- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਜੇਨਸਨ ਹੁਆਂਗ ਨੇ ਅਫੇਅਰ ਲੁਕਾਉਣ ਲਈ Nvidia ਦੇ ਵੱਡੇ ਅਧਿਕਾਰੀਆਂ ਨਾਲ ਵੀ ਬੋਲਿਆ ਸੀ ਝੂਠ, ਰਿਪੋਰਟ 'ਚ ਹੋਇਆ ਖੁਲਾਸਾ
ਆਪਣੇ ਬਿਆਨ ਵਿੱਚ ਉਨ੍ਹਾਂ ਨੇ ਐਲਿਸ ਹੁਆਂਗ ਦਾ ਨਾਂ ਨਹੀਂ ਲਿਆ। ਐਲਿਸ ਹੁਆਂਗ Nvidia ਦੀ ਗਾਹਕ ਕੰਪਨੀ 'ਮੇਗਾਸਪੀਡ ਇੰਟਰਨੈਸ਼ਨਲ' ਦੀ ਸਾਬਕਾ ਸੀਨੀਅਰ ਅਧਿਕਾਰੀ ਰਹਿ ਚੁੱਕੀ ਹੈ। ਰਿਪੋਰਟ ਮੁਤਾਬਕ ਅਮਰੀਕਾ ਉਸ ਨੂੰ ਚੀਨੀ ਜਾਸੂਸ ਮੰਨ ਕੇ ਜਾਂਚ ਕਰ ਰਿਹਾ ਹੈ
Posted By alisha
Publish Date: Sat, 14 Nov 2026 10:57 AM (IST)
Updated Date: Sat, 14 Nov 2026 11:04 AM (IST)
ਡਿਜੀਟਲ ਡੈਸਕ, ਵਾਸ਼ਿੰਗਟਨ : ਮੀਡੀਆ ਰਿਪੋਰਟਾਂ ਮੁਤਾਬਕ Nvidia ਦੇ ਸਾਬਕਾ CEO ਜੇਨਸਨ ਹੁਆਂਗ ਨੇ ਐਲਿਸ ਹੁਆਂਗ ਨਾਲ ਆਪਣੇ ਪ੍ਰੇਮ ਸਬੰਧਾਂ ਨੂੰ ਲੁਕਾਉਣ ਦੀ ਕੋਸ਼ਿਸ਼ ਕੀਤੀ ਸੀ। ਇਸ ਦੌਰਾਨ ਉਨ੍ਹਾਂ ਨੇ ਕੰਪਨੀ ਦੇ ਕਈ ਸੀਨੀਅਰ ਅਧਿਕਾਰੀਆਂ ਨੂੰ ਵੀ ਇਸ ਰਿਸ਼ਤੇ ਬਾਰੇ ਸਹੀ ਜਾਣਕਾਰੀ ਦੇਣ ਦੀ ਬਜਾਏ ਗੁੰਮਰਾਹ ਕੀਤਾ।
ਵਿਦੇਸ਼ੀ ਨਿਊਜ਼ ਏਜੰਸੀ ਰਾਇਟਰਜ਼ ਵੱਲੋਂ ਵੇਖੇ ਗਏ ਅੰਦਰੂਨੀ ਦਸਤਾਵੇਜ਼ਾਂ ਅਤੇ ਇਸ ਮਾਮਲੇ ਦੀ ਜਾਣਕਾਰੀ ਰੱਖਣ ਵਾਲੇ ਦੋ ਲੋਕਾਂ ਨੇ ਇਸ ਗੱਲ ਦੀ ਪੁਸ਼ਟੀ ਕੀਤੀ ਹੈ। ਉਨ੍ਹਾਂ ਮੁਤਾਬਕ ਜੇਨਸਨ ਹੁਆਂਗ ਨੇ ਚੀਨੀ ਕਾਰੋਬਾਰੀ ਔਰਤ ਐਲਿਸ ਹੁਆਂਗ ਨਾਲ ਆਪਣੇ ਸਬੰਧਾਂ ਬਾਰੇ ਕੰਪਨੀ ਦੇ ਕਈ ਸੀਨੀਅਰ ਅਧਿਕਾਰੀਆਂ ਨੂੰ ਗੁੰਮਰਾਹ ਕੀਤਾ ਸੀ। ਇਨ੍ਹਾਂ ਵਿੱਚ ਜਨਰਲ ਕਾਊਂਸਲ ਟਿਮ ਟੀਟਰ ਅਤੇ ਚੀਫ਼ ਮਾਰਕੀਟਿੰਗ ਅਫ਼ਸਰ ਐਲਿਸਨ ਵੈਗਨਫੀਲਡ ਵੀ ਸ਼ਾਮਲ ਸਨ।
ਵਿਵਾਦ ਤੋਂ ਬਾਅਦ ਜੇਨਸਨ ਨੇ CEO ਦੇ ਅਹੁਦੇ ਤੋਂ ਦਿੱਤਾ ਅਸਤੀਫ਼ਾ
ਵਿਵਾਦ ਵਧਣ ਤੋਂ ਬਾਅਦ ਜੇਨਸਨ ਹੁਆਂਗ ਨੇ ਵੀਰਵਾਰ ਨੂੰ Nvidia ਦੇ CEO ਅਹੁਦੇ ਤੋਂ ਅਸਤੀਫ਼ਾ ਦੇ ਦਿੱਤਾ। ਚਿਪ ਉਦਯੋਗ ਵਿੱਚ ਇੱਕ ਸਮੇਂ ਸਿਖਰ 'ਤੇ ਰਹੀ ਕੰਪਨੀ ਤੋਂ ਉਨ੍ਹਾਂ ਦਾ ਇਸ ਤਰ੍ਹਾਂ ਜਾਣਾ ਸਾਰਿਆਂ ਲਈ ਹੈਰਾਨੀਜਨਕ ਸੀ।
ਜੇਨਸਨ ਆਰਟੀਫੀਸ਼ੀਅਲ ਇੰਟੈਲੀਜੈਂਸ (AI) ਦੇ ਖੇਤਰ ਵਿੱਚ ਆਈ ਤੇਜ਼ੀ ਤੋਂ ਬਾਅਦ ਕੰਪਨੀ ਦਾ ਕਾਰੋਬਾਰ ਤੇਜ਼ੀ ਨਾਲ ਵਧਾ ਰਹੇ ਸਨ।
ਜੇਨਸਨ ਨੇ ਮੰਗੀ ਮਾਫ਼ੀ
ਇਸ ਵਿਵਾਦ ਤੋਂ ਬਾਅਦ ਸਾਬਕਾ CEO ਨੇ ਐਤਵਾਰ ਨੂੰ ਬਿਆਨ ਜਾਰੀ ਕਰਕੇ ਕੰਪਨੀ ਦੇ ਕਰਮਚਾਰੀਆਂ ਤੋਂ ਮੁਆਫ਼ੀ ਮੰਗੀ। ਇਸ ਦੇ ਨਾਲ ਹੀ ਉਨ੍ਹਾਂ ਨੇ ਆਪਣੀ ਪਤਨੀ ਨਾਲ ਬੇਵਫ਼ਾਈ ਕਰਨ 'ਤੇ ਦੁੱਖ ਵੀ ਜ਼ਾਹਰ ਕੀਤਾ।
ਹਾਲਾਂਕਿ, ਆਪਣੇ ਬਿਆਨ ਵਿੱਚ ਉਨ੍ਹਾਂ ਨੇ ਐਲਿਸ ਹੁਆਂਗ ਦਾ ਨਾਂ ਨਹੀਂ ਲਿਆ। ਐਲਿਸ ਹੁਆਂਗ Nvidia ਦੀ ਗਾਹਕ ਕੰਪਨੀ 'ਮੇਗਾਸਪੀਡ ਇੰਟਰਨੈਸ਼ਨਲ' ਦੀ ਸਾਬਕਾ ਸੀਨੀਅਰ ਅਧਿਕਾਰੀ ਰਹਿ ਚੁੱਕੀ ਹੈ। ਰਿਪੋਰਟ ਮੁਤਾਬਕ ਅਮਰੀਕਾ ਉਸ ਨੂੰ ਚੀਨੀ ਜਾਸੂਸ ਮੰਨ ਕੇ ਜਾਂਚ ਕਰ ਰਿਹਾ ਹੈ।
