GT vs SRH: 'ਸਾਡਾ ਬ੍ਰਾਂਡ ਵਿਕਟ ਦੇਖ ਕੇ ਬਦਲਦਾ ਹੈ...', Shubman Gill ਨੇ ਵਿਰੋਧੀਆਂ ਨੂੰ ਦਿੱਤੀ ਚਿਤਾਵਨੀ; ਦੱਸਿਆ ਕਿਵੇਂ ਟੇਬਲ ਟਾਪਰ ਬਣਿਆ ਗੁਜਰਾਤ

ਸਪੋਰਟਸ ਡੈਸਕ, ਨਵੀਂ ਦਿੱਲੀ : Shubman Gill: ਆਈਪੀਐਲ 2026 ਸੀਜ਼ਨ ਵਿਚ ਗੁਜਰਾਤ ਟਾਈਟਨਜ਼ ਨੇ ਸੀਜ਼ਨ 'ਚ ਆਪਣੀ ਲਗਾਤਾਰ ਪੰਜਵੀਂ ਜਿੱਤ ਹਾਸਲ ਕੀਤੀ। ਆਪਣੇ ਘਰੇਲੂ ਮੈਦਾਨ 'ਤੇ ਗੁਜਰਾਤ ਨੇ ਸਨਰਾਈਜ਼ਰਜ਼ ਹੈਦਰਾਬਾਦ ਨੂੰ 82 ਦੌੜਾਂ ਨਾਲ ਹਰਾਇਆ। ਇਸ ਜਿੱਤ ਦੇ ਨਾਲ ਗੁਜਰਾਤ ਨੂੰ ਅੰਕ ਸੂਚੀ 'ਚ ਦੋ ਸਥਾਨਾਂ ਦਾ ਫਾਇਦਾ ਹੋਇਆ ਤੇ ਉਹ ਟੇਬਲ ਦੇ ਟਾਪ 'ਤੇ ਪਹੁੰਚ ਗਈ। ਉੱਥੇ ਹੀ, ਮੈਚ ਜਿੱਤਣ ਤੋਂ ਬਾਅਦ ਗੁਜਰਾਤ ਟਾਈਟਨਜ਼ ਦੇ ਕਪਤਾਨ ਸ਼ੁਭਮਨ ਗਿੱਲ ਕਾਫੀ ਖੁਸ਼ ਨਜ਼ਰ ਆਏ। ਉਨ੍ਹਾਂ ਨੇ ਬੈਟਿੰਗ ਤੇ ਬੌਲਿੰਗ ਦੋਵਾਂ ਯੂਨਿਟਾਂ ਨੂੰ ਜਿੱਤ ਦਾ ਕ੍ਰੈਡਿਟ ਦਿੱਤਾ। ਇੰਨਾ ਹੀ ਨਹੀਂ ਉਨ੍ਹਾਂ ਨੇ ਪੋਸਟ ਮੈਚ ਪ੍ਰੈਜ਼ੈਂਟੇਸ਼ਨ ਦੌਰਾਨ ਵਿਰੋਧੀਆਂ ਨੂੰ ਖੁੱਲ੍ਹੀ ਚਿਤਾਵਨੀ ਦਿੱਤੀ।

Shubman Gill ਨੇ ਗੁਜਰਾਤ ਦੀ ਜਿੱਤ ਤੋਂ ਬਾਅਦ ਕੀ ਕਿਹਾ?

