Father's Day 'ਤੇ ਈਸ਼ਾ ਦਿਓਲ ਨੂੰ ਰੜਕੀ ਪਾਪਾ Dharmendra ਦੀ ਕਮੀ, 'ਹੀ-ਮੈਨ' ਨੂੰ ਯਾਦ ਕਰਕੇ ਭਾਵੁਕ ਹੋਈ ਧੀ

24 ਨਵੰਬਰ 2025 ਨੂੰ ਧਰਮਿੰਦਰ ਦਾ ਦੇਹਾਂਤ ਹੋਇਆ ਸੀ ਅਤੇ ਇਸ ਦੁਖਦਾਈ ਘੜੀ ਨੂੰ ਹੁਣ ਤੱਕ ਕਰੀਬ 8 ਮਹੀਨਿਆਂ ਦਾ ਸਮਾਂ ਬੀਤ ਚੁੱਕਾ ਹੈ ਪਰ ਫਿਰ ਵੀ ਅਦਾਕਾਰ ਦਾ ਪਰਿਵਾਰ ਹਰ ਪਲ ਉਨ੍ਹਾਂ ਨੂੰ ਮਿਸ ਕਰਦਾ ਹੈ। ਫਾਦਰਜ਼ ਡੇ ਦੇ ਮੌਕੇ 'ਤੇ ਧਰਮਿੰਦਰ ਦੀ ਧੀ ਈਸ਼ਾ ਦਿਓਲ ਦੀ ਤਾਜ਼ਾ ਪੋਸਟ ਤੋਂ ਇਸ ਗੱਲ ਦਾ ਅੰਦਾਜ਼ਾ ਆਸਾਨੀ ਨਾਲ ਲਗਾਇਆ ਜਾ ਸਕਦਾ ਹੈ

Posted By alisha

Publish Date: Sun, 21 Jun 2026 02:15 PM (IST)

Updated Date: Sun, 21 Jun 2026 02:19 PM (IST)

Father's Day 'ਤੇ ਈਸ਼ਾ ਦਿਓਲ ਨੂੰ ਰੜਕੀ ਪਾਪਾ Dharmendra ਦੀ ਕਮੀ, 'ਹੀ-ਮੈਨ' ਨੂੰ ਯਾਦ ਕਰਕੇ ਭਾਵੁਕ ਹੋਈ ਧੀ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਹਿੰਦੀ ਸਿਨੇਮਾ ਦੇ 'ਹੀ-ਮੈਨ' ਅਤੇ ਦਿੱਗਜ ਅਦਾਕਾਰ ਧਰਮਿੰਦਰ ਦਾ ਬੀਤੇ ਸਾਲ 89 ਸਾਲ ਦੀ ਉਮਰ ਵਿੱਚ ਦੇਹਾਂਤ ਹੋ ਗਿਆ ਸੀ। ਧਰਮਿੰਦਰ ਦਾ ਪਰਿਵਾਰ ਅਜੇ ਵੀ ਉਨ੍ਹਾਂ ਦੇ ਜਾਣ ਦੇ ਸਦਮੇ ਵਿੱਚੋਂ ਬਾਹਰ ਨਹੀਂ ਨਿਕਲ ਸਕਿਆ ਹੈ। ਅੱਜ ਜਿੱਥੇ ਪੂਰੀ ਦੁਨੀਆ 'ਫਾਦਰਜ਼ ਡੇ' ਮਨਾ ਰਹੀ ਹੈ, ਉੱਥੇ ਹੀ ਦੂਜੇ ਪਾਸੇ ਈਸ਼ਾ ਦਿਓਲ ਨੂੰ ਆਪਣੇ ਸਵਰਗੀ ਪਿਤਾ ਦੀ ਕਮੀ ਬਹੁਤ ਜ਼ਿਆਦਾ ਰੜਕ ਰਹੀ ਹੈ।

ਫਾਦਰਜ਼ ਡੇ ਦੇ ਖ਼ਾਸ ਮੌਕੇ 'ਤੇ ਈਸ਼ਾ ਨੇ ਸੋਸ਼ਲ ਮੀਡੀਆ 'ਤੇ ਆਪਣੇ ਪਾਪਾ ਨੂੰ ਯਾਦ ਕਰਦਿਆਂ ਇੱਕ ਨਵੀਂ ਪੋਸਟ ਸਾਂਝੀ ਕੀਤੀ ਹੈ, ਜੋ ਸਭ ਨੂੰ ਭਾਵੁਕ ਕਰਨ ਵਾਲੀ ਹੈ।

