- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
CBSE 10th Board Result 2026: ਜਲਦ ਜਾਰੀ ਹੋਵੇਗਾ ਜਮਾਤ ਦਸਵੀਂ ਦੂਜੀ ਬੋਰਡ ਪ੍ਰੀਖਿਆ ਦਾ ਰਿਜ਼ਲਟ, ਇੱਥੋਂ ਕਰ ਸਕੋਗੇ ਡਾਊਨਲੋਡ
ਸੀਬੀਐੱਸਈ ਵੱਲੋਂ ਦੂਜੀ ਬੋਰਡ ਪ੍ਰੀਖਿਆ 15 ਤੋਂ 21 ਮਈ ਦੇ ਵਿਚਕਾਰ ਇੱਕ ਸ਼ਿਫਟ ਵਿੱਚ ਸਵੇਰੇ 10.30 ਵਜੇ ਤੋਂ ਲੈ ਕੇ ਦੁਪਹਿਰ 1.30 ਵਜੇ ਦੇ ਵਿਚਕਾਰ ਲਈ ਗਈ ਸੀ। ਇਸ ਪ੍ਰੀਖਿਆ ਵਿੱਚ ਉਹ ਵਿਦਿਆਰਥੀ ਸ਼ਾਮਲ ਹੋਏ ਸਨ, ਜੋ ਆਪਣੇ ਅੰਕਾਂ ਵਿੱਚ ਸੁਧਾਰ ਕਰਵਾਉਣਾ ਚਾਹੁੰਦੇ ਹਨ ਜਾਂ ਜਿਨ੍ਹਾਂ ਦੀ ਮੁੱਖ ਪ੍ਰੀਖਿਆ ਵਿੱਚ ਕੰਪਾਰਟਮੈਂਟ ਆਈ ਸੀ।
Posted By Sandip Kaur
Publish Date: Wed, 17 Jun 2026 02:21 PM (IST)
Updated Date: Wed, 17 Jun 2026 02:28 PM (IST)
ਐਜੂਕੇਸ਼ਨ ਡੈਸਕ, ਨਵੀਂ ਦਿੱਲੀ: CBSE ਵੱਲੋਂ ਜਮਾਤ ਦਸਵੀਂ ਦੀ 2nd ਬੋਰਡ ਪ੍ਰੀਖਿਆ ਦਾ ਰਿਜ਼ਲਟ ਕਿਸੇ ਵੀ ਸਮੇਂ ਜਾਰੀ ਕੀਤਾ ਜਾ ਸਕਦਾ ਹੈ। ਜੋ ਵਿਦਿਆਰਥੀ 15 ਮਈ ਤੋਂ ਲੈ ਕੇ 21 ਮਈ, 2026 ਦੇ ਵਿਚਕਾਰ ਸੀਬੀਐੱਸਈ ਦੀ ਦੂਜੀ ਬੋਰਡ ਪ੍ਰੀਖਿਆ ਵਿੱਚ ਸ਼ਾਮਲ ਹੋਏ ਸਨ, ਉਹ ਰਿਜ਼ਲਟ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ। ਦੱਸ ਦੇਈਏ ਕਿ ਇਸ ਸਾਲ ਮੁੱਖ ਪ੍ਰੀਖਿਆ ਵਿੱਚ ਵਿਦਿਆਰਥੀਆਂ ਦੀ ਕੁੱਲ ਪਾਸ ਪ੍ਰਤੀਸ਼ਤਤਾ 93.70 ਰਹੀ ਸੀ। ਇਸ ਤੋਂ ਇਲਾਵਾ, ਸੀਬੀਐੱਸਈ ਦੀ ਦੂਜੀ ਬੋਰਡ ਪ੍ਰੀਖਿਆ ਵਿੱਚ ਸ਼ਾਮਲ ਹੋਣ ਲਈ ਲਗਭਗ 6.7 ਲੱਖ ਵਿਦਿਆਰਥੀਆਂ ਨੇ ਰਜਿਸਟ੍ਰੇਸ਼ਨ ਕਰਵਾਈ ਸੀ।
ਪ੍ਰੀਖਿਆ ਵਿੱਚ ਸ਼ਾਮਲ ਹੋਣ ਵਾਲੇ ਸਾਰੇ ਵਿਦਿਆਰਥੀਆਂ ਨੂੰ ਸਲਾਹ ਦਿੱਤੀ ਜਾਂਦੀ ਹੈ ਕਿ ਰਿਜ਼ਲਟ ਡਾਊਨਲੋਡ ਕਰਨ ਲਈ ਆਪਣੇ ਲੌਗਇਨ ਕ੍ਰੇਡੈਂਸ਼ੀਅਲ ਜਿਵੇਂ ਕਿ ਰੋਲ ਨੰਬਰ ਪਹਿਲਾਂ ਹੀ ਸਾਂਭ ਕੇ ਰੱਖਣ, ਤਾਂ ਜੋ ਰਿਜ਼ਲਟ ਡਾਊਨਲੋਡ ਕਰਦੇ ਸਮੇਂ ਕੋਈ ਪਰੇਸ਼ਾਨੀ ਨਾ ਹੋਵੇ।
ਇੱਕ ਸ਼ਿਫਟ ਵਿੱਚ ਹੋਈ ਸੀ ਪ੍ਰੀਖਿਆ
ਸੀਬੀਐੱਸਈ ਵੱਲੋਂ ਦੂਜੀ ਬੋਰਡ ਪ੍ਰੀਖਿਆ 15 ਤੋਂ 21 ਮਈ ਦੇ ਵਿਚਕਾਰ ਇੱਕ ਸ਼ਿਫਟ ਵਿੱਚ ਸਵੇਰੇ 10.30 ਵਜੇ ਤੋਂ ਲੈ ਕੇ ਦੁਪਹਿਰ 1.30 ਵਜੇ ਦੇ ਵਿਚਕਾਰ ਲਈ ਗਈ ਸੀ। ਇਸ ਪ੍ਰੀਖਿਆ ਵਿੱਚ ਉਹ ਵਿਦਿਆਰਥੀ ਸ਼ਾਮਲ ਹੋਏ ਸਨ, ਜੋ ਆਪਣੇ ਅੰਕਾਂ ਵਿੱਚ ਸੁਧਾਰ ਕਰਵਾਉਣਾ ਚਾਹੁੰਦੇ ਹਨ ਜਾਂ ਜਿਨ੍ਹਾਂ ਦੀ ਮੁੱਖ ਪ੍ਰੀਖਿਆ ਵਿੱਚ ਕੰਪਾਰਟਮੈਂਟ ਆਈ ਸੀ। ਦੱਸ ਦੇਈਏ ਕਿ ਇਸ ਪ੍ਰੀਖਿਆ ਵਿੱਚ ਪਾਸ ਹੋਣ ਲਈ ਵਿਦਿਆਰਥੀਆਂ ਨੂੰ ਘੱਟੋ-ਘੱਟ 33 ਪ੍ਰਤੀਸ਼ਤ ਅੰਕ ਹਾਸਲ ਕਰਨੇ ਹੋਣਗੇ। ਜੇਕਰ ਵਿਦਿਆਰਥੀ ਦੂਜੀ ਬੋਰਡ ਪ੍ਰੀਖਿਆ ਵਿੱਚ ਵੀ ਫੇਲ੍ਹ ਹੋ ਜਾਂਦੇ ਹਨ, ਤਾਂ ਉਨ੍ਹਾਂ ਨੂੰ ਅਗਲੇ ਸਾਲ ਦੁਬਾਰਾ ਜਮਾਤ ਦਸਵੀਂ ਦੀ ਪ੍ਰੀਖਿਆ ਵਿੱਚ ਭਾਗ ਲੈਣਾ ਪਵੇਗਾ।
