- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਮੰਦਰ 'ਚ ਕਰ ਬੈਠੇ ਸੀ ਇਹ ਗਲਤੀ, ਦੀਵਾਲੀ 'ਤੇ ਰਣਬੀਰ ਕਪੂਰ ਨੂੰ ਬੁਰੀ ਤਰ੍ਹਾਂ ਕੁੱਟਿਆ ਸੀ ਪਿਤਾ ਰਿਸ਼ੀ ਕਪੂਰ ਨੇ
ਅਦਾਕਾਰ ਨੇ ਦੱਸਿਆ ਸੀ ਕਿ ਬਚਪਨ 'ਚ ਦੀਵਾਲੀ ਦੀ ਪੂਜਾ ਦੌਰਾਨ ਉਨ੍ਹਾਂ ਤੋਂ ਅਜਿਹੀ ਗ਼ਲਤੀ ਹੋ ਗਈ ਸੀ, ਜਿਸ ਕਾਰਨ ਪਿਤਾ ਨੇ ਉਨ੍ਹਾਂ ਦੀ ਬਹੁਤ ਕੁੱਟਮਾਰ ਕੀਤੀ ਸੀ। ਆਖ਼ਰ ਤਿਉਹਾਰ ਦੇ ਮੌਕੇ 'ਤੇ 'ਰਾਮਾਇਣਮ' ਦੇ ਸ਼੍ਰੀਰਾਮ ਬਣੇ ਰਣਬੀਰ ਨੂੰ ਪਿਤਾ ਤੋਂ ਮਾਰ ਕਿਉਂ ਪਈ ਸੀ? ਪੜ੍ਹੋ ਦੀਵਾਲੀ ਨਾਲ ਜੁੜਿਆ ਇਹ ਕਿੱਸਾ।
Posted By Seema Anand
Publish Date: Sat, 07 Nov 2026 02:07 PM (IST)
Updated Date: Sat, 07 Nov 2026 03:05 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਦੀਵਾਲੀ ਦੇ ਤਿਉਹਾਰ ਦੀਆਂ ਤਿਆਰੀਆਂ ਪੂਰੀਆਂ ਹੋ ਚੁੱਕੀਆਂ ਹਨ। ਹਰ ਕਿਸੇ ਦਾ ਘਰ ਦੀਵਿਆਂ ਅਤੇ ਰੰਗੋਲੀਆਂ ਨਾਲ ਜਗਮਗਾ ਰਿਹਾ ਹੈ। ਫਿਲਮ 'ਰਾਮਾਇਣਮ' 'ਚ ਭਗਵਾਨ ਰਾਮ ਦਾ ਕਿਰਦਾਰ ਨਿਭਾਉਣ ਵਾਲੇ ਰਣਬੀਰ ਕਪੂਰ (Ranbir Kapoor) ਨੇ ਵੀ ਕੁਝ ਸਾਲ ਪਹਿਲਾਂ ਆਪਣੇ ਪਿਤਾ ਰਿਸ਼ੀ ਕਪੂਰ ਨਾਲ ਜੁੜਿਆ ਇਕ ਕਿੱਸਾ ਸਾਂਝਾ ਕੀਤਾ ਸੀ।
