ਕੀ ਵਾਕਈ E20 ਪੈਟਰੋਲ ਨਾਲ ਖ਼ਰਾਬ ਹੋ ਰਹੀਆਂ ਹਨ ਪੁਰਾਣੀਆਂ ਗੱਡੀਆਂ, ਜਾਣੋ ਕੀ ਹੈ ਇਸ 'ਤੇ ਸਰਕਾਰ ਦਾ ਜਵਾਬ?

ਆਟੋ ਡੈਸਕ, ਨਵੀਂ ਦਿੱਲੀ: ਭਾਰਤ ਸਰਕਾਰ ਨੇ ਸਾਲ 2003 ਵਿੱਚ ਸ਼ੁਰੂ ਕੀਤੇ ਗਏ ਦੇਸ਼ ਦੇ ਇਥੇਨੌਲ ਬਲੈਂਡਿੰਗ ਪ੍ਰੋਗਰਾਮ 'ਤੇ ਆਪਣੀ ਪੂਰੀ ਜਾਣਕਾਰੀ ਦਿੱਤੀ ਹੈ। ਸਰਕਾਰ ਨੇ ਕਿਹਾ ਹੈ ਕਿ ਇਹ ਪ੍ਰੋਗਰਾਮ ਵਿਗਿਆਨਕ ਤੌਰ 'ਤੇ ਪ੍ਰਮਾਣਿਤ ਹੈ ਅਤੇ ਇਸ 'ਤੇ ਲਗਾਤਾਰ ਨਜ਼ਰ ਰੱਖੀ ਜਾਂਦੀ ਹੈ। ਦੱਸ ਦੇਈਏ ਕਿ ਭਾਰਤ ਨੇ ਸਮੇਂ ਤੋਂ ਪਹਿਲਾਂ ਹੀ ਆਪਣੇ E20 ਟੀਚਿਆਂ ਨੂੰ ਹਾਸਲ ਕਰ ਲਿਆ ਹੈ ਅਤੇ ਹੁਣ ਸਰਕਾਰ ਇਸ ਤੋਂ ਵੀ ਜ਼ਿਆਦਾ ਇਥੇਨੌਲ ਬਲੈਂਡਿੰਗ ਵੱਲ ਕਦਮ ਵਧਾ ਰਹੀ ਹੈ।

ਇਕ ਪਾਸੇ ਇਸ ਕਦਮ ਨੂੰ ਦੇਸ਼ ਦੀ ਊਰਜਾ ਸੁਰੱਖਿਆ ਵੱਲ ਵੱਡਾ ਕਦਮ ਮੰਨਿਆ ਜਾ ਰਿਹਾ ਹੈ ਤਾਂ ਉੱਥੇ ਹੀ ਸੋਸ਼ਲ ਮੀਡੀਆ 'ਤੇ ਕਈ ਤਰ੍ਹਾਂ ਦੇ ਦਾਅਵੇ ਵੀ ਸ਼ੁਰੂ ਹੋ ਗਏ ਹਨ।

ਸੋਸ਼ਲ ਮੀਡੀਆ ਦੇ ਦਾਅਵੇ

ਭਾਰਤ ਸਰਕਾਰ ਨੇ ਸੋਸ਼ਲ ਮੀਡੀਆ 'ਤੇ ਚੱਲ ਰਹੇ ਦਾਅਵਿਆਂ 'ਤੇ ਵੀ ਧਿਆਨ ਦਿੱਤਾ ਹੈ। ਸਰਕਾਰ ਨੇ ਕਿਹਾ ਹੈ ਕਿ ਪੁਰਾਣੀਆਂ ਤਸਵੀਰਾਂ ਅਤੇ ਵੀਡੀਓਜ਼ ਨੂੰ ਸੋਸ਼ਲ ਮੀਡੀਆ 'ਤੇ ਦੁਬਾਰਾ ਸ਼ੇਅਰ ਕੀਤਾ ਜਾ ਰਿਹਾ ਹੈ ਤਾਂ ਜੋ ਵਿਊਜ਼ ਬਟੋਰੇ ਜਾ ਸਕਣ ਅਤੇ Ethanol Blended Petrol ਨੂੰ ਲੈ ਕੇ ਬਿਨਾਂ ਵਜ੍ਹਾ ਦੀ ਚਿੰਤਾ ਪੈਦਾ ਕੀਤੀ ਜਾ ਸਕੇ। ਹਾਲ ਹੀ 'ਚ, ਸੋਸ਼ਲ ਮੀਡੀਆ 'ਤੇ ਇੱਕ ਫੇਕ ਵੀਡੀਓ ਸ਼ੇਅਰ ਕੀਤਾ ਗਿਆ ਸੀ ਜਿਸ ਵਿੱਚ ਕਾਰ ਦੇ ਫਿਊਲ ਟੈਂਕ 'ਤੇ ਕੀੜੀਆਂ ਜਮ੍ਹਾ ਹੁੰਦੀਆਂ ਦਿਖਾਈ ਦੇ ਰਹੀਆਂ ਸਨ।

