- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
10 ਸਾਲ ਬਾਅਦ ਮਰਾਠੀ ਸਿਨੇਮਾ 'ਚ ਵਾਪਸੀ ਕਰੇਗੀ ਪ੍ਰਿਅੰਕਾ ਚੋਪੜਾ, 'ਵੈਂਟੀਲੇਟਰ 2' ਦਾ ਕੀਤਾ ਐਲਾਨ; 2027 'ਚ ਹੋਵੇਗੀ ਰਿਲੀਜ਼
ਪ੍ਰਿਅੰਕਾ ਨੇ ਇੰਸਟਾਗ੍ਰਾਮ 'ਤੇ ਇਸ ਫ਼ਿਲਮ ਦਾ ਐਲਾਨ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਯਾਦ ਕੀਤਾ ਕਿ ਜਦੋਂ ਉਨ੍ਹਾਂ ਨੇ 'ਪਰਪਲ ਪੇਬਲ ਪਿਕਚਰਜ਼' ਦੀ ਸ਼ੁਰੂਆਤ ਕੀਤੀ ਸੀ ਤਾਂ ਉਨ੍ਹਾਂ ਦੀਆਂ ਕੀ ਉਮੀਦਾਂ ਸਨ। ਉਨ੍ਹਾਂ ਦੱਸਿਆ ਕਿ ਉਹ ਚਾਹੁੰਦੀ ਸੀ ਕਿ ਉਨ੍ਹਾਂ ਦਾ ਬੈਨਰ ਅਜਿਹੀਆਂ ਕਹਾਣੀਆਂ ਨੂੰ ਸਮਰਥਨ ਦੇਵੇ, ਜਿਨ੍ਹਾਂ 'ਚ ਕੋਈ ਸਾਰਥਕ ਗੱਲ ਹੋਵੇ। 'ਵੈਂਟੀਲੇਟਰ' ਵੀ ਉਨ੍ਹਾਂ ਪ੍ਰੋਜੈਕਟਾਂ 'ਚੋਂ ਇਕ ਸੀ, ਜਿਸ ਨੇ ਉਨ੍ਹਾਂ ਦੀ ਟੀਮ ਦਾ ਖ਼ਾਸ ਧਿਆਨ ਖਿੱਚਿਆ ਸੀ।
Posted By Seema Anand
Publish Date: Sat, 07 Nov 2026 03:39 PM (IST)
Updated Date: Sat, 07 Nov 2026 03:42 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ ; ਪ੍ਰਿਅੰਕਾ ਚੋਪੜਾ ਨੇ ਮਰਾਠੀ ਫ਼ਿਲਮ 'ਵੈਂਟੀਲੇਟਰ' ਨਾਲ ਆਪਣੇ ਪ੍ਰੋਡਕਸ਼ਨ ਕਰੀਅਰ ਦੀ ਸ਼ੁਰੂਆਤ ਕੀਤੀ ਸੀ। ਉਨ੍ਹਾਂ ਦੀ ਇਹ ਫ਼ਿਲਮ 2016 'ਚ ਰਿਲੀਜ਼ ਹੋਈ ਸੀ। ਹੁਣ ਉਹ ਇਸ ਦਾ ਸੀਕਵਲ ਲੈ ਕੇ ਆ ਰਹੀ ਹੈ।
ਪ੍ਰਿਅੰਕਾ ਨੇ ਕੀਤਾ 'ਵੈਂਟੀਲੇਟਰ 2' ਦਾ ਐਲਾਨ
