- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
Share Market Closed: ਸ਼ੇਅਰ ਬਾਜ਼ਾਰ 'ਚ ਤੂਫ਼ਾਨੀ ਤੇਜ਼ੀ, ਸੈਂਸੇਕਸ ਤੇ ਨਿਫਟੀ ਨੇ ਮਾਰੀ ਲੰਬੀ ਛਾਲ; ਵਾਧੇ ਨਾਲ ਹੋਏ ਬੰਦ
ਕਾਰੋਬਾਰ ਦੇ ਅੰਤ ਵਿਚ ਸੈਂਸੇਕਸ 790.54 ਅੰਕ ਜਾਂ 1.04 ਫੀਸਦੀ ਵਧ ਕੇ 76,991.22 'ਤੇ ਅਤੇ ਨਿਫਟੀ 197.55 ਅੰਕ ਜਾਂ 0.83 ਫੀਸਦੀ ਵਧ ਕੇ 24,021.65 'ਤੇ ਬੰਦ ਹੋਇਆ। ਲਗਪਗ 2107 ਸ਼ੇਅਰਾਂ 'ਚ ਵਾਧਾ ਦੇਖਿਆ ਗਿਆ, 1970 ਸ਼ੇਅਰਾਂ 'ਚ ਗਿਰਾਵਟ ਆਈ ਤੇ 162 ਸ਼ੇਅਰਾਂ 'ਚ ਕੋਈ ਬਦਲਾਅ ਨਹੀਂ ਹੋਇਆ।
Posted By Seema Anand
Publish Date: Wed, 24 Jun 2026 04:20 PM (IST)
Updated Date: Wed, 24 Jun 2026 04:26 PM (IST)
ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ : Share Market Closed: 24 ਜੂਨ ਨੂੰ ਭਾਰਤੀ ਇਕੁਇਟੀ ਇੰਡੈਕਸ ਮਜ਼ਬੂਤੀ ਦੇ ਨਾਲ ਬੰਦ ਹੋਏ। ਆਟੋ, ਮੈਟਲ ਤੇ ਐਨਰਜੀ ਸੈਕਟਰ ਨੂੰ ਛੱਡ ਕੇ ਬਾਕੀ ਸਾਰੇ ਸੈਕਟਰਾਂ 'ਚ ਖਰੀਦਦਾਰੀ ਦੇ ਦਮ 'ਤੇ ਨਿਫਟੀ ਨੇ 24,000 ਦਾ ਪੱਧਰ ਫਿਰ ਤੋਂ ਹਾਸਲ ਕਰ ਲਿਆ। ਉੱਥੇ ਹੀ, ਭਾਰਤ ਦਾ ਰੁਪਿਆ ਪਿਛਲੇ ਬੰਦ ਭਾਅ 94.73 ਦੇ ਮੁਕਾਬਲੇ 94.65 ਪ੍ਰਤੀ ਡਾਲਰ 'ਤੇ ਮਜ਼ਬੂਤ ਹੋ ਕੇ ਬੰਦ ਹੋਇਆ।