ਕਿੱਥੋਂ ਡਾਊਨਲੋਡ ਕਰ ਸਕੋਗੇ ਰਿਜ਼ਲਟ
ਪ੍ਰੀਖਿਆ ਵਿੱਚ ਸ਼ਾਮਲ ਹੋਏ ਵਿਦਿਆਰਥੀ ਸੀਬੀਐੱਸਈ ਦੀ ਅਧਿਕਾਰਤ ਵੈੱਬਸਾਈਟ cbse.gov.in ਤੋਂ ਇਲਾਵਾ, ਡਿਜੀਲੌਕਰ digilocker.gov.in ਦੀ ਵੈੱਬਸਾਈਟ ਅਤੇ ਉਮੰਗ ਐਪ ਤੋਂ ਵੀ ਆਪਣਾ ਰਿਜ਼ਲਟ ਚੈੱਕ ਕਰ ਸਕਣਗੇ।
ਇਨ੍ਹਾਂ ਪੰਜ ਸਟੈਪਸ ਨਾਲ ਕਰ ਸਕੋਗੇ ਡਾਊਨਲੋਡ
ਸੀਬੀਐੱਸਈ ਜਮਾਤ ਦਸਵੀਂ ਦੂਜੀ ਬੋਰਡ ਪ੍ਰੀਖਿਆ ਦਾ ਰਿਜ਼ਲਟ ਜਲਦ ਹੀ ਜਾਰੀ ਕੀਤਾ ਜਾਵੇਗਾ। ਅਜਿਹੇ ਵਿੱਚ ਵਿਦਿਆਰਥੀਆਂ ਅਤੇ ਮਾਪਿਆਂ ਦੀ ਸਹਾਇਤਾ ਲਈ ਇੱਥੇ ਰਿਜ਼ਲਟ ਡਾਊਨਲੋਡ ਕਰਨ ਦੇ ਆਸਾਨ ਸਟੈਪਸ ਦੱਸੇ ਗਏ ਹਨ। ਉਮੀਦਵਾਰ ਇਨ੍ਹਾਂ ਸਟੈਪਸ ਨੂੰ ਫਾਲੋ ਕਰਕੇ ਆਪਣਾ ਰਿਜ਼ਲਟ ਡਾਊਨਲੋਡ ਕਰ ਸਕਣਗੇ:
ਰਿਜ਼ਲਟ ਡਾਊਨਲੋਡ ਕਰਨ ਲਈ ਸਭ ਤੋਂ ਪਹਿਲਾਂ ਸੀਬੀਐੱਸਈ ਦੀ ਅਧਿਕਾਰਤ ਵੈੱਬਸਾਈਟ cbse.gov.in ’ਤੇ ਜਾਓ।
ਹੁਣ ਵੈੱਬਸਾਈਟ ਦੇ ਹੋਮਪੇਜ ’ਤੇ ਰਿਜ਼ਲਟ (Results) ਸੈਕਸ਼ਨ ’ਤੇ ਕਲਿੱਕ ਕਰੋ।
ਇਸ ਤੋਂ ਬਾਅਦ CBSE 10th Board Result 2026 ਲਿੰਕ ’ਤੇ ਕਲਿੱਕ ਕਰੋ।
ਲਿੰਕ ’ਤੇ ਕਲਿੱਕ ਕਰਨ ਤੋਂ ਬਾਅਦ ਰਿਜ਼ਲਟ ਤੁਹਾਡੀ ਸਕ੍ਰੀਨ ’ਤੇ ਓਪਨ ਹੋ ਜਾਵੇਗਾ।
ਅਖੀਰ ਵਿੱਚ ਇਸ ਦਾ ਇੱਕ ਪ੍ਰਿੰਟ ਆਊਟ ਵੀ ਕੱਢ ਕੇ ਰੱਖ ਲਓ।