ਅਮਰੀਕਾ ਦੇ ਸੀਐਟਲ ਹਵਾਈ ਅੱਡੇ 'ਤੇ ਵੱਡੀ ਕਾਰਵਾਈ, ਫਲਾਈਟ ਚੜ੍ਹਨ ਤੋਂ ਪਹਿਲਾਂ ਦੋ ਯਾਤਰੀਆਂ ਨੂੰ ਘਸੀਟ ਕੇ ਲੈ ਗਏ ICE ਅਧਿਕਾਰੀ
ਵੀਡੀਓ ਫੁਟੇਜ ਵਿੱਚ ਦਿਖਾਈ ਦੇ ਰਿਹਾ ਹੈ ਕਿ ਅਧਿਕਾਰੀ ਘੱਟੋ-ਘੱਟ ਇੱਕ ਵਿਅਕਤੀ ਨੂੰ ਘਸੀਟ ਕੇ ਲੈ ਜਾ ਰਹੇ ਹਨ, ਜਦਕਿ ਇੱਕ ਔਰਤ ਉੱਚੀ ਆਵਾਜ਼ ਵਿੱਚ ਚੀਕ ਰਹੀ ਹੈ। ਔਰਤ ਕਹਿ ਰਹੀ ਹੈ ਕਿ ਅਧਿਕਾਰੀ ਉਸ ਦੀ ਧੀ ਨੂੰ ਲੈ ਕੇ ਜਾ ਰਹੇ ਹਨ ਅਤੇ ਉਸ ਕੋਲ ਵਰਕ ਪਰਮਿਟ ਵੀ ਹੈ।
Publish Date: Sun, 22 Nov 2026 10:33 AM (IST)
Updated Date: Sun, 22 Nov 2026 12:07 PM (IST)
ਡਿਜੀਟਲ ਡੈਸਕ, ਵਾਸ਼ਿੰਗਟਨ : ਅਮਰੀਕਾ ਦੇ ਸੀਐਟਲ-ਟੈਕੋਮਾ ਇੰਟਰਨੈਸ਼ਨਲ ਏਅਰਪੋਰਟ 'ਤੇ ਸ਼ਨੀਵਾਰ ਨੂੰ ਉਸ ਸਮੇਂ ਹਫੜਾ-ਦਫੜੀ ਮਚ ਗਈ, ਜਦੋਂ ਦੋ ਲੋਕਾਂ ਨੂੰ ਗ੍ਰਿਫ਼ਤਾਰ ਕਰ ਲਿਆ ਗਿਆ।
ਲਾਸ ਏਂਜਲਸ ਜਾਣ ਵਾਲੀ ਫਲਾਈਟ ਵਿੱਚ ਸਵਾਰ ਹੋਣ ਦੀ ਤਿਆਰੀ ਕਰ ਰਹੇ ਯਾਤਰੀਆਂ ਵਿਚਕਾਰ ਮਾਸਕ ਪਹਿਨੇ ਇਮੀਗ੍ਰੇਸ਼ਨ ਐਂਡ ਕਸਟਮਜ਼ ਐਨਫੋਰਸਮੈਂਟ (ICE) ਦੇ ਅਧਿਕਾਰੀ ਪਹੁੰਚੇ ਅਤੇ ਦੋ ਲੋਕਾਂ ਨੂੰ ਹਿਰਾਸਤ ਵਿੱਚ ਲੈ ਲਿਆ। ਇਸ ਦੌਰਾਨ ਕੁਝ ਸਮੇਂ ਲਈ ਏਅਰਪੋਰਟ 'ਤੇ ਹਫੜਾ-ਦਫੜੀ ਵਾਲਾ ਮਾਹੌਲ ਬਣ ਗਿਆ।
