- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਦੂਰਦਰਸ਼ਨ 'ਤੇ ਮਹਾਭਾਰਤ ਹੀ ਨਹੀਂ, BR Chopra ਲੈ ਕੇ ਆਏ ਸਨ ਸਦੀ ਦਾ ਸਭ ਤੋਂ ਡਰਾਉਣਾ ਸ਼ੋਅ; ਬੱਚੇ ਝੁੰਡ ਬਣਾ ਕੇ ਜਾਂਦੇ ਸਨ ਟਾਇਲਟ
Doordarshan 'ਤੇ ਪ੍ਰਸਾਰਿਤ ਹੋਣ ਵਾਲੇ ਸ਼ੋਅ 'ਆਪਬੀਤੀ' ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਸ ਦਾ ਹਾਰਰ ਮਿਊਜ਼ਿਕ ਅਤੇ ਦਮਦਾਰ ਓਪਨਿੰਗ ਸੀ। ਸ਼ੋਅ ਦਾ ਟਾਈਟਲ ਟਰੈਕ ਸੀ 'ਯੇ ਆਪਬੀਤੀ ਹੈ'। ਸ਼ੋਅ ਦੀ ਓਪਨਿੰਗ ਬਿਲਕੁਲ ਸੁੰਨਸਾਨ ਜੰਗਲ 'ਚ ਲੰਬੇ-ਲੰਬੇ ਦਰੱਖ਼ਤਾਂ ਅਤੇ ਪੱਤਿਆਂ ਦੀ ਸਰਸਰਾਹਟ ਨਾਲ ਹੁੰਦੀ ਸੀ।
Posted By Seema Anand
Publish Date: Sat, 19 Sep 2026 03:51 PM (IST)
Updated Date: Sat, 19 Sep 2026 03:54 PM (IST)
ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ : ਆਪਣੇ ਸਮੇਂ ਦੇ ਮਸ਼ਹੂਰ ਨਿਰਦੇਸ਼ਕ ਤੇ ਨਿਰਮਾਤਾ ਬੀ.ਆਰ. ਚੋਪੜਾ ਨੇ ਦਰਸ਼ਕਾਂ ਨੂੰ ਕਈ ਯਾਦਗਾਰ ਸ਼ੋਅ ਦਿੱਤੇ ਹਨ। ਅੱਜ ਤਕ ਉਨ੍ਹਾਂ ਦੇ ਜਿਸ ਆਈਕਾਨਿਕ ਸ਼ੋਅ ਦੀ ਸਭ ਤੋਂ ਵੱਧ ਚਰਚਾ ਹੁੰਦੀ ਹੈ, ਉਹ ਸਾਲ 1981 'ਚ ਦੂਰਦਰਸ਼ਨ 'ਤੇ ਆਇਆ 'ਮਹਾਭਾਰਤ' ਹੈ ਜਿਸ ਦੇ ਕਿਰਦਾਰ ਅੱਜ ਵੀ ਘਰ-ਘਰ 'ਚ ਮਸ਼ਹੂਰ ਹਨ।
ਕੀ ਤੁਹਾਨੂੰ ਪਤਾ ਹੈ ਕਿ ਦੂਰਦਰਸ਼ਨ 'ਤੇ ਪ੍ਰਸਾਰਿਤ ਹੋਣ ਵਾਲਾ 'ਮਹਾਭਾਰਤ' ਉਨ੍ਹਾਂ ਦਾ ਇਕੱਲਾ ਲੋਕਪ੍ਰਿਯ ਸ਼ੋਅ ਨਹੀਂ ਸੀ, ਸਗੋਂ 25 ਸਾਲ ਪਹਿਲਾਂ ਉਹ ਇਕ ਅਜਿਹਾ ਡਰਾਉਣਾ ਹਾਰਰ ਸੀਰੀਅਲ ਵੀ ਲੈ ਕੇ ਆਏ ਸਨ, ਜਿਸ ਨੂੰ ਦੇਖਣ ਤੋਂ ਬਾਅਦ ਬੱਚੇ ਕਮਰੇ 'ਚੋਂ ਇਕੱਲੇ ਬਾਹਰ ਨਹੀਂ ਨਿਕਲਦੇ ਸਨ। ਇੰਨਾ ਹੀ ਨਹੀਂ, ਜਦੋਂ ਕਿਸੇ ਨੂੰ ਟਾਇਲਟ ਜਾਣਾ ਹੁੰਦਾ ਸੀ ਤਾਂ ਉਹ ਦੋਸਤਾਂ ਦੇ ਝੁੰਡ ਨਾਲ ਹੀ ਜਾਂਦੇ ਸਨ।
25 ਸਾਲ ਪਹਿਲਾਂ ਹਾਰਰ ਸ਼ੋਅ ਦੇਖ ਕੇ ਛੁੱਟਦੇ ਸਨ ਪਸੀਨੇ
ਸੋਨੀ ਟੀਵੀ 'ਤੇ ਜਿਸ ਦੌਰ 'ਚ ਮੇਕਰਜ਼ 'ਆਹਟ' ਵਰਗਾ ਕਾਲਪਨਿਕ ਹਾਰਰ ਸ਼ੋਅ ਲੈ ਕੇ ਆਏ ਸਨ, ਉਸੇ ਸਮੇਂ ਦੂਰਦਰਸ਼ਨ 'ਤੇ ਬੀਆਰ ਚੋਪੜਾ ਦਾ ਸੱਚੀ ਕਹਾਣੀ ਤੋਂ ਪ੍ਰੇਰਿਤ ਅਜਿਹਾ ਸ਼ੋਅ ਆਇਆ, ਜਿਸ ਨੇ ਲੋਕਾਂ ਦੀਆਂ ਰਾਤਾਂ ਦੀ ਨੀਂਦ ਉਡਾ ਦਿੱਤੀ ਸੀ। ਸ਼ੋਅ ਦਾ ਨਾਮ 'ਆਪਬੀਤੀ' ਸੀ, ਜੋ ਸਾਲ 2001 'ਚ ਆਇਆ ਸੀ। 'ਆਪਬੀਤੀ' 'ਚ ਕੋਈ ਕਾਲਪਨਿਕ ਕਹਾਣੀ ਨਹੀਂ ਹੁੰਦੀ ਸੀ, ਸਗੋਂ ਮੇਕਰਜ਼ ਦੇਸ਼ ਭਰ ਦੀਆਂ ਸੱਚੀਆਂ ਕਹਾਣੀਆਂ ਲੱਭ ਕੇ ਲਿਆਉਂਦੇ ਸਨ ਅਤੇ ਉਨ੍ਹਾਂ ਨੂੰ ਦਰਸ਼ਕਾਂ ਦੇ ਸਾਹਮਣੇ ਪੇਸ਼ ਕਰਕੇ ਡਰਾਉਂਦੇ ਸਨ।
'ਆਪਬੀਤੀ' ਦੂਰਦਰਸ਼ਨ 'ਤੇ ਹਰ ਸ਼ਨੀਵਾਰ ਰਾਤ 9:30 ਵਜੇ ਤੋਂ 10:30 ਵਜੇ ਤਕ ਚੱਲਦਾ ਸੀ। ਇਸ ਨੂੰ ਦੇਖ ਕੇ ਡਰ ਤਾਂ ਲੱਗਦਾ ਹੀ ਸੀ, ਪਰ ਇਸ ਦੀਆਂ ਸੱਚੀਆਂ ਕਹਾਣੀਆਂ ਲੋਕਾਂ ਨੂੰ ਇੱਕ ਅੱਖ ਬੰਦ ਕਰਕੇ ਡਰਾਉਣੇ ਸੀਨ ਦੇਖਣ ਲਈ ਮਜਬੂਰ ਕਰ ਦਿੰਦੀਆਂ ਸਨ। ਮੇਕਰਜ਼ ਨੇ ਸ਼ੋਅ ਨੂੰ ਇਸ ਤਰ੍ਹਾਂ ਪਲਾਨ ਕੀਤਾ ਸੀ ਕਿ ਅੱਧਾ ਐਪੀਸੋਡ ਇੱਕ ਸ਼ਨੀਵਾਰ ਦੇਖਣ ਤੋਂ ਬਾਅਦ ਦਰਸ਼ਕ ਅਗਲੇ ਵੀਕਐਂਡ 'ਤੇ ਅੱਗੇ ਦੀ ਕਹਾਣੀ ਦੇਖਣ ਲਈ ਬੇਸਬਰੀ ਨਾਲ ਇੰਤਜ਼ਾਰ ਕਰਦੇ ਸਨ।
ਕੀ ਸੀ ਹਾਰਰ ਸ਼ੋਅ 'ਆਪਬੀਤੀ' ਦੀ ਸਭ ਤੋਂ ਵੱਡੀ ਖ਼ਾਸੀਅਤ?
