Rules Change : ਬਦਲਣ ਵਾਲਾ ਹੈ ਤੁਹਾਡੀ ਰਸੋਈ ਦਾ ਬਜਟ ! 1 ਜੁਲਾਈ ਤੋਂ ਲਾਗੂ ਹੋਣਗੇ ਇਹ 3 ਵੱਡੇ ਬਦਲਾਅ

ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ: 1 ਜੁਲਾਈ ਤੋਂ ਦੇਸ਼ ਭਰ ਵਿਚ ਕਈ ਅਹਿਮ ਨਿਯਮਾਂ 'ਚ ਬਦਲਾਅ ਹੋਣ ਜਾ ਰਿਹਾ ਹੈ ਜਿਨ੍ਹਾਂ ਦਾ ਸਿੱਧਾ ਅਸਰ ਆਮ ਆਦਮੀ ਦੀ ਜੇਬ, ਯਾਤਰਾ ਤੇ ਰੋਜ਼ਾਨਾ ਦੇ ਖਰਚਿਆਂ 'ਤੇ ਪਵੇਗਾ। ਗੈਸ ਸਿਲੰਡਰ ਦੀਆਂ ਕੀਮਤਾਂ ਤੋਂ ਲੈ ਕੇ ਰੇਲਵੇ ਟਿਕਟ ਬੁਕਿੰਗ ਤੇ ਯਾਤਰਾ ਨਾਲ ਜੁੜੇ ਨਿਯਮ ਬਦਲ ਸਕਦੇ ਹਨ। ਇਨ੍ਹਾਂ ਬਦਲਾਵਾਂ 'ਤੇ ਸਭ ਦੀ ਨਜ਼ਰ ਹੈ।

LPG ਗੈਸ ਸਿਲੰਡਰ

ਹਰ ਮਹੀਨੇ ਦੀ ਪਹਿਲੀ ਤਰੀਕ ਨੂੰ ਤੇਲ ਕੰਪਨੀਆਂ LPG ਸਿਲੰਡਰ ਦੀਆਂ ਕੀਮਤਾਂ ਦੀ ਸਮੀਖਿਆ ਕਰਦੀਆਂ ਹਨ। ਅਜਿਹੇ ਵਿਚ 1 ਜੁਲਾਈ ਨੂੰ ਵੀ ਘਰੇਲੂ ਤੇ ਕਮਰਸ਼ੀਅਲ ਗੈਸ ਸਿਲੰਡਰ ਦੀ ਕੀਮਤ 'ਚ ਬਦਲਾਅ ਦੇਖਣ ਨੂੰ ਮਿਲ ਸਕਦਾ ਹੈ। ਹਾਲ ਹੀ ਦੇ ਮਹੀਨਿਆਂ 'ਚ ਖਾਸ ਤੌਰ 'ਤੇ ਕਮਰਸ਼ੀਅਲ LPG ਸਿਲੰਡਰ ਦੀ ਕੀਮਤ 'ਚ ਉਤਰਾਅ-ਚੜ੍ਹਾਅ ਦੇਖਿਆ ਗਿਆ ਹੈ ਜਿਸ ਨਾਲ ਹੋਟਲ-ਰੈਸਟੋਰੈਂਟ ਤੇ ਛੋਟੇ ਕਾਰੋਬਾਰਾਂ ਦੀ ਲਾਗਤ ਪ੍ਰਭਾਵਿਤ ਹੁੰਦੀ ਹੈ। ਜੇਕਰ ਇਸ ਵਾਰ ਵੀ ਕੀਮਤਾਂ ਵਧਦੀਆਂ ਹਨ ਤਾਂ ਇਸ ਦਾ ਅਸਰ ਆਮ ਲੋਕਾਂ 'ਤੇ ਅਸਿੱਧੇ ਰੂਪ ਵਿੱਚ ਪੈ ਸਕਦਾ ਹੈ, ਜਿਵੇਂ ਕਿ ਬਾਹਰ ਖਾਣਾ ਮਹਿੰਗਾ ਹੋਣਾ।

