ਡਿਜੀਟਲ ਯੁੱਗ 'ਚ ਵੀ ਕਾਗਜ਼-ਸਿਆਹੀ 'ਤੇ ਬੈਂਕ ਕਿਉਂ ਕਰ ਰਹੇ ਨੇ ਕਰੋੜਾਂ ਖ਼ਰਚ? SBI ਤੇ HDFC ਸਭ ਤੋਂ ਅੱਗੇ; 8% ਤੱਕ ਪ੍ਰਾਫਿਟ ਇਹਨਾਂ 'ਤੇ ਹੀ ਸਵਾਹਾ!

ਨਵੀਂ ਦਿੱਲੀ: ਹੁਣ ਇਹ ਗੱਲ ਕਾਫ਼ੀ ਸਪੱਸ਼ਟ ਲੱਗਦੀ ਹੈ ਕਿ ਬੈਂਕਿੰਗ ਦਾ ਭਵਿੱਖ ਡਿਜੀਟਲ ਹੈ, ਪਰ ਅੱਜ ਵੀ ਪੂਰੇ ਬੈਂਕਿੰਗ ਸਿਸਟਮ ਵਿੱਚ ਸਿਆਹੀ ਯਾਨੀ ਇੰਕ (Ink) ਦਾ ਵੱਡਾ ਰੋਲ ਹੈ। ਇੱਕ ਅਜਿਹੇ ਸਮੇਂ ਵਿੱਚ ਜਦੋਂ ਵਿੱਤੀ ਸੰਸਥਾਵਾਂ (Financial Institutions) ਗਾਹਕਾਂ ਨੂੰ ਟੈਪ, ਸਕੈਨ ਅਤੇ ਸਵਾਈਪ ਕਰਨ ਲਈ ਉਤਸ਼ਾਹਿਤ ਕਰਦੀਆਂ ਹਨ, ਉਦੋਂ ਉਹਨਾਂ ਦੇ ਵਿੱਤੀ ਬਿਆਨ (Financial Statements) ਇੱਕ ਵੱਖਰੀ ਹੀ ਸੱਚਾਈ ਪੇਸ਼ ਕਰ ਰਹੇ ਹਨ। ਇਹ ਸੱਚਾਈ ਹੈ ਪੈਨ ਅਤੇ ਪੇਪਰ ਲਈ ਕਰੋੜਾਂ ਰੁਪਏ ਦੇ ਖ਼ਰਚੇ ਦੀ।

ਜੀ ਹਾਂ, ਅੱਜ ਵੀ ਭਾਰਤ ਦੇ ਬੈਂਕ ਹਰ ਸਾਲ ਪੈਨ, ਪੇਪਰ ਅਤੇ ਇੰਕ ਵਰਗੀਆਂ ਸਟੇਸ਼ਨਰੀ ਦੀਆਂ ਚੀਜ਼ਾਂ 'ਤੇ ਭਾਰੀ ਮਾਤਰਾ ਵਿੱਚ ਪੈਸਾ ਖ਼ਰਚ ਕਰ ਰਹੇ ਹਨ। ਇਸ 'ਤੇ ਹਾਲ ਹੀ ਵਿੱਚ ਇੱਕ ਰਿਪੋਰਟ ਆਈ ਹੈ। ਆਓ ਜਾਣਦੇ ਹਾਂ ਇਸ ਮੁੱਦੇ ਬਾਰੇ ਵਿਸਤਾਰ ਵਿੱਚ।