ਅਦਾਕਾਰਾ ਨੇ 'ਵੈਂਟੀਲੇਟਰ 2' (Ventilator 2) ਦਾ ਐਲਾਨ ਕੀਤਾ ਹੈ, ਜੋ 2016 ਦੀ ਮਰਾਠੀ ਫ਼ਿਲਮ 'ਵੈਂਟੀਲੇਟਰ' ਦਾ ਸੀਕਵਲ ਹੈ। ਇਹ ਫ਼ਿਲਮ ਉਨ੍ਹਾਂ ਦੇ ਪ੍ਰੋਡਕਸ਼ਨ ਹਾਊਸ 'ਪਰਪਲ ਪੇਬਲ ਪਿਕਚਰਜ਼' ਦਾ ਪਹਿਲਾ ਪ੍ਰੋਜੈਕਟ ਸੀ। ਇਹ ਐਲਾਨ ਅਜਿਹੇ ਸਮੇਂ ਹੋਇਆ ਹੈ, ਜਦੋਂ ਉਨ੍ਹਾਂ ਦੇ ਪ੍ਰੋਡਕਸ਼ਨ ਹਾਊਸ ਨੂੰ 10 ਸਾਲ ਪੂਰੇ ਹੋ ਗਏ ਹਨ। ਇਸ ਦੇ ਨਾਲ ਹੀ ਉਹ ਇਕ ਅਜਿਹੇ ਪ੍ਰੋਜੈਕਟ ਨਾਲ ਮੁੜ ਜੁੜ ਗਏ ਹਨ, ਜਿਸ ਦਾ ਉਨ੍ਹਾਂ ਦੇ ਸਫ਼ਰ 'ਚ ਖ਼ਾਸ ਸਥਾਨ ਹੈ।
ਪ੍ਰਿਅੰਕਾ ਚੋਪੜਾ ਨੇ ਸਾਂਝੀ ਕੀਤੀ ਜਾਣਕਾਰੀ
ਪ੍ਰਿਅੰਕਾ ਨੇ ਇੰਸਟਾਗ੍ਰਾਮ 'ਤੇ ਇਸ ਫ਼ਿਲਮ ਦਾ ਐਲਾਨ ਕੀਤਾ। ਇਸ ਦੌਰਾਨ ਉਨ੍ਹਾਂ ਨੇ ਯਾਦ ਕੀਤਾ ਕਿ ਜਦੋਂ ਉਨ੍ਹਾਂ ਨੇ 'ਪਰਪਲ ਪੇਬਲ ਪਿਕਚਰਜ਼' ਦੀ ਸ਼ੁਰੂਆਤ ਕੀਤੀ ਸੀ ਤਾਂ ਉਨ੍ਹਾਂ ਦੀਆਂ ਕੀ ਉਮੀਦਾਂ ਸਨ। ਉਨ੍ਹਾਂ ਦੱਸਿਆ ਕਿ ਉਹ ਚਾਹੁੰਦੀ ਸੀ ਕਿ ਉਨ੍ਹਾਂ ਦਾ ਬੈਨਰ ਅਜਿਹੀਆਂ ਕਹਾਣੀਆਂ ਨੂੰ ਸਮਰਥਨ ਦੇਵੇ, ਜਿਨ੍ਹਾਂ 'ਚ ਕੋਈ ਸਾਰਥਕ ਗੱਲ ਹੋਵੇ। 'ਵੈਂਟੀਲੇਟਰ' ਵੀ ਉਨ੍ਹਾਂ ਪ੍ਰੋਜੈਕਟਾਂ 'ਚੋਂ ਇਕ ਸੀ, ਜਿਸ ਨੇ ਉਨ੍ਹਾਂ ਦੀ ਟੀਮ ਦਾ ਖ਼ਾਸ ਧਿਆਨ ਖਿੱਚਿਆ ਸੀ।
ਆਪਣੇ ਸਫ਼ਰ ਨੂੰ ਯਾਦ ਕਰਦਿਆਂ ਉਨ੍ਹਾਂ ਲਿਖਿਆ, '10 ਸਾਲ ਪਹਿਲਾਂ, ਪਰਪਲ ਪੇਬਲ ਪਿਕਚਰਜ਼ ਨਾਲ ਮੈਂ ਤੈਅ ਕੀਤਾ ਸੀ ਕਿ ਮੈਂ ਅਜਿਹੀਆਂ ਕਹਾਣੀਆਂ ਸੁਣਾਉਣਾ ਚਾਹੁੰਦੀ ਹਾਂ, ਜਿਨ੍ਹਾਂ ਦਾ ਕੋਈ ਅਰਥ ਹੋਵੇ। ਸਾਡੀ ਕੰਪਨੀ ਲਈ 'ਵੈਂਟੀਲੇਟਰ' ਅਜਿਹੀਆਂ ਹੀ ਬਹੁਤ ਮਹੱਤਵਪੂਰਨ ਕਹਾਣੀਆਂ 'ਚੋਂ ਇਕ ਸੀ। ਇਕ ਦਹਾਕੇ ਬਾਅਦ, ਅਸੀਂ ਇਸ ਨੂੰ ਮੁੜ ਲੈ ਕੇ ਆ ਰਹੇ ਹਾਂ ਅਤੇ ਇਸ ਵਾਰ ਇਸ 'ਚ ਹੋਰ ਵੀ ਬਹੁਤ ਕੁਝ ਹੋਵੇਗਾ...'।
ਕਦੋਂ ਰਿਲੀਜ਼ ਹੋਵੇਗੀ 'ਵੈਂਟੀਲੇਟਰ 2'?
