- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
14 ਮਿੰਟਾਂ 'ਚ ਪੂਰੀ ਰਾਮਾਇਣ, ਸੁਣ ਕੇ ਰੋਇਆ ਪੂਰਾ ਦੇਸ਼...ਲਵ-ਕੁਸ਼ ਦੀ ਆਵਾਜ਼ ਬਣੇ ਇਹ 3 ਗਾਇਕ; 37 ਸਾਲ ਪੁਰਾਣੇ ਗੀਤ ਨੇ ਰਚਿਆ ਇਤਿਹਾਸ
ਰਾਮਾਇਣ ਦੇ ਸਾਰੇ ਗੀਤ ਯਾਦਗਾਰ ਰਹੇ ਹਨ। 90 ਦੇ ਦਹਾਕੇ 'ਚ ਆਏ ਰਾਮਾਨੰਦ ਸਾਗਰ ਦੇ ਸੀਰੀਅਲ 'ਰਾਮਾਇਣ' ਦੇ ਸਾਰੇ ਗੀਤ ਕਲਾਸਿਕ ਬਣ ਚੁੱਕੇ ਹਨ। ਇਸ ਸ਼ੋਅ ਦਾ ਰਿਕਾਰਡ ਅੱਜ ਤਕ ਕੋਈ ਨਹੀਂ ਤੋੜ ਸਕਿਆ। ਇਸੇ ਸ਼ੋਅ ਦਾ ਇਕ ਗੀਤ ਅਜਿਹਾ ਹੈ, ਜੋ ਅੱਜ ਵੀ ਲੋਕਾਂ ਦੇ ਦਿਲਾਂ 'ਚ ਵੱਸਿਆ ਹੋਇਆ ਹੈ। ਇਸ ਗੀਤ ਦਾ ਨਾਂ ਹੈ 'ਹਮ ਕਥਾ ਸੁਨਾਤੇ ਰਾਮ ਸਕਲ ਗੁਣ ਧਾਮ ਕੀ'। ਜੀ ਹਾਂ, ਲਵ-ਕੁਸ਼ ਵੱਲੋਂ ਗਾਇਆ ਗਿਆ ਇਹ ਗੀਤ ਅੱਜ ਵੀ ਰਾਮਾਇਣ ਦੇ ਸਭ ਤੋਂ ਯਾਦਗਾਰ ਗੀਤਾਂ 'ਚ ਗਿਣਿਆ ਜਾਂਦਾ ਹੈ।
Posted By Seema Anand
Publish Date: Tue, 10 Nov 2026 02:16 PM (IST)
Updated Date: Tue, 10 Nov 2026 03:10 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਇਨ੍ਹੀਂ ਦਿਨੀਂ ਫ਼ਿਲਮ 'ਰਾਮਾਇਣਮ' ਦੀ ਚਰਚਾ ਜ਼ੋਰਾਂ-ਸ਼ੋਰਾਂ ਨਾਲ ਹੋ ਰਹੀ ਹੈ। ਫ਼ਿਲਮ ਬਾਕਸ ਆਫ਼ਿਸ 'ਤੇ ਚੰਗਾ ਪ੍ਰਦਰਸ਼ਨ ਕਰ ਰਹੀ ਹੈ। ਫ਼ਿਲਮ ਦੇ ਗੀਤਾਂ ਤੋਂ ਲੈ ਕੇ ਸੀਨ ਤੱਕ, ਇੰਟਰਨੈੱਟ 'ਤੇ ਖ਼ੂਬ ਟ੍ਰੈਂਡ ਕਰ ਰਹੇ ਹਨ। ਇਸੇ ਦੌਰਾਨ ਰਾਮਾਨੰਦ ਸਾਗਰ ਦੀ ਰਾਮਾਇਣ ਦਾ ਇਕ ਅਜਿਹਾ ਗੀਤ ਵੀ ਚਰਚਾ 'ਚ ਹੈ, ਜੋ ਆਪਣੇ ਆਪ 'ਚ ਬੇਹੱਦ ਸ਼ਾਨਦਾਰ ਹੈ। 14 ਮਿੰਟ ਦੇ ਇਸ ਗੀਤ ਨੂੰ ਤਿੰਨ ਗਾਇਕਾਂ ਨੇ ਮਿਲ ਕੇ ਗਾਇਆ ਸੀ।
ਕਿਹੜਾ ਹੈ ਉਹ ਗੀਤ?
ਦਰਅਸਲ, ਰਾਮਾਇਣ ਦੇ ਸਾਰੇ ਗੀਤ ਯਾਦਗਾਰ ਰਹੇ ਹਨ। 90 ਦੇ ਦਹਾਕੇ 'ਚ ਆਏ ਰਾਮਾਨੰਦ ਸਾਗਰ ਦੇ ਸੀਰੀਅਲ 'ਰਾਮਾਇਣ' ਦੇ ਸਾਰੇ ਗੀਤ ਕਲਾਸਿਕ ਬਣ ਚੁੱਕੇ ਹਨ। ਇਸ ਸ਼ੋਅ ਦਾ ਰਿਕਾਰਡ ਅੱਜ ਤਕ ਕੋਈ ਨਹੀਂ ਤੋੜ ਸਕਿਆ। ਇਸੇ ਸ਼ੋਅ ਦਾ ਇਕ ਗੀਤ ਅਜਿਹਾ ਹੈ, ਜੋ ਅੱਜ ਵੀ ਲੋਕਾਂ ਦੇ ਦਿਲਾਂ 'ਚ ਵੱਸਿਆ ਹੋਇਆ ਹੈ। ਇਸ ਗੀਤ ਦਾ ਨਾਂ ਹੈ 'ਹਮ ਕਥਾ ਸੁਨਾਤੇ ਰਾਮ ਸਕਲ ਗੁਣ ਧਾਮ ਕੀ'। ਜੀ ਹਾਂ, ਲਵ-ਕੁਸ਼ ਵੱਲੋਂ ਗਾਇਆ ਗਿਆ ਇਹ ਗੀਤ ਅੱਜ ਵੀ ਰਾਮਾਇਣ ਦੇ ਸਭ ਤੋਂ ਯਾਦਗਾਰ ਗੀਤਾਂ 'ਚ ਗਿਣਿਆ ਜਾਂਦਾ ਹੈ।
ਇਸ ਗੀਤ ਦੀ ਮਹਿਮਾ ਅਜਿਹੀ ਹੈ ਕਿ ਲੋਕ ਅੱਜ ਵੀ ਇਸ ਨੂੰ ਬੜੇ ਧਿਆਨ ਨਾਲ ਸੁਣਦੇ ਹਨ। ਗੀਤ 'ਚ ਦਿਖਾਇਆ ਗਿਆ ਹੈ ਕਿ ਲਵ-ਕੁਸ਼ ਕਿਵੇਂ ਪ੍ਰਭੂ ਸ਼੍ਰੀ ਰਾਮ ਦੇ ਦਰਬਾਰ 'ਚ ਆਉਂਦੇ ਹਨ ਅਤੇ ਕੁਝ ਹੀ ਪਲਾਂ 'ਚ ਉਨ੍ਹਾਂ ਨੂੰ ਰਾਮਾਇਣ ਦੀ ਗਾਥਾ ਸੁਣਾਉਂਦੇ ਹਨ। ਇਸ ਗੀਤ ਨੂੰ ਯੂਟਿਊਬ 'ਤੇ 280 ਮਿਲੀਅਨ ਤੋਂ ਵੱਧ ਵਾਰ ਸੁਣਿਆ ਜਾ ਚੁੱਕਾ ਹੈ। ਕਰੀਬ 14 ਮਿੰਟ 40 ਸਕਿੰਟ ਦੇ ਇਸ ਗੀਤ ਦਾ ਇਕ-ਇਕ ਸ਼ਬਦ ਮਨ ਨੂੰ ਭਾਵੁਕ ਕਰ ਦਿੰਦਾ ਹੈ। ਇੱਥੋਂ ਤੱਕ ਕਿ ਇਸ ਨੂੰ ਸੁਣ ਕੇ ਅਕਸਰ ਲੋਕਾਂ ਦੀਆਂ ਅੱਖਾਂ 'ਚ ਹੰਝੂ ਆ ਜਾਂਦੇ ਹਨ।
ਤਿੰਨ ਗਾਇਕਾਂ ਨੇ ਦਿੱਤੀ ਦੋ ਬੱਚਿਆਂ ਨੂੰ ਆਵਾਜ਼
