RBI Grade B Result 2026: ਆਰਬੀਆਈ ਨੇ ਗ੍ਰੇਡ-ਬੀ ਫੇਜ਼ 1 ਰਿਜ਼ਲਟ ਦਾ ਕੀਤਾ ਐਲਾਨ, ਇੱਥੋਂ ਡਾਊਨਲੋਡ ਕਰੋ ਨਤੀਜਾ

ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ: ਰਿਜ਼ਰਵ ਬੈਂਕ ਆਫ਼ ਇੰਡੀਆ (RBI) ਨੇ ਗ੍ਰੇਡ-ਬੀ ਮੁਢਲੀ ਪ੍ਰੀਖਿਆ ਦਾ ਰਿਜ਼ਲਟ ਜਾਰੀ ਕਰ ਦਿੱਤਾ ਹੈ। ਆਰਬੀਆਈ ਗ੍ਰੇਡ-ਬੀ ਦੀ ਪ੍ਰੀਖਿਆ ਵਿੱਚ ਸ਼ਾਮਲ ਹੋਏ ਉਮੀਦਵਾਰ ਆਪਣਾ ਰਿਜ਼ਲਟ ਆਫੀਸ਼ੀਅਲ ਵੈੱਬਸਾਈਟ ਤੋਂ ਡਾਊਨਲੋਡ ਕਰ ਸਕਦੇ ਹਨ। ਆਰਬੀਆਈ ਵੱਲੋਂ ਨਤੀਜਿਆਂ ਦਾ ਐਲਾਨ ਪੀਡੀਐੱਫ ਫਾਰਮੈਟ ਵਿੱਚ ਕੀਤੀ ਗਈ ਹੈ। ਮੈਰਿਟ ਸੂਚੀ ਵਿੱਚ ਉਮੀਦਵਾਰ ਆਪਣੇ ਰੋਲ ਨੰਬਰ ਦੀ ਜਾਂਚ ਕਰ ਸਕਦੇ ਹਨ। ਜੋ ਉਮੀਦਵਾਰ ਇਸ ਪ੍ਰੀਖਿਆ ਵਿੱਚ ਸਫਲ ਐਲਾਨੇ ਗਏ ਹਨ, ਉਹ ਉਮੀਦਵਾਰ ਜਲਦੀ ਹੀ ਆਰਬੀਆਈ ਗ੍ਰੇਡ-ਬੀ ਦੀ ਫੇਜ਼-2 ਪ੍ਰੀਖਿਆ ਵਿੱਚ ਸ਼ਾਮਲ ਹੋਣਗੇ।

ਕਿਵੇਂ ਅਤੇ ਕਿੱਥੋਂ ਡਾਊਨਲੋਡ ਕਰੋ ਫੇਜ਼-1 ਪ੍ਰੀਖਿਆ ਦਾ ਰਿਜ਼ਲਟ

ਆਰਬੀਆਈ ਗ੍ਰੇਡ-ਬੀ ਫੇਜ਼-1 ਪ੍ਰੀਖਿਆ ਦਾ ਰਿਜ਼ਲਟ ਆਫੀਸ਼ੀਅਲ ਵੈੱਬਸਾਈਟ 'ਤੇ ਡਾਊਨਲੋਡ ਕਰਨ ਲਈ ਉਪਲਬਧ ਹੈ। ਉਮੀਦਵਾਰਾਂ ਦੀ ਸਹਾਇਤਾ ਲਈ ਇੱਥੇ ਰਿਜ਼ਲਟ ਡਾਊਨਲੋਡ ਕਰਨ ਦੇ ਹੇਠ ਲਿਖੇ ਸਟੈੱਪਸ ਦੱਸੇ ਗਏ ਹਨ। ਉਮੀਦਵਾਰ ਇਨ੍ਹਾਂ ਸਟੈੱਪਸ ਨੂੰ ਫੋਲੋ ਕਰਕੇ ਫੇਜ਼-1 ਪ੍ਰੀਖਿਆ ਦਾ ਰਿਜ਼ਲਟ ਡਾਊਨਲੋਡ ਕਰ ਸਕਦੇ ਹਨ।

