- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
‘ਦੁਨੀਆ ਦੇ ਨਕਸ਼ੇ ਤੋਂ ਮਿਟਾ ਦੇਵਾਂਗੇ’, ਇਜ਼ਰਾਈਲ ਵਿਰੋਧੀ ਬਿਆਨ ਦੇ ਕੇ LeT ਲਈ ਸਮਰਥਨ ਜੁਟਾ ਰਿਹਾ ਪਹਲਗਾਮ ਹਮਲੇ ਦਾ ਮਾਸਟਰਮਾਈਂਡ ਕਸੂਰੀ
ਹਮਾਸ ਦੇ ਆਗੂਆਂ ਦੀ ਲਸ਼ਕਰ ਤੇ ਜੈਸ਼ ਦੇ ਅੱਤਵਾਦੀਆਂ ਨਾਲ ਮੁਲਾਕਾਤ ਤੋਂ ਬਾਅਦ ਪਹਿਲਗਾਮ ਹਮਲੇ ਦੇ ਮਾਸਟਰਮਾਈਂਡ ਸੈਫੁੱਲਾਹ ਕਸੂਰੀ ਨੇ ਭੜਕਾਊ ਭਾਸ਼ਣ ਦਿੱਤਾ ਹੈ।
Posted By Paramjit Kaur
Publish Date: Tue, 06 Oct 2026 10:45 AM (IST)
Updated Date: Tue, 06 Oct 2026 10:46 AM (IST)
ਡਿਜ਼ਿਟਲ ਡੈਸਕ, ਨਵੀਂ ਦਿੱਲੀ। ਪਹਿਲਗਾਮ ਹਮਲੇ ਦਾ ਮਾਸਟਰਮਾਈਂਡ ਤੇ ਐਲਾਨਿਆ ਅੱਤਵਾਦੀ ਸੈਫੁੱਲਾਹ ਕਸੂਰੀ ਇੱਕ ਵਾਰ ਫਿਰ ਭੜਕਾਊ ਬਿਆਨਬਾਜ਼ੀ ਕਰਦਾ ਨਜ਼ਰ ਆਇਆ ਹੈ। ਉਹ ਇਜ਼ਰਾਈਲ ਵਿਰੋਧੀ ਬਿਆਨ ਦੇ ਕੇ ਲਸ਼ਕਰ-ਏ-ਤੈਯਬਾ ਲਈ ਸਮਰਥਨ ਜੁਟਾ ਰਿਹਾ ਹੈ। ਉਸ ਨੇ ਕਿਹਾ ਕਿ ਪਾਕਿਸਤਾਨੀ ਫੌਜ ਸਾਊਦੀ ਅਰਬ ਦੇ ਪਵਿੱਤਰ ਸਥਾਨਾਂ ਦੀ ਰੱਖਿਆ ਕਰੇਗੀ, ਜਦਕਿ ਇਜ਼ਰਾਈਲ ਨੂੰ ਦੁਨੀਆ ਦੇ ਨਕਸ਼ੇ ਤੋਂ ਮਿਟਾ ਦੇਵੇਗੀ।
ਪਿਛਲੇ ਹਫ਼ਤੇ ਹੋਈ ਖ਼ਤਮ-ਏ-ਨਬੂਵਤ ਕਾਨਫਰੰਸ ’ਚ ਭੜਕਾਊ ਭਾਸ਼ਣ ਦਿੰਦਿਆਂ ਕਸੂਰੀ ਨੇ ਪਾਕਿਸਤਾਨੀ ਫੌਜ ਨੂੰ ਖੇਤਰੀ ਵਿਵਾਦਾਂ ’ਚ ਇੱਕ ਸਰਗਰਮ ਧਿਰ ਵਜੋਂ ਪੇਸ਼ ਕਰਕੇ ਲੋਕਾਂ ਦੀਆਂ ਭਾਵਨਾਵਾਂ ਭੜਕਾਉਣ ਦੀ ਕੋਸ਼ਿਸ਼ ਕੀਤੀ।
ਲਸ਼ਕਰ ਤੇ ਜੈਸ਼ ਦੇ ਅੱਤਵਾਦੀਆਂ ਦੀ ਹਮਾਸ ਆਗੂਆਂ ਨਾਲ ਮੁਲਾਕਾਤ
ਇਹ ਬਿਆਨ ਪਿਛਲੇ ਇੱਕ ਸਾਲ ਦੌਰਾਨ ਪਾਕਿਸਤਾਨ ’ਚ ਲਸ਼ਕਰ-ਏ-ਤੈਯਬਾ ਤੇ ਜੈਸ਼-ਏ-ਮੁਹੰਮਦ ਦੇ ਵੱਡੇ ਮੈਂਬਰਾਂ ਤੇ ਹਮਾਸ ਦੇ ਸੀਨੀਅਰ ਆਗੂਆਂ ਵਿਚਕਾਰ ਹੋਈਆਂ ਕਈ ਉੱਚ ਪੱਧਰੀ ਮੁਲਾਕਾਤਾਂ ਦੇ ਮਾਹੌਲ ’ਚ ਸਾਹਮਣੇ ਆਇਆ ਹੈ। ਪਿਛਲੇ ਸਾਲ ਹਮਾਸ ਦੀ ਇੱਕ ਟੀਮ ਨੇ ਬਹਾਵਲਪੁਰ ’ਚ ਜੈਸ਼-ਏ-ਮੁਹੰਮਦ ਦੇ ਹੈੱਡਕੁਆਰਟਰ ਤੇ ਪਾਕਿਸਤਾਨੀ ਫੌਜ ਦੇ ਇੱਕ ਟਿਕਾਣੇ ਦਾ ਦੌਰਾ ਕੀਤਾ ਸੀ।
ਹਮਾਸ ਦੇ ਸੀਨੀਅਰ ਆਗੂਆਂ ਨੇ ਪਿਛਲੇ ਸਾਲ ਫਰਵਰੀ ’ਚ ਪੀਓਕੇ ਦੇ ਰਾਵਲਾਕੋਟ ’ਚ ਕਸ਼ਮੀਰ ਏਕਤਾ ਦਿਵਸ ਮੌਕੇ ਭਾਸ਼ਣ ਦਿੱਤਾ ਸੀ। ਇਹ ਸਮਾਗਮ ‘ਅਲ-ਅਕਸਾ ਫਲੱਡ’ ਦੇ ਬੈਨਰ ਹੇਠ ਕਰਵਾਇਆ ਗਿਆ ਸੀ। ਇਹ ਨਾਮ ਯਰੂਸ਼ਲਮ ਦੀ ਉਸ ਮਸਜਿਦ ਨਾਲ ਜੁੜਿਆ ਹੈ, ਜਿਸ ’ਤੇ ਯਹੂਦੀ ਤੇ ਮੁਸਲਮਾਨ ਦੋਵੇਂ ਆਪਣਾ ਦਾਅਵਾ ਕਰਦੇ ਹਨ।
ਫੰਡ ਇਕੱਠਾ ਕਰਨ ਤੇ ਨੌਜਵਾਨਾਂ ਦੀ ਭਰਤੀ ’ਤੇ ਜ਼ੋਰ ਦੇ ਰਿਹਾ ਕਸੂਰੀ
ਲਸ਼ਕਰ-ਏ-ਤੈਯਬਾ ਦਾ ਡਿਪਟੀ ਚੀਫ਼ ਕਸੂਰੀ ਪਹਿਲਗਾਮ ਘਟਨਾ ਤੋਂ ਬਾਅਦ ਤੋਂ ਹੀ ਫੰਡ ਇਕੱਠਾ ਕਰਨ ਤੇ ਨੌਜਵਾਨਾਂ ਦੀ ਭਰਤੀ ਲਈ ਜਨਤਕ ਸਭਾਵਾਂ ’ਚ ਸਰਗਰਮੀ ਨਾਲ ਹਿੱਸਾ ਲੈ ਰਿਹਾ ਹੈ। ਟੈਲੀਗ੍ਰਾਮ ’ਤੇ ਲਸ਼ਕਰ ਸਮਰਥਕ ਅਕਾਊਂਟਾਂ ਵੱਲੋਂ ਅਪਲੋਡ ਕੀਤੀਆਂ ਵੀਡੀਓਜ਼ ਤੇ ਤਸਵੀਰਾਂ ’ਚ ਉਹ ਇਨ੍ਹਾਂ ਸਭਾਵਾਂ ਦੌਰਾਨ ਹਥਿਆਰਬੰਦ ਗਾਰਡਾਂ ਤੇ ਵਰਦੀਧਾਰੀ ਲੋਕਾਂ ਦੀ ਸੁਰੱਖਿਆ ਵਿਚਕਾਰ ਨਜ਼ਰ ਆਉਂਦਾ ਹੈ।
ਮਾਰਚ ’ਚ ਕਸੂਰੀ ਨੇ ਕਿਹਾ ਸੀ ਕਿ ਪਾਕਿਸਤਾਨ ਕਦੇ ਵੀ ਅਬਰਾਹਮ ਸਮਝੌਤਿਆਂ ਨੂੰ ਸਵੀਕਾਰ ਨਹੀਂ ਕਰੇਗਾ। ਮਈ ਦੇ ਅੰਤ ’ਚ ਲਾਹੌਰ ’ਚ ਇੱਕ ਰੈਲੀ ਦੌਰਾਨ ਉਸ ਨੇ ਕਿਹਾ ਸੀ ਕਿ ਪਿਛਲੇ ਸਾਲ ਕਸ਼ਮੀਰ ’ਚ ਹੋਏ ਹਮਲੇ ਤੋਂ ਬਾਅਦ ਉਹ ਹੋਰ ਵੀ ਮਸ਼ਹੂਰ ਹੋ ਗਿਆ ਹੈ।