- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਕੇਤਨ ਅਗਰਵਾਲ ਕਤਲ ਕੇਸ ਤੋਂ ਹਿਨਾ ਖ਼ਾਨ ਨੂੰ ਲੱਗਿਆ ਝਟਕਾ, ਕਿਹਾ- 'ਅੱਜ ਦੇ ਸਮੇਂ 'ਚ ਸੱਚ ਬੋਲਣਾ ਵੀ...'
ਪੁਣੇ ਦੇ 'ਲੋਹਗੜ੍ਹ ਕਿਲ੍ਹੇ' ਵਿੱਚ ਹੋਏ ਕੇਤਨ ਅਗਰਵਾਲ ਕਤਲ ਕੇਸ ਕਾਰਨ ਪੂਰੇ ਦੇਸ਼ ਵਿੱਚ ਗੁੱਸੇ ਦਾ ਮਾਹੌਲ ਹੈ। ਪੁਲਿਸ ਜਾਂਚ ਵਿੱਚ ਇਹ ਸਾਹਮਣੇ ਆਇਆ ਹੈ ਕਿ ਮੰਗੇਤਰ ਸਿਆ ਗੋਇਲ ਨੇ ਆਪਣੇ ਬੁਆਏਫ੍ਰੈਂਡ ਨਾਲ ਮਿਲ ਕੇ ਕੇਤਨ ਦੇ ਕਤਲ ਦੀ ਸਾਜ਼ਿਸ਼ ਰਚੀ ਸੀ। ਕੇਤਨ ਦੇ ਇਸ ਬੇਰਹਿਮੀ ਨਾਲ ਕੀਤੇ ਕਤਲ 'ਤੇ ਹੁਣ ਕਈ ਟੀਵੀ ਸਿਤਾਰਿਆਂ ਨੇ ਵੀ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਇਸ ਕਤਲ ਕਾਂਡ ਨਾਲ ਹਿਨਾ ਖ਼ਾਨ ਪੂਰੀ ਤਰ੍ਹਾਂ ਹਿੱਲ ਗਈ ਹੈ ਅਤੇ ਉਸ ਨੇ ਇਸ 'ਤੇ ਆਪਣਾ ਪ੍ਰਤੀਕਰਮ ਦਿੱਤਾ ਹੈ।
Posted By Anuradha Bains
Publish Date: Thu, 25 Jun 2026 11:15 AM (IST)
Updated Date: Thu, 25 Jun 2026 11:17 AM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਪੁਣੇ ਦੇ 'ਲੋਹਗੜ੍ਹ ਕਿਲ੍ਹੇ' ਵਿੱਚ ਹੋਏ ਕੇਤਨ ਅਗਰਵਾਲ ਕਤਲ ਕੇਸ ਕਾਰਨ ਪੂਰੇ ਦੇਸ਼ ਵਿੱਚ ਗੁੱਸੇ ਦਾ ਮਾਹੌਲ ਹੈ। ਪੁਲਿਸ ਜਾਂਚ ਵਿੱਚ ਇਹ ਸਾਹਮਣੇ ਆਇਆ ਹੈ ਕਿ ਮੰਗੇਤਰ ਸਿਆ ਗੋਇਲ ਨੇ ਆਪਣੇ ਬੁਆਏਫ੍ਰੈਂਡ ਨਾਲ ਮਿਲ ਕੇ ਕੇਤਨ ਦੇ ਕਤਲ ਦੀ ਸਾਜ਼ਿਸ਼ ਰਚੀ ਸੀ। ਕੇਤਨ ਦੇ ਇਸ ਬੇਰਹਿਮੀ ਨਾਲ ਕੀਤੇ ਕਤਲ 'ਤੇ ਹੁਣ ਕਈ ਟੀਵੀ ਸਿਤਾਰਿਆਂ ਨੇ ਵੀ ਆਪਣੀ ਪ੍ਰਤੀਕਿਰਿਆ ਦਿੱਤੀ ਹੈ। ਇਸ ਕਤਲ ਕਾਂਡ ਨਾਲ ਹਿਨਾ ਖ਼ਾਨ ਪੂਰੀ ਤਰ੍ਹਾਂ ਹਿੱਲ ਗਈ ਹੈ ਅਤੇ ਉਸ ਨੇ ਇਸ 'ਤੇ ਆਪਣਾ ਪ੍ਰਤੀਕਰਮ ਦਿੱਤਾ ਹੈ।