ਇਸ ਗੀਤ ਨੂੰ ਉਸ ਦੌਰ ਦੇ ਤਿੰਨ ਗਾਇਕਾਂ ਨੇ ਆਪਣੀ ਆਵਾਜ਼ ਦਿੱਤੀ ਸੀ। ਇਸ ਨੂੰ ਕਵਿਤਾ ਕ੍ਰਿਸ਼ਨਮੂਰਤੀ, ਹੇਮਲਤਾ ਅਤੇ ਰਵਿੰਦਰ ਜੈਨ ਨੇ ਮਿਲ ਕੇ ਗਾਇਆ ਸੀ। ਲਵ-ਕੁਸ਼ ਦੀ ਆਵਾਜ਼ ਲਈ ਕਵਿਤਾ ਕ੍ਰਿਸ਼ਨਮੂਰਤੀ ਅਤੇ ਹੇਮਲਤਾ ਨੂੰ ਚੁਣਿਆ ਗਿਆ ਸੀ। ਉੱਥੇ ਹੀ ਰਵਿੰਦਰ ਜੈਨ ਨੇ ਵੀ ਇਸ ਗੀਤ 'ਚ ਆਪਣੀ ਆਵਾਜ਼ ਦਾ ਜਾਦੂ ਬਿਖੇਰਿਆ ਸੀ। ਲਵ-ਕੁਸ਼ ਵਰਗੇ ਬੱਚਿਆਂ ਦੀ ਆਵਾਜ਼ ਦੋ ਮਹਿਲਾ ਗਾਇਕਾਂ ਨੇ ਦਿੱਤੀ ਅਤੇ ਇਹ ਆਵਾਜ਼ਾਂ ਉਨ੍ਹਾਂ ਦੇ ਕਿਰਦਾਰਾਂ 'ਤੇ ਬਿਲਕੁਲ ਢੁੱਕਵੀਆਂ ਸਨ।
ਇਸ ਗੀਤ ਦਾ ਸੰਗੀਤ ਵੀ ਖ਼ੁਦ ਰਵਿੰਦਰ ਜੈਨ ਨੇ ਹੀ ਤਿਆਰ ਕੀਤਾ ਸੀ ਅਤੇ ਇਸ ਨੂੰ ਲਿਖਿਆ ਵੀ ਉਨ੍ਹਾਂ ਨੇ ਹੀ ਸੀ। ਇੱਥੋਂ ਤੱਕ ਕਿ ਰਾਮਾਇਣ ਦੇ ਪੂਰੇ ਸੰਗੀਤ ਦੀ ਜ਼ਿੰਮੇਵਾਰੀ ਵੀ ਉਨ੍ਹਾਂ ਦੇ ਮੋਢਿਆਂ 'ਤੇ ਸੀ। ਉਨ੍ਹਾਂ ਨੇ ਰਾਮਾਨੰਦ ਸਾਗਰ ਦੀ ਰਾਮਾਇਣ ਲਈ ਅਜਿਹਾ ਸੰਗੀਤ ਤਿਆਰ ਕੀਤਾ, ਜਿਸ ਨੇ ਦੁਨੀਆ ਭਰ 'ਚ ਇਤਿਹਾਸ ਰਚ ਦਿੱਤਾ। ਅੱਜ ਵੀ ਰਾਮਾਨੰਦ ਸਾਗਰ ਦੀ ਰਾਮਾਇਣ ਅਤੇ ਇਸ ਦੇ ਗੀਤਾਂ ਦਾ ਰਿਕਾਰਡ ਕੋਈ ਨਹੀਂ ਤੋੜ ਸਕਿਆ ਹੈ।
ਤੁਹਾਨੂੰ ਦੱਸ ਦੇਈਏ ਕਿ ਰਾਮਾਨੰਦ ਸਾਗਰ ਦੀ ਇਸ ਰਾਮਾਇਣ ਦੇ ਗੀਤ ਹਾਲ ਹੀ 'ਚ ਰਿਲੀਜ਼ ਹੋਈ ਨਮਿਤ ਮਲਹੋਤਰਾ ਦੀ ਫ਼ਿਲਮ 'ਰਾਮਾਇਣਮ' ਦੇ ਵਿਚਕਾਰ ਮੁੜ ਵਾਇਰਲ ਹੋ ਰਹੇ ਹਨ। ਲੋਕ ਦੋਵਾਂ ਰਾਮਾਇਣਾਂ ਦੀ ਤੁਲਨਾ ਵੀ ਕਰ ਰਹੇ ਹਨ।