- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਪਾਕਿਸਤਾਨ ’ਚ ਫਿਰ ਮਹਿੰਗਾ ਹੋਇਆ ਆਟਾ, ਵਪਾਰੀਆਂ ’ਚ ਮਚੀ ਹਾਹਾਕਾਰ; ਇਸਲਾਮਾਬਾਦ ਤੇ ਰਾਵਲਪਿੰਡੀ ਦੀਆਂ ਕੀਮਤਾਂ ਉਡਾ ਦੇਣਗੀਆਂ ਹੋਸ਼!
6 ਅਗਸਤ ਤੱਕ ਦੇ ਸੈਂਸਿਟਵ ਪ੍ਰਾਈਸ ਇੰਡੈਕਸ (Sensitive Price Index) ਦੇ ਅੰਕੜਿਆਂ ਅਨੁਸਾਰ, ਕਰਾਚੀ ਵਿੱਚ 20 ਕਿਲੋ ਕਣਕ ਦੇ ਆਟੇ, 10 ਕਿਲੋ ਕਣਕ ਦੇ ਬੋਰੇ ਅਤੇ ਇੱਕ ਕਿਲੋ ਮੈਦੇ ਦੀਆਂ ਕੀਮਤਾਂ ਵਿੱਚ ਵਾਧੂ ਵਾਧਾ ਹੋਇਆ ਹੈ। 30 ਜੁਲਾਈ ਨੂੰ ਖ਼ਤਮ ਹੋਏ ਹਫ਼ਤੇ ਵਿੱਚ ਇਹ ਕੀਮਤਾਂ ਕ੍ਰਮਵਾਰ 2,600-2,900 ਪਾਕਿਸਤਾਨੀ ਰੁਪਏ, 1,160 ਰੁਪਏ ਅਤੇ 149.46 ਰੁਪਏ ਸਨ, ਜੋ ਹੁਣ ਵੱਧ ਕੇ 2,700-3,000 ਰੁਪਏ, 1,200 ਰੁਪਏ ਅਤੇ 158.56 ਪਾਕਿਸਤਾਨੀ ਰੁਪਏ ਹੋ ਗਈਆਂ ਹਨ।
Posted By Anuradha Bains
Publish Date: Mon, 10 Aug 2026 01:23 PM (IST)
Updated Date: Mon, 10 Aug 2026 01:26 PM (IST)
ਨਵੀਂ ਦਿੱਲੀ। ਪਾਕਿਸਤਾਨ ਦਾ ਜ਼ਿਕਰ ਆਉਂਦਿਆਂ ਹੀ ਸਾਡੇ ਦਿਮਾਗ ’ਚ ਕਰਜ਼ਾ, ਗ਼ਰੀਬੀ, ਮਹਿੰਗਾਈ ਅਤੇ ਆਟਾ ਹੀ ਸਭ ਤੋਂ ਪਹਿਲਾਂ ਆਉਂਦਾ ਹੈ। ਪਾਕਿਸਤਾਨ ਲਗਾਤਾਰ ਆਰਥਿਕ ਸੰਕਟਾਂ ਦਾ ਸਾਹਮਣਾ ਕਰਦਾ ਆਇਆ ਹੈ। ਪਾਕਿਸਤਾਨ ਤੋਂ ਅਕਸਰ ਖਾਣ-ਪੀਣ ਦੀਆਂ ਚੀਜ਼ਾਂ ਦੀਆਂ ਕੀਮਤਾਂ ਵਧਣ ਦੀਆਂ ਖ਼ਬਰਾਂ ਆਉਂਦੀਆਂ ਰਹਿੰਦੀਆਂ ਹਨ। ਹੁਣ ਇੱਕ ਵਿਰ ਫਿਰ ਉੱਥੇ ਆਟੇ ਦੀ ਮਹਿੰਗਾਈ ਵਧ ਗਈ ਹੈ। ਜੁਲਾਈ ਦੇ ਆਖ਼ਰੀ ਹਫ਼ਤੇ ਦੇ ਮੁਕਾਬਲੇ ਅਗਸਤ ਦੇ ਸ਼ੁਰੂ ਵਿੱਚ ਆਟੇ ਅਤੇ ਮੈਦੇ ਦੀਆਂ ਕੀਮਤਾਂ ਵਿੱਚ ਉਛਾਲ ਆਇਆ ਹੈ।
ਕਿੰਨਾ ਮਹਿੰਗਾ ਹੋਇਆ ਆਟਾ?
ਸੋਸ਼ਲ ਮੀਡੀਆ ਪਲੇਟਫਾਰਮਾਂ ਤੋਂ ਲੈ ਕੇ ਕਈ ਦੇਸ਼ਾਂ ਦੀ ਮੁੱਖ ਧਾਰਾ ਦੀ ਮੀਡੀਆ ਤੱਕ ਪਾਕਿਸਤਾਨ ਦੇ ਮਹਿੰਗੇ ਆਟੇ ਦੀਆਂ ਖ਼ਬਰਾਂ ਅਕਸਰ ਚੱਲਦੀਆਂ ਰਹਿੰਦੀਆਂ ਹਨ। ਹੁਣ ਪਾਕਿਸਤਾਨੀ ਮੀਡੀਆ 'ਡਾਨ' (Dawn) ਮੁਤਾਬਕ ਆਟੇ ਅਤੇ ਮੈਦੇ ਦੀਆਂ ਕੀਮਤਾਂ ਵਿੱਚ ਫਿਰ ਵਾਧਾ ਹੋਇਆ ਹੈ।
6 ਅਗਸਤ ਤੱਕ ਦੇ ਸੈਂਸਿਟਵ ਪ੍ਰਾਈਸ ਇੰਡੈਕਸ (Sensitive Price Index) ਦੇ ਅੰਕੜਿਆਂ ਅਨੁਸਾਰ, ਕਰਾਚੀ ਵਿੱਚ 20 ਕਿਲੋ ਕਣਕ ਦੇ ਆਟੇ, 10 ਕਿਲੋ ਕਣਕ ਦੇ ਬੋਰੇ ਅਤੇ ਇੱਕ ਕਿਲੋ ਮੈਦੇ ਦੀਆਂ ਕੀਮਤਾਂ ਵਿੱਚ ਵਾਧੂ ਵਾਧਾ ਹੋਇਆ ਹੈ। 30 ਜੁਲਾਈ ਨੂੰ ਖ਼ਤਮ ਹੋਏ ਹਫ਼ਤੇ ਵਿੱਚ ਇਹ ਕੀਮਤਾਂ ਕ੍ਰਮਵਾਰ 2,600-2,900 ਪਾਕਿਸਤਾਨੀ ਰੁਪਏ, 1,160 ਰੁਪਏ ਅਤੇ 149.46 ਰੁਪਏ ਸਨ, ਜੋ ਹੁਣ ਵੱਧ ਕੇ 2,700-3,000 ਰੁਪਏ, 1,200 ਰੁਪਏ ਅਤੇ 158.56 ਪਾਕਿਸਤਾਨੀ ਰੁਪਏ ਹੋ ਗਈਆਂ ਹਨ।
ਰਿਪੋਰਟਾਂ ਮੁਤਾਬਕ 6 ਅਗਸਤ ਨੂੰ ਖ਼ਤਮ ਹੋਏ ਹਫ਼ਤੇ ਵਿੱਚ ਪਾਕਿਸਤਾਨ ਦੇ ਕਈ ਸ਼ਹਿਰਾਂ ਵਿੱਚ 20 ਕਿਲੋ ਦੀ ਬੋਰੀ ਵਾਲੇ ਆਟੇ ਦੀ ਕੀਮਤ ਵਿੱਚ ਔਸਤਨ 100 ਰੁਪਏ ਦਾ ਵਾਧਾ ਹੋਇਆ ਹੈ। ਸੈਂਸਿਟਵ ਪ੍ਰਾਈਸ ਇੰਡੈਕਸ ਵਿੱਚ ਕਣਕ ਦੇ ਆਟੇ ਦੀ ਕੀਮਤ ’ਚ ਹਫ਼ਤੇ-ਦਰ-ਹਫ਼ਤੇ ਕਰੀਬ 0.52% ਦਾ ਵਾਧਾ ਦਰਜ ਹੋਇਆ। ਉੱਥੇ ਹੀ ਫਾਈਨ ਫਲੋਰ (ਮੈਦੇ) ਦੀਆਂ ਕੀਮਤਾਂ ਵਿੱਚ ਵੀ ਇਸੇ ਸਮੇਂ ਦੌਰਾਨ ਵਾਧਾ ਦੇਖਿਆ ਗਿਆ। ਉਦਾਹਰਣ ਵਜੋਂ, ਕਰਾਚੀ ’ਚ 1 ਕਿਲੋ ਫਾਈਨ ਫਲੋਰ ਦੀਆਂ ਕੀਮਤਾਂ ਵਧ ਕੇ 158 ਰੁਪਏ ਦੇ ਆਸ-ਪਾਸ ਪਹੁੰਚ ਗਈਆਂ।