ਅਦਾਕਾਰ ਨੇ ਦੱਸਿਆ ਸੀ ਕਿ ਬਚਪਨ 'ਚ ਦੀਵਾਲੀ ਦੀ ਪੂਜਾ ਦੌਰਾਨ ਉਨ੍ਹਾਂ ਤੋਂ ਅਜਿਹੀ ਗ਼ਲਤੀ ਹੋ ਗਈ ਸੀ, ਜਿਸ ਕਾਰਨ ਪਿਤਾ ਨੇ ਉਨ੍ਹਾਂ ਦੀ ਬਹੁਤ ਕੁੱਟਮਾਰ ਕੀਤੀ ਸੀ। ਆਖ਼ਰ ਤਿਉਹਾਰ ਦੇ ਮੌਕੇ 'ਤੇ 'ਰਾਮਾਇਣਮ' ਦੇ ਸ਼੍ਰੀਰਾਮ ਬਣੇ ਰਣਬੀਰ ਨੂੰ ਪਿਤਾ ਤੋਂ ਮਾਰ ਕਿਉਂ ਪਈ ਸੀ? ਪੜ੍ਹੋ ਦੀਵਾਲੀ ਨਾਲ ਜੁੜਿਆ ਇਹ ਕਿੱਸਾ।
ਦੀਵਾਲੀ ਮੌਕੇ ਰਣਬੀਰ ਕਪੂਰ ਤੋਂ ਹੋ ਗਈ ਸੀ ਇਹ ਗ਼ਲਤੀ
ਕੁਝ ਸਾਲ ਪਹਿਲਾਂ ਜਦੋਂ ਰਣਬੀਰ ਕਪੂਰ ਆਪਣੀ ਮਾਂ ਨੀਤੂ ਕਪੂਰ ਅਤੇ ਭੈਣ ਰਿਧੀਮਾ ਕਪੂਰ ਨਾਲ ਨੈੱਟਫਲਿਕਸ ਦੇ ਸ਼ੋਅ 'ਦਿ ਗ੍ਰੇਟ ਇੰਡੀਅਨ ਕਪਿਲ ਸ਼ੋਅ' 'ਚ ਖ਼ਾਸ ਮਹਿਮਾਨ ਵਜੋਂ ਪਹੁੰਚੇ ਸਨ, ਤਾਂ ਉਨ੍ਹਾਂ ਨੇ ਪਿਤਾ ਰਿਸ਼ੀ ਕਪੂਰ ਦੇ ਹੱਥੋਂ ਬੁਰੀ ਤਰ੍ਹਾਂ ਕੁੱਟ ਖਾਣ ਦਾ ਕਿੱਸਾ ਸਾਂਝਾ ਕੀਤਾ ਸੀ। ਰਣਬੀਰ ਨੇ ਦੱਸਿਆ ਸੀ, 'ਮੈਂ ਉਸ ਸਮੇਂ ਅੱਠ-ਨੌਂ ਸਾਲਾਂ ਦਾ ਸੀ ਅਤੇ ਅਸੀਂ ਸਾਰੇ ਆਰਕੇ ਸਟੂਡੀਓਜ਼ 'ਚ ਦੀਵਾਲੀ ਦੀ ਪੂਜਾ ਲਈ ਮੌਜੂਦ ਸੀ।'
ਰਣਬੀਰ ਕਪੂਰ ਨੇ ਅੱਗੇ ਦੱਸਿਆ, 'ਮੈਨੂੰ ਇਸ ਬਾਰੇ ਪਤਾ ਨਹੀਂ ਸੀ ਅਤੇ ਗ਼ਲਤੀ ਨਾਲ ਮੈਂ ਚੱਪਲਾਂ ਪਾ ਕੇ ਉਸ ਥਾਂ ਚਲਾ ਗਿਆ, ਜਿੱਥੇ ਮੰਦਰ ਬਣਿਆ ਹੋਇਆ ਸੀ। ਇਹ ਦੇਖ ਕੇ ਮੇਰੇ ਪਾਪਾ ਰਿਸ਼ੀ ਕਪੂਰ ਇੰਨੇ ਗੁੱਸੇ 'ਚ ਆ ਗਏ ਕਿ ਉਨ੍ਹਾਂ ਨੇ ਮੇਰੇ ਸਿਰ 'ਤੇ ਬਹੁਤ ਜ਼ੋਰ ਨਾਲ ਮਾਰਿਆ। ਇਹ ਪਹਿਲੀ ਅਤੇ ਇਕੋ ਵਾਰ ਸੀ, ਜਦੋਂ ਮੈਨੂੰ ਇੰਨੀ ਜ਼ੋਰ ਨਾਲ ਮਾਰ ਪਈ ਸੀ। ਪਾਪਾ ਬਹੁਤ ਧਾਰਮਿਕ ਸੁਭਾਅ ਦੇ ਸਨ। ਇਸ ਲਈ ਜਦੋਂ ਉਨ੍ਹਾਂ ਨੇ ਮੰਦਰ ਦੇ ਅੰਦਰ ਮੇਰੇ ਪੈਰਾਂ 'ਚ ਚੱਪਲਾਂ ਦੇਖੀਆਂ ਤਾਂ ਮੇਰੇ ਸਿਰ 'ਤੇ ਥੱਪੜ ਮਾਰ ਦਿੱਤਾ।'
ਰਣਬੀਰ ਕਪੂਰ ਲਈ ਯਾਦਗਾਰ ਰਹੀ 2026 ਦੀ ਦੀਵਾਲੀ
ਰਿਸ਼ੀ ਕਪੂਰ ਨਾਲ ਮਨਾਈ ਉਸ ਦੀਵਾਲੀ ਤੋਂ ਇਲਾਵਾ ਰਣਬੀਰ ਕਪੂਰ ਲਈ ਸਾਲ 2026 ਦੀ ਦੀਵਾਲੀ ਵੀ ਕਾਫ਼ੀ ਯਾਦਗਾਰ ਰਹੀ। ਦੀਵਾਲੀ ਵਾਲੇ ਹਫ਼ਤੇ ਉਨ੍ਹਾਂ ਦੀ ਫਿਲਮ 'ਰਾਮਾਇਣ' 5 ਨਵੰਬਰ ਨੂੰ ਸਿਨੇਮਾਘਰਾਂ 'ਚ ਰਿਲੀਜ਼ ਹੋਈ ਹੈ। ਨਿਤੇਸ਼ ਤਿਵਾਰੀ ਦੇ ਨਿਰਦੇਸ਼ਨ ਹੇਠ ਬਣੀ ਇਹ ਫਿਲਮ ਬਾਕਸ ਆਫਿਸ 'ਤੇ ਚੰਗੀ ਕਮਾਈ ਕਰ ਰਹੀ ਹੈ। ਫਿਲਮ ਨੂੰ ਰਿਲੀਜ਼ ਹੋਏ ਅਜੇ ਸਿਰਫ਼ ਦੋ ਦਿਨ ਹੀ ਹੋਏ ਹਨ, ਪਰ ਘਰੇਲੂ ਬਾਕਸ ਆਫਿਸ 'ਤੇ ਇਸ ਨੇ 100 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ। ਉੱਥੇ ਹੀ ਦੁਨੀਆ ਭਰ 'ਚ ਵੀ 'ਰਾਮਾਇਣਮ' ਦਾ ਕਲੈਕਸ਼ਨ 200 ਕਰੋੜ ਰੁਪਏ ਤੋਂ ਪਾਰ ਪਹੁੰਚ ਗਿਆ ਹੈ।
ਫਿਲਮ 'ਚ ਜਿੱਥੇ ਰਣਬੀਰ ਕਪੂਰ ਨੇ ਭਗਵਾਨ ਰਾਮ ਦੀ ਭੂਮਿਕਾ ਨਿਭਾਈ ਹੈ, ਉੱਥੇ ਹੀ ਸਾਈ ਪੱਲਵੀ ਮਾਤਾ ਸੀਤਾ ਦੇ ਕਿਰਦਾਰ 'ਚ ਨਜ਼ਰ ਆ ਰਹੀ ਹੈ। ਯਸ਼ ਨੇ ਰਾਵਣ, ਰਾਘਵ ਜੁਯਾਲ ਨੇ ਮੇਘਨਾਦ, ਸੰਨੀ ਦਿਓਲ ਨੇ ਹਨੂਮਾਨ ਅਤੇ ਅਰੁਣ ਗੋਵਿਲ ਨੇ ਰਾਜਾ ਦਸ਼ਰਥ ਦੀ ਭੂਮਿਕਾ ਨਿਭਾਈ ਹੈ।