ਖ਼ਾਰਜ ਕੀਤੀ ਗਲਤ ਜਾਣਕਾਰੀ

ਸਰਕਾਰ ਨੇ Social Media 'ਤੇ ਚੱਲ ਰਹੇ ਅਜਿਹੇ ਭਰਮਾਊ ਪੋਸਟਾਂ ਦੀ ਗੱਲ ਸਵੀਕਾਰ ਕਰਦਿਆਂ ਕਿਹਾ ਕਿ ਇਸ ਪ੍ਰੋਗਰਾਮ ਨੂੰ ਤਕਨੀਕੀ ਤਿਆਰੀ ਅਤੇ ਸਟੇਕਹੋਲਡਰਸ ਨਾਲ ਗੱਲਬਾਤ ਦੇ ਆਧਾਰ 'ਤੇ ਸਹੀ ਤਰੀਕੇ ਨਾਲ ਲਾਗੂ ਕੀਤਾ ਗਿਆ ਹੈ, ਜਿਸ ਤੋਂ ਬਾਅਦ ਸਾਲ 2023 ਤੋਂ 20 ਪ੍ਰਤੀਸ਼ਤ E20 ਦੀ ਸ਼ੁਰੂਆਤ ਹੋਈ ਹੈ। ਸਰਕਾਰ ਆਇਲ ਮਾਰਕੀਟਿੰਗ ਕੰਪਨੀਆਂ, ਆਟੋਮੋਬਾਈਲ ਨਿਰਮਾਤਾਵਾਂ, ਫਿਊਲ ਟੈਸਟਿੰਗ ਏਜੰਸੀਆਂ ਨਾਲ ਮਿਲ ਕੇ ਇਥੇਨੌਲ ਬਲੈਂਡਿੰਗ ਪ੍ਰੋਗਰਾਮ ਦੇ ਲਾਗੂ ਹੋਣ 'ਤੇ ਲਗਾਤਾਰ ਨਜ਼ਰ ਰੱਖਦੀ ਹੈ।

ਕੀ E20 ਦੇ ਨੁਕਸਾਨ ਹਨ?

ਪ੍ਰੀ BS-6 ਫੇਜ਼-2 ਗੱਡੀਆਂ ਜਾਂ ਆਸਾਨ ਸ਼ਬਦਾਂ 'ਚ ਅਪ੍ਰੈਲ 2023 ਤੋਂ ਪਹਿਲਾਂ ਬਣੇ ਵਾਹਨਾਂ ਵਿੱਚ E20 ਫਿਊਲ ਨਾਲ ਦਿੱਕਤਾਂ ਹੋਣ ਦੀ ਸੰਭਾਵਨਾ ਜ਼ਿਆਦਾ ਹੁੰਦੀ ਹੈ। ਇਸੇ ਤਰ੍ਹਾਂ, ਕਾਰਬੋਰੇਟਰ ਇੰਜਣ ਵਾਲੀਆਂ ਗੱਡੀਆਂ ਜਾਂ ਪੁਰਾਣੀਆਂ ਰਬੜ ਅਤੇ ਪਲਾਸਟਿਕ ਦੀਆਂ ਫਿਊਲ ਲਾਈਨਾਂ ਵਾਲੇ ਵਾਹਨਾਂ 'ਚ ਇਸਦਾ ਖ਼ਤਰਾ ਜ਼ਿਆਦਾ ਹੋ ਸਕਦਾ ਹੈ। 'ਲੋਕਲ ਸਰਕਲਸ' ਵੱਲੋਂ ਕੀਤੇ ਗਏ ਸਰਵੇ ਵਿੱਚ ਵੀ ਇਹ ਸਾਬਤ ਹੁੰਦਾ ਹੈ। ਇਸਦੇ ਮੁਤਾਬਕ, ਪੁਰਾਣੀ ਗੱਡੀ ਦੇ ਮਾਲਕਾਂ ਵਿੱਚੋਂ 28 ਪ੍ਰਤੀਸ਼ਤ ਨੇ ਅਸਧਾਰਨ ਟੁੱਟ-ਭੱਜ ਅਤੇ ਰਿਪੇਅਰ ਦੀ ਲੋੜ ਦੀ ਗੱਲ ਸਵੀਕਾਰੀ ਹੈ।