ਈਸ਼ਾ ਦਿਓਲ ਨੂੰ ਆਈ ਪਿਤਾ ਧਰਮਿੰਦਰ ਦੀ ਯਾਦ

ਇਸ ਪੋਸਟ ਵਿੱਚ ਈਸ਼ਾ ਦੇ ਪਿਤਾ ਅਤੇ ਬਾਲੀਵੁੱਡ ਦੇ ਸਦਾਬਹਾਰ ਅਦਾਕਾਰ ਰਹੇ ਧਰਮਿੰਦਰ ਦੀ ਝਲਕ ਦੇਖਣ ਨੂੰ ਮਿਲ ਰਹੀ ਹੈ। ਨਾਲ ਹੀ ਤਸਵੀਰ ਵਿੱਚ ਉਨ੍ਹਾਂ ਦੇ ਨਾਲ ਦੋ ਛੋਟੀਆਂ ਬੱਚੀਆਂ ਵੀ ਨਜ਼ਰ ਆ ਰਹੀਆਂ ਹਨ। ਇੰਸਟਾ ਸਟੋਰੀ 'ਤੇ ਪੋਸਟ ਸਾਂਝੀ ਕਰਦਿਆਂ ਈਸ਼ਾ ਦਿਓਲ ਨੇ ਲਿਖਿਆ— "ਲਵ ਯੂ ਪਾਪਾ"। ਇਹ ਦੋ ਸ਼ਬਦ ਹੀ ਇਹ ਦੱਸਣ ਲਈ ਕਾਫ਼ੀ ਹਨ ਕਿ ਪਿਤਾ ਦੇ ਤੁਰ ਜਾਣ ਤੋਂ ਬਾਅਦ ਵੀ ਈਸ਼ਾ ਇਸ ਗ਼ਮ ਵਿੱਚੋਂ ਉੱਭਰ ਨਹੀਂ ਪਾ ਰਹੀ ਹੈ।

ਸਹੀ ਮਾਇਨਿਆਂ ਵਿੱਚ ਦੇਖਿਆ ਜਾਵੇ ਤਾਂ ਫਾਦਰਜ਼ ਡੇਅ ਸਪੈਸ਼ਲ ਵਜੋਂ ਈਸ਼ਾ ਦਿਓਲ ਦੀ ਇਹ ਪੋਸਟ ਵਾਕਈ ਦਿਲ ਨੂੰ ਛੂਹਣ ਵਾਲੀ ਹੈ ਅਤੇ ਹਰ ਕੋਈ ਇਸ ਨੂੰ ਦੇਖ ਕੇ ਭਾਵੁਕ ਹੁੰਦਾ ਨਜ਼ਰ ਆ ਰਿਹਾ ਹੈ।

ਧਰਮਿੰਦਰ ਦੀ ਦੂਜੀ ਪਤਨੀ ਦੀ ਧੀ ਹੈ ਈਸ਼ਾ

ਦਰਅਸਲ, ਅਦਾਕਾਰ ਧਰਮਿੰਦਰ ਨੇ ਦੋ ਵਿਆਹ ਕਰਵਾਏ ਸਨ, ਜਿਨ੍ਹਾਂ ਵਿੱਚੋਂ ਉਨ੍ਹਾਂ ਦੀ ਪਹਿਲੀ ਪਤਨੀ ਦਾ ਨਾਂ ਪ੍ਰਕਾਸ਼ ਕੌਰ ਅਤੇ ਦੂਜੀ ਪਤਨੀ ਮਸ਼ਹੂਰ ਅਦਾਕਾਰਾ ਹੇਮਾ ਮਾਲਿਨੀ ਹੈ। ਈਸ਼ਾ ਦਿਓਲ ਧਰਮਿੰਦਰ ਅਤੇ ਹੇਮਾ ਦੀ ਵੱਡੀ ਧੀ ਹੈ। ਆਪਣੇ ਮਾਤਾ-ਪਿਤਾ ਵਾਂਗ ਈਸ਼ਾ ਨੇ ਵੀ ਫ਼ਿਲਮੀ ਦੁਨੀਆ ਵਿੱਚ ਬਤੌਰ ਅਦਾਕਾਰਾ ਕੰਮ ਕੀਤਾ ਅਤੇ ਆਪਣੇ ਪਰਿਵਾਰ ਦੀ ਵਿਰਾਸਤ ਨੂੰ ਅੱਗੇ ਵਧਾਇਆ। ਹਾਲਾਂਕਿ, ਅੱਜਕੱਲ੍ਹ ਈਸ਼ਾ ਐਕਟਿੰਗ ਦੀ ਦੁਨੀਆ ਤੋਂ ਬ੍ਰੇਕ 'ਤੇ ਹੈ।