ਕੀ ‘Hanuman Ansh’ ਦੇ ਸੀਕਵਲ ਦਾ ਹਿੱਸਾ ਹੋਣਗੇ Akshay Kumar? ਪ੍ਰੋਡਿਊਸਰ ਨੇ ਦੱਸਿਆ ਸੀ ਆਪਣਾ ਫੇਵਰਿਟ ਐਕਟਰ

ਐਂਟਰਟੇਨਮੈਂਟ ਡੈਸਕ, ਨਵੀਂ ਦਿੱਲੀ। ਨੀਮ ਕਰੌਲੀ ਬਾਬਾ (Neem Karoli Baba) ਦੀ ਜ਼ਿੰਦਗੀ ’ਤੇ ਆਧਾਰਿਤ ਵਿਸ਼ਾਲ ਚਤੁਰਵੇਦੀ (Vishal Chaturvedi) ਦੀ ਫ਼ਿਲਮ ‘ਹਨੁਮਾਨ ਅੰਸ਼’ (Hanuman Ansh) ਆਪਣੀ ਰਿਲੀਜ਼ ਦੇ ਲਗਪਗ ਦੋ ਮਹੀਨੇ ਬਾਅਦ ਵੀ ਬਾਕਸ ਆਫ਼ਿਸ ’ਤੇ ਰਿਕਾਰਡ ਤੋੜ ਰਹੀ ਹੈ।

ਦੋ ਸੌ ਗੁਣਾ ਕਰ ਲਈ ਕਮਾਈ

ਇਸ ਡਿਵੋਸ਼ਨਲ ਡਰਾਮਾ ਫ਼ਿਲਮ ਨੇ ਦੁਨੀਆ ਭਰ ਵਿੱਚ 400 ਕਰੋੜ ਰੁਪਏ ਤੋਂ ਵੱਧ ਦੀ ਕਮਾਈ ਕਰ ਲਈ ਹੈ, ਜੋ ਇਸ ਦੇ ਦੱਸੇ ਗਏ ਬਜਟ ਦਾ ਲਗਭਗ 200 ਗੁਣਾ ਹੈ। ਚੰਗੇ ਰਿਵਿਊ ਮਿਲਣ ਤੋਂ ਇਲਾਵਾ ਫ਼ਿਲਮ ਦੇ ਗੀਤਾਂ ਨੂੰ ਵੀ ਕਾਫ਼ੀ ਪਸੰਦ ਕੀਤਾ ਜਾ ਰਿਹਾ ਹੈ। ਇਸ ਦੇ ਗੀਤ ‘ਜ਼ਿਦ ਪੇ ਆ ਗਈਂ ਪਾਰਵਤੀ’ ਅਤੇ ‘ਮੈਂਨੇ ਤੇਰੇ ਹੀ ਭਰੋਸੇ ਹਨੁਮਾਨ’ ਕਾਫ਼ੀ ਲੋਕਪ੍ਰਿਯ ਹੋਏ ਹਨ।

‘ਜ਼ਿਦ ਪਰ ਆ ਗਈਂ ਪਾਰਵਤੀ’ (Jab Zid Par Aa Gyi Parvati) ਨੂੰ ਸਾਧੂ ਤਿਵਾਰੀ (Sadhu Tiwari) ਨੇ ਗਾਇਆ ਹੈ, ਜਦਕਿ ‘ਮੈਂਨੇ ਤੇਰੇ ਹੀ ਭਰੋਸੇ’ ਨੂੰ ਬੁੰਦੇਲੀ ਗਾਇਕ ਸੁਨੀਲ ਲੋਧੀ (Sunil Lodhi) ਨੇ ਆਪਣੀ ਆਵਾਜ਼ ਦਿੱਤੀ ਹੈ। ਇਹ ਦੋਵੇਂ ਗੀਤ ਸੋਸ਼ਲ ਮੀਡੀਆ ’ਤੇ ਕਾਫ਼ੀ ਚਰਚਾ ਵਿੱਚ ਰਹੇ ਹਨ।

ਕੀ ਅਕਸ਼ੈ ਕੁਮਾਰ ਹੋਣਗੇ ਫ਼ਿਲਮ ਦਾ ਹਿੱਸਾ?

ਪਹਿਲੇ ਭਾਗ ਦੀ ਸਫਲਤਾ ਨੂੰ ਦੇਖਦੇ ਹੋਏ ਫ਼ਿਲਮ ਦੇ ਦੂਜੇ ਭਾਗ ਦਾ ਵੀ ਐਲਾਨ ਕਰ ਦਿੱਤਾ ਗਿਆ ਸੀ। ਇਸ ਦੌਰਾਨ ਖ਼ਬਰਾਂ ਆਈਆਂ ਕਿ ਪਾਰਟ 2 ਵਿੱਚ ਅਕਸ਼ੈ ਕੁਮਾਰ (Akshay Kumar) ਨੂੰ ਕਾਸਟ ਕੀਤਾ ਜਾ ਸਕਦਾ ਹੈ। ਹੁਣ ਫ਼ਿਲਮ ਦੀ ਪ੍ਰੋਡਿਊਸਰ ਅਨੁਪ੍ਰਿਆ ਨਾਗਰ ਨੇ ਇਨ੍ਹਾਂ ਸਾਰੀਆਂ ਅਟਕਲਾਂ ’ਤੇ ਗੱਲ ਕੀਤੀ ਹੈ।