ਜਦੋਂ ਪੋਸਟ ਮੈਚ ਪ੍ਰੈਜ਼ੈਂਟੇਸ਼ਨ 'ਚ ਗੁਜਰਾਤ ਦੇ ਕਪਤਾਨ ਸ਼ੁਭਮਨ ਗਿੱਲ ਤੋਂ ਇਹ ਪੁੱਛਿਆ ਗਿਆ ਕਿ ਕੀ ਇਹ ਇਕ ਵੱਖਰੀ ਤਰ੍ਹਾਂ ਦੀ ਜਿੱਤ ਸੀ? ਉਨ੍ਹਾਂ ਕਿਹਾ, “ਬਿਲਕੁਲ, ਜਿਵੇਂ ਤੁਸੀਂ ਟਾਸ 'ਤੇ ਗੱਲ ਕੀਤੀ ਸੀ। ਪਹਿਲਾਂ ਬੈਟਿੰਗ ਕਰਨ ਵਾਲੀਆਂ ਟੀਮਾਂ ਨੇ ਚੰਗਾ ਪ੍ਰਦਰਸ਼ਨ ਕੀਤਾ ਹੈ ਅਤੇ ਸਾਡੇ ਲਈ ਇਹ ਕਾਫੀ ਵਧੀਆ ਰਿਹਾ। ਪਰ ਮੈਨੂੰ ਲੱਗਦਾ ਹੈ ਕਿ ਅਸੀਂ ਬਹੁਤ ਵਧੀਆ ਬੌਲਿੰਗ ਕੀਤੀ। ਇਸ ਤਰ੍ਹਾਂ ਦੀ ਪਿੱਚ 'ਤੇ 170 ਦੌੜਾਂ, ਸਾਨੂੰ ਹਮੇਸ਼ਾ ਪਤਾ ਸੀ ਕਿ ਇਹ ਮੁਸ਼ਕਲ ਹੋਣ ਵਾਲਾ ਹੈ। ਜੇ ਅਸੀਂ ਵਧੀਆ ਬੌਲਿੰਗ ਕਰਦੇ ਹਾਂ, ਤਾਂ ਅਸੀਂ ਹਮੇਸ਼ਾ ਮੈਚ ਵਿੱਚ ਬਣੇ ਰਹਾਂਗੇ।”

ਗੁਜਰਾਤ ਨੇ ਪਹਿਲਾਂ ਬੈਟਿੰਗ ਕਰਦੇ ਹੋਏ 20 ਓਵਰਾਂ 'ਚ 5 ਵਿਕਟਾਂ ਗੁਆ ਕੇ 168 ਦੌੜਾਂ ਬਣਾਈਆਂ ਤਾਂ ਇਸ 'ਤੇ ਉਨ੍ਹਾਂ ਤੋਂ ਪੁੱਛਿਆ ਗਿਆ ਕਿ ਕੀ ਉਨ੍ਹਾਂ ਦੇ ਦਿਮਾਗ 'ਚ ਕੋਈ ਟਾਰਗੇਟ ਸੀ? ਜੀਟੀ ਦੇ ਕਪਤਾਨ ਨੇ ਕਿਹਾ, ਹਾਂ ਸਰ। ਅਸੀਂ ਗੱਲ ਕੀਤੀ ਸੀ, ਜੇ ਅਸੀਂ 160-170 ਦੇ ਕਰੀਬ ਪਹੁੰਚ ਜਾਂਦੇ ਹਾਂ, ਤਾਂ ਮੈਨੂੰ ਲੱਗਦਾ ਹੈ ਕਿ ਇਹ.. ਉਨ੍ਹਾਂ ਲਈ ਆਸਾਨ ਨਹੀਂ ਹੋਵੇਗਾ, ਖਾਸ ਕਰਕੇ ਸਾਡੇ ਬੌਲਿੰਗ ਅਟੈਕ ਦੇ ਨਾਲ। ਤਾਂ ਵਿਚਕਾਰ ਇਹੀ ਗੱਲ ਹੋਈ ਸੀ।

ਗਿੱਲ ਨੇ ਨਾਲ ਹੀ ਸੁਦਰਸ਼ਨ ਅਤੇ ਸੁੰਦਰ ਦੀ ਤਾਰੀਫ਼ ਕਰਦੇ ਹੋਏ ਕਿਹਾ, ਮੈਨੂੰ ਲੱਗਦਾ ਹੈ ਕਿ ਜਿਸ ਤਰ੍ਹਾਂ ਸਾਈ ਅਤੇ ਵਾਸ਼ੀ ਨੇ ਬੈਟਿੰਗ ਕੀਤੀ, ਸਾਨੂੰ 170 ਦੇ ਕਰੀਬ ਪਹੁੰਚਾਇਆ, ਇੱਕ ਸਮੇਂ ਲੱਗ ਰਿਹਾ ਸੀ ਕਿ ਉੱਥੇ ਤੱਕ ਪਹੁੰਚਣਾ ਮੁਸ਼ਕਲ ਹੈ। ਅਤੇ ਨਾਲ ਹੀ, ਜਿਸ ਤਰ੍ਹਾਂ ਅਸੀਂ ਪਾਵਰਪਲੇ ਵਿੱਚ ਬੌਲਿੰਗ ਕੀਤੀ, ਅਸੀਂ ਪਾਵਰਪਲੇ ਵਿੱਚ ਕਾਫੀ ਚੰਗੀ ਬੌਲਿੰਗ ਕਰ ਰਹੇ ਹਾਂ। ਤਾਂ ਸਾਡੇ ਦੋਵਾਂ ਗੇਂਦਬਾਜ਼ਾਂ ਨੂੰ ਸਿਹਰਾ ਜਾਂਦਾ ਹੈ।

