- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
- ਸ਼ਹਿਰ ਚੁਣੋ
- ਈ-ਪੇਪਰ
- ਵੈੱਬ ਸਟੋਰੀਜ਼
ਦੁਨੀਆ ਦਾ ਸਭ ਤੋਂ ਲੰਬਾ ਜਾਮ: ਚੀਨ ’ਚ 60 ਮੀਲ ਲੰਬਾ ਟ੍ਰੈਫਿਕ 12 ਦਿਨਾਂ ਤੱਕ ਰਿਹਾ, ਹਜ਼ਾਰਾਂ ਡਰਾਈਵਰ ਫ਼ਸੇ
ਇਸ ਭਿਆਨਕ ਜਾਮ ਦਾ ਮੁੱਖ ਕਾਰਨ ਸੜਕ ਉਸਾਰੀ ਦਾ ਕੰਮ ਅਤੇ ਕੋਲੇ ਨਾਲ ਲੱਦੇ ਹਜ਼ਾਰਾਂ ਟਰੱਕਾਂ ਦੀ ਭਾਰੀ ਗਿਣਤੀ ਦੱਸੀ ਗਈ। ਚੀਨ ਦੇ ਉੱਤਰੀ ਹਿੱਸੇ ’ਚ ਕੋਲੇ ਦੀ ਸਪਲਾਈ ਲਈ ਟਰੱਕਾਂ ਦੀ ਆਵਾਜਾਈ ਬਹੁਤ ਜ਼ਿਆਦਾ ਹੋ ਗਈ ਸੀ। ਨਾਲ ਹੀ ਸੜਕ ਦੀ ਮੁਰੰਮਤ ਅਤੇ ਉਸਾਰੀ ਦਾ ਕੰਮ ਚੱਲ ਰਿਹਾ ਸੀ, ਜਿਸ ਦੀ ਵਜ੍ਹਾ ਨਾਲ ਸਥਿਤੀ ਹੋਰ ਵਿਗੜ ਗਈ।
Posted By Anuradha Bains
Publish Date: Fri, 25 Sep 2026 11:54 AM (IST)
Updated Date: Fri, 25 Sep 2026 11:56 AM (IST)
ਡਿਜੀਟਲ ਡੈਸਕ, ਬੀਜਿੰਗ। ਸਾਲ 2010 ’ਚ ਚੀਨ ’ਚ ਦੁਨੀਆ ਦਾ ਸਭ ਤੋਂ ਲੰਬਾ ਟ੍ਰੈਫਿਕ ਜਾਮ ਦਰਜ ਕੀਤਾ ਗਿਆ ਸੀ। ਇਹ ਜਾਮ ਕਰੀਬ 60 ਮੀਲ (ਲਗਪਗ 97 ਕਿਲੋਮੀਟਰ) ਤੱਕ ਫੈਲਿਆ ਹੋਇਆ ਸੀ ਅਤੇ ਹਜ਼ਾਰਾਂ ਵਾਹਨ ਚਾਲਕ ਇਸ ਵਿੱਚ 12 ਦਿਨਾਂ ਤੋਂ ਵੱਧ ਸਮੇਂ ਤੱਕ ਫ਼ਸੇ ਰਹੇ।
ਕੁਝ ਡਰਾਈਵਰ ਤਾਂ ਪੰਜ ਦਿਨ ਤੱਕ ਜਾਮ ਵਿੱਚ ਫ਼ਸੇ ਰਹੇ। ਕਈ ਲੋਕਾਂ ਨੂੰ ਖਾਣ-ਪੀਣ ਲਈ ਨੇੜਲੇ ਪਿੰਡਾਂ ਦੇ ਲੋਕਾਂ 'ਤੇ ਨਿਰਭਰ ਹੋਣਾ ਪਿਆ ਕਿਉਂਕਿ ਟ੍ਰੈਫਿਕ ਬਹੁਤ ਹੌਲੀ ਗਤੀ ਨਾਲ ਅੱਗੇ ਵਧ ਰਿਹਾ ਸੀ।
ਜਾਮ ਦੀ ਵਜ੍ਹਾ
ਇਸ ਭਿਆਨਕ ਜਾਮ ਦਾ ਮੁੱਖ ਕਾਰਨ ਸੜਕ ਉਸਾਰੀ ਦਾ ਕੰਮ ਅਤੇ ਕੋਲੇ ਨਾਲ ਲੱਦੇ ਹਜ਼ਾਰਾਂ ਟਰੱਕਾਂ ਦੀ ਭਾਰੀ ਗਿਣਤੀ ਦੱਸੀ ਗਈ। ਚੀਨ ਦੇ ਉੱਤਰੀ ਹਿੱਸੇ ’ਚ ਕੋਲੇ ਦੀ ਸਪਲਾਈ ਲਈ ਟਰੱਕਾਂ ਦੀ ਆਵਾਜਾਈ ਬਹੁਤ ਜ਼ਿਆਦਾ ਹੋ ਗਈ ਸੀ। ਨਾਲ ਹੀ ਸੜਕ ਦੀ ਮੁਰੰਮਤ ਅਤੇ ਉਸਾਰੀ ਦਾ ਕੰਮ ਚੱਲ ਰਿਹਾ ਸੀ, ਜਿਸ ਦੀ ਵਜ੍ਹਾ ਨਾਲ ਸਥਿਤੀ ਹੋਰ ਵਿਗੜ ਗਈ।
ਜਾਮ ਇੰਨਾ ਲੰਬਾ ਸੀ ਕਿ ਕਈ ਡਰਾਈਵਰਾਂ ਨੂੰ ਗੱਡੀ ਵਿੱਚ ਹੀ ਰਾਤਾਂ ਕੱਟਣੀਆਂ ਪਈਆਂ। ਕੁਝ ਥਾਵਾਂ 'ਤੇ ਸਥਾਨਕ ਪੇਂਡੂ ਪਾਣੀ, ਖਾਣਾ ਅਤੇ ਹੋਰ ਜ਼ਰੂਰੀ ਸਾਮਾਨ ਵੇਚਣ ਜਾਂ ਮੁਫ਼ਤ ’ਚ ਦੇਣ ਲਈ ਪਹੁੰਚ ਗਏ।