- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
'ਮੈਂ ਚੰਗਾ ਇਨਸਾਨ ਹਾਂ...' 370 ਬਿਰਯਾਨੀ ਵਿਵਾਦ 'ਚ ਪ੍ਰਣਿਤ ਮੋਰੇ ਨੇ ਮੰਗੀ ਮਾਫ਼ੀ, ਇੱਕ ਹੋਰ ਮੌਕਾ ਦੇਣ ਦੀ ਕੀਤੀ ਗੁਜ਼ਾਰਿਸ਼
ਜਦੋਂ ਮੈਂ ਉਸ ਲੜਕੇ ਨਾਲ ਕ੍ਰਾਊਡ ਵਰਕ ਕਰ ਰਿਹਾ ਸੀ ਤਾਂ ਉਸ ਨੇ ਕਾਫ਼ੀ ਅਪਮਾਨਜਨਕ ਗੱਲਾਂ ਬੋਲੀਆਂ ਅਤੇ ਸਾਰੇ ਲੋਕ ਵੀ ਸਾਡੇ 'ਤੇ ਹੱਸ ਰਹੇ ਸਨ। ਮੈਨੂੰ ਲੱਗਦਾ ਹੈ ਕਿ ਇਹ ਮੇਰੀ ਸਭ ਤੋਂ ਵੱਡੀ ਗ਼ਲਤੀ ਸੀ। ਮੈਂ ਉਸ ਨੂੰ ਉੱਥੇ ਹੀ ਰੋਕ ਸਕਦਾ ਸੀ ਪਰ ਮੈਂ ਉਸ ਨੂੰ ਇੱਕ ਮੰਚ ਦਿੱਤਾ
Posted By alisha
Publish Date: Sat, 13 Jun 2026 12:23 PM (IST)
Updated Date: Sat, 13 Jun 2026 12:37 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਸਟੈਂਡ-ਅੱਪ ਕੋਮੇਡੀਅਨ ਪ੍ਰਣਿਤ ਮੋਰੇ ਨੇ ਸੋਸ਼ਲ ਮੀਡੀਆ 'ਤੇ ਭਾਰੀ ਵਿਰੋਧ ਦਾ ਸਾਹਮਣਾ ਕਰਨ ਤੋਂ ਬਾਅਦ ਹਿਮਾਂਸ਼ੂ ਜਾਂਗੜਾ ਦੀ ਵਿਵਾਦਿਤ 370 ਰੁਪਏ ਦੀ ਬਿਰਯਾਨੀ ਵਾਲੀ ਟਿੱਪਣੀ 'ਤੇ ਮਾਫ਼ੀ ਮੰਗ ਲਈ ਹੈ। ਮੋਰੇ ਨੇ ਆਪਣੇ ਵੀਡੀਓ ਬਿਆਨ ਵਿੱਚ ਆਪਣੀ ਗ਼ਲਤੀ ਕਬੂਲ ਕੀਤੀ ਅਤੇ ਦਰਸ਼ਕਾਂ ਤੋਂ ਮਾਫ਼ੀ ਮੰਗੀ।
ਪ੍ਰਣਿਤ ਨੇ ਮੰਗਿਆ ਇੱਕ ਹੋਰ ਮੌਕਾ
ਆਪਣੇ ਇੰਸਟਾਗ੍ਰਾਮ ਹੈਂਡਲ 'ਤੇ ਇੱਕ ਵੀਡੀਓ ਸਾਂਝੀ ਕਰਦਿਆਂ ਮੋਰੇ ਨੇ ਕਿਹਾ, 'ਹੈਲੋ, ਗੱਲ ਇਹ ਹੈ ਕਿ ਮੈਂ ਇਹ ਗੱਲ ਕਾਫ਼ੀ ਸਮੇਂ ਤੋਂ ਕਰਨੀ ਚਾਹੁੰਦਾ ਸੀ ਪਰ ਮੇਰਾ ਇੰਸਟਾਗ੍ਰਾਮ ਸਸਪੈਂਡ ਹੋ ਗਿਆ ਸੀ। ਤੁਸੀਂ ਸਾਰਿਆਂ ਨੇ ਮੇਰਾ ਕ੍ਰਾਊਡਵਰਕ ਦੇਖਿਆ ਹੋਵੇਗਾ, ਜਿਸ ਕਰਕੇ ਮੈਨੂੰ ਕਾਫ਼ੀ ਨਫ਼ਰਤ ਮਿਲ ਰਹੀ ਹੈ ਅਤੇ ਮੈਨੂੰ ਲੱਗਦਾ ਹੈ ਕਿ ਸ਼ਾਇਦ ਮੈਂ ਇਸ ਨਫ਼ਰਤ ਦਾ ਹੱਕਦਾਰ ਵੀ ਹਾਂ'।
