ਕਮਾਈ ਦਾ ਮੌਕਾ ! ਮੋਤੀਲਾਲ ਓਸਵਾਲ ਨੇ ਸੁਝਾਏ ਇਹ 5 ਦਮਦਾਰ ਸਟਾਕਸ, ਲਿਸਟ 'ਚ SBI-ਟਾਟਾ ਸਟੀਲ ਵੀ ਸ਼ਾਮਲ

ਬਿਜ਼ਨੈੱਸ ਡੈਸਕ, ਨਵੀਂ ਦਿੱਲੀ: ਸ਼ੇਅਰ ਬਾਜ਼ਾਰ 'ਚ ਸਫ਼ਲ ਨਿਵੇਸ਼ ਦਾ ਅਧਾਰ ਰਿਸਰਚ ਅਤੇ ਅਨੁਸ਼ਾਸਨ ਹੈ। ਕਿਸੇ ਵੀ ਕੰਪਨੀ ਦੇ ਸ਼ੇਅਰ ਖਰੀਦਣ ਤੋਂ ਪਹਿਲਾਂ ਉਸ ਦੀ ਵਿੱਤੀ ਸਿਹਤ, ਕਰਜ਼ਾ, ਕੈਸ਼ ਫਲੋਅ, ਮੁਨਾਫ਼ੇ 'ਚ ਨਿਰੰਤਰਤਾ ਤੇ ਮੈਨੇਜਮੈਂਟ ਦੀ ਭਰੋਸੇਯੋਗਤਾ ਨੂੰ ਸਮਝਣਾ ਜ਼ਰੂਰੀ ਹੈ। ਸੈਕਟਰ ਦੇ ਭਵਿੱਖ, ਕੰਪਨੀ ਦੀ ਪ੍ਰਤੀਯੋਗੀ ਸਥਿਤੀ ਤੇ ਵੈਲਿਊਏਸ਼ਨ ਦਾ ਮੁਲਾਂਕਣ ਕੀਤੇ ਬਿਨਾਂ ਕੇਵਲ ਟਿਪਸ ਜਾਂ ਭੀੜ ਦੇਖ ਕੇ ਨਿਵੇਸ਼ ਕਰਨਾ ਜੋਖ਼ਮ ਭਰਿਆ ਹੋ ਸਕਦਾ ਹੈ।

ਲੰਬੀ ਮਿਆਦ ਦਾ ਨਜ਼ਰੀਆ, ਪੋਰਟਫੋਲੀਓ 'ਚ ਡਾਇਵਰਸੀਫਿਕੇਸ਼ਨ (ਵਿਭਿੰਨਤਾ) ਤੇ ਆਪਣੀ ਜੋਖ਼ਮ ਸਮਰੱਥਾ ਮੁਤਾਬਕ ਨਿਵੇਸ਼ ਤੈਅ ਕਰਨਾ ਬਿਹਤਰ ਰਿਟਰਨ ਦੀ ਸੰਭਾਵਨਾ ਵਧਾਉਂਦਾ ਹੈ। ਜੇਕਰ ਤੁਹਾਡੇ ਕੋਲ ਰਿਸਰਚ ਦਾ ਸਮਾਂ ਜਾਂ ਜਾਣਕਾਰੀ ਨਾ ਹੋਵੇ ਤਾਂ ਤੁਸੀਂ ਕਿਸੇ ਮਾਹਰ ਜਾਂ ਬ੍ਰੋਕਰੇਜ ਫਰਮ ਦੀ ਸਲਾਹ ਲੈ ਸਕਦੇ ਹੋ। ਇੱਥੇ ਅਸੀਂ ਤੁਹਾਨੂੰ ਅਜਿਹੇ ਹੀ 5 ਸ਼ੇਅਰਾਂ ਦੀ ਜਾਣਕਾਰੀ ਦਿਆਂਗੇ, ਜਿਨ੍ਹਾਂ ਨੂੰ ਬ੍ਰੋਕਰੇਜ ਫਰਮ ਮੋਤੀਲਾਲ ਓਸਵਾਲ ਨੇ ਖਰੀਦਣ ਦੀ ਸਲਾਹ ਦਿੱਤੀ ਹੈ।

ਕਿਹੜੇ ਸ਼ੇਅਰਾਂ ਨੂੰ ਦਿੱਤੀ ਖਰੀਦਣ ਦੀ ਸਲਾਹ?

ਸਟੇਟ ਬੈਂਕ ਆਫ਼ ਇੰਡੀਆ (SBI)

ਟਾਟਾ ਸਟੀਲ (Tata Steel)

ਮੈਨਕਾਈਂਡ ਫਾਰਮਾ (Mankind Pharma)

ਕਮਿੰਸ ਇੰਡੀਆ (Cummins India)

ਗ੍ਰੋਅ (Groww)

SBI Share Target

ਸਭ ਤੋਂ ਪਹਿਲਾਂ ਗੱਲ ਕਰਦੇ ਹਾਂ ਐੱਸਬੀਆਈ ਦੀ, ਜਿਸ ਲਈ ਮੋਤੀਲਾਲ ਓਸਵਾਲ ਨੇ 1300 ਰੁਪਏ ਦਾ ਟਾਰਗੇਟ ਦਿੱਤਾ ਹੈ ਜਦਕਿ ਇਹ ਮੰਗਲਵਾਰ ਨੂੰ 1015 ਰੁਪਏ 'ਤੇ ਬੰਦ ਹੋਇਆ ਸੀ। ਯਾਨੀ ਇਹ ਮੌਜੂਦਾ ਭਾਅ ਤੋਂ 28 ਫੀਸਦੀ ਰਿਟਰਨ ਦੇ ਸਕਦਾ ਹੈ।

