'ਹਿੰਮਤ ਹੈ ਤਾਂ ਰਿੰਗ 'ਚ ਆਓ', ਸ਼੍ਰੀਸੰਤ ਨੇ ਹਰਭਜਨ ਨੂੰ ਦਿੱਤੀ ਖੁੱਲ੍ਹੀ ਚੁਣੌਤੀ; ਥੱਪੜਕਾਂਡ ਨੂੰ ਯਾਦ ਕਰ ਕੇ ਬੁਰੀ ਤਰ੍ਹਾਂ ਭੜਕਿਆ

ਸਪੋਰਟਸ ਡੈਸਕ, ਨਵੀਂ ਦਿੱਲੀ: ਇੰਡੀਅਨ ਪ੍ਰੀਮੀਅਰ ਲੀਗ (IPL) ਦੇ ਸਭ ਤੋਂ ਚਰਚਿਤ ਵਿਵਾਦਾਂ ਵਿੱਚੋਂ ਇੱਕ 'ਸਲੈਪਗੇਟ' ਦਾ ਜਿੰਨ ਇੱਕ ਵਾਰ ਫਿਰ ਬਾਹਰ ਆ ਗਿਆ ਹੈ। ਸਾਬਕਾ ਤੇਜ਼ ਗੇਂਦਬਾਜ਼ ਐੱਸ ਸ਼੍ਰੀਸੰਤ ਨੇ ਹਰਭਜਨ ਸਿੰਘ ਨੂੰ ਰਿੰਗ ਵਿੱਚ ਫਾਈਟ ਕਰਨ ਦੀ ਖੁੱਲ੍ਹੀ ਚੁਣੌਤੀ ਦਿੱਤੀ ਹੈ। ਸ਼੍ਰੀਸੰਤ ਨੇ ਇੱਕ ਵਿਗਿਆਪਨ 'ਤੇ ਨਾਰਾਜ਼ਗੀ ਜ਼ਾਹਿਰ ਕੀਤੀ। ਇਸ ਨੂੰ ਉਹ 2008 ਦੇ ਥੱਪੜਕਾਂਡ ਨਾਲ ਜੋੜ ਕੇ ਦੇਖ ਰਹੇ ਹਨ।

ਬਾਕਸਿੰਗ ਦੀ ਚੁਣੌਤੀ ਦਿੱਤੀ

ਹਾਲ ਹੀ ਵਿੱਚ ਇੱਕ ਯੂਟਿਊਬ ਚੈਨਲ ਨੂੰ ਦਿੱਤੇ ਇੰਟਰਵਿਊ ਵਿੱਚ ਸ਼੍ਰੀਸੰਤ ਨੇ ਹਰਭਜਨ 'ਤੇ ਇਸ ਵਿਵਾਦ ਤੋਂ ਲਗਾਤਾਰ ਫ਼ਾਇਦਾ ਉਠਾਉਣ ਦਾ ਦੋਸ਼ ਲਗਾਇਆ। ਸ਼੍ਰੀਸੰਤ ਨੇ ਭੱਜੀ ਨੂੰ ਬਾਕਸਿੰਗ ਦੀ ਚੁਣੌਤੀ ਦੇ ਦਿੱਤੀ। ਸ਼੍ਰੀਸੰਤ ਨੇ ਕਿਹਾ ਕਿ ਜੇਕਰ ਉਨ੍ਹਾਂ ਵਿੱਚ ਹਿੰਮਤ ਹੈ ਤਾਂ ਉਹ ਰਿੰਗ ਵਿੱਚ ਫਾਈਟ ਕਰਨ। ਸਾਬਕਾ ਤੇਜ਼ ਗੇਂਦਬਾਜ਼ ਨੇ ਇੱਕ ਪੁਰਾਣੇ ਪ੍ਰੋਮੋਸ਼ਨਲ ਪੋਸਟਰ ਦਾ ਜ਼ਿਕਰ ਕੀਤਾ, ਜਿਸ ਵਿੱਚ ਦੋਵੇਂ ਬਾਕਸਿੰਗ ਗਲਵਜ਼ ਪਹਿਨੇ ਨਜ਼ਰ ਆ ਰਹੇ ਹਨ।

ਰਿੰਗ ਵਿੱਚ ਆਉਣ ਦੀ ਹਿੰਮਤ ਹੈ?