ਇਹਨਾਂ ਬੈਂਕਾਂ ਨੇ ਖ਼ਰਚ ਕੀਤੇ ਸਭ ਤੋਂ ਜ਼ਿਆਦਾ

ਸੂਚੀ ਵਿੱਚ ਭਾਰਤ ਦਾ ਸਭ ਤੋਂ ਵੱਡਾ ਬੈਂਕ ਸਟੇਟ ਬੈਂਕ ਆਫ਼ ਇੰਡੀਆ (SBI) ਸਭ ਤੋਂ ਅੱਗੇ ਰਿਹਾ। ਇਸਨੇ FY2025 ਵਿੱਚ ਪ੍ਰਿੰਟਿੰਗ ਅਤੇ ਸਟੇਸ਼ਨਰੀ 'ਤੇ ₹986.4 ਕਰੋੜ ਦੀ ਵੱਡੀ ਰਕਮ ਖ਼ਰਚ ਕੀਤੀ। ਇਸ ਤੋਂ ਬਾਅਦ ਨੰਬਰ ਰਿਹਾ ਪ੍ਰਾਈਵੇਟ ਸੈਕਟਰ ਦੇ ਐੱਚਡੀਐੱਫਸੀ (HDFC) ਬੈਂਕ ਦਾ, ਜਿਸਨੇ ₹922.5 ਕਰੋੜ ਖ਼ਰਚ ਕੀਤੇ।

ਐਕਸਿਸ ਬੈਂਕ: ₹373.8 ਕਰੋੜ ਜਾਂ ਪ੍ਰੌਫਿਟ ਦਾ 1.33%

ਸਟੇਟ ਬੈਂਕ ਆਫ਼ ਇੰਡੀਆ: ₹986.4 ਕਰੋੜ ਜਾਂ ਪ੍ਰੌਫਿਟ ਦਾ 1.22%

ਆਈਸੀਆਈਸੀਆਈ ਬੈਂਕ: ₹318.5 ਕਰੋੜ ਜਾਂ ਪ੍ਰੌਫਿਟ ਦਾ 0.58%

ਬੈਂਕ ਆਫ਼ ਬੜੌਦਾ, ਪੰਜਾਬ ਨੈਸ਼ਨਲ ਬੈਂਕ, ਕੇਨਰਾ ਬੈਂਕ ਅਤੇ ਯੂਨੀਅਨ ਬੈਂਕ ਆਫ਼ ਇੰਡੀਆ ਵਰਗੇ ਵੱਡੇ ਸਰਕਾਰੀ ਬੈਂਕਾਂ ਨੇ ਆਪਣੇ ਇਸ ਖ਼ਰਚੇ ਨੂੰ ਪ੍ਰੌਫਿਟ ਦੇ 1% ਦੇ ਆਸ-ਪਾਸ ਜਾਂ ਉਸ ਤੋਂ ਘੱਟ ਰੱਖਿਆ।

ਇਸ ਬੈਂਕ ਨੇ ਕੀਤਾ ਸਭ ਤੋਂ ਜ਼ਿਆਦਾ ਖ਼ਰਚ

ਆਈਡੀਐੱਫਸੀ ਫਸਟ ਬੈਂਕ (IDFC First Bank) ਨੇ ਸਿਰਫ਼ ਸਟੇਸ਼ਨਰੀ 'ਤੇ ₹122.7 ਕਰੋੜ ਖ਼ਰਚ ਕੀਤੇ, ਜੋ ਕਿ ਇਸ ਸਾਲ ਦੇ ਉਸਦੇ ਨੈੱਟ ਪ੍ਰਾਫਿਟ ਦਾ 8.05% ਸੀ।

ਇੰਡਸਇੰਡ ਬੈਂਕ ਦਾ ਅਨੁਪਾਤ ਵੀ ਕਾਫ਼ੀ ਉੱਚਾ ਰਿਹਾ। ਇਸਦਾ ₹114.9 ਕਰੋੜ ਦਾ ਸਟੇਸ਼ਨਰੀ ਬਿੱਲ ਇਸਦੇ ਨੈੱਟ ਪ੍ਰੌਫਿਟ ਦਾ 4.46% ਰਿਹਾ। ਯੈੱਸ ਬੈਂਕ ਅਤੇ AU ਸਮਾਲ ਫਾਈਨਾਂਸ ਬੈਂਕ (₹58.3 ਕਰੋੜ) ਦੇ ਮਾਮਲੇ ਵਿੱਚ, ਇਹਨਾਂ ਪ੍ਰਬੰਧਕੀ ਖ਼ਰਚਿਆਂ ਨੇ ਉਹਨਾਂ ਦੇ ਕੁੱਲ ਮੁਨਾਫ਼ੇ ਦਾ ਕ੍ਰਮਵਾਰ 2.86% ਅਤੇ 2.77% ਹਿੱਸਾ ਲੈ ਲਿਆ।