ਘਟਨਾ ਤੋਂ ਬਾਅਦ ਫਲਾਈਟ 'ਚ ਹੋਈ ਦੇਰੀ ਇਸ ਕਾਰਵਾਈ ਕਾਰਨ ਉੱਥੇ ਵਿਵਾਦ ਪੈਦਾ ਹੋ ਗਿਆ, ਜਿਸ ਕਾਰਨ ਫਲਾਈਟ ਦੇ ਰਵਾਨਾ ਹੋਣ ਵਿੱਚ ਦੇਰੀ ਹੋਈ। ਇਸ ਘਟਨਾ ਨੂੰ ਲੈ ਕੇ ਅਲਾਸਕਾ ਏਅਰਲਾਈਨਜ਼ ਅਤੇ ਏਅਰਪੋਰਟ ਪ੍ਰਸ਼ਾਸਨ ਨੇ ਵੀ ਚਿੰਤਾ ਜਤਾਈ ਹੈ। ਘਟਨਾ ਨਾਲ ਸਬੰਧਤ ਵੀਡੀਓ ਸੋਸ਼ਲ ਮੀਡੀਆ 'ਤੇ ਸਾਂਝੀ ਕੀਤੀ ਜਾ ਰਹੀ ਹੈ।
ਵੀਡੀਓ 'ਚ ਯਾਤਰੀ ਨੂੰ ਘਸੀਟਦੇ ਦਿਖੇ ਅਧਿਕਾਰੀ ਵੀਡੀਓ ਫੁਟੇਜ ਵਿੱਚ ਦਿਖਾਈ ਦੇ ਰਿਹਾ ਹੈ ਕਿ ਅਧਿਕਾਰੀ ਘੱਟੋ-ਘੱਟ ਇੱਕ ਵਿਅਕਤੀ ਨੂੰ ਘਸੀਟ ਕੇ ਲੈ ਜਾ ਰਹੇ ਹਨ, ਜਦਕਿ ਇੱਕ ਔਰਤ ਉੱਚੀ ਆਵਾਜ਼ ਵਿੱਚ ਚੀਕ ਰਹੀ ਹੈ। ਔਰਤ ਕਹਿ ਰਹੀ ਹੈ ਕਿ ਅਧਿਕਾਰੀ ਉਸ ਦੀ ਧੀ ਨੂੰ ਲੈ ਕੇ ਜਾ ਰਹੇ ਹਨ ਅਤੇ ਉਸ ਕੋਲ ਵਰਕ ਪਰਮਿਟ ਵੀ ਹੈ।
— Beth Dutton (@1BethDutton) November 22, 2026
ਇਹ ਸਾਰਾ ਵਿਵਾਦ ਦੂਜੇ ਯਾਤਰੀਆਂ ਦੇ ਸਾਹਮਣੇ ਹੋਇਆ, ਜੋ ਆਪਣੇ ਸਮਾਨ ਨਾਲ ਫਲਾਈਟ ਵਿੱਚ ਸਵਾਰ ਹੋਣ ਦੀ ਉਡੀਕ ਕਰ ਰਹੇ ਸਨ। ਇਸ ਦੌਰਾਨ ਕਈ ਲੋਕਾਂ ਨੇ ਦੇਖਿਆ ਕਿ ਅਧਿਕਾਰੀ ਜ਼ਮੀਨ 'ਤੇ ਇੱਕ ਵਿਅਕਤੀ ਨਾਲ ਹੱਥੋਪਾਈ ਕਰ ਰਹੇ ਸਨ।
ICE ਨੇ ਜਾਰੀ ਕੀਤਾ ਬਿਆਨ ICE ਨੇ ਇਸ ਪੂਰੀ ਘਟਨਾ ਨੂੰ ਲੈ ਕੇ ਬਿਆਨ ਜਾਰੀ ਕੀਤਾ ਹੈ। ਏਜੰਸੀ ਮੁਤਾਬਕ ਇਹ ਕਾਰਵਾਈ ਮੈਕਸੀਕੋ ਦੇ ਪ੍ਰਵਾਸੀ ਰਿਕਾਰਡੋ ਲਾਰੋਂਡੋ ਮੇਂਡੋਜ਼ਾ ਨੂੰ ਗ੍ਰਿਫ਼ਤਾਰ ਕਰਨ ਲਈ ਕੀਤੀ ਗਈ ਸੀ।