2016 'ਚ ਰਿਲੀਜ਼ ਹੋਈ ਇਸ ਫ਼ਿਲਮ ਦਾ ਨਿਰਦੇਸ਼ਨ ਕਰਨ ਵਾਲੇ ਰਾਜੇਸ਼ ਮਾਪੁਸਕਰ ਹੀ ਇਸ ਦੇ ਸੀਕਵਲ ਦਾ ਨਿਰਦੇਸ਼ਨ ਕਰਨਗੇ। ਪ੍ਰਿਯੰਕਾ, ਡਾ. ਮਧੂ ਚੋਪੜਾ ਅਤੇ ਮਾਪੁਸਕਰ 'ਪਰਪਲ ਪੇਬਲ ਪਿਕਚਰਜ਼' ਅਤੇ 'ਮੈਜਿਜ਼ ਪਿਕਚਰਜ਼' ਦੇ ਬੈਨਰ ਹੇਠ 'ਵੈਂਟੀਲੇਟਰ 2' ਦਾ ਨਿਰਮਾਣ ਕਰਨਗੇ। ਇਹ ਫ਼ਿਲਮ 2027 'ਚ ਰਿਲੀਜ਼ ਹੋਣ ਵਾਲੀ ਹੈ। ਹਾਲਾਂਕਿ, ਨਿਰਮਾਤਾਵਾਂ ਨੇ ਅਜੇ ਤੱਕ ਇਸ ਦੀ ਕਲਾਕਾਰਾਂ ਦੀ ਸੂਚੀ ਦਾ ਐਲਾਨ ਨਹੀਂ ਕੀਤਾ ਹੈ ਅਤੇ ਨਾ ਹੀ ਕਹਾਣੀ ਜਾਂ ਸ਼ੂਟਿੰਗ ਦੇ ਸ਼ਡਿਊਲ ਬਾਰੇ ਕੋਈ ਜਾਣਕਾਰੀ ਸਾਂਝੀ ਕੀਤੀ ਹੈ।
'ਵੈਂਟੀਲੇਟਰ' ਬਾਰੇ ਜਾਣੋ
ਗਣੇਸ਼ ਚਤੁਰਥੀ ਦੇ ਸਮੇਂ 'ਤੇ ਆਧਾਰਿਤ ਫ਼ਿਲਮ 'ਵੈਂਟੀਲੇਟਰ' ਕਾਮਰਕਰ ਪਰਿਵਾਰ ਦੀ ਕਹਾਣੀ ਹੈ। ਪਰਿਵਾਰ ਦੇ ਬਜ਼ੁਰਗ ਰਿਸ਼ਤੇਦਾਰ ਗਜਾਨਨ ਦੇ ਵੈਂਟੀਲੇਟਰ 'ਤੇ ਚਲੇ ਜਾਣ ਤੋਂ ਬਾਅਦ ਸਾਰੇ ਮੈਂਬਰ ਹਸਪਤਾਲ 'ਚ ਇਕੱਠੇ ਹੁੰਦੇ ਹਨ। ਉਨ੍ਹਾਂ ਦੀ ਹਾਲਤ ਨੇ ਸਾਰਿਆਂ ਨੂੰ ਇਕੱਠਾ ਕਰ ਦਿੱਤਾ, ਪਰ ਹਸਪਤਾਲ 'ਚ ਬਿਤਾਏ ਸਮੇਂ ਦੌਰਾਨ ਪਰਿਵਾਰ ਦੇ ਵਿਗੜੇ ਰਿਸ਼ਤੇ, ਪੁਰਾਣੇ ਮਤਭੇਦ ਅਤੇ ਅਜਿਹੇ ਮੁੱਦੇ ਵੀ ਸਾਹਮਣੇ ਆਉਂਦੇ ਹਨ, ਜਿਨ੍ਹਾਂ ਦਾ ਕਦੇ ਹੱਲ ਨਹੀਂ ਨਿਕਲ ਸਕਿਆ ਸੀ।