ਦੂਰਦਰਸ਼ਨ 'ਤੇ ਪ੍ਰਸਾਰਿਤ ਹੋਣ ਵਾਲੇ ਸ਼ੋਅ 'ਆਪਬੀਤੀ' ਦੀ ਸਭ ਤੋਂ ਵੱਡੀ ਖ਼ਾਸੀਅਤ ਇਸ ਦਾ ਹਾਰਰ ਮਿਊਜ਼ਿਕ ਤੇ ਦਮਦਾਰ ਓਪਨਿੰਗ ਸੀ। ਸ਼ੋਅ ਦਾ ਟਾਈਟਲ ਟਰੈਕ ਸੀ 'ਯੇ ਆਪਬੀਤੀ ਹੈ'। ਸ਼ੋਅ ਦੀ ਓਪਨਿੰਗ ਬਿਲਕੁਲ ਸੁੰਨਸਾਨ ਜੰਗਲ 'ਚ ਲੰਬੇ-ਲੰਬੇ ਦਰੱਖ਼ਤਾਂ ਤੇ ਪੱਤਿਆਂ ਦੀ ਸਰਸਰਾਹਟ ਨਾਲ ਹੁੰਦੀ ਸੀ। ਇਸ ਦਾ ਓਪਨਿੰਗ ਸਾਊਂਡਟ੍ਰੈਕ ਹੀ ਇੰਨਾ ਦਮਦਾਰ ਸੀ ਕਿ ਕਿਸੇ ਦੀ ਵੀ ਸਿਟੀ-ਪਿੱਟੀ ਗੁੰਮ ਹੋ ਜਾਂਦੀ ਸੀ। ਉਸ ਸਮੇਂ ਕਈ ਲੋਕ ਇਹ ਵੀ ਦਾਅਵਾ ਕਰਦੇ ਸਨ ਕਿ ਜਦੋਂ ਸੈੱਟ 'ਤੇ ਸ਼ੂਟਿੰਗ ਹੁੰਦੀ ਸੀ ਤਾਂ ਉੱਥੇ ਅਜੀਬੋ-ਗਰੀਬ ਘਟਨਾਵਾਂ ਵਾਪਰਦੀਆਂ ਸਨ।
ਦੂਰਦਰਸ਼ਨ ਦੇ ਸਭ ਤੋਂ ਲੋਕਪ੍ਰਿਯ ਸ਼ੋਅਜ਼ 'ਚੋਂ ਇੱਕ 'ਆਪਬੀਤੀ' ਨੂੰ ਜਿੱਥੇ ਬੀ.ਆਰ. ਚੋਪੜਾ ਨੇ ਪ੍ਰੋਡਿਊਸ ਕੀਤਾ ਸੀ, ਉੱਥੇ ਹੀ ਇਸ ਦਾ ਨਿਰਦੇਸ਼ਨ ਉਨ੍ਹਾਂ ਦੇ ਬੇਟੇ ਰਵੀ ਚੋਪੜਾ ਨੇ ਕੀਤਾ ਸੀ। ਇਸ ਸ਼ੋਅ ਦਾ ਟਾਈਟਲ ਟਰੈਕ ਡਾ. ਨੇਹਾ ਰਾਜਪਾਲ ਨੇ ਗਾਇਆ ਸੀ। ਹਾਲਾਂਕਿ, ਸਾਲ 2024 'ਚ ਇਸ ਦਾ ਸਮਾਂ ਬਦਲ ਕੇ ਰਾਤ 10 ਵਜੇ ਤੋਂ 11 ਵਜੇ ਕਰ ਦਿੱਤਾ ਗਿਆ ਸੀ। 'ਮਹਾਭਾਰਤ' ਤੋਂ ਬਾਅਦ ਇਹ ਬੀ.ਆਰ. ਚੋਪੜਾ ਦਾ ਦੂਰਦਰਸ਼ਨ 'ਤੇ ਸਭ ਤੋਂ ਲੋਕਪ੍ਰਿਯ ਸ਼ੋਅ ਦੱਸਿਆ ਜਾਂਦਾ ਹੈ।