ਪੁਰਾਣੀਆਂ ਗੱਡੀਆਂ 'ਤੇ ਅਸਰ

ਇਸ ਸਰਵੇ 'ਚ ਦੇਸ਼ ਦੇ 331 ਜ਼ਿਲ੍ਹਿਆਂ ਦੇ ਪੈਟਰੋਲ ਵਾਹਨ ਮਾਲਕਾਂ ਤੋਂ 37,000 ਜਵਾਬ ਮਿਲੇ। Ethanol ਕਾਫ਼ੀ ਹੱਦ ਤਕ ਇਕ ਸਾਲਵੈਂਟ ਹੈ ਤੇ ਇਹ ਪੁਰਾਣੇ ਵਾਹਨਾਂ 'ਚ ਮੈਟਲ ਟੈਂਕ, ਫਿਊਲ ਲਾਈਨਾਂ ਅਤੇ ਕਾਰਬੋਰੇਟਰ ਨੂੰ ਨੁਕਸਾਨ ਪਹੁੰਚਾ ਸਕਦਾ ਹੈ। ਇਸ ਤੋਂ ਇਲਾਵਾ ਕਈ ਰਿਪੋਰਟਾਂ ਮੁਤਾਬਕ ਪੁਰਾਣੇ ਫਿਊਲ ਹੋਜ਼, ਸੀਲ ਅਤੇ ਗਾਸਕੇਟ ਇਥੇਨੌਲ ਨੂੰ ਝੱਲਣ ਵਾਲੇ ਨਹੀਂ ਹੁੰਦੇ ਹਨ ਅਤੇ ਉਹ E20 ਪੈਟਰੋਲ ਨਾਲ ਖ਼ਰਾਬ ਹੋ ਸਕਦੇ ਹਨ।

ਭਾਰਤ ਕਿਉਂ ਦੇ ਰਿਹਾ ਹੈ ਜ਼ੋਰ?

ਭਾਰਤ ਇਸ ਸਮੇਂ ਆਪਣੀ ਲੋੜ ਦਾ 85 ਪ੍ਰਤੀਸ਼ਤ ਤੋਂ ਜ਼ਿਆਦਾ ਫਿਊਲ ਦੂਜੇ ਦੇਸ਼ਾਂ ਤੋਂ ਇੰਪੋਰਟ ਕਰਦਾ ਹੈ, ਜਿਸ ਨਾਲ ਦੇਸ਼ ਦਾ ਵਿਦੇਸ਼ੀ ਮੁਦਰਾ ਭੰਡਾਰ ਘਟਦਾ ਹੈ। US-Iran Conflict ਦੀ ਵਜ੍ਹਾ ਕਰਕੇ ਦੁਨੀਆ ਭਰ 'ਚ ਫਿਊਲ ਦੀ ਸਪਲਾਈ ਚੇਨ 'ਚ ਭਾਰੀ ਰੁਕਾਵਟ ਆਈ ਹੈ ਜਿਸਨੇ ਗਲੋਬਲ ਪੱਧਰ 'ਤੇ ਕੱਚੇ ਤੇਲ ਦੀਆਂ ਕੀਮਤਾਂ ਨੂੰ ਵਧਾ ਦਿੱਤਾ ਹੈ। ਦੂਜੇ ਪਾਸੇ, Ethanol ਨੂੰ ਖੇਤੀ ਦੇ ਕੂੜੇ-ਕਰਕਟ ਤੋਂ ਬਣਾਇਆ ਜਾ ਸਕਦਾ ਹੈ।

ਭਾਰਤ ਇਕ ਖੇਤੀ ਪ੍ਰਧਾਨ ਅਰਥਵਿਵਸਥਾ ਹੈ ਅਤੇ ਪੈਟਰੋਲ 'ਚ Ethanol ਮਿਲਾਉਣ ਨਾਲ ਦੂਜੇ ਟੀਚਿਆਂ ਨੂੰ ਪੂਰਾ ਕਰਕੇ ਇਸਨੂੰ ਹੋਰ ਵੀ ਮਜ਼ਬੂਤੀ ਦਿੱਤੀ ਜਾ ਸਕਦੀ ਹੈ, ਜਿਵੇਂ ਕਿ ਕੱਚੇ ਤੇਲ ਦੀ ਸਪਲਾਈ ਦੇ ਲਈ ਦੂਜੇ ਦੇਸ਼ਾਂ 'ਤੇ ਨਿਰਭਰਤਾ ਘੱਟ ਕਰਨਾ ਅਤੇ ਗ੍ਰੀਨਹਾਊਸ ਗੈਸਾਂ ਦੀ ਨਿਕਾਸੀ ਨੂੰ ਘਟਾਉਣਾ।