ਕੰਪਨੀ ਨੂੰ ਕਰਨਾ ਪਿਆ ਸ਼ਰਮਿੰਦਗੀ ਦਾ ਸਾਹਮਣਾ
ਇਸ ਤੋਂ ਪਹਿਲਾਂ ਵੀ ਜੇਨਸਨ ਹੁਆਂਗ ਦੇ ਦੋ ਹੋਰ ਕਥਿਤ ਸਬੰਧਾਂ ਦੀਆਂ ਖ਼ਬਰਾਂ ਸਾਹਮਣੇ ਆ ਚੁੱਕੀਆਂ ਹਨ, ਜਿਸ ਕਾਰਨ ਕੰਪਨੀ ਨੂੰ ਕਾਫ਼ੀ ਸ਼ਰਮਿੰਦਗੀ ਦਾ ਸਾਹਮਣਾ ਕਰਨਾ ਪਿਆ।
ਇਸ ਹਫ਼ਤੇ ਦੀ ਸ਼ੁਰੂਆਤ ਵਿੱਚ 'ਦ ਨਿਊਯਾਰਕ ਟਾਈਮਜ਼' ਨੇ ਰਿਪੋਰਟ ਦਿੱਤੀ ਸੀ ਕਿ ਹੁਆਂਗ ਦੇ Nvidia ਦੀ ਇੱਕ ਮਹਿਲਾ ਕਰਮਚਾਰੀ ਨਾਲ ਵਿਆਹ ਤੋਂ ਬਾਹਰ ਸਬੰਧ ਸਨ। ਇਸ ਤੋਂ ਬਾਅਦ ਵੀਰਵਾਰ ਨੂੰ 'ਰਾਇਟਰਜ਼' ਨੇ ਰਿਪੋਰਟ ਦਿੱਤੀ ਕਿ ਹੁਆਂਗ ਦੇ Nvidia ਦੀ ਹੀ ਇੱਕ ਹੋਰ ਕਰਮਚਾਰੀ ਨਾਲ ਵੀ ਗੂੜ੍ਹੇ ਸਬੰਧ ਸਨ।
ਸ਼ੇਅਰ ਬਾਜ਼ਾਰ 'ਚ Nvidia ਦੇ ਸ਼ੇਅਰਾਂ ਦੀਆਂ ਕੀਮਤਾਂ ਡਿੱਗੀਆਂ
ਇਸ ਤੋਂ ਪਹਿਲਾਂ ਜੇਨਸਨ ਹੁਆਂਗ ਨੇ 29 ਅਕਤੂਬਰ ਨੂੰ ਪ੍ਰਕਾਸ਼ਿਤ ਬਲੂਮਬਰਗ ਨੂੰ ਦਿੱਤੇ ਇੱਕ ਇੰਟਰਵਿਊ ਵਿੱਚ ਕਿਹਾ ਸੀ ਕਿ ਅਮਰੀਕੀ ਸਰਕਾਰ ਨੇ ਉਨ੍ਹਾਂ ਨੂੰ ਐਲਿਸ ਹੁਆਂਗ ਬਾਰੇ ਆਪਣੇ ਸ਼ੱਕ ਦੀ ਕੋਈ ਜਾਣਕਾਰੀ ਨਹੀਂ ਦਿੱਤੀ ਸੀ।
ਦੂਜੇ ਪਾਸੇ, Nvidia ਦੇ ਸ਼ੇਅਰ 6 ਅਕਤੂਬਰ ਨੂੰ ਆਪਣੇ ਸਭ ਤੋਂ ਉੱਚੇ ਪੱਧਰ 'ਤੇ ਬੰਦ ਹੋਣ ਤੋਂ ਬਾਅਦ 30 ਫ਼ੀਸਦੀ ਤੋਂ ਵੱਧ ਡਿੱਗ ਚੁੱਕੇ ਹਨ। ਇਸ ਕਾਰਨ ਕੰਪਨੀ ਦੇ ਬਾਜ਼ਾਰ ਪੂੰਜੀਕਰਨ (Market Capitalization) ਵਿੱਚ 1.8 ਟ੍ਰਿਲੀਅਨ ਡਾਲਰ ਤੋਂ ਵੱਧ ਦੀ ਕਮੀ ਆਈ ਹੈ।