ਪਾਕਿਸਤਾਨੀ ਨਾਵਾਂ ਤੋਂ ਪਿੱਛਾ ਛੁਡਾਏਗਾ ਬਲੋਚਿਸਤਾਨ, ਬਸਤੀਵਾਦੀ ਇਤਿਹਾਸ ਦੇ ਪ੍ਰਤੀਕਾਂ ਨੂੰ ਮਿਟਾਉਣ ਦੀ ਤਿਆਰੀ

ਨਵੀਂ ਦਿੱਲੀ, ਜੇਐੱਨਐੱਨ- ਬਲੋਚਿਸਤਾਨ ਵਿਚ ਇਨ੍ਹੀਂ ਦਿਨੀਂ ਆਪਣੀ ਗੁਆਚੀ ਹੋਈ ਸੱਭਿਆਚਾਰਕ ਅਤੇ ਇਤਿਹਾਸਕ ਪਛਾਣ ਨੂੰ ਮੁੜ ਸੁਰਜੀਤ ਕਰਨ ਦੀ ਇੱਕ ਅਨੋਖੀ ਅਤੇ ਭਾਵੁਕ ਲਹਿਰ ਦੌੜ ਪਈ ਹੈ। ਹਾਲ ਹੀ ਵਿਚ ਆਜ਼ਾਦੀ ਦੇ ਐਲਾਨ ਤੋਂ ਬਾਅਦ, ਖੇਤਰ ਦੇ ਨੇਤਾਵਾਂ ਨੇ ਵਿਦੇਸ਼ੀ ਸ਼ਾਸਨ ਤੇ ਬਸਤੀਵਾਦੀ ਇਤਿਹਾਸ ਦੇ ਹਰ ਉਸ ਪ੍ਰਤੀਕ ਨੂੰ ਮਿਟਾਉਣ ਦਾ ਇਤਿਹਾਸਕ ਫੈਸਲਾ ਕੀਤਾ ਹੈ ਜੋ ਬਲੋਚ ਜਨਤਾ ਦੀ ਅਸਲ ਪਛਾਣ ਨਾਲ ਮੇਲ ਨਹੀਂ ਖਾਂਦਾ। ਇਹ ਸਿਰਫ ਨਾਵਾਂ ਨੂੰ ਬਦਲਣ ਦਾ ਪ੍ਰਸ਼ਾਸਨਿਕ ਕਦਮ ਨਹੀਂ ਹੈ, ਸਗੋਂ ਸਦੀਆਂ ਦੇ ਸੰਘਰਸ਼ ਤੋਂ ਬਾਅਦ ਆਪਣੀ ਮਿੱਟੀ, ਆਪਣੇ ਸੱਭਿਆਚਾਰ ਅਤੇ ਆਪਣੇ ਸ਼ਹੀਦਾਂ ਪ੍ਰਤੀ ਸਤਿਕਾਰ ਪ੍ਰਗਟ ਕਰਨ ਦਾ ਇੱਕ ਭਾਵਨਾਤਮਕ ਯਤਨ ਹੈ। ਨਾਮ ਬਦਲਣ ਦੀ ਇਸ ਇਤਿਹਾਸਕ ਮੁਹਿੰਮ ਤਹਿਤ ਕਵੇਟਾ ਅਤੇ ਹੋਰ ਪ੍ਰਮੁੱਖ ਸ਼ਹਿਰਾਂ ਦੀਆਂ ਮੁੱਖ ਸੜਕਾਂ ਦਾ ਨਾਮ ਬਲੋਚ ਇਤਿਹਾਸ ਅਤੇ ਸ਼ਹੀਦਾਂ ਦੇ ਨਾਮ ’ਤੇ ਰੱਖਣ ਦੀ ਤਿਆਰੀ ਹੈ। ਹਸਪਤਾਲ, ਬੰਨ੍ਹ, ਖਣਿਜ ਪ੍ਰਾਜੈਕਟ, ਗੈਸ ਫੀਲਡ ਅਤੇ ਸਿੱਖਿਆ ਸੰਸਥਾਵਾਂ ਵੀ ਇਸ ਬਦਲਾਅ ਵਿਚ ਸ਼ਾਮਲ ਹਨ। ਬ੍ਰਿਟਿਸ਼ ਅਤੇ ਬਾਅਦ ਦੇ ਵਿਦੇਸ਼ੀ ਸ਼ਾਸਨ ਦੀ ਯਾਦ ਦਿਵਾਉਣ ਵਾਲੇ ਸਾਰੇ ਜਨਤਕ ਸਥਾਨਾਂ ਦੇ ਨਾਵਾਂ ਦਾ ਖਾਤਮਾ ਕਰਨ ਲਈ ਖੇਤਰੀ ਨੇਤਾਵਾਂ ਨੇ ਕਮਰ ਕੱਸ ਲਈ ਹੈ।