ਰੇਲ ਟਿਕਟ ਤੇ ਯਾਤਰਾ ਦੇ ਨਿਯਮ

• ਰੇਲਵੇ ਨਾਲ ਜੁੜੇ ਨਿਯਮਾਂ 'ਚ ਵੀ 1 ਜੁਲਾਈ ਤੋਂ ਵੱਡੇ ਬਦਲਾਅ ਦੀ ਤਿਆਰੀ ਹੈ।
• ਬਿਨਾਂ ਟਿਕਟ ਯਾਤਰਾ ਕਰਨ 'ਤੇ ਜੁਰਮਾਨਾ ਵਧਾਇਆ ਜਾ ਸਕਦਾ ਹੈ।
• ਕਿਸੇ ਹੋਰ ਦੀ ਟਿਕਟ 'ਤੇ ਯਾਤਰਾ ਕਰਨ 'ਤੇ ਵੀ ਸਖ਼ਤ ਕਾਰਵਾਈ ਹੋਵੇਗੀ।
• ਟ੍ਰੇਨ 'ਚ ਅਨੁਸ਼ਾਸਨ ਤੋੜਨ, ਨਸ਼ੇ 'ਚ ਯਾਤਰਾ ਕਰਨ ਜਾਂ ਹੰਗਾਮਾ ਕਰਨ 'ਤੇ ਭਾਰੀ ਜੁਰਮਾਨਾ।
• ਔਰਤਾਂ ਦੇ ਡੱਬੇ 'ਚ ਗਲਤ ਤਰੀਕੇ ਨਾਲ ਯਾਤਰਾ ਕਰਨ 'ਤੇ ਸਖ਼ਤ ਪੈਨਲਟੀ।

ਟਿਕਟ ਬੁਕਿੰਗ ਸਿਸਟਮ

• ਰੇਲਵੇ ਟਿਕਟ ਬੁਕਿੰਗ 'ਚ ਪਹਿਲਾਂ ਹੀ ਕਈ ਡਿਜੀਟਲ ਸੁਧਾਰ ਕੀਤੇ ਜਾ ਰਹੇ ਹਨ ਅਤੇ ਅੱਗੇ ਵੀ ਸਖ਼ਤੀ ਵਧ ਸਕਦੀ ਹੈ।
• ਪਛਾਣ ਦੀ ਪੜਤਾਲ ([Identity Verification Omitted]/OTP) ਨੂੰ ਉਤਸ਼ਾਹਿਤ ਕਰਨਾ।
• ਫਰਜ਼ੀ ਬੁਕਿੰਗ ਅਤੇ ਏਜੰਟਾਂ ਦੇ ਦਖ਼ਲ ਨੂੰ ਰੋਕਣ ਲਈ ਨਵੇਂ ਸਿਸਟਮ।
• ਯਾਤਰੀਆਂ ਨੂੰ ਵਧੇਰੇ ਪਾਰਦਰਸ਼ੀ ਅਤੇ ਸੁਰੱਖਿਅਤ ਟਿਕਟਿੰਗ ਅਨੁਭਵ ਦੇਣ ਦੀ ਕੋਸ਼ਿਸ਼।
• ਇਨ੍ਹਾਂ ਬਦਲਾਵਾਂ ਦਾ ਉਦੇਸ਼ ਇਹ ਯਕੀਨੀ ਬਣਾਉਣਾ ਹੈ ਕਿ ਟਿਕਟਾਂ ਅਸਲ ਯਾਤਰੀਆਂ ਤਕ ਹੀ ਪਹੁੰਚਣ ਅਤੇ ਸਿਸਟਮ ਦੀ ਦੁਰਵਰਤੋਂ ਨਾ ਹੋਵੇ।