ਇਕ ਮੁਸ਼ਕਲ ਸਥਿਤੀ 'ਚੋਂ ਲੰਘਣ ਦੇ ਬਾਵਜੂਦ ਫ਼ਿਲਮ 'ਚ ਪਰਿਵਾਰ ਦੇ ਮੈਂਬਰਾਂ ਦੇ ਆਪਸੀ ਵਿਹਾਰ 'ਚ ਹਾਸਾ-ਮਜ਼ਾਕ ਵੀ ਦੇਖਣ ਨੂੰ ਮਿਲਿਆ। ਇਸ ਫ਼ਿਲਮ 'ਚ ਆਸ਼ੂਤੋਸ਼ ਗੋਵਾਰੀਕਰ, ਜਿਤੇਂਦਰ ਜੋਸ਼ੀ, ਸੁਭਾ ਆਰੀਆ, ਵਿਜੂ ਖੋਟੇ, ਸਤੀਸ਼ ਆਲੇਕਰ ਅਤੇ ਅਚਯੁਤ ਪੋਤਦਾਰ ਨੇ ਕੰਮ ਕੀਤਾ ਸੀ, ਜਦਕਿ ਪ੍ਰਿਅੰਕਾ ਚੋਪੜਾ ਜੋਨਸ ਨੇ ਇਸ 'ਚ ਵਿਸ਼ੇਸ਼ ਭੂਮਿਕਾ ਨਿਭਾਈ ਸੀ।
'ਵੈਂਟੀਲੇਟਰ' ਨੇ ਜਿੱਤੇ ਸਨ ਤਿੰਨ ਨੈਸ਼ਨਲ ਫ਼ਿਲਮ ਐਵਾਰਡ
'ਵੈਂਟੀਲੇਟਰ' ਨੇ ਤਿੰਨ ਰਾਸ਼ਟਰੀ ਫ਼ਿਲਮ ਪੁਰਸਕਾਰ ਜਿੱਤੇ ਸਨ। ਇਨ੍ਹਾਂ 'ਚ ਰਾਜੇਸ਼ ਮਾਪੁਸਕਰ ਨੂੰ 'ਸਰਬੋਤਮ ਨਿਰਦੇਸ਼ਕ' ਦਾ ਪੁਰਸਕਾਰ ਮਿਲਿਆ ਸੀ। ਇਸ ਤੋਂ ਇਲਾਵਾ ਫ਼ਿਲਮ ਨੇ ਸਰਬੋਤਮ ਐਡਿਟਿੰਗ ਅਤੇ ਸਰਬੋਤਮ ਸਾਊਂਡ ਮਿਕਸਿੰਗ ਲਈ ਵੀ ਪੁਰਸਕਾਰ ਜਿੱਤੇ ਸਨ। ਇਸ ਫ਼ਿਲਮ ਨੇ ਰਾਜੇਸ਼ ਮਾਪੁਸਕਰ ਨੂੰ ਪਛਾਣ ਦਿਵਾਈ ਅਤੇ ਇਹ ਪ੍ਰਿਅੰਕਾ ਚੋਪੜਾ ਦੇ ਬੈਨਰ 'ਪਰਪਲ ਪੇਬਲ ਪਿਕਚਰਜ਼' ਹੇਠ ਬਣੇ ਸ਼ੁਰੂਆਤੀ ਵੱਡੇ ਪ੍ਰੋਜੈਕਟਾਂ 'ਚੋਂ ਇਕ ਸੀ।
ਪ੍ਰਿਅੰਕਾ ਦਾ ਵਰਕਫਰੰਟ
ਪ੍ਰਿਅੰਕਾ ਬਾਲੀਵੁੱਡ ਅਤੇ ਹਾਲੀਵੁੱਡ ਦੇ ਆਪਣੇ ਪ੍ਰੋਜੈਕਟਾਂ 'ਚ ਰੁੱਝੀ ਹੋਈ ਹੈ। ਉਹ ਜਲਦ ਹੀ ਐੱਸਐੱਸ ਰਾਜਾਮੌਲੀ ਦੀ ਫ਼ਿਲਮ 'ਵਾਰਾਣਸੀ' 'ਚ ਨਜ਼ਰ ਆਵੇਗੀ। ਇਸ ਫ਼ਿਲਮ 'ਚ ਮਹੇਸ਼ ਬਾਬੂ ਤੇ ਪ੍ਰਿਥਵੀਰਾਜ ਸੁਕੁਮਾਰਨ ਵੀ ਸ਼ਾਮਲ ਹਨ।