IPL ਦੇ ਇੱਕ ਮੈਚ 'ਚ ਅੰਪਾਇਰਿੰਗ ਕਰਨ ਦੇ ਮਿਲਦੇ ਨੇ ਕਿੰਨੇ ਰੁਪਏ? ਅਨਿਲ ਚੌਧਰੀ ਨੇ ਰਕਮ ਦੱਸ ਕੇ ਉਡਾ ਦਿੱਤੇ ਹੋਸ਼

ਸਪੋਰਟਸ ਡੈਸਕ, ਨਵੀਂ ਦਿੱਲੀ: ਸਾਬਕਾ ਅੰਤਰਰਾਸ਼ਟਰੀ ਅੰਪਾਇਰ ਅਨਿਲ ਚੌਧਰੀ ਨੇ ਦੱਸਿਆ ਕਿ ਇੰਡੀਅਨ ਪ੍ਰੀਮੀਅਰ ਲੀਗ (ਆਈਪੀਐਲ) ਦੇ ਇੱਕ ਮੈਚ ਵਿੱਚ ਅੰਪਾਇਰਿੰਗ ਕਰਨ ਲਈ ਕਿੰਨੇ ਰੁਪਏ ਮਿਲਦੇ ਹਨ। ਅਨਿਲ ਚੌਧਰੀ ਨੇ 2025 ਵਿੱਚ ਅੰਤਰਰਾਸ਼ਟਰੀ ਅਤੇ ਆਈਪੀਐਲ ਮੈਚਾਂ ਵਿੱਚ ਅੰਪਾਇਰਿੰਗ ਕਰਨ ਤੋਂ ਸੰਨਿਆਸ ਲਿਆ ਸੀ।

ਚੌਧਰੀ ਨੇ ਇੱਕ ਪੋਡਕਾਸਟ ਵਿੱਚ ਖ਼ੁਲਾਸਾ ਕੀਤਾ ਕਿ ਇੱਕ ਆਈਪੀਐਲ ਸੀਜ਼ਨ ਤੋਂ ਅੰਪਾਇਰ ਘੱਟੋ-ਘੱਟ 45-50 ਲੱਖ ਰੁਪਏ ਦੀ ਕਮਾਈ ਕਰ ਲੈਂਦਾ ਹੈ। ਫਾਈਨਲ ਵਿੱਚ ਅੰਪਾਇਰਿੰਗ ਕਰਨ ਦੇ 8000 ਯੂਐਸ ਡਾਲਰ ਤੱਕ ਮਿਲਦੇ ਹਨ।

ਚੌਧਰੀ ਦਾ ਵੱਡਾ ਖ਼ੁਲਾਸਾ

ਚੌਧਰੀ ਨੇ ਕਿਹਾ, 'ਆਈਪੀਐਲ ਵਿੱਚ ਇੱਕ ਮੈਚ ਵਿੱਚ ਅੰਪਾਇਰਿੰਗ ਕਰਨ ਦੇ 4000 ਯੂਐਸ ਡਾਲਰ ਮਿਲਦੇ ਹਨ। ਜੇਕਰ ਤੁਸੀਂ ਪਲੇਆਫ ਵਿੱਚ ਅੰਪਾਇਰਿੰਗ ਕਰ ਰਹੇ ਹੋ ਤਾਂ 6000 ਡਾਲਰ ਮਿਲਣਗੇ। ਜੇਕਰ ਤੁਸੀਂ ਫਾਈਨਲ ਵਿੱਚ ਅੰਪਾਇਰਿੰਗ ਕਰੋਗੇ ਤਾਂ 8000 ਡਾਲਰ ਮਿਲਣਗੇ। ਇਸ ਤੋਂ ਇਲਾਵਾ ਰੋਜ਼ਾਨਾ ਭੱਤਾ ਕਰੀਬ 6000 ਡਾਲਰ ਤੱਕ ਹੁੰਦਾ ਹੈ। ਆਈਪੀਐਲ ਵਿੱਚ ਅੰਪਾਇਰਿੰਗ ਕਰਨ ਵਾਲੇ ਅੰਪਾਇਰਾਂ ਦੀ ਔਸਤਨ ਕਮਾਈ ਇੱਕ ਸੀਜ਼ਨ ਤੋਂ 45-50 ਲੱਖ ਰੁਪਏ ਤੱਕ ਹੋ ਜਾਂਦੀ ਹੈ। ਹਾਂ, ਜੇਕਰ ਤੁਸੀਂ ਘਰੇਲੂ ਕ੍ਰਿਕਟ ਵਿੱਚ ਅੰਪਾਇਰਿੰਗ ਕਰ ਰਹੇ ਹੋ ਅਤੇ ਵੱਡਾ ਨਾਮ ਹੈ ਤਾਂ ਉਸ ਦੇ 20-25 ਲੱਖ ਰੁਪਏ ਵੱਖਰੇ।'