ਕਾਰੋਬਾਰ ਦੇ ਅੰਤ ਵਿਚ ਸੈਂਸੇਕਸ 790.54 ਅੰਕ ਜਾਂ 1.04 ਫੀਸਦੀ ਵਧ ਕੇ 76,991.22 'ਤੇ ਅਤੇ ਨਿਫਟੀ 197.55 ਅੰਕ ਜਾਂ 0.83 ਫੀਸਦੀ ਵਧ ਕੇ 24,021.65 'ਤੇ ਬੰਦ ਹੋਇਆ। ਲਗਪਗ 2107 ਸ਼ੇਅਰਾਂ 'ਚ ਵਾਧਾ ਦੇਖਿਆ ਗਿਆ, 1970 ਸ਼ੇਅਰਾਂ 'ਚ ਗਿਰਾਵਟ ਆਈ ਤੇ 162 ਸ਼ੇਅਰਾਂ 'ਚ ਕੋਈ ਬਦਲਾਅ ਨਹੀਂ ਹੋਇਆ।
ਇਨ੍ਹਾਂ ਸ਼ੇਅਰਾਂ 'ਚ ਦਿਖੀ ਤੇਜ਼ੀ
ਨਿਫਟੀ 'ਚ ਸਭ ਤੋਂ ਜ਼ਿਆਦਾ ਵਾਧੇ ਵਾਲੇ ਸ਼ੇਅਰਾਂ 'ਚ ਇੰਟਰਗਲੋਬ ਏਵੀਏਸ਼ਨ, ਅਡਾਨੀ ਐਂਟਰਪ੍ਰਾਈਜ਼ੇਸ, ਟੈੱਕ ਮਹਿੰਦਰਾ, ਟ੍ਰੈਂਟ ਤੇ ਬਜਾਜ ਫਾਈਨਾਂਸ ਸ਼ਾਮਲ ਸਨ, ਜਦਕਿ ਗਿਰਾਵਟ ਵਾਲੇ ਸ਼ੇਅਰਾਂ 'ਚ ਬਜਾਜ ਆਟੋ, ਐੱਨਟੀਪੀਸੀ, ਓਐੱਨਜੀਸੀ, ਟਾਟਾ ਸਟੀਲ ਤੇ ਭਾਰਤ ਇਲੈਕਟ੍ਰੋਨਿਕਸ ਸ਼ਾਮਲ ਸਨ।
ਆਟੋ, ਐਨਰਜੀ, ਮੈਟਲ ਅਤੇ ਪਾਵਰ ਸੈਕਟਰ ਨੂੰ ਛੱਡ ਕੇ ਬਾਕੀ ਸਾਰੇ ਸੈਕਟਰ ਇੰਡੈਕਸ ਵਾਧੇ ਦੇ ਨਾਲ ਬੰਦ ਹੋਏ। ਇਨ੍ਹਾਂ ਵਿਚ ਇਨਫੋਰਮੇਸ਼ਨ ਟੈਕਨੋਲੋਜੀ ਅਤੇ ਰਿਐਲਟੀ ਸੈਕਟਰ 'ਚ 2-2 ਫੀਸਦੀ ਦਾ ਵਾਧਾ ਰਿਹਾ, ਜਦਕਿ ਪ੍ਰਾਈਵੇਟ ਬੈਂਕ ਇੰਡੈਕਸ 1.8 ਫੀਸਦੀ ਉੱਪਰ ਰਿਹਾ। ਨਿਫਟੀ ਮਿਡਕੈਪ ਇੰਡੈਕਸ 'ਚ 0.10 ਫੀਸਦੀ ਅਤੇ ਸਮਾਲਕੈਪ ਇੰਡੈਕਸ ਵਿੱਚ 0.4 ਫੀਸਦੀ ਦਾ ਵਾਧਾ ਦਰਜ ਕੀਤਾ ਗਿਆ।
ਕੀ ਬੋਲੇ ਐਕਸਪਰਟ?
ਜੀਓਜੀਤ ਇਨਵੈਸਟਮੈਂਟਸ ਲਿਮਟਿਡ ਦੇ ਰਿਸਰਚ ਹੈੱਡ, ਵਿਨੋਦ ਨਾਇਰ ਨੇ ਕਿਹਾ- ਏਸ਼ਿਆਈ ਬਾਜ਼ਾਰਾਂ ਤੋਂ ਮਿਲੇ ਸਕਾਰਾਤਮਕ ਸੰਕੇਤਾਂ ਤੇ ਹੋਰਮੁਜ਼ ਜਲਡਮਰੂਮੱਧ (Strait of Hormuz) 'ਚ ਟ੍ਰੈਫਿਕ 'ਚ ਸੁਧਾਰ ਤੋਂ ਬਾਅਦ ਕੱਚੇ ਤੇਲ ਦੀਆਂ ਕੀਮਤਾਂ 'ਚ ਆਈ ਭਾਰੀ ਗਿਰਾਵਟ ਦੇ ਨਾਲ-ਨਾਲ ਭਾਰਤ-ਅਮਰੀਕਾ ਦੇ ਵਿਚਕਾਰ ਜਲਦੀ ਹੀ ਵਪਾਰ ਸਮਝੌਤਾ ਹੋਣ ਦੀ ਵਧਦੀ ਉਮੀਦ ਦੇ ਕਾਰਨ ਘਰੇਲੂ ਸ਼ੇਅਰ ਬਾਜ਼ਾਰ ਵਾਧੇ ਦੇ ਨਾਲ ਬੰਦ ਹੋਏ। ਹਾਲ ਹੀ 'ਚ ਡੈੱਟ ਮਾਰਕੀਟ ਪਾਲਿਸੀ 'ਚ ਹੋਏ ਸੁਧਾਰਾਂ ਤੋਂ ਬਾਅਦ ਨਵੇਂ ਨਿਵੇਸ਼ ਆਉਣ ਨਾਲ ਬਾਂਡ ਯੀਲਡ 'ਚ ਵੀ ਭਾਰੀ ਗਿਰਾਵਟ ਆਈ। ਪੂਰੇ ਸੈਸ਼ਨ ਦੌਰਾਨ IT ਅਤੇ ਬੈਂਕਿੰਗ ਸ਼ੇਅਰਾਂ 'ਚ ਵਾਧੇ ਦੇ ਦਮ 'ਤੇ ਲਾਰਜ-ਕੈਪ ਸ਼ੇਅਰਾਂ ਨੇ ਵਿਆਪਕ ਬਾਜ਼ਾਰ ਨਾਲੋਂ ਬਿਹਤਰ ਪ੍ਰਦਰਸ਼ਨ ਕੀਤਾ। ਜਿੱਥੇ FCNR(B) ਡਿਪਾਜ਼ਿਟ ਸਵੈਪ ਸਕੀਮ ਨੂੰ ਲੈ ਕੇ ਸਪੱਸ਼ਟਤਾ ਨੇ ਬੈਂਕਿੰਗ ਸ਼ੇਅਰਾਂ ਨੂੰ ਰਫ਼ਤਾਰ ਦਿੱਤੀ, ਉੱਥੇ ਹੀ IT ਸ਼ੇਅਰਾਂ 'ਚ ਇਸ ਗੱਲ ਦੀ ਪੁਸ਼ਟੀ ਹੋਣ ਨਾਲ ਤੇਜ਼ੀ ਆਈ ਕਿ ਐਂਟਰਪ੍ਰਾਈਜ਼-ਪੱਧਰ 'ਤੇ ਮਿਡ- ਅਤੇ ਬੈਕ-ਆਫਿਸ AI ਨੂੰ ਅਪਣਾਉਣ ਲਈ ਭਾਰਤੀ ਵੈਂਡਰ ਅਹਿਮ ਇੰਪਲੀਮੈਂਟੇਸ਼ਨ ਪਾਰਟਨਰ ਬਣੇ ਹੋਏ ਹਨ।
ਸ਼ੇਅਰ ਨਾਲ ਜੁੜੇ ਆਪਣੇ ਸਵਾਲ ਤੁਸੀਂ ਸਾਨੂੰ business@jagrannewmedia.com 'ਤੇ ਭੇਜ ਸਕਦੇ ਹੋ।
(ਡਿਸਕਲੇਮਰ: ਇੱਥੇ ਸ਼ੇਅਰਾਂ ਨੂੰ ਲੈ ਕੇ ਦਿੱਤੀ ਗਈ ਜਾਣਕਾਰੀ ਨਿਵੇਸ਼ ਦੀ ਰਾਇ ਨਹੀਂ ਹੈ। ਕਿਉਂਕਿ, ਸਟਾਕ ਮਾਰਕੀਟ 'ਚ ਨਿਵੇਸ਼ ਬਾਜ਼ਾਰ ਦੇ ਜੋਖ਼ਮਾਂ ਅਧੀਨ ਹੈ ਇਸ ਲਈ ਨਿਵੇਸ਼ ਕਰਨ ਤੋਂ ਪਹਿਲਾਂ ਕਿਸੇ ਸਰਟੀਫਾਈਡ ਇਨਵੈਸਟਮੈਂਟ ਐਡਵਾਈਜ਼ਰ ਤੋਂ ਸਲਾਹ ਜ਼ਰੂਰ ਲਓ।)