https://www.instagram.com/reel/DZg3gbLRE-y/?utm_source=ig_embed&ig_rid=c97946ef-21f1-411d-b346-88a113a93f53
ਉਨ੍ਹਾਂ ਨੇ ਅੱਗੇ ਕਿਹਾ, 'ਕਿਉਂਕਿ ਜਦੋਂ ਮੈਂ ਉਸ ਲੜਕੇ ਨਾਲ ਕ੍ਰਾਊਡ ਵਰਕ ਕਰ ਰਿਹਾ ਸੀ ਤਾਂ ਉਸ ਨੇ ਕਾਫ਼ੀ ਅਪਮਾਨਜਨਕ ਗੱਲਾਂ ਬੋਲੀਆਂ ਅਤੇ ਸਾਰੇ ਲੋਕ ਵੀ ਸਾਡੇ 'ਤੇ ਹੱਸ ਰਹੇ ਸਨ। ਮੈਨੂੰ ਲੱਗਦਾ ਹੈ ਕਿ ਇਹ ਮੇਰੀ ਸਭ ਤੋਂ ਵੱਡੀ ਗ਼ਲਤੀ ਸੀ। ਮੈਂ ਉਸ ਨੂੰ ਉੱਥੇ ਹੀ ਰੋਕ ਸਕਦਾ ਸੀ ਪਰ ਮੈਂ ਉਸ ਨੂੰ ਇੱਕ ਮੰਚ ਦਿੱਤਾ ਜਿਸ ਨਾਲ ਸਥਿਤੀ ਵਿਗੜ ਗਈ। ਮੈਂ ਉਨ੍ਹਾਂ ਸਾਰਿਆਂ ਤੋਂ ਮਾਫ਼ੀ ਮੰਗਣਾ ਚਾਹੁੰਦਾ ਹਾਂ ਜੋ ਇਸ ਕਾਰਨ ਦੁਖੀ ਹੋਏ ਹਨ। ਮੈਂ ਆਪਣੇ ਖ਼ਿਲਾਫ਼ ਕਿਸੇ ਵੀ ਕਾਨੂੰਨੀ ਕਾਰਵਾਈ ਵਿੱਚ ਅਧਿਕਾਰੀਆਂ ਦਾ ਸਹਿਯੋਗ ਵੀ ਕਰ ਰਿਹਾ ਹਾਂ। ਮੈਂ ਤੁਹਾਡੇ ਸਾਰਿਆਂ ਅੱਗੇ ਸਿਰਫ਼ ਇੱਕ ਹੋਰ ਮੌਕਾ ਦੇਣ ਦੀ ਬੇਨਤੀ ਕਰਦਾ ਹਾਂ। ਮੈਂ ਸਾਬਤ ਕਰਾਂਗਾ ਕਿ ਮੈਂ ਇੱਕ ਬਿਹਤਰ ਇਨਸਾਨ ਬਣ ਸਕਦਾ ਹਾਂ'।
ਕੀ ਹੈ ਵਿਵਾਦ
ਗੁਰੂਗ੍ਰਾਮ ਵਿੱਚ ਪ੍ਰਣਿਤ ਮੋਰੇ ਦੇ ਇੱਕ ਸਟੈਂਡ-ਅੱਪ ਸ਼ੋਅ ਦੀ ਕਲਿੱਪ ਸੋਸ਼ਲ ਮੀਡੀਆ 'ਤੇ ਵਾਇਰਲ ਹੋਣ ਲੱਗੀ ਸੀ, ਜਿਸ ਵਿੱਚ ਦਰਸ਼ਕਾਂ 'ਚ ਬੈਠੇ ਹਿਮਾਂਸ਼ੂ ਜਾਂਗੜਾ ਨਾਂ ਦੇ ਇੱਕ ਨੌਜਵਾਨ ਨਾਲ ਗੱਲਬਾਤ ਸ਼ਾਮਲ ਸੀ, ਜੋ ਆਪਣੀ ਇੱਕ ਡੇਟ ਦਾ ਤਜ਼ਰਬਾ ਦੱਸ ਰਿਹਾ ਸੀ।
ਕਲਿੱਪ ਵਿੱਚ, ਜਾਂਗੜਾ ਨੇ ਦੱਸਿਆ ਕਿ ਡੇਟ ਦੌਰਾਨ ਚਿਕਨ ਬਿਰਯਾਨੀ ਦੀ ਇੱਕ ਪਲੇਟ 'ਤੇ 370 ਰੁਪਏ ਖ਼ਰਚ ਕਰਨ ਤੋਂ ਬਾਅਦ, ਉਹ ਕੁੜੀ ਕੋਲੋਂ ਬਦਲੇ ਵਿੱਚ ਕੁਝ ਉਮੀਦ ਕਰ ਰਿਹਾ ਸੀ। ਉਸ ਨੇ ਕਿਹਾ, 'ਮੈਂ ਕਿਹਾ ਕਿ 370 ਰੁਪਏ ਲੱਗੇ ਹਨ ਤਾਂ ਵਸੂਲ ਤਾਂ ਕਰਾਂਗਾ ਹੀ'। ਇਹ ਕਲਿੱਪ ਸੋਸ਼ਲ ਮੀਡੀਆ 'ਤੇ ਖ਼ੂਬ ਵਾਇਰਲ ਹੋਈ ਅਤੇ ਇਸ ਕਾਰਨ ਪ੍ਰਣਿਤ ਮੋਰੇ ਨੂੰ ਤਿੱਖੀ ਆਲੋਚਨਾ ਦਾ ਸਾਹਮਣਾ ਕਰਨਾ ਪਿਆ।