ਦਰਅਸਲ, ਇੱਕ ਪੁਰਾਣੇ ਇੰਟਰਵਿਊ ਵਿੱਚ ਅਨੁਪ੍ਰਿਆ ਨਾਗਰ ਨੇ ਇੱਕ ਸਵਾਲ ਦੇ ਜਵਾਬ ਦੌਰਾਨ ਅਕਸ਼ੈ ਕੁਮਾਰ ਨੂੰ ਆਪਣਾ ਫੇਵਰਿਟ ਐਕਟਰ ਦੱਸਿਆ ਸੀ। ਜਦੋਂ ਉਨ੍ਹਾਂ ਤੋਂ ਪੁੱਛਿਆ ਗਿਆ ਕਿ ਕੀ ਉਹ ਫ਼ਿਲਮ ਦੇ ਦੂਜੇ ਭਾਗ ਵਿੱਚ ਨਜ਼ਰ ਆਉਣਗੇ, ਤਾਂ ਉਨ੍ਹਾਂ ਨੇ ਜਵਾਬ ਦਿੱਤਾ ਸੀ, “ਉਹ ਮਹਾਰਾਜ ਜੀ ਦੱਸਣਗੇ।”

ਉਨ੍ਹਾਂ ਦਾ ਇਹ ਜਵਾਬ ਸੋਸ਼ਲ ਮੀਡੀਆ ’ਤੇ ਤੇਜ਼ੀ ਨਾਲ ਵਾਇਰਲ ਹੋ ਗਿਆ ਅਤੇ ਫੈਨਜ਼ ਨੇ ਇਸ ਨੂੰ ਇਸ ਗੱਲ ਦਾ ਸੰਕੇਤ ਮੰਨ ਲਿਆ ਕਿ ਅਕਸ਼ੈ ਕੁਮਾਰ ਫ਼ਿਲਮ ਦੀ ਕਾਸਟ ਵਿੱਚ ਸ਼ਾਮਲ ਹੋ ਸਕਦੇ ਹਨ।

ਪ੍ਰੋਡਿਊਸਰ ਨੇ ਕਾਸਟਿੰਗ ’ਤੇ ਤੋੜੀ ਚੁੱਪੀ

ਹੁਣ ਹਾਲ ਹੀ ਵਿੱਚ ਹਿੰਦੁਸਤਾਨ ਟਾਈਮਜ਼ ਨੂੰ ਦਿੱਤੇ ਇੱਕ ਇੰਟਰਵਿਊ ਵਿੱਚ ਉਨ੍ਹਾਂ ਨੇ ਇਸ ਮਾਮਲੇ ’ਤੇ ਸਫਾਈ ਦਿੱਤੀ। ਅਨੁਪ੍ਰਿਆ ਨੇ ਕਿਹਾ, “ਮੈਂ ਪਾਰਟ 2 ਵਿੱਚ ਅਕਸ਼ੈ ਕੁਮਾਰ ਨੂੰ ਕਾਸਟ ਕੀਤੇ ਜਾਣ ਬਾਰੇ ਕੁਝ ਨਹੀਂ ਕਿਹਾ ਹੈ। ਇਹ ਅਫ਼ਵਾਹ ਹੈ।”

ਹਾਲਾਂਕਿ ਅਕਸ਼ੈ ਕੁਮਾਰ ਦੀ ਕਾਸਟਿੰਗ ਦੀ ਅਜੇ ਪੁਸ਼ਟੀ ਨਹੀਂ ਹੋਈ ਹੈ, ਪਰ ਫ਼ਿਲਮ ਦੇ ਸੀਕਵਲ ’ਤੇ ਕੰਮ ਚੱਲ ਰਿਹਾ ਹੈ। ਡਾਇਰੈਕਟਰ ਵਿਸ਼ਾਲ ਚਤੁਰਵੇਦੀ ਪਹਿਲਾਂ ਹੀ ਪੁਸ਼ਟੀ ਕਰ ਚੁੱਕੇ ਹਨ ਕਿ ‘ਹਨੁਮਾਨ ਅੰਸ਼ 2’ ’ਤੇ ਕੰਮ ਹੋ ਰਿਹਾ ਹੈ। ਇਸ ਫ਼ਿਲਮ ਨੂੰ ਇੱਕ ਟ੍ਰਿਲੋਜੀ ਦੇ ਤੌਰ ’ਤੇ ਪਲਾਨ ਕੀਤਾ ਗਿਆ ਸੀ, ਜਿਸ ਵਿੱਚ ਪਹਿਲੀ ਫ਼ਿਲਮ ਤੋਂ ਬਾਅਦ ਦੋ ਹੋਰ ਫ਼ਿਲਮਾਂ ਆਉਣ ਦੀ ਉਮੀਦ ਹੈ।