ਅੰਤਰਰਾਸ਼ਟਰੀ ਮੈਚਾਂ ਵਿੱਚ ਕਿੰਨੀ ਰਕਮ

ਅੰਤਰਰਾਸ਼ਟਰੀ ਕ੍ਰਿਕਟ ਦੀ ਗੱਲ ਕਰੀਏ ਤਾਂ ਚੌਧਰੀ ਨੇ ਦੱਸਿਆ ਕਿ ਟੈਸਟ ਮੈਚ ਵਿੱਚ 8 ਲੱਖ ਰੁਪਏ ਮਿਲਦੇ ਹਨ। ਮੈਚ ਹੋਵੇ ਜਾਂ ਨਾ ਹੋਵੇ, ਕਿਸੇ ਰੁਕਾਵਟ ਕਾਰਨ ਰੁਕਿਆ ਹੋਵੇ, ਜਾਂ ਫਿਰ ਜਲਦੀ ਖ਼ਤਮ ਹੋ ਜਾਵੇ, ਅੰਪਾਇਰ ਨੂੰ ਉਸ ਦੀ ਪੂਰੀ ਰਕਮ ਮਿਲਦੀ ਹੈ।

ਸਾਬਕਾ ਅੰਪਾਇਰ ਨੇ ਕਿਹਾ, 'ਇੱਕ ਟੀ-20 ਇੰਟਰਨੈਸ਼ਨਲ ਮੈਚ ਵਿੱਚ ਅੰਪਾਇਰਿੰਗ ਕਰਨ ਦੇ 2 ਲੱਖ ਰੁਪਏ ਮਿਲਦੇ ਹਨ। ਟੈਸਟ ਮੈਚ ਦੇ 8 ਲੱਖ ਰੁਪਏ। ਇਹ ਮਾਇਨੇ ਨਹੀਂ ਰੱਖਦਾ ਕਿ ਮੈਚ ਜਲਦੀ ਖ਼ਤਮ ਹੋਵੇ ਜਾਂ ਫਿਰ ਰੱਦ ਹੋਵੇ। ਅੰਪਾਇਰ ਦੀ ਕਿਸੇ ਵੀ ਹਾਲ ਵਿੱਚ ਕਮਾਈ 'ਤੇ ਕੋਈ ਅਸਰ ਨਹੀਂ ਪੈਂਦਾ।'

ਧੋਨੀ ਦੀ ਤਾਰੀਫ਼

ਚੌਧਰੀ ਨੇ ਭਾਰਤ ਦੇ ਸਾਬਕਾ ਕਪਤਾਨ ਐਮਐਸ ਧੋਨੀ ਦੀ ਰੱਜ ਕੇ ਤਾਰੀਫ਼ ਕੀਤੀ ਅਤੇ ਕਿਹਾ ਕਿ ਡੀਆਰਐਸ ਨੂੰ ਲੈ ਕੇ ਉਨ੍ਹਾਂ ਦੇ ਫੈਸਲੇ ਲਗਭਗ ਸਹੀ ਹੁੰਦੇ ਹਨ। ਚੌਧਰੀ ਨੇ ਕਿਹਾ ਕਿ ਧੋਨੀ ਵਿਕਟ ਦੇ ਪਿੱਛੇ ਖੜ੍ਹੇ ਹੁੰਦੇ ਹਨ, ਜਿੱਥੋਂ ਗੇਂਦ ਚੰਗੀ ਤਰ੍ਹਾਂ ਦਿਖਾਈ ਦਿੰਦੀ ਹੈ। ਉਨ੍ਹਾਂ ਦਾ ਜੱਜਮੈਂਟ ਵੀ ਸ਼ਾਨਦਾਰ ਹੈ। ਧੋਨੀ ਦੇ ਫੈਸਲੇ ਲੈਣ ਦੀ ਸਮਰੱਥਾ ਦਾ ਕੋਈ ਮੁਕਾਬਲਾ ਨਹੀਂ ਹੈ। ਉਹ ਰਿਵਿਊ ਲੈਣ ਦੇ ਮਾਮਲੇ ਵਿੱਚ ਸਭ ਤੋਂ ਭਰੋਸੇਮੰਦ ਮੰਨੇ ਜਾਂਦੇ ਹਨ।