ਸੱਚ ਕਹਿਣਾ ਕਿੰਨਾ ਮੁਸ਼ਕਿਲ ਹੋ ਗਿਆ ਹੈ - ਹਿਨਾ ਖ਼ਾਨ
'ਯੇ ਰਿਸ਼ਤਾ ਕਿਆ ਕਹਿਲਾਤਾ ਹੈ' ਫੇਮ ਅਦਾਕਾਰਾ ਹਿਨਾ ਖ਼ਾਨ (Hina Khan) ਨੇ ਆਪਣੇ ਅਧਿਕਾਰਤ ਇੰਸਟਾਗ੍ਰਾਮ ਸਟੋਰੀ 'ਤੇ ਇੱਕ ਪੋਸਟ ਸ਼ੇਅਰ ਕਰਦਿਆਂ ਆਪਣੇ ਵਿਚਾਰ ਪ੍ਰਗਟ ਕੀਤੇ। ਉਨ੍ਹਾਂ ਲਿਖਿਆ, "ਅੱਜ ਦੇ ਸਮੇਂ ਵਿੱਚ ਸੱਚ ਸੁਣਨਾ ਅਤੇ ਸੱਚ ਕਹਿਣਾ ਇੰਨਾ ਮੁਸ਼ਕਿਲ ਹੋ ਗਿਆ ਹੈ ਕਿ ਲੋਕ ਕਿਸੇ ਦੀ ਜਾਨ ਲੈਣ ਲਈ ਵੀ ਤਿਆਰ ਹਨ।
ਅਜਿਹਾ ਲੱਗਦਾ ਹੈ ਕਿ ਉਨ੍ਹਾਂ ਲਈ ਸੱਚ ਨੂੰ ਸਵੀਕਾਰ ਕਰਨ ਨਾਲੋਂ ਕਿਸੇ ਦੀ ਜਾਨ ਲੈਣਾ ਜ਼ਿਆਦਾ ਆਸਾਨ ਕੰਮ ਹੈ। ਤੁਸੀਂ ਉਸ ਨੂੰ ਬਖ਼ਸ਼ ਸਕਦੇ ਸੀ, ਬੱਸ ਇੱਕ ਸੱਚ ਬੋਲ ਕੇ ਅਤੇ ਉਸ ਤੋਂ ਬਾਅਦ XYZ ਜਿਸ ਨਾਲ ਵੀ ਤੁਸੀਂ ਆਪਣੀ ਜ਼ਿੰਦਗੀ ਬਿਤਾਉਣੀ ਸੀ, ਬਿਤਾ ਲੈਂਦੇ। ਕਿਉਂ ਕੀਤਾ? ਅਫ਼ਸੋਸ, ਕੇਤਨ ਮਰਡਰ ਕੇਸ।"
ਆਂਚਲ ਖੁਰਾਣਾ ਨੇ ਕਿਹਾ - ਸਿੱਧਾ ਇਨਸਾਫ਼, ਨੋ ਬਕਵਾਸ
ਹਿਨਾ ਖ਼ਾਨ ਤੋਂ ਪਹਿਲਾਂ ਆਂਚਲ ਖੁਰਾਣਾ ਨੇ ਵੀ ਕੇਤਨ ਅਗਰਵਾਲ ਲਈ ਇਨਸਾਫ਼ ਦੀ ਗੁਹਾਰ ਲਗਾਈ ਸੀ। 'ਸਪਲਿਟਸਵਿਲਾ' ਫੇਮ ਅਤੇ ਕਈ ਸ਼ੋਅਜ਼ ਵਿੱਚ ਨਜ਼ਰ ਆ ਚੁੱਕੀ ਅਦਾਕਾਰਾ ਨੇ ਕਿਹਾ, "ਕੇਤਨ ਅਗਰਵਾਲ ਸਿਰਫ਼ 26 ਸਾਲਾਂ ਦਾ ਸੀ। ਇੱਕ ਕਰੋੜਪਤੀ ਬਾਪ ਦੇ ਬੇਟੇ ਦਾ ਵਿਆਹ ਇੱਕ ਅਮੀਰ ਪਿਤਾ ਦੀ ਬੇਟੀ ਨਾਲ ਤੈਅ ਹੁੰਦਾ ਹੈ, ਕਿਉਂਕਿ ਦੋਵੇਂ ਪਰਿਵਾਰ ਬਹੁਤ ਨਜ਼ਦੀਕੀ ਸਨ, ਇਸ ਲਈ ਉਨ੍ਹਾਂ ਨੇ ਵਿਆਹ ਪੱਕਾ ਕਰ ਦਿੱਤਾ ਪਰ ਲੜਕੀ ਦਾ ਅਫੇਅਰ ਕਿਸੇ ਹੋਰ ਨਾਲ ਸੀ। ਤੁਸੀਂ ਇਹ ਗੱਲ ਆਪਣੇ ਮਾਤਾ-ਪਿਤਾ ਅਤੇ ਮੰਗੇਤਰ ਨੂੰ ਦੱਸ ਸਕਦੇ ਸੀ।"
