ENG vs IND: 'ਉਨ੍ਹਾਂ ਨੂੰ ਨਹੀਂ ਖਿਡਾਉਣਾ ਚਾਹੀਦਾ', ਵੈਭਵ ਸੂਰਿਆਵੰਸ਼ੀ ਦਾ ਦੂਸਰੇ T-20 'ਚ ਨਹੀਂ ਹੋਵੇਗਾ ਡੈਬਿਊ; ਸਾਬਕਾ ਦਿੱਗਜ ਨੇ ਦੱਸਿਆ ਸਭ ਤੋਂ ਵੱਡਾ ਕਾਰਨ

ਸਪੋਰਟਸ ਡੈਸਕ, ਨਵੀਂ ਦਿੱਲੀ : ਸਾਬਕਾ ਭਾਰਤੀ ਵਿਕਟਕੀਪਰ ਬੱਲੇਬਾਜ਼ ਪਾਰਥਿਵ ਪਟੇਲ ਦਾ ਮੰਨਣਾ ਹੈ ਕਿ ਪਲੇਇੰਗ-11 'ਚ ਵੈਭਵ ਸੂਰਿਆਵੰਸ਼ੀ ਲਈ ਕੋਈ ਜਗ੍ਹਾ ਨਹੀਂ ਹੈ। ਪਟੇਲ ਦਾ ਕਹਿਣਾ ਹੈ ਕਿ ਸੂਰਿਆਵੰਸ਼ੀ ਨੂੰ ਆਪਣੇ ਡੈਬਿਊ ਲਈ ਇੰਤਜ਼ਾਰ ਕਰਨਾ ਹੋਵੇਗਾ। ਹਰ ਕੋਈ ਸੂਰਿਆਵੰਸ਼ੀ ਦੇ ਡੈਬਿਊ ਦਾ ਇੰਤਜ਼ਾਰ ਕਰ ਰਿਹਾ ਹੈ। ਆਇਰਲੈਂਡ ਖਿਲਾਫ ਸੀਰੀਜ਼ ਹਾਰਨ ਤੋਂ ਬਾਅਦ ਇੰਗਲੈਂਡ 'ਚ ਉਸਦੇ ਡੈਬਿਊ ਦੀ ਕਨਫਰਮ ਮੰਨੀ ਜਾ ਰਹੀ ਸੀ। ਹਾਲਾਂਕਿ ਉਨ੍ਹਾਂ ਨੂੰ ਪਹਿਲੇ ਟੀ-20 ਮੈਚ 'ਚ ਮੌਕਾ ਮਿਲਿਆ।

ਦੂਜਾ ਟੀ-20 ਮੈਚ ਸ਼ਨੀਵਾਰ ਨੂੰ ਮਾਨਚੈਸਟਰ 'ਚ ਖੇਡਿਆ ਜਾਣਾ ਹੈ। ਇਸ ਮੈਚ ਤੋਂ ਪਹਿਲਾਂ ਇਹ ਚਰਚਾ ਹੈ ਕਿ ਕੀ ਸੂਰਿਆਵੰਸ਼ੀ ਨੂੰ ਅੰਤਿਮ ਗਿਆਰਾਂ 'ਚ ਮੌਕਾ ਦਿੱਤਾ ਜਾਵੇਗਾ। ਵੈਭਵ ਸਿਖਰਲੇ ਕ੍ਰਮ 'ਚ ਬੱਲੇਬਾਜ਼ੀ ਕਰਦੇ ਹਨ। ਇਸ ਸਮੇਂ ਅਭਿਸ਼ੇਕ ਸ਼ਰਮਾ ਤੇ ਸੰਜੂ ਸੈਮਸਨ ਭਾਰਤ ਦੇ ਓਪਨਿੰਗ ਬੱਲੇਬਾਜ਼ ਵਜੋਂ ਖੇਡ ਰਹੇ ਹਨ।

ਅਭਿਸ਼ੇਕ ਟੀਮ ਇੰਡੀਆ ਲਈ ਲਗਾਤਾਰ ਚੰਗਾ ਪ੍ਰਦਰਸ਼ਨ ਕਰ ਰਹੇ ਹਨ। ਦੂਜੇ ਪਾਸੇ, ਸੰਜੂ ਭਾਵੇਂ ਹੀ ਤਿੰਨ ਮੈਚਾਂ 'ਚ ਫਲਾਪ ਰਹੇ ਹੋਏ ਪਰ ਉਨ੍ਹਾਂ ਭਾਰਤ ਨੂੰ ਟੀ-20 ਵਿਸ਼ਵ ਕੱਪ 2026 'ਚ ਜਿੱਤ ਦਿਵਾਈ।

