ਕੋਲਕਾਤਾ ਦੀ ਸ਼ਰਮੀਲਾ ਯੂਐਸ ਹਾਲ ਆਫ਼ ਫੇਮ ’ਚ ਸ਼ਾਮਲ, ਇੰਦਿਰਾ ਨੂਈ ਤੋਂ ਬਾਅਦ ਇਹ ਸਨਮਾਨ ਹਾਸਲ ਕਰਨ ਵਾਲੀ ਦੂਜੀ ਮਹਿਲਾ

ਸਿਨ੍ਹਾ ਦਾ ਸਫ਼ਰ ਦੁਨੀਆ ਬਦਲਣ ਦੇ ਕਿਸੇ ਵੱਡੇ ਇਰਾਦੇ ਨਾਲ ਸ਼ੁਰੂ ਨਹੀਂ ਹੋਇਆ ਸੀ। ਇਸ ਦੀ ਸ਼ੁਰੂਆਤ ਪਰਿਵਾਰ, ਉਮੀਦਾਂ ਤੇ ਗਰੀਬੀ ਨਾਲ ਜੁੜੇ ਉਨ੍ਹਾਂ ਤਜਰਬਿਆਂ ਤੋਂ ਹੋਈ, ਜਿਨ੍ਹਾਂ ਨੇ ਉਨ੍ਹਾਂ ’ਤੇ ਡੂੰਘਾ ਪ੍ਰਭਾਵ ਛੱਡਿਆ। ਕੋਲਕਾਤਾ ’ਚ ਮਦਰ ਟੇਰੇਸਾ ਦੇ ਅਨਾਥ ਆਸ਼ਰਮ ’ਚ ਵਲੰਟੀਅਰ ਵਜੋਂ ਕੰਮ ਕਰਦੇ ਹੋਏ ਉਨ੍ਹਾਂ ਨੇ ਸਿਰਫ਼ ਆਪਣੇ ਆਲੇ-ਦੁਆਲੇ ਦੀ ਕਮੀ ਜਾਂ ਅਭਾਵ ਹੀ ਨਹੀਂ ਦੇਖਿਆ, ਸਗੋਂ ਇੱਕ ਹੋਰ ਪਰੇਸ਼ਾਨ ਕਰਨ ਵਾਲੀ ਗੱਲ ਵੀ ਮਹਿਸੂਸ ਕੀਤੀ। ਅਨਾਥ ਆਸ਼ਰਮ ’ਚ ਮੁੰਡੇ ਘੱਟ ਸਨ। ਉਨ੍ਹਾਂ ਨੂੰ ਦੱਸਿਆ ਗਿਆ ਸੀ ਕਿ ਛੱਡੇ ਗਏ ਮੁੰਡਿਆਂ ਨੂੰ ਆਸਾਨੀ ਨਾਲ ਗੋਦ ਲੈ ਲਿਆ ਜਾਂਦਾ ਸੀ। ਯਾਨੀ ਅਨਾਥ ਬੱਚਿਆਂ ਦੇ ਮਾਮਲੇ ’ਚ ਵੀ ਲਿੰਗ ਹੀ ਉਨ੍ਹਾਂ ਦਾ ਭਵਿੱਖ ਤੈਅ ਕਰ ਰਿਹਾ ਸੀ।