ਟਰੰਪ ਨੇ ਸ਼ੀ ਜਿਨਪਿੰਗ ਨੂੰ ਕਰਵਾਈ ‘ਮਰੀਨ ਵਨ’ ਦੀ ਸੈਰ, ਵ੍ਹਾਈਟ ਹਾਊਸ ’ਚ ਦਿਖਾਈ ਦੋਸਤੀ; ਵਪਾਰ ਤੋਂ AI ਤੱਕ ਹੋਵੇਗੀ ਵੱਡੀ ਡੀਲ ’ਤੇ ਗੱਲਬਾਤ

ਚੀਨੀ ਵਫ਼ਦ ਨੂੰ ਸੰਬੋਧਨ ਕਰਦੇ ਹੋਏ ਰਾਸ਼ਟਰਪਤੀ ਟਰੰਪ ਨੇ ਦੋਵਾਂ ਨੇਤਾਵਾਂ ਵਿਚਕਾਰ ਬਣੀ ਕਥਿਤ ਸੱਚੀ ਤੇ ਡੂੰਘੀ ਦੋਸਤੀ ਦੀ ਸ਼ਲਾਘਾ ਕੀਤੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਵਪਾਰ, ਤਕਨਾਲੋਜੀ ਤੇ ਉੱਨਤ ਕੰਪਿਊਟਿੰਗ ’ਤੇ ਖਾਸ ਧਿਆਨ ਦੇਣ ਦਾ ਸੰਕੇਤ ਦਿੱਤਾ। ਸ਼ਿਖਰ ਵਾਰਤਾ ਦੇ ਵਿਆਪਕ ਏਜੰਡੇ ਨੂੰ ਲੰਬੇ ਸਮੇਂ ਦੀ ਵਿਸ਼ਵ ਸਥਿਰਤਾ ਤੇ ਤਕਨੀਕੀ ਪ੍ਰਸ਼ਾਸਨ ਦੇ ਆਲੇ-ਦੁਆਲੇ ਰੱਖਦੇ ਹੋਏ ਟਰੰਪ ਨੇ ਕਿਹਾ ਕਿ ਇਸ ਦੌਰੇ ਦੌਰਾਨ ਸੁਰੱਖਿਆ, ਤਕਨਾਲੋਜੀ ਤੇ ਸੁਪਰ ਇੰਟੈਲੀਜੈਂਸ ਨਾਲ ਜੁੜੇ ਬੇਹੱਦ ਮਹੱਤਵਪੂਰਨ ਮੁੱਦਿਆਂ ’ਤੇ ਚਰਚਾ ਕੀਤੀ ਜਾਵੇਗੀ। ਉਨ੍ਹਾਂ ਕਿਹਾ ਕਿ ਇਨ੍ਹਾਂ ਖੇਤਰਾਂ ’ਚ ਅੱਜ ਲਏ ਗਏ ਸਾਡੇ ਫ਼ੈਸਲੇ ਆਉਣ ਵਾਲੀਆਂ ਦਹਾਕਿਆਂ ਤੱਕ ਸ਼ਾਂਤੀ ਤੇ ਖੁਸ਼ਹਾਲੀ ਨੂੰ ਉਤਸ਼ਾਹਿਤ ਕਰ ਸਕਦੇ ਹਨ। ਜੇਕਰ ਅਸੀਂ ਆਪਣੇ ਸਾਂਝੇ ਹਿੱਤਾਂ ’ਤੇ ਧਿਆਨ ਕੇਂਦਰਿਤ ਕਰੀਏ ਤਾਂ ਮੈਨੂੰ ਵਿਸ਼ਵਾਸ ਹੈ ਕਿ ਅਸੀਂ ਬਹੁਤ ਕੁਝ ਹਾਸਲ ਕਰ ਸਕਦੇ ਹਾਂ। ਵ੍ਹਾਈਟ ਹਾਊਸ ਦੇ ਅਧਿਕਾਰਤ ਪ੍ਰੋਗਰਾਮ ਮੁਤਾਬਕ ਰਾਸ਼ਟਰਪਤੀ ਸ਼ੀ ਜਿਨਪਿੰਗ ਦੇ ਇਸ ਸਰਕਾਰੀ ਦੌਰੇ ਦੌਰਾਨ ਰਾਸ਼ਟਰਪਤੀ ਟਰੰਪ ਨਾਲ ਕਈ ਦੌਰ ਦੀਆਂ ਮੀਟਿੰਗਾਂ ਹੋਣਗੀਆਂ। ਇਨ੍ਹਾਂ ’ਚ ਸੀਮਤ ਦੁਵੱਲੀ ਗੱਲਬਾਤ ਦੇ ਨਾਲ-ਨਾਲ ਵਿਸਤ੍ਰਿਤ ਵਫ਼ਦ ਪੱਧਰੀ ਵਾਰਤਾ, ਸਾਂਝਾ ਬਿਆਨ ਤੇ ਇੱਕ ਸ਼ਾਨਦਾਰ ਸਟੇਟ ਡਿਨਰ ਵੀ ਆਯੋਜਿਤ ਕੀਤਾ ਜਾਵੇਗਾ। ਇਸ ਦੌਰਾਨ ਵਪਾਰ, ਅਤਿ-ਆਧੁਨਿਕ ਤਕਨਾਲੋਜੀ, ਮਹੱਤਵਪੂਰਨ ਖਣਿਜ ਤੇ ਸਮੁੱਚੇ ਅਮਰੀਕਾ-ਚੀਨ ਸਬੰਧਾਂ ਦੀ ਭਵਿੱਖੀ ਦਿਸ਼ਾ ’ਤੇ ਗੰਭੀਰ ਵਿਚਾਰ-ਵਟਾਂਦਰਾ ਹੋਵੇਗਾ।