ਪਾਰਥਿਵ ਪਟੇਲ ਨੇ ਵੈਭਵ ਸੂਰਿਆਵੰਸ਼ੀ ਦੇ ਡੈਬਿਊ 'ਤੇ ਦਿੱਤੀ ਰਾਏ

ਇੰਗਲੈਂਡ ਖਿਲਾਫ ਦੂਜੇ ਟੀ-20 ਮੈਚ ਤੋਂ ਪਹਿਲਾਂ ਜਿਓਸਟਾਰ 'ਤੇ ਗੱਲ ਕਰਦਿਆਂ ਪਟੇਲ ਨੇ ਕਿਹਾ, "ਮੈਨੂੰ ਲੱਗਦਾ ਹੈ ਕਿ ਵੈਭਵ ਸੂਰਿਆਵੰਸ਼ੀ ਨੂੰ ਇਸ ਸੀਰੀਜ਼ 'ਚ ਜ਼ਰੂਰ ਮੌਕਾ ਮਿਲੇਗਾ। ਹਾਲਾਂਕਿ, ਕੋਚਿੰਗ ਸਟਾਫ ਨੂੰ ਉਸ ਨਾਲ ਗੱਲ ਕਰਦੇ ਰਹਿਣਾ ਹੋਵੇਗਾ। ਤੁਹਾਡੇ ਲਈ ਖਿਡਾਰੀਆਂ ਨਾਲ ਸਪੱਸ਼ਟ ਗੱਲ ਕਰਨਾ ਜ਼ਰੂਰੀ ਹੋ ਜਾਂਦਾ ਹੈ। ਭਾਵੇਂ ਤੁਸੀਂ ਉਸ ਨੂੰ ਨਹੀਂ ਖੇਡਦੇ ਹੋ, ਤੁਹਾਨੂੰ ਉਸ ਨੂੰ ਇਹ ਦੱਸਣਾ ਹੋਵੇਗਾ। ਉਹ 15 ਸਾਲ ਦਾ ਹੈ ਅਤੇ ਉਨ੍ਹਾਂ ਦੇ ਨਾਲ ਬਹੁਤ ਹੀ ਸਾਵਧਾਨੀ ਵਰਤਣ ਦੀ ਲੋੜ ਹੈ। ਉਨ੍ਹਾਂ ਨੂੰ ਸਬਰ ਰੱਖਣ ਦੀ ਸਲਾਹ ਦੇਣੀ ਪਵੇਗੀ।"

ਸੂਰਿਆਵੰਸ਼ੀ ਦੀ ਫਿਲਹਾਲ ਪਲੇਇੰਗ-11 'ਚ ਜਗ੍ਹਾ ਨਹੀਂ

ਸਾਬਕਾ ਵਿਕਟਕੀਪਰ ਬੱਲੇਬਾਜ਼ ਦਾ ਮੰਨਣਾ ਹੈ ਕਿ ਟੀਮ 'ਚ ਕਈ ਅਜਿਹੇ ਖਿਡਾਰੀ ਹਨ ਜਿਨ੍ਹਾਂ ਨੇ ਲਗਾਤਾਰ ਚੰਗਾ ਪ੍ਰਦਰਸ਼ਨ ਕੀਤਾ ਹੈ। ਇਸ ਕਾਰਨ ਵੈਭਵ ਲਈ ਫਿਲਹਾਲ ਟੀਮ 'ਚ ਜਗ੍ਹਾ ਨਹੀਂ ਹੈ। ਉਨ੍ਹਾਂ ਕਿਹਾ, "ਬਹੁਤ ਸਾਰੇ ਖਿਡਾਰੀ ਹਨ ਜਿਨ੍ਹਾਂ ਨੇ ਬਹੁਤ ਵਧੀਆ ਪ੍ਰਦਰਸ਼ਨ ਕੀਤਾ ਹੈ। ਟੀ-20 ਵਿਸ਼ਵ ਕੱਪ 'ਚ ਸੰਜੂ ਸੈਮਸਨ ਪਲੇਅਰ ਆਫ ਦਿ ਟੂਰਨਾਮੈਂਟ ਸੀ। ਇਸ਼ਾਨ ਕਿਸ਼ਨ ਤੀਜੇ ਨੰਬਰ 'ਤੇ ਬੱਲੇਬਾਜ਼ੀ ਕਰਦੇ ਹਨ। ਉਹ ਆਈਸੀਸੀ ਰੈਂਕਿੰਗ 'ਚ ਪਹਿਲੇ ਸਥਾਨ 'ਤੇ ਹਨ। ਅਭਿਸ਼ੇਕ ਸ਼ਰਮਾ ਦੂਜੇ ਸਥਾਨ 'ਤੇ ਹਨ। ਫਿਲਹਾਲ ਪਲੇਇੰਗ-11 'ਚ ਵੈਭਵ ਲਈ ਜਗ੍ਹਾ ਨਹੀਂ ਹੈ ਤੇ ਉਨ੍ਹਾਂ ਨੂੰ ਇਹ ਚੰਗੀ ਤਰ੍ਹਾਂ ਸਮਝਣਾ ਪਵੇਗਾ।"