KCC New Rule: ਕਿਸਾਨ ਕ੍ਰੈਡਿਟ ਕਾਰਡ ਵਿਚ ਵੱਡਾ ਬਦਲਾਅ, RBI ਨੇ ਜਾਰੀ ਕੀਤੇ ਨਵੇਂ ਨਿਯਮ

ਮੁੰਬਈ, ਪੀਟੀਆਈ : ਆਰਬੀਆਈ (RBI) ਨੇ ਸ਼ੁੱਕਰਵਾਰ ਨੂੰ ਕਿਸਾਨ ਕ੍ਰੈਡਿਟ ਕਾਰਡ (KCC) ਯੋਜਨਾ 'ਚ ਸੋਧ ਕੀਤੀ। ਇਸ ਵਿਚ ਫਸਲੀ ਸੀਜ਼ਨ ਦੀ ਪਰਿਭਾਸ਼ਾ ਨੂੰ ਮਾਨਕੀਕ੍ਰਿਤ ਕੀਤਾ ਗਿਆ ਹੈ ਤਾਂ ਜੋ ਕਰਜ਼ਾ ਮਨਜ਼ੂਰੀ ਅਤੇ ਮੁੜ-ਭੁਗਤਾਨ ਦੇ ਪ੍ਰੋਗਰਾਮਾਂ 'ਚ ਇਕਸਾਰਤਾ ਯਕੀਨੀ ਬਣਾਈ ਜਾ ਸਕੇ। ਨਵੇਂ ਮਾਪਦੰਡ ਜਨਵਰੀ 2026 ਤੋਂ ਲਾਗੂ ਹੋਣਗੇ।

ਆਰਬੀਆਈ ਨੇ ਫਸਲੀ ਸੀਜ਼ਨ ਦੀ ਪਰਿਭਾਸ਼ਾ ਨੂੰ ਆਮਦਨ ਮਾਨਤਾ ਅਤੇ ਸੰਪਤੀ ਵਰਗੀਕਰਨ (IRAC) ਮਾਪਦੰਡਾਂ ਦੇ ਅਨੁਕੂਲ ਸੋਧਿਆ (Kisan Credit Card rules changed) ਹੈ। ਇਸਦੇ ਤਹਿਤ, ਥੋੜ੍ਹੇ ਸਮੇਂ ਦੀਆਂ ਫਸਲਾਂ ਲਈ ਫਸਲੀ ਸੀਜ਼ਨ ਨੂੰ ਬਾਰਾਂ ਮਹੀਨੇ ਅਤੇ ਦੀਰਘਕਾਲੀ ਫਸਲਾਂ ਲਈ ਅਠਾਰਾਂ ਮਹੀਨੇ ਵਜੋਂ ਮਾਨਕੀਕ੍ਰਿਤ ਕੀਤਾ ਗਿਆ ਹੈ। ਫਸਲੀ ਸੀਜ਼ਨ ਦਾ ਮਤਲਬ ਫਸਲ ਉਗਾਉਣ ਤੋਂ ਲੈ ਕੇ ਉਸਦੀ ਕਟਾਈ ਅਤੇ ਮਾਰਕੀਟਿੰਗ ਤੱਕ ਦਾ ਸਮਾਂ ਹੈ।

ਆਰਬੀਆਈ ਨੇ ਬਿਨਾਂ ਗਾਰੰਟੀ ਵਾਲੇ ਲੋਨ ਦੀ ਲਿਮਟ ਵਧਾਉਣ ਦੇ ਸੁਝਾਵਾਂ ਨੂੰ ਖਾਰਜ ਕਰ ਦਿੱਤਾ। ਬੈਂਕ ਨੇ ਕਿਹਾ ਕਿ ਇਸਨੂੰ ਦਸੰਬਰ 2024 'ਚ ਵਧਾਇਆ ਗਿਆ ਸੀ ਅਤੇ ਅਜੇ ਇਸਨੂੰ ਹੋਰ ਵਧਾਉਣ ਦੀ ਕੋਈ ਯੋਜਨਾ ਨਹੀਂ ਹੈ। ਆਰਬੀਆਈ ਨੇ ਕਿਹਾ ਕਿ ਬੈਂਕਾਂ ਨੂੰ ਪ੍ਰਤੀ ਉਧਾਰਕਰਤਾ ਦੋ ਲੱਖ ਰੁਪਏ ਤੱਕ ਦੇ ਖੇਤੀਬਾੜੀ ਕਰਜ਼ ਲਈ ਗਾਰੰਟੀ ਸੁਰੱਖਿਆ ਅਤੇ ਮਾਰਜਿਨ ਨੂੰ ਖਤਮ ਕਰ ਦੇਣਾ ਚਾਹੀਦਾ ਹੈ।

ਨਵੇਂ ਨਿਯਮਾਂ ਅਨੁਸਾਰ, ਜੇਕਰ ਕੇਸੀਸੀ ਲੋਨ ਫਸਲ ਜਾਂ ਸਟਾਕ ਨੂੰ ਗਿਰਵੀ ਰੱਖ ਕੇ ਲਿਆ ਗਿਆ ਹੈ ਤਾਂ ਬੈਂਕ ਤਿੰਨ ਲੱਖ ਰੁਪਏ ਤੱਕ ਦੇ ਲੋਨ ਲਈ ਗਿਰਵੀ ਰੱਖੀ ਜਾਣ ਵਾਲੀ ਸੰਪਤੀ ਦੀ ਸ਼ਰਤ ਵਿੱਚ ਛੋਟ ਦੇ ਸਕਦੇ ਹਨ। ਇਸਦੇ ਨਾਲ ਹੀ ਬੈਂਕਾਂ ਨੂੰ ਆਪਣੀ ਕ੍ਰੈਡਿਟ ਪਾਲਿਸੀ ਅਨੁਸਾਰ, ਫਸਲ ਦੀ ਖੇਤੀ ਅਤੇ ਉਸ ਨਾਲ ਜੁੜੀਆਂ ਗਤੀਵਿਧੀਆਂ ਲਈ ਅਲਪਕਾਲੀ ਸੀਮਾ ਦੀ ਸਮੀਖਿਆ ਅਤੇ ਨਵੀਨੀਕਰਨ (Renew) ਕਰਨਾ ਚਾਹੀਦਾ ਹੈ।