'ਗਰਭਵਤੀ ਸੀ ਤਾਂ ਉਨ੍ਹਾਂ ਨੇ ਮੇਰਾ ਬਹੁਤ ਧਿਆਨ ਰੱਖਿਆ', ਨਾਨਾ ਪਾਟੇਕਰ ਨੂੰ ਯਾਦ ਕਰ ਕੇ ਭਾਵੁਕ ਹੋਈ ਸੋਨਾਲੀ ਕੁਲਕਰਨੀ

ਸੋਨਾਲੀ ਨੇ ਦੱਸਿਆ, 'ਮੈਂ ਪਹਿਲੀ ਵਾਰ ਉਨ੍ਹਾਂ ਨੂੰ ਨੈਸ਼ਨਲ ਸੈਂਟਰ ਫਾਰ ਦ ਪਰਫਾਰਮਿੰਗ ਆਰਟਸ (NCPA) 'ਚ ਦੂਰੋਂ ਦੇਖਿਆ ਸੀ। ਉਹ ਡਾਕਟਰ ਜੱਬਾਰ ਪਟੇਲ ਲਈ ਇਕ ਡਾਕੂਮੈਂਟਰੀ ਦੀ ਸ਼ੂਟਿੰਗ ਕਰ ਰਹੇ ਸਨ। ਇਹ ਡਾਕੂਮੈਂਟਰੀ ਕੁਸੁਮਾਗ੍ਰਜ ਦੇ ਮਰਾਠੀ 'ਚ ਅਨੁਵਾਦ ਕੀਤੇ ਨਾਟਕ 'ਓਥੈਲੋ' 'ਤੇ ਆਧਾਰਿਤ ਸੀ। ਮੈਂ ਉੱਥੇ ਮੌਜੂਦ ਸੀ, ਕਿਉਂਕਿ ਇਸ ਤੋਂ ਬਾਅਦ ਮੈਨੂੰ ਉੱਥੇ ਇਕ ਕਵਿਤਾ ਸੁਣਾਉਣੀ ਸੀ। ਜਦੋਂ ਅਸੀਂ ਦੇਊਲ ਫ਼ਿਲਮ ਦੀ ਸ਼ੂਟਿੰਗ ਕਰ ਰਹੇ ਸੀ, ਉਸ ਸਮੇਂ ਮੈਂ ਗਰਭਵਤੀ ਸੀ। ਉਦੋਂ ਉਨ੍ਹਾਂ ਨੇ ਮੇਰਾ ਬਹੁਤ ਧਿਆਨ ਰੱਖਿਆ ਸੀ। ਜਦੋਂ ਵੀ ਉਹ ਫ਼ੋਨ ਕਰਦੇ ਸਨ, ਹਰ ਵਾਰ ਮੇਰੇ ਪਤੀ ਅਤੇ ਧੀ ਬਾਰੇ ਪੁੱਛਦੇ ਸਨ। ਉਨ੍ਹਾਂ ਸਮਾਜ ਨੂੰ ਬਹੁਤ ਕੁਝ ਦਿੱਤਾ ਅਤੇ ਲੋਕਾਂ ਨੂੰ ਪਿਆਰ ਦਿੱਤਾ ਪਰ ਬਦਲੇ 'ਚ ਕਦੇ ਕੁਝ ਨਹੀਂ ਮੰਗਿਆ। ਮੈਨੂੰ ਲੱਗਦਾ ਹੈ ਕਿ ਇਹ ਇਕ ਅਜਿਹੀ ਗੱਲ ਹੈ, ਜਿਸ ਤੋਂ ਸਾਨੂੰ ਸਾਰਿਆਂ ਨੂੰ ਸਿੱਖਣਾ ਚਾਹੀਦਾ ਹੈ।