ਕ੍ਰੈਡਿਟ ਕਾਰਡ ਦੇ ਨਿਯਮ ਬਦਲ ਸਕਦੇ ਹਨ

ਇਨ੍ਹਾਂ ਬਦਲਾਵਾਂ 'ਚ ਇਕ ਹੋਰ ਬਦਲਾਅ ਸ਼ਾਮਲ ਹੈ। ਜਾਣਕਾਰੀ ਮੁਤਾਬਕ ਕ੍ਰੈਡਿਟ ਕਾਰਡ ਦੀ ਵਰਤੋਂ ਅਤੇ ਬੈਂਕਾਂ ਦੇ ਕੁਝ ਚੋਣਵੇਂ ਚਾਰਜ ਵੀ 1 ਜੁਲਾਈ ਤੋਂ ਬਦਲ ਸਕਦੇ ਹਨ। ਸਮਾਂ ਰਹਿੰਦੇ ਆਪਣੇ ਵਿੱਤੀ ਕੰਮ ਨਿਪਟਾਉਣਾ ਹੀ ਸਮਝਦਾਰੀ ਮੰਨਿਆ ਜਾ ਰਿਹਾ ਹੈ।

ਆਮ ਆਦਮੀ 'ਤੇ ਕੀ ਪਵੇਗਾ ਅਸਰ?

• 1 ਜੁਲਾਈ ਤੋਂ ਹੋਣ ਵਾਲੇ ਇਹ ਬਦਲਾਅ ਛੋਟੇ ਲੱਗ ਸਕਦੇ ਹਨ ਪਰ ਇਨ੍ਹਾਂ ਦਾ ਅਸਰ ਤੁਹਾਡੀ ਰੋਜ਼ਾਨਾ ਦੀ ਜ਼ਿੰਦਗੀ 'ਤੇ ਪਵੇਗਾ।
• ਗੈਸ ਮਹਿੰਗੀ ਹੋਈ ਤਾਂ ਖਰਚਾ ਵਧੇਗਾ।
• ਰੇਲਵੇ ਨਿਯਮ ਸਖ਼ਤ ਹੋਏ ਤਾਂ ਯਾਤਰਾ 'ਚ ਲਾਪਰਵਾਹੀ ਮਹਿੰਗੀ ਪਵੇਗੀ।
• ਟਿਕਟ ਬੁਕਿੰਗ 'ਚ ਨਵੇਂ ਨਿਯਮਾਂ ਦੇ ਕਾਰਨ ਪਹਿਲਾਂ ਤੋਂ ਤਿਆਰੀ ਜ਼ਰੂਰੀ ਹੋਵੇਗੀ।
• ਕ੍ਰੈਡਿਟ ਕਾਰਡ ਬਿੱਲ ਦਾ ਭੁਗਤਾਨ ਨਾ ਕੀਤਾ ਤਾਂ ਨੁਕਸਾਨ ਹੋ ਸਕਦਾ ਹੈ।

ਕੁੱਲ ਮਿਲਾ ਕੇ 1 ਜੁਲਾਈ ਤੋਂ ਲਾਗੂ ਹੋਣ ਵਾਲੇ ਇਹ ਬਦਲਾਅ ਖਰਚੇ, ਸਹੂਲਤ ਤੇ ਅਨੁਸ਼ਾਸਨ ਤਿੰਨਾਂ ਨੂੰ ਪ੍ਰਭਾਵਿਤ ਕਰਨਗੇ। ਅਜਿਹੇ ਵਿਚ ਜ਼ਰੂਰੀ ਹੈ ਕਿ ਤੁਸੀਂ ਇਨ੍ਹਾਂ ਨਵੇਂ ਨਿਯਮਾਂ ਬਾਰੇ ਪਹਿਲਾਂ ਤੋਂ ਜਾਣਕਾਰੀ ਰੱਖੋ ਤਾਂ ਜੋ ਬਾਅਦ 'ਚ ਕਿਸੇ ਵੀ ਤਰ੍ਹਾਂ ਦੀ ਪਰੇਸ਼ਾਨੀ ਜਾਂ ਵਾਧੂ ਖਰਚੇ ਤੋਂ ਬਚਿਆ ਜਾ ਸਕੇ।