ਈਰਾਨ 'ਤੇ ਟਰੰਪ ਦੇ ਬਿਆਨ ਨਾਲ ਸ਼ੇਅਰ ਬਾਜ਼ਾਰ 'ਚ ਹਾਹਾਕਾਰ, Sensex-Nifty ਕਰੈਸ਼; ਨਿਵੇਸ਼ਕਾਂ ਦੇ ਡੁੱਬੇ ₹8.44 ਲੱਖ ਕਰੋੜ

ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : ਈਰਾਨ 'ਤੇ ਅਮਰੀਕੀ ਰਾਸ਼ਟਰਪਤੀ ਡੋਨਾਲਡ ਟਰੰਪ ਦੇ ਬਿਆਨ ਨੇ ਸ਼ੇਅਰ ਬਾਜ਼ਾਰ 'ਚ ਖਲਬਲੀ ਮਚਾ ਦਿੱਤੀ ਹੈ। ਦਰਅਸਲ, ਟਰੰਪ ਨੇ ਕਿਹਾ ਕਿ ਉਹ ਹੁਣ ਈਰਾਨ ਨਾਲ ਡੀਲ ਨਹੀਂ ਕਰਨਾ ਚਾਹੁੰਦੇ ਹਨ। ਇੰਨਾ ਹੀ ਨਹੀਂ, ਉਨ੍ਹਾਂ ਕਿਹਾ ਕਿ ਈਰਾਨ ਨਾਲ ਜੰਗਬੰਦੀ ਤੇ ਸਮਝੌਤਾ (ਐਮਓਯੂ) ਅਸਲ ਵਿਚ ਖ਼ਤਮ ਹੋ ਗਿਆ ਹੈ। ਇਸ ਤੋਂ ਬਾਅਦ ਬਾਜ਼ਾਰ ਭਾਰੀ ਗਿਰਾਵਟ ਨਾਲ ਬੰਦ ਹੋਇਆ।

ਸੈਂਸੇਕਸ ਤੇ ਨਿਫਟੀ ਦੇ ਨਾਲ ਰੁਪਿਆ ਵੀ ਡਿੱਗਿਆ

8 ਜੁਲਾਈ ਨੂੰ ਭਾਰਤੀ ਇਕੁਇਟੀ ਸੂਚਕ ਅੰਕ ਕਮਜ਼ੋਰੀ ਨਾਲ ਬੰਦ ਹੋਏ ਅਤੇ ਅਮਰੀਕਾ ਅਤੇ ਈਰਾਨ ਵਿਚਕਾਰ ਨਵੇਂ ਸਿਰੇ ਤੋਂ ਤਣਾਅ ਕਾਰਨ ਨਿਫਟੀ 23,900 ਤੋਂ ਹੇਠਾਂ ਡਿੱਗ ਗਿਆ। ਬੁੱਧਵਾਰ ਨੂੰ ਭਾਰਤੀ ਰੁਪਿਆ ਵੀ 58 ਪੈਸੇ ਡਿੱਗ ਕੇ 95.55 ਪ੍ਰਤੀ ਡਾਲਰ 'ਤੇ ਬੰਦ ਹੋਇਆ, ਜਦਕਿ ਮੰਗਲਵਾਰ ਨੂੰ ਇਹ 94.97 'ਤੇ ਬੰਦ ਹੋਇਆ ਸੀ।

ਕਿੰਨਾ ਡਿੱਗੇ ਸੈਂਸੇਕਸ-ਨਿਫਟੀ ?

ਬਾਜ਼ਾਰ ਬੰਦ ਹੋਣ 'ਤੇ ਸੈਂਸੇਕਸ 1,677.12 ਅੰਕ ਜਾਂ 2.15 ਫੀਸਦੀ ਡਿੱਗ ਕੇ 76,503.60 'ਤੇ ਅਤੇ ਨਿਫਟੀ 516.65 ਅੰਕ ਜਾਂ 2.12 ਫੀਸਦੀ ਡਿੱਗ ਕੇ 23,882.05 'ਤੇ ਖੁੱਲ੍ਹਿਆ। 1092 ਸ਼ੇਅਰ ਵਧੇ, 3187 ਸ਼ੇਅਰਾਂ 'ਚ ਗਿਰਾਵਟ ਆਈ ਤੇ 175 ਸ਼ੇਅਰਾਂ 'ਚ ਕੋਈ ਬਦਲਾਅ ਨਹੀਂ ਹੋਇਆ।

ਕੱਲ੍ਹ ਬਾਜ਼ਾਰ ਬੰਦ ਹੋਣ 'ਤੇ BSE 'ਤੇ ਸੂਚੀਬੱਧ ਸਾਰੀਆਂ ਕੰਪਨੀਆਂ ਦਾ ਕੁੱਲ ਮਾਰਕੀਟ ਕੈਪ 4,80,20,223.18 ਕਰੋੜ ਰੁਪਏ ਸੀ, ਜੋ ਅੱਜ ਘੱਟ ਕੇ 4,71,76,347.13 ਕਰੋੜ ਰੁਪਏ 'ਤੇ ਆ ਗਿਆ ਹੈ। ਮਤਲਬ 844586 ਕਰੋੜ ਰੁਪਏ ਦੀ ਗਿਰਾਵਟ।