ਗ੍ਰੇਡ-ਬੀ ਫੇਜ਼-1 ਪ੍ਰੀਖਿਆ ਦਾ ਰਿਜ਼ਲਟ ਡਾਊਨਲੋਡ ਕਰਨ ਲਈ ਸਭ ਤੋਂ ਪਹਿਲਾਂ ਆਫੀਸ਼ੀਅਲ ਵੈੱਬਸਾਈਟ rbi.org.in 'ਤੇ ਜਾ ਕੇ ਵਿਜ਼ਿਟ ਕਰੋ।

ਵੈੱਬਸਾਈਟ ਦੇ ਹੋਮਪੇਜ 'ਤੇ ਰਿਜ਼ਲਟ ਸੈਕਸ਼ਨ 'ਤੇ ਕਲਿੱਕ ਕਰੋ।

ਇਸ ਤੋਂ ਬਾਅਦ RBI Grade B Prelims Result 2026 ਲਿੰਕ 'ਤੇ ਕਲਿੱਕ ਕਰੋ।

ਲਿੰਕ 'ਤੇ ਕਲਿੱਕ ਕਰਨ ਤੋਂ ਬਾਅਦ ਰਿਜ਼ਲਟ ਪੀਡੀਐੱਫ ਫਾਰਮੈਟ ਵਿੱਚ ਤੁਹਾਡੀ ਸਕ੍ਰੀਨ 'ਤੇ ਓਪਨ ਹੋ ਜਾਵੇਗਾ।

ਅਖੀਰ ਵਿੱਚ ਇਸਦਾ ਇੱਕ ਪ੍ਰਿੰਟ ਆਊਟ ਵੀ ਕੱਢ ਲਓ।

ਕਦੋਂ ਹੋਵੇਗੀ ਫੇਜ਼-2 ਦੀ ਪ੍ਰੀਖਿਆ

ਮੁਢਲੀ ਪ੍ਰੀਖਿਆ ਵਿੱਚ ਸਫਲ ਹੋਏ ਉਮੀਦਵਾਰ ਹੁਣ ਫੇਜ਼-2 ਦੀ ਪ੍ਰੀਖਿਆ ਵਿੱਚ ਸ਼ਾਮਲ ਹੋਣਗੇ। ਫੇਜ਼-2 ਦੀ ਪ੍ਰੀਖਿਆ 25 ਜੁਲਾਈ 2026 ਨੂੰ ਕਰਵਾਈ ਜਾਵੇਗੀ। ਫੇਜ਼-2 ਦੀ ਪ੍ਰੀਖਿਆ ਵਿੱਚ 3 ਪੇਪਰ ਹੋਣਗੇ। ਤਿੰਨੋਂ ਪੇਪਰ 100-100 ਅੰਕਾਂ ਦੇ ਲਈ ਕਰਵਾਏ ਜਾਣਗੇ। ਜੋ ਉਮੀਦਵਾਰ ਫੇਜ਼-2 ਦੀ ਪ੍ਰੀਖਿਆ ਵਿੱਚ ਸਫਲ ਐਲਾਨੇ ਜਾਣਗੇ, ਉਨ੍ਹਾਂ ਨੂੰ ਇੰਟਰਵਿਊ (ਸਾਖਾਤਕਾਰ) ਦੇ ਲਈ ਬੁਲਾਇਆ ਜਾਵੇਗਾ। ਦੱਸ ਦੇਈਏ, ਇੰਟਰਵਿਊ 75 ਅੰਕਾਂ ਦਾ ਨਿਰਧਾਰਿਤ ਕੀਤਾ ਗਿਆ ਹੈ।