Tata Steel Share Target

ਅਗਲਾ ਨਾਮ ਹੈ ਟਾਟਾ ਸਟੀਲ ਦਾ। ਇਸ ਦੇ ਲਈ ਬ੍ਰੋਕਰੇਜ ਫਰਮ ਨੇ 250 ਰੁਪਏ ਦਾ ਟਾਰਗੇਟ ਦਿੱਤਾ ਹੈ ਜਦਕਿ ਇਹ ਮੰਗਲਵਾਰ ਨੂੰ 196 ਰੁਪਏ 'ਤੇ ਬੰਦ ਹੋਇਆ ਸੀ। ਯਾਨੀ ਇਹ ਸ਼ੇਅਰ ਵੀ ਮੌਜੂਦਾ ਭਾਅ ਤੋਂ 28 ਫੀਸਦੀ ਫਾਇਦਾ ਕਰਵਾ ਸਕਦਾ ਹੈ।

Mankind Pharma Share Target

ਤੀਜਾ ਸ਼ੇਅਰ ਹੈ ਮੈਨਕਾਈਂਡ ਫਾਰਮਾ, ਜਿਸ ਦੇ ਲਈ ਬ੍ਰੋਕਰੇਜ ਫਰਮ ਨੇ 2980 ਰੁਪਏ ਦਾ ਟਾਰਗੇਟ ਦਿੱਤਾ ਹੈ, ਜਦਕਿ ਇਹ ਮੰਗਲਵਾਰ ਨੂੰ 2356 ਰੁਪਏ 'ਤੇ ਬੰਦ ਹੋਇਆ ਸੀ। ਇਸ ਸ਼ੇਅਰ ਤੋਂ ਨਿਵੇਸ਼ਕਾਂ ਨੂੰ ਮੌਜੂਦਾ ਭਾਅ ਤੋਂ 26 ਫੀਸਦੀ ਰਿਟਰਨ ਮਿਲ ਸਕਦਾ ਹੈ।

Groww Share Target

ਗ੍ਰੋਅ ਦੇ ਲਈ ਮੋਤੀਲਾਲ ਓਸਵਾਲ ਨੇ 235 ਰੁਪਏ ਦਾ ਟਾਰਗੇਟ ਦਿੱਤਾ ਹੈ। ਮੰਗਲਵਾਰ ਨੂੰ ਇਸ ਦਾ ਸ਼ੇਅਰ 200 ਰੁਪਏ 'ਤੇ ਬੰਦ ਹੋਇਆ ਸੀ। ਯਾਨੀ ਤੁਸੀਂ ਇਸ ਸ਼ੇਅਰ ਤੋਂ 18 ਫੀਸਦੀ ਰਿਟਰਨ ਪ੍ਰਾਪਤ ਕਰ ਸਕਦੇ ਹੋ।

Cummins India Share Target

ਕਮਿੰਸ ਇੰਡੀਆ ਦੇ ਲਈ ਮੋਤੀਲਾਲ ਓਸਵਾਲ ਨੇ 6600 ਰੁਪਏ ਦਾ ਟਾਰਗੇਟ ਦਿੱਤਾ ਹੈ। ਮੰਗਲਵਾਰ ਨੂੰ ਇਸ ਦਾ ਸ਼ੇਅਰ 5724 ਰੁਪਏ 'ਤੇ ਬੰਦ ਹੋਇਆ ਸੀ। ਯਾਨੀ ਤੁਸੀਂ ਇਸ ਸ਼ੇਅਰ ਤੋਂ 15 ਫੀਸਦੀ ਰਿਟਰਨ ਪ੍ਰਾਪਤ ਕਰ ਸਕਦੇ ਹੋ।

"ਸ਼ੇਅਰ ਨਾਲ ਜੁੜੇ ਆਪਣੇ ਸਵਾਲ ਤੁਸੀਂ ਸਾਨੂੰ business@jagrannewmedia.com 'ਤੇ ਭੇਜ ਸਕਦੇ ਹੋ।"

(ਡਿਸਕਲੇਮਰ: ਇੱਥੇ ਸ਼ੇਅਰਾਂ 'ਤੇ ਦਿੱਤੀ ਗਈ ਰਾਏ ਇੱਕ ਬ੍ਰੋਕਰੇਜ ਫਰਮ ਦੁਆਰਾ ਦਿੱਤੀ ਗਈ ਜਾਣਕਾਰੀ 'ਤੇ ਅਧਾਰਿਤ ਹੈ। ਜਾਗਰਣ ਬਿਜ਼ਨੈੱਸ ਨਿਵੇਸ਼ ਦੀ ਸਲਾਹ ਨਹੀਂ ਦੇ ਰਿਹਾ। ਸਟਾਕ ਮਾਰਕੀਟ 'ਚ ਨਿਵੇਸ਼ ਬਾਜ਼ਾਰ ਦੇ ਜੋਖ਼ਮਾਂ ਅਧੀਨ ਹੈ, ਇਸ ਲਈ ਨਿਵੇਸ਼ ਕਰਨ ਤੋਂ ਪਹਿਲਾਂ ਕਿਸੇ ਪ੍ਰਮਾਣਿਤ ਨਿਵੇਸ਼ ਸਲਾਹਕਾਰ (Certified Investment Advisor) ਨਾਲ ਸਲਾਹ ਜ਼ਰੂਰ ਕਰੋ।)