ਉਸ 'ਤੇ ਅਮਰੀਕਾ ਦੇ ਕਾਨੂੰਨਾਂ ਦੀ ਉਲੰਘਣਾ ਕਰਨ ਦਾ ਦੋਸ਼ ਹੈ। ਇਸ ਤੋਂ ਇਲਾਵਾ ਵੀਜ਼ਾ ਦੀ ਮਿਆਦ ਖ਼ਤਮ ਹੋਣ ਤੋਂ ਬਾਅਦ ਵੀ ਅਮਰੀਕਾ ਵਿੱਚ ਰਹਿਣ ਦਾ ਦੋਸ਼ ਲਗਾਇਆ ਗਿਆ ਹੈ।
ਅਧਿਕਾਰੀਆਂ 'ਤੇ ਸੁੱਟੀ ਗਰਮ ਕੌਫੀ ਏਜੰਸੀ ਨੇ ਦੱਸਿਆ ਕਿ ਵਿਵਾਦ ਦੌਰਾਨ ਇੱਕ ਹੋਰ ਯਾਤਰੀ ਸੋਫੀਆ ਹਰਨਾਂਡੇਜ਼ ਮੇਜੀਆ ਨੇ ਅਧਿਕਾਰੀਆਂ 'ਤੇ ਗਰਮ ਕੌਫੀ ਸੁੱਟ ਦਿੱਤੀ।
ICE ਅਨੁਸਾਰ, ਉਹ ਵੀ ਆਪਣੇ ਵੀਜ਼ੇ ਦੀ ਮਿਆਦ ਖ਼ਤਮ ਹੋਣ ਤੋਂ ਬਾਅਦ ਅਮਰੀਕਾ ਵਿੱਚ ਗੈਰ-ਕਾਨੂੰਨੀ ਤਰੀਕੇ ਨਾਲ ਰਹਿ ਰਹੀ ਸੀ। ਹੁਣ ਉਸ 'ਤੇ ਇੱਕ ਸੰਘੀ ਅਧਿਕਾਰੀ 'ਤੇ ਹਮਲਾ ਕਰਨ ਦਾ ਦੋਸ਼ ਵੀ ਲੱਗ ਸਕਦਾ ਹੈ।
ਘਟਨਾ ਕਾਰਨ ਉਡਾਣ 'ਚ ਹੋਈ ਦੇਰੀ
ਇਹ ਘਟਨਾ ਅਲਾਸਕਾ ਏਅਰਲਾਈਨਜ਼ ਦੀ ਫਲਾਈਟ 1306 ਵਿੱਚ ਬੋਰਡਿੰਗ ਦੌਰਾਨ ਵਾਪਰੀ। ਇਸ ਫਲਾਈਟ ਨੇ ਸਵੇਰੇ 8:10 ਵਜੇ ਲਾਸ ਏਂਜਲਸ ਲਈ ਰਵਾਨਾ ਹੋਣਾ ਸੀ। ਆਨਲਾਈਨ ਫਲਾਈਟ ਡਾਟਾ ਤੋਂ ਪਤਾ ਲੱਗਿਆ ਕਿ ਉਡਾਣ ਵਿੱਚ ਦੇਰੀ ਹੋਈ।
ਅਲਾਸਕਾ ਏਅਰਲਾਈਨਜ਼ ਨੇ ਕਿਹਾ ਕਿ ICE ਨੇ ਇਸ ਕਾਰਵਾਈ ਬਾਰੇ ਉਨ੍ਹਾਂ ਨੂੰ ਪਹਿਲਾਂ ਤੋਂ ਕੋਈ ਜਾਣਕਾਰੀ ਨਹੀਂ ਦਿੱਤੀ ਸੀ। ਏਅਰਲਾਈਨਜ਼ ਨੇ ਇਸ ਪੂਰੇ ਘਟਨਾਕ੍ਰਮ 'ਤੇ ਚਿੰਤਾ ਵੀ ਜਤਾਈ ਹੈ।
ਉੱਧਰ, ਏਅਰਪੋਰਟ ਦਾ ਪ੍ਰਬੰਧ ਸੰਭਾਲਣ ਵਾਲੀ ਸੰਸਥਾ ਪੋਰਟ ਆਫ਼ ਸੀਐਟਲ ਨੇ ਵੀ ਇਸ ਘਟਨਾ ਨੂੰ ਚਿੰਤਾਜਨਕ ਕਰਾਰ ਦਿੱਤਾ ਹੈ।