਅਰ ਦੇ ਮਾਮਲੇ ਸਨ। ![naidunia_image]()
ਇਸ ਅਭਿਨੇਤਰੀ ਨਾਲ ਸੀ ਸੀਰੀਅਸ ਅਫੇਅਰ
ਦੋ ਵਿਆਹ ਕਰਨ ਤੋਂ ਬਾਅਦ ਵੀ ਵਿਨੋਦ ਮਹਿਰਾ ਸੱਚੇ ਪਿਆਰ ਦੀ ਭਾਲ ਵਿੱਚ ਰਹੇ ਅਤੇ ਉਨ੍ਹਾਂ ਦਾ ਨਾਮ ਅਭਿਨੇਤਰੀ ਰੇਖਾ ਨਾਲ ਕਾਫ਼ੀ ਜੁੜਿਆ। ਫ਼ਿਲਮੀ ਗਲਿਆਰਿਆਂ ਦੀ ਮੰਨੀਏ ਤਾਂ ਵਿਨੋਦ ਅਤੇ ਰੇਖਾ ਨੇ ਚੁੱਪ-ਚੁਪੀਤੇ ਵਿਆਹ ਵੀ ਕਰਵਾ ਲਿਆ ਸੀ, ਪਰ ਇਸ ਗੱਲ ਦੀ ਪੁਸ਼ਟੀ ਨਹੀਂ ਕੀਤੀ ਜਾ ਸਕਦੀ।
ਹਾਲਾਂਕਿ, ਇਹ ਵੀ ਮੰਨਿਆ ਜਾਂਦਾ ਹੈ ਕਿ ਰੇਖਾ ਅਤੇ ਵਿਨੋਦ ਇੱਕ ਸੀਰੀਅਸ ਰਿਲੇਸ਼ਨਸ਼ਿਪ ਵਿੱਚ ਰਹੇ ਅਤੇ ਦੂਜੀ ਪਤਨੀ ਬਿੰਦੀਆ ਗੋਸਵਾਮੀ ਨਾਲ ਵਿਨੋਦ ਦਾ ਵਿਆਹ ਟੁੱਟਣ ਦੀ ਵਜ੍ਹਾ ਵੀ ਰੇਖਾ ਹੀ ਸੀ।