ਆਂਚਲ ਨੇ ਗੁੱਸਾ ਜ਼ਾਹਰ ਕਰਦਿਆਂ ਅੱਗੇ ਕਿਹਾ, "ਤੁਸੀਂ ਹਾਲਾਤਾਂ 'ਚੋਂ ਨਿਕਲਣ ਦਾ ਇਹ ਤਰੀਕਾ ਚੁਣਿਆ ਕਿ ਉਸ ਨੂੰ ਇੱਕ ਟੀਲੇ ਤੋਂ ਧੱਕਾ ਦੇ ਦਿੱਤਾ। ਇਹ ਔਰਤ ਅਤੇ ਮਰਦ ਬਾਰੇ ਗੱਲ ਨਹੀਂ ਹੈ। ਮੈਂ ਸਿਰਫ਼ ਇਹ ਕਹਿਣਾ ਚਾਹ ਰਹੀ ਹਾਂ ਕਿ ਇਸ ਜਨਰੇਸ਼ ਨੂੰ ਕੀ ਹੋ ਰਿਹਾ ਹੈ। ਸਿਆ ਨੇ ਉਸ ਦਾ ਕਤਲ ਕਰਨਾ ਜ਼ਰੂਰੀ ਸਮਝਿਆ ਪਰ ਉਸ ਵਿੱਚ ਇੰਨੀ ਹਿੰਮਤ ਨਹੀਂ ਸੀ ਕਿ ਉਹ ਆਪਣੇ ਮਾਂ-ਬਾਪ ਨੂੰ ਸੱਚ ਬੋਲ ਸਕੇ। ਇਸ ਲੜਕੀ ਨੂੰ ਵੀ ਉਸੇ ਕਿਲ੍ਹੇ ਤੋਂ ਧੱਕਾ ਦੇ ਕੇ ਉੱਥੇ ਹੀ ਗੱਲ ਖ਼ਤਮ ਕਰ ਦਿਓ, ਕੋਈ ਕੋਰਟ ਕੇਸ ਨਹੀਂ ਹੋਣਾ ਚਾਹੀਦਾ।"
ਪੁਲਿਸ ਜਾਂਚ ਵਿੱਚ ਸਾਹਮਣੇ ਆਈਆਂ ਇਹ ਗੱਲਾਂ
ਜਿਨ੍ਹਾਂ ਨੂੰ ਇਸ ਕੇਸ ਬਾਰੇ ਨਹੀਂ ਪਤਾ, ਉਨ੍ਹਾਂ ਨੂੰ ਦੱਸ ਦੇਈਏ ਕਿ 18 ਜੂਨ 2026 ਨੂੰ ਕੇਤਨ ਅਗਰਵਾਲ ਦਾ ਕਤਲ ਪੁਣੇ ਦੇ ਲੋਹਗੜ੍ਹ ਕਿਲ੍ਹੇ ਵਿੱਚ ਕੀਤਾ ਗਿਆ ਸੀ। ਸ਼ੁਰੂਆਤ ਵਿੱਚ ਇਸ ਨੂੰ ਸਿਰਫ਼ ਇੱਕ ਸਾਧਾਰਨ ਟ੍ਰੈਕਿੰਗ ਹਾਦਸਾ ਸਮਝਿਆ ਗਿਆ ਪਰ ਬਾਅਦ ਵਿੱਚ ਜਦੋਂ ਪੁਲਿਸ ਨੇ ਆਪਣੀ ਜਾਂਚ ਅੱਗੇ ਵਧਾਈ ਤਾਂ ਉਨ੍ਹਾਂ ਦੇ ਸਾਹਮਣੇ ਇਹ ਗੱਲ ਆਈ ਕਿ ਇਹ ਸਿਰਫ਼ ਇੱਕ ਹਾਦਸਾ ਨਹੀਂ, ਸਗੋਂ ਇੱਕ ਸੋਚੀ-ਸਮਝੀ ਸਾਜ਼ਿਸ਼ ਤਹਿਤ ਕੀਤਾ ਗਿਆ ਕਤਲ ਹੈ, ਜੋ ਉਸ ਦੀ ਮੰਗੇਤਰ ਸਿਆ ਨੇ ਆਪਣੇ ਪ੍ਰੇਮੀ ਚੇਤਨ ਚੌਧਰੀ ਨਾਲ ਮਿਲ ਕੇ ਕੀਤਾ ਹੈ। ਕੇਤਨ ਦੇ ਕਤਲ ਦੇ ਦੋਸ਼ ਵਿੱਚ ਮੰਗੇਤਰ ਸਿਆ ਅਤੇ ਉਸ ਦੇ ਕਥਿਤ ਬੁਆਏਫ੍ਰੈਂਡ ਨੂੰ ਪੁਲਿਸ ਨੇ ਗ੍ਰਿਫ਼ਤਾਰ ਕਰ ਲਿਆ ਹੈ।