ਇਸਮਾਬਾਦ ਅਤੇ ਰਾਵਲਪਿੰਡੀ ਵਿੱਚ ਸਭ ਤੋਂ ਵੱਧ ਕੀਮਤ
ਵਪਾਰੀਆਂ ਦਾ ਕਹਿਣਾ ਹੈ ਕਿ ਸਰਕਾਰ ਇੱਕ ਮਿਲੀਅਨ (10 ਲੱਖ ਟਨ) ਕਣਕ ਦੇ ਦਰਾਮਦ ਤੋਂ ਪਹਿਲਾਂ ਕਣਕ ਅਤੇ ਆਟੇ ਦੀਆਂ ਵਧਦੀਆਂ ਕੀਮਤਾਂ ਵੱਲ ਬਿਲਕੁਲ ਧਿਆਨ ਨਹੀਂ ਦੇ ਰਹੀ ਹੈ। ਜੇਕਰ ਦਰਾਮਦ ਕੀਤੀ ਕਣਕ ਆਉਣ ਤੋਂ ਪਹਿਲਾਂ ਸਰਕਾਰ ਕੀਮਤਾਂ ਨੂੰ ਕੰਟਰੋਲ ਨਹੀਂ ਕਰਦੀ, ਤਾਂ ਖਪਤਕਾਰਾਂ ਨੂੰ ਇਸ ਦਰਾਮਦ ਤੋਂ ਕੋਈ ਖ਼ਾਸ ਫ਼ਾਇਦਾ ਨਹੀਂ ਮਿਲੇਗਾ।
ਇਸਮਾਬਾਦ ਅਤੇ ਰਾਵਲਪਿੰਡੀ ’ਚ 10 ਕਿਲੋ ਕਣਕ ਦੀ ਥੈਲੀ ਦਾ ਮੁੱਲ ਸਭ ਤੋਂ ਵੱਧ Rs 1,339.31 ਹੈ। ਇਸ ਵਜ੍ਹਾ ਨਾਲ 20 ਕਿਲੋ ਆਟੇ ਦੀ ਥੈਲੀ ਦੀ ਕੀਮਤ Rs 3,040 ਤੋਂ 3,133 ਤੱਕ ਪਹੁੰਚ ਗਈ ਹੈ। ਬਾਰੀਕ ਆਟਾ (Fine Flour) ਦਾ ਮੁੱਲ Rs 173.68 ਪ੍ਰਤੀ ਕਿਲੋ ਹੈ, ਜੋ ਦੂਜੇ ਸ਼ਹਿਰਾਂ ਦੇ ਮੁਕਾਬਲੇ ਕਾਫ਼ੀ ਜ਼ਿਆਦਾ ਹੈ। ਆਟਾ ਹੋਰ ਮਹਿੰਗਾ ਹੋ ਰਿਹਾ ਹੈ, ਖ਼ਾਸਕਰ ਇਸਲਾਮਾਬਾਦ-ਰਾਵਲਪਿੰਡੀ ਵਿੱਚ, ਅਤੇ ਵਪਾਰੀਆਂ ਨੇ ਸਰਕਾਰ ਨੂੰ ਗੁਹਾਰ ਲਾਈ ਹੈ ਕਿ ਦਰਾਮਦ ਤੋਂ ਪਹਿਲਾਂ ਕੀਮਤਾਂ ਕਾਬੂ ਵਿੱਚ ਲਿਆਉਣੀਆਂ ਪੈਣਗੀਆਂ ਨਹੀਂ ਤਾਂ ਆਮ ਆਦਮੀ ਨੂੰ ਰਾਹਤ ਨਹੀਂ ਮਿਲੇਗੀ।