ਪਾਕਿਸਤਾਨ ਨੂੰ 'ਮਾਸੀ' ਕਹਿਣ 'ਤੇ ਸੰਨੀ ਦਿਓਲ ਦੀ ਹੋਈ ਫਜ਼ੀਹਤ, ਐਕਟਰ ਦੇ ਬਿਆਨ 'ਤੇ ਵਧਿਆ ਹੰਗਾਮਾ; ਲੋਕਾਂ ਨੇ ਕਿਹਾ- 'ਬਟਵਾਰਾ 1947 ਨੂੰ ...'

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਸੰਨੀ ਦਿਓਲ ਤੇ ਪ੍ਰੀਤੀ ਜ਼ਿੰਟਾ ਸਟਾਰਰ ਫਿਲਮ 'ਬਟਵਾਰਾ: 1947' ਰਿਲੀਜ਼ ਲਈ ਤਿਆਰ ਹੈ, ਪਰ ਇਸ ਦੌਰਾਨ 'ਗਦਰ' ਸਟਾਰ ਵਿਵਾਦਾਂ 'ਚ ਘਿਰ ਚੁੱਕੇ ਹਨ। ਆਮਿਰ ਖਾਨ ਦੇ ਪ੍ਰੋਡਕਸ਼ਨ 'ਚ ਬਣੀ ਫਿਲਮ 'ਬਟਵਾਰਾ: 1947' ਦੇ ਪ੍ਰਮੋਸ਼ਨ ਦੌਰਾਨ ਸੰਨੀ ਨੇ ਪਾਕਿਸਤਾਨ ਨੂੰ ਲੈ ਕੇ ਬਿਆਨਬਾਜ਼ੀ ਕੀਤੀ ਤੇ ਉਸ ਨੂੰ 'ਮਾਸੀ' ਦੱਸਿਆ, ਜਿਸ ਤੋਂ ਬਾਅਦ ਤੋਂ ਹੀ ਸੋਸ਼ਲ ਮੀਡੀਆ ਯੂਜ਼ਰਸ ਉਨ੍ਹਾਂ ਨੂੰ ਖਰੀਆਂ-ਖੋਟੀਆਂ ਸੁਣਾ ਰਹੇ ਹਨ। ਕੀ ਹੈ ਇਹ ਪੂਰਾ ਵਿਵਾਦ? ਪੜ੍ਹੋ ਪੂਰੀ ਡਿਟੇਲ।

ਸੰਨੀ ਦਿਓਲ ਨੇ ਪਾਕਿਸਤਾਨ ਨੂੰ ਕਿਉਂ ਕਿਹਾ 'ਮਾਸੀ'?

ਦਰਅਸਲ, ਸੰਨੀ ਦਿਓਲ ਬੀਤੇ ਦਿਨੀਂ ਆਪਣੀ ਆਉਣ ਵਾਲੀ ਫਿਲਮ 'ਬੰਟਵਾਰਾ: 1947' ਦੇ ਪ੍ਰਮੋਸ਼ਨ ਲਈ ਪਟਨਾ (ਬਿਹਾਰ) ਪਹੁੰਚੇ ਸਨ। ਇਸ ਦੌਰਾਨ ਇਕ ਰਿਪੋਰਟਰ ਨੇ ਐਕਟਰ ਤੋਂ ਸਵਾਲ ਪੁੱਛਦਿਆਂ ਕਿਹਾ, 'ਤੁਸੀਂ ਪਾਕਿਸਤਾਨ ਨੂੰ ਇਕ ਦੇਸ਼ ਦੇ ਤੌਰ 'ਤੇ ਕਿਵੇਂ ਦੇਖਦੇ ਹੋ ਅਤੇ ਉੱਥੋਂ ਦੇ ਮਾਹੌਲ ਨੂੰ ਤੁਸੀਂ ਕਿਵੇਂ ਪਰਿਭਾਸ਼ਿਤ ਕਰੋਗੇ?' ਇਸ ਸਵਾਲ ਨੂੰ ਸੁਣਦੇ ਹੀ ਸੰਨੀ ਦਿਓਲ ਨੇ ਕਿਹਾ, 'ਪਹਿਲਾਂ... ਦੋਵੇਂ ਹੀ ਦੇਸ਼ ਇੱਕ ਹੀ ਸਨ, ਕਿਉਂਕਿ ਮੇਰੇ ਪਿਤਾ ਅਕਸਰ ਕਿਹਾ ਕਰਦੇ ਸਨ ਕਿ ਭਾਰਤ ਸਾਡੀ ਮਾਂ ਹੈ ਤੇ ਪਾਕਿਸਤਾਨ, ਇੰਡੀਆ ਦਾ ਹੀ ਇੱਕ ਹਿੱਸਾ ਹੈ, ਇਸ ਲਈ ਉਹ ਸਾਡੀ ਮਾਸੀ ਹੈ। ਅਸੀਂ ਸਾਰੇ ਇੱਕ-ਦੂਜੇ ਨਾਲ ਜੁੜੇ ਹੋਏ ਹਾਂ।'

ਯੂਜ਼ਰਸ ਬੋਲੇ- 'ਇਸ ਤਰ੍ਹਾਂ ਦੇ ਐਕਟਰਾਂ ਤੋਂ ਨਫਰਤ ਹੈ'

ਪਾਕਿਸਤਾਨ ਨੂੰ ਮਾਸੀ ਦੱਸਣ ਵਾਲੇ ਸੰਨੀ ਦਿਓਲ (Sunny Deol) ਦੇ ਬਿਆਨ ਨੂੰ ਸੁਣਨ ਤੋਂ ਬਾਅਦ ਸੋਸ਼ਲ ਮੀਡੀਆ ਯੂਜ਼ਰਜ਼ ਦਾ ਗੁੱਸਾ ਸੱਤਵੇਂ ਆਸਮਾਨ 'ਤੇ ਪਹੁੰਚ ਗਿਆ ਹੈ। ਇਕ ਯੂਜ਼ਰ ਨੇ ਲਿਖਿਆ, 'ਪੂਰਾ ਬਾਲੀਵੁੱਡ ਅਜਿਹਾ ਹੀ ਹੈ, ਉਨ੍ਹਾਂ ਤੋਂ ਕੋਈ ਉਮੀਦ ਨਹੀਂ ਕਰ ਸਕਦੇ। ਕੀ ਤੁਸੀਂ ਪਰੇਸ਼ ਰਾਵਲ ਦਾ ਹਾਲੀਆ ਇੰਟਰਵਿਊ ਦੇਖਿਆ?'

ਦੂਜੇ ਯੂਜ਼ਰ ਨੇ 'ਬਟਵਾਰਾ: 1947' ਦੇ ਬਾਕਸ ਆਫਿਸ 'ਤੇ ਫਲਾਪ ਹੋਣ ਦੀ ਭਵਿੱਖਬਾਣੀ ਕਰਦਿਆਂ ਲਿਖਿਆ, "ਇੱਕੀਸ 'ਚ ਧਰਮਿੰਦਰ ਪਾਕਿਸਤਾਨ ਬਾਰੇ ਪੁੱਛੇ ਜਾਣ 'ਤੇ ਬੋਲਦੇ ਹਨ, 'ਕੌਣ ਦੁਸ਼ਮਣ'। ਅਲਫਾ 'ਚ ਬੌਬੀ ਦਿਓਲ ਇਕ ਅਜਿਹੇ ਜਾਸੂਸ ਬਣੇ ਸਨ, ਜੋ ਬਾਗੀ ਹੈ। 'ਲਾਹੌਰ 1947' ਲਈ ਸੰਨੀ ਦਿਓਲ ਕਹਿੰਦੇ ਹਨ ਕਿ ਪਾਕਿਸਤਾਨ ਉਨ੍ਹਾਂ ਦੀ ਮਾਸੀ ਹੈ, ਤੁਸੀਂ ਪੈਟਰਨ ਨੂੰ ਸਮਝੋ।'

ਇਕ ਹੋਰ ਯੂਜ਼ਰ ਨੇ ਲਿਖਿਆ, "ਮੈਨੂੰ ਇਸ ਤਰ੍ਹਾਂ ਦੇ ਐਕਟਰਾਂ ਤੋਂ ਸਖ਼ਤ ਨਫਰਤ ਹੈ, ਜੋ ਰਿਐਲਿਟੀ ਤੋਂ ਬਹੁਤ ਦੂਰ ਰਹਿੰਦੇ ਹਨ। ਕੀ ਇਹ ਭਾਰਤ ਅਤੇ ਪਾਕਿਸਤਾਨ ਦੀ ਰਾਜਨੀਤਕ ਸਥਿਤੀ ਤੋਂ ਅਣਜਾਣ ਹਨ? ਕੀ ਅਸੀਂ ਕਦੇ ਦੇਖਿਆ ਹੈ ਕਿ ਕੋਈ ਪਾਕਿਸਤਾਨੀ ਐਕਟਰ ਭਾਰਤ ਬਾਰੇ ਚੰਗੀ ਤੇ ਪਾਜ਼ੈਟਿਵ ਗੱਲ ਕਰ ਰਿਹਾ ਹੈ? ਇਹ ਸਭ ਨੂੰ ਬੇਵਕੂਫ ਬਣਾ ਰਹੇ ਹਨ।"

ਕਦੋਂ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਵੇਗੀ 'ਬਟਵਾਰਾ: 1947'?

'ਬਟਵਾਰਾ: 1947' ਦੀ ਰਿਲੀਜ਼ ਡੇਟ ਦੀ ਗੱਲ ਕਰੀਏ ਤਾਂ ਇਹ ਫਿਲਮ ਭਾਰਤ ਅਤੇ ਪਾਕਿਸਤਾਨ ਦੀ ਵੰਡ ਦੇ ਦੌਰ ਨੂੰ ਦਰਸਾਉਂਦੀ ਇਕ ਫੈਮਿਲੀ ਡਰਾਮਾ ਫਿਲਮ ਹੈ, ਜਿਸ ਦੀ ਕਹਾਣੀ ਬਹੁਤ ਇਮੋਸ਼ਨਲ ਹੈ। ਮੂਵੀ ਦੇ ਨਿਰਦੇਸ਼ਨ ਦੀ ਕਮਾਨ ਰਾਜਕੁਮਾਰ ਸੰਤੋਸ਼ੀ ਨੇ ਸੰਭਾਲੀ ਹੈ, ਜੋ ਇਸ ਤੋਂ ਪਹਿਲਾਂ ਸੰਨੀ ਨਾਲ 'ਘਾਇਲ', 'ਦਾਮਿਨੀ' ਤੇ 'ਘਾਤਕ' ਵਰਗੀਆਂ ਫਿਲਮਾਂ 'ਚ ਕੰਮ ਕਰ ਚੁੱਕੇ ਹਨ। ਇਹ ਫਿਲਮ 'ਆਵਾਰਾਪਨ 2' ਦੇ ਨਾਲ 14 ਅਗਸਤ ਨੂੰ ਸਿਨੇਮਾਘਰਾਂ 'ਚ ਟੱਕਰ ਲਵੇਗੀ।