ਸ਼੍ਰੀਸੰਤ ਨੇ ਕਿਹਾ, "ਕੀ ਇਹਨਾਂ ਵਿੱਚ ਹਿੰਮਤ ਹੈ ਕਿ ਇਹੀ ਸੀਨ ਦੁਹਰਾ ਸਕਣ? ਕੀ ਇਹਨਾਂ ਵਿੱਚ ਮੇਰੇ ਨਾਲ ਰਿੰਗ ਵਿੱਚ ਆਉਣ ਦੀ ਹਿੰਮਤ ਹੈ? ਸਾਈਨ ਕਰਕੇ ਆ ਸਕਦੇ ਹਨ? ਮੈਂ ਉਨ੍ਹਾਂ ਨੂੰ ਪੁੱਛ ਰਿਹਾ ਹਾਂ? ਕੀ ਤੁਹਾਡੇ ਕੋਲ ਹਿੰਮਤ ਹੈ ਮੇਰੇ ਨਾਲ ਰਿੰਗ ਵਿੱਚ ਆਉਣ ਦੀ? ਇਹਨਾਂ ਹੀ ਗਲਵਜ਼ ਨੂੰ ਪਹਿਨ ਕੇ? ਇਹ ਐਕਟਿੰਗ ਨਹੀਂ। ਮੈਂ ਮੁਸਕਰਾ ਰਿਹਾ ਹਾਂ। ਤੁਸੀਂ ਤਾਂ ਸਮਾਈਲ ਵੀ ਨਹੀਂ ਕਰ ਰਹੇ ਹੋ, ਪਤਾ ਨਹੀਂ ਤੁਸੀਂ ਕੀ ਕਰ ਰਹੇ ਹੋ। ਦੇਖਦੇ ਹਾਂ। ਇਹ ਇੱਕ ਓਪਨ ਚੈਲੇਂਜ ਹੈ।"

ਮੈਂ ਦਿਲੋਂ ਤੁਹਾਨੂੰ ਬੁਲਾ ਰਿਹਾ ਹਾਂ

ਉਨ੍ਹਾਂ ਨੇ ਕਿਹਾ, "ਮੈਂ ਅਜੇ 'ਬੇਅਰ ਨਕਲ ਫਾਈਟ ਲੀਗ' ਵਿੱਚ ਹਾਂ। ਭੱਜੀ, ਮੈਂ ਤੁਹਾਨੂੰ ਚੁਣੌਤੀ ਦੇ ਰਿਹਾ ਹਾਂ। ਜੇਕਰ ਤੁਹਾਨੂੰ ਉਸ ਥੱਪੜਕਾਂਡ ਅਤੇ ਮੇਰੇ ਤੋਂ ਇੰਨੀ ਹੀ ਦਿੱਕਤ ਹੈ, ਤੁਸੀਂ ਇੰਨਾ ਕਮਾਉਂਦੇ ਹੋ... ਤਾਂ ਮੈਨੂੰ ਵੀ ਕਮਾਉਣ ਦਿਓ। ਰਿੰਗ ਵਿੱਚ ਆਓ। ਮੈਂ ਦਿਲੋਂ ਤੁਹਾਨੂੰ ਬੁਲਾ ਰਿਹਾ ਹਾਂ। ਜੇਕਰ ਸਾਡੇ ਵਿੱਚ ਥੋੜ੍ਹੀ ਵੀ ਸੈਲਫ-ਰਿਸਪੈਕਟ ਹੈ, ਤਾਂ ਆਓ ਵਿਗਿਆਪਨ ਵਗੈਰਾ ਛੱਡੀਏ। ਸੱਚਮੁੱਚ ਰਿੰਗ ਵਿੱਚ ਆਓ। ਮੈਂ ਇੰਤਜ਼ਾਰ ਕਰ ਰਿਹਾ ਹਾਂ।"

Rare footage of the moment Harbhajan Singh slapped S. Sreesanth! ! pic.twitter.com/YoDGMwb4D6

— King In The North👑👑 (@KingInThe2North) June 19, 2026

ਕੀ ਹੈ ਥੱਪੜਕਾਂਡ

2008 ਵਿੱਚ IPL ਦੇ ਪਹਿਲੇ ਸੀਜ਼ਨ ਦੌਰਾਨ ਮੁੰਬਈ ਇੰਡੀਅਨਜ਼ ਲਈ ਖੇਡ ਰਹੇ ਹਰਭਜਨ ਨੇ ਕਿੰਗਜ਼ ਇਲੈਵਨ ਪੰਜਾਬ ਦੇ ਖ਼ਿਲਾਫ਼ ਇੱਕ ਮੈਚ ਤੋਂ ਬਾਅਦ ਸ਼੍ਰੀਸੰਤ ਨੂੰ ਥੱਪੜ ਮਾਰ ਦਿੱਤਾ ਸੀ। ਰੋਂਦੇ ਹੋਏ ਸ਼੍ਰੀਸੰਤ ਦੀਆਂ ਤਸਵੀਰਾਂ ਜਲਦੀ ਹੀ ਵਾਇਰਲ ਹੋ ਗਈਆਂ ਸਨ। ਇਸ ਤੋਂ ਬਾਅਦ ਭੱਜੀ ਦੀ ਕਾਫ਼ੀ ਆਲੋਚਨਾ ਹੋਈ ਸੀ। ਹਾਲ ਹੀ ਵਿੱਚ ਸਾਬਕਾ ਆਈਪੀਐੱਲ ਚੇਅਰਮੈਨ ਲਲਿਤ ਮੋਦੀ ਨੇ ਇਸ ਕਾਂਡ ਦੀ ਵੀਡੀਓ ਸ਼ੇਅਰ ਕੀਤੀ ਸੀ।