ਹੈਦਰਾਬਾਦ ਨੂੰ ਹਰਾ ਕੇ ਗੁਜਰਾਤ ਟਾਈਟਨਸ ਅੰਕ ਸੂਚੀ ਦੇ ਟਾਪ 'ਤੇ ਪਹੁੰਚ ਗਈ। ਇਸ ਨੂੰ ਲੈ ਕੇ ਗਿੱਲ ਨੇ ਆਪਣੇ ਅੱਗੇ ਦੇ ਪਲਾਨ ਦਾ ਖੁਲਾਸਾ ਕਰਦੇ ਹੋਏ ਕਿਹਾ ਕਿ ਇਮਾਨਦਾਰੀ ਨਾਲ ਕਹਾਂ ਤਾਂ ਇਹ ਬਸ ਲਗਾਤਾਰ ਬਣੇ ਰਹਿਣ ਅਤੇ ਜਿੰਨਾ ਹੋ ਸਕੇ ਓਨਾ ਦਬਦਬਾ ਬਣਾਈ ਰੱਖਣ ਬਾਰੇ ਹੈ। ਅਤੇ ਤੁਸੀਂ ਜਾਣਦੇ ਹੋ, ਅਸੀਂ ਉਸ ਤਰ੍ਹਾਂ ਦੀ ਕ੍ਰਿਕਟ ਖੇਡਦੇ ਹਾਂ, ਅਸੀਂ ਅਜਿਹੀ ਟੀਮ ਨਹੀਂ ਹਾਂ ਜੋ ਕਿਸੇ ਇੱਕ ਸਟਾਈਲ ਜਾਂ ਬ੍ਰਾਂਡ ਦੀ ਕ੍ਰਿਕਟ ਖੇਡੇ। ਅਸੀਂ ਉਹ ਟੀਮ ਬਣਨਾ ਚਾਹੁੰਦੇ ਹਾਂ ਜੋ ਵਿਕਟ ਦੇਖੇ, ਕੰਡੀਸ਼ਨ ਸਮਝੇ। ਜੇ 240 ਵਾਲੀ ਵਿਕਟ ਹੈ ਤਾਂ ਪਹਿਲਾਂ ਬੈਟਿੰਗ ਕਰਕੇ 240 ਬਣਾਓ। ਪਰ ਇਹ ਸਮਝਣਾ ਵੀ ਜ਼ਰੂਰੀ ਹੈ ਕਿ ਜੇ ਵਿਕਟ 'ਤੇ 170-180 ਦੌੜਾਂ ਬਣਾਉਣਾ ਮੁਸ਼ਕਲ ਹੈ, ਤਾਂ 140-150 ਬਣਾਉਣਾ ਬਿਹਤਰ ਹੈ।

ਹੋਲਡਰ ਦੀ ਤਾਰੀਫ਼ ਕੀਤੀ

ਗਿੱਲ ਨੇ ਜੇਸਨ ਹੋਲਡਰ ਦੀ ਤਾਰੀਫ਼ ਕੀਤੀ ਤੇ ਉਨ੍ਹਾਂ ਨੂੰ ਬਹੁਤ ਤਜਰਬੇਕਾਰ ਖਿਡਾਰੀ ਦੱਸਿਆ। ਉਨ੍ਹਾਂ ਕਿਹਾ ਕਿ ਜਿਸ ਤਰ੍ਹਾਂ ਦੀ ਲੈਂਥ 'ਤੇ ਉਹ ਬੌਲਿੰਗ ਕਰ ਰਹੇ ਹਨ, ਉਹ ਸਾਡੇ ਲਈ ਲਗਾਤਾਰ ਬਿਹਤਰੀਨ ਕਰ ਰਹੇ ਹਨ, ਲਗਪਗ ਹਰ ਮੈਚ ਵਿੱਚ ਲਗਾਤਾਰ ਚਾਰ ਓਵਰ ਸੁੱਟ ਰਹੇ ਹਨ। ਇਸ ਮੌਸਮ 'ਚ ਇਹ ਆਸਾਨ ਨਹੀਂ ਹੈ, ਪਰ ਉਹ ਸਾਡੇ ਲਈ ਸ਼ਾਨਦਾਰ ਕੰਮ ਕਰ ਰਹੇ ਹਨ।