ਕੀ AI ’ਚ ਚੇਤਨਾ ਹੈ? ਐਂਥਰੋਪਿਕ ਨੇ ਕਲੌਡ ਨਾਲ ‘ਬੇਰਹਿਮ ਵਿਵਹਾਰ’ ’ਤੇ ਲਾਈ ਰੋਕ

ਏਐੱਫਪੀ ਮੁਤਾਬਕ, ਅਟਲਾਂਟਾ ਦੀ AI ਸੇਵਾ ਪ੍ਰਦਾਤਾ ਕੰਪਨੀ ਸਪਾਰਕ ਦੇ ਜਨਰਲ ਮੈਨੇਜਰ ਜੈਕਸਨ ਸਟੈਕਮੈਨ ਨੇ ਸਵਾਲ ਉਠਾਇਆ ਕਿ ਕੀ ਚੇਤਨਾ ਇਸ ਮਾਮਲੇ ਨੂੰ ਦੇਖਣ ਦਾ ਸਹੀ ਨਜ਼ਰੀਆ ਹੈ। ਉਨ੍ਹਾਂ ਕਿਹਾ, “ਚੇਤਨਾ ਇੱਕ ਜਾਲ ਹੈ। ਅਸੀਂ ਮਨੁੱਖਾਂ ’ਚ ਵੀ ਇਸ ਨੂੰ ਸਾਬਤ ਨਹੀਂ ਕਰ ਸਕਦੇ। ਜੇਕਰ ਅਸੀਂ AI ਦੇ ਸੰਦਰਭ ’ਚ ਇਸ ’ਤੇ ਬਹਿਸ ਕਰਾਂਗੇ ਤਾਂ ਗੋਲ-ਗੋਲ ਘੁੰਮਦੇ ਰਹਾਂਗੇ।” ਉਨ੍ਹਾਂ ਨੇ AI ਨੂੰ ਮਨੁੱਖੀ ਇਨਪੁੱਟ ਨੂੰ ਦਰਸਾਉਣ ਵਾਲਾ ਇੱਕ ਵੱਡਾ ਸ਼ੀਸ਼ਾ ਦੱਸਿਆ ਤੇ ਕਿਹਾ ਕਿ ਐਂਥਰੋਪਿਕ ਦੀ ਨੀਤੀ ’ਚ ਬਦਲਾਅ ਨੂੰ ਸਹੀ ਠਹਿਰਾਉਣ ਲਈ ਇਹ ਗੱਲ ਹੀ ਕਾਫ਼ੀ ਹੈ।