ਨਿਫਟੀ 'ਚ ਸਭ ਤੋਂ ਵੱਧ ਗਿਰਾਵਟ ਵਾਲੇ ਸ਼ੇਅਰਾਂ 'ਚ ਜੀਓ ਫਾਈਨੈਂਸ਼ੀਅਲ, ਇੰਟਰਗਲੋਬ ਏਵੀਏਸ਼ਨ, ਸ਼੍ਰੀਰਾਮ ਫਾਈਨਾਂਸ, ਮਾਰੂਤੀ ਸੁਜ਼ੂਕੀ ਤੇ HUL ਸ਼ਾਮਲ ਰਹੇ, ਜਦੋਂਕਿ ਬੜ੍ਹਤ ਵਾਲੇ ਸ਼ੇਅਰਾਂ 'ਚ ONGC, ਹਿੰਡਾਲਕੋ ਇੰਡਸਟਰੀਜ਼, ਕੋਲ ਇੰਡੀਆ ਤੇ ਬਜਾਜ ਆਟੋ ਸ਼ਾਮਲ ਸਨ।

ਕਿਵੇਂ ਦੀ ਰਹੀ ਵੱਖ-ਵੱਖ ਸੈਕਟਰਾਂ ਦੀ ਕਾਰਗੁਜ਼ਾਰੀ ?

ਸੈਕਟਰ ਦੇ ਹਿਸਾਬ ਨਾਲ ਕਾਰਗੁਜ਼ਾਰੀ ਕਾਫੀ ਕਮਜ਼ੋਰ ਰਹੀ। ਸਾਰੇ ਪ੍ਰਮੁੱਖ ਸੂਚਕ ਅੰਕ ਗਿਰਾਵਟ ਦੇ ਨਾਲ ਬੰਦ ਹੋਏ ਜਦੋਂ ਕਿ ਭਾਰਤ VIX 'ਚ ਲਗਪਗ 25 ਫੀਸਦੀ ਦੀ ਤੇਜ਼ੀ ਆਈ। ਨਿਫਟੀ ਪੀਐੱਸਯੂ ਬੈਂਕ ਇੰਡੈਕਸ 2.7 ਫੀਸਦੀ ਡਿੱਗਿਆ ਹੈ। ਇਸ ਤੋਂ ਇਲਾਵਾ ਨਿਫਟੀ ਬੈਂਕ (-2.5 ਫੀਸਦੀ), ਨਿਫਟੀ ਪ੍ਰਾਈਵੇਟ ਬੈਂਕ (-2.5 ਫੀਸਦੀ), ਨਿਫਟੀ ਐਫਐਮਸੀਜੀ (-2.5 ਫੀਸਦੀ) ਤੇ ਨਿਫਟੀ ਮੀਡੀਆ (-2.33 ਫੀਸਦੀ) 'ਚ ਵੀ ਗਿਰਾਵਟ ਦਰਜ ਕੀਤੀ ਗਈ।

ਨਿਫਟੀ ਆਇਲ ਐਂਡ ਗੈਸ (-2.2 ਫੀਸਦੀ), ਨਿਫਟੀ ਆਟੋ (-2.2 ਫੀਸਦੀ) ਤੇ ਨਿਫਟੀ ਇਨਫਰਾਸਟਰਕਚਰ (-2 ਫੀਸਦੀ) 'ਚ ਵੀ ਬਿਕਵਾਲੀ ਦਾ ਦਬਾਅ ਦੇਖਿਆ ਗਿਆ। ਹਾਲਾਂਕਿ ਨਿਫਟੀ ਫਾਰਮਾ ਇੰਡੈਕਸ 'ਚ 0.97 ਫੀਸਦੀ ਤੇ ਨਿਫਟੀ ਮੈਟਲ 'ਚ 0.9 ਫੀਸਦੀ ਦੀ ਗਿਰਾਵਟ ਦਰਜ ਕੀਤੀ ਗਈ ਹੈ।

ਨਿਫਟੀ ਮਿਡਕੈਪ ਇੰਡੈਕਸ 'ਚ 1.5 ਫੀਸਦੀ ਤੇ ਸਮਾਲਕੈਪ ਇੰਡੈਕਸ 2.2 ਫੀਸਦੀ ਡਿੱਗ ਸਕਦੇ ਹਨ।

"ਤੁਸੀਂ ਸ਼ੇਅਰਾਂ ਨਾਲ ਸਬੰਧਤ ਆਪਣੇ ਸਵਾਲ ਸਾਨੂੰ business@jagrannewmedia.com 'ਤੇ ਭੇਜ ਸਕਦੇ ਹੋ।"

(ਡਿਸਕਲੇਮਰ: ਇੱਥੇ ਸਟਾਕ ਮਾਰਕੀਟ ਬਾਰੇ ਜਾਣਕਾਰੀ ਦਿੱਤੀ ਗਈ ਹੈ, ਨਿਵੇਸ਼ ਦੀ ਸਲਾਹ ਨਹੀਂ। ਜਾਗਰਣ ਬਿਜ਼ਨੈੱਸ ਨਿਵੇਸ਼ ਦੀ ਸਲਾਹ ਨਹੀਂ ਦੇ ਰਿਹਾ। ਸਟਾਕ ਮਾਰਕੀਟ 'ਚ ਨਿਵੇਸ਼ ਕਰਨਾ ਬਾਜ਼ਾਰ ਦੇ ਜੋਖ਼ਮਾਂ ਅਧੀਨ ਹੈ, ਇਸ ਲਈ ਨਿਵੇਸ਼ ਕਰਨ ਤੋਂ ਪਹਿਲਾਂ ਕਿਰਪਾ ਕਰ ਕੇ ਕਿਸੇ ਪ੍ਰਮਾਣਿਤ ਨਿਵੇਸ਼ ਸਲਾਹਕਾਰ ਨਾਲ ਸਲਾਹ ਜ਼